Qulaani Saumingmit taliqpingmut: Elisapee Ishultuk, Anita Kakee, Elisapi D. Aningmiuq (anaanaga), Lucy Kakee, Paul Gordon, Jason Sudlovenick (aippara), Mary Wilman. Qitiani: Miali Coley-Sudlovenick. Sivulliit saumianit taliqpanut: Mark Ishulutak, Anika ColeySudlovenick, Okpik Coley-Sudlovenick, Sheepa Ishulutak, Jushua Ishulutak, Janet Merkosak.
Titiraqtirurniq qinnguaqtaujuksarnik qaiqqujaunikkut
PIRUQSANILIMAAGALANNIK, pijariatutsagalaqattalauqtunga ilautirasuariaq inigijaujunut qaiqqujausimananga. Uqausiqatunga atulauqsimajannik ujjiriluaqtinnanga namminiq najuutigiaq, kisianili ilangagut ippigusuppajujunga Inuunituinnara tunngasunngilauq pagianga. Ippinaqtutit takunnarningit uvannik qallungit annutsimajuqtitut, takusaumijaqtaunikkut qaningilluunniit uqapilugvaluttut. Nipiqanngikallanniq, isumavattunga nilliutiqanngitsiammarilluni qanuiligiarutituaritsiammarillugu. Uqausiqtaqariatunngigajuttuq qaujimajjutigilugu tunngasummangaaqpit tunngasunngimmangaappilluunniit.
Anaanaga saalatsaqsimallarittuq.
Anaanaga, taikkuatitut amisut ukiuqatitsajangillu, takusimallarittuq asijjikallaniujunik inuusirminni.
Makkuttugiangullunga, sapinnginnikka qutsittumiilauqtut alaggait siaqtutillu. Aturumaniqallarilauqtunga asijjiqtuigumallarinirmik ippinaqtumillu pigumaniqaqtunga timinni ikajuqsiniaqtumik asijjiqtuilirlunga. Ilautirnira pijjutiqalualauqtuq makkuttunik ikajurnirmik. Taikani tunngasunnira ippinaqattalauqtuq, qanukiaq, ilagijuujaa qattalaurakkit makkuttut qinirmijut tunngasuttitaunirmik. Kasuqpalliagu tigillugit iligiaqalauqtunga namminiq kinaunirnik Inuullunga Jamaicamiunik sivuliqaqtunga, piruqsimallunga ajjigiinngittuutinik takunnarniqaqtunik nunarjuaminni niriugijangillu ajjigiinngittuutijunik. Uqautigumavagit uuttuutigilugu qanuq initaarasuaqattaqsimmangaarma inuusirni.
Inuujunga. Anaanaga saalatsaqsimallarittuq. Anaanaga, taikkuatitut amisut ukiuqatitsajangillu, takusimallarittuq asijjikallaniujunik inuusirminni. Inuusimalluni nunaliralaarni, angunasuttimmarimmik ataatqaqtuni, sivuliqtiulluni, niqitsaqaqtitsijiullunilu amisuugaluaqtut piliriarivattangit, ataatatsiara Davidee Uluakallak pinnarijautsialauqsimajuq taitsumani.
Nuliaggarniulluni, nulianilauqtuviniq atiqarutinnik Miali Murray-mik. Uitaarumanngikainnalauqtuugaluaq sivullirmi uiggarniugami marruunnik sivuniagut, kisianili aippariit sialisilauqtuuk. Anaanaga 8-nik ukiuqaqtuminiq ilagiit Iqalunnuuqtuminiit, utilaarniaqtutit akuniunngittuq. Ilagiit nunataasijuminiit nunaliralaangutillugu Qallunaarnut aulataulluni utirumainnaqattalauqtutillu nunaliralaarminnut Ukiullivilluurmut.
Miali-Elise Coley-Sudlovenick. © Sandra Omik
Sivuliqaqtunga Jamaicamiutsajarnik. Ataataga nuttilauqsimajuq Kanatamut ilagiillu ukiuqaqtuni qulinik. Avalutausimainnalauqtuni tauttuqaqatiminut Jamaicami inutuusikallattuni puatikituangulluni ilinniaqtiuqatimini angijualummik asijjirutigilauqtanga. Ilauqataugumanirmut ataataga ajuinnarniqalauqtuq ilautiqpattuni sunalimaarnut Canadamiut piqqusinginnik. Ilauqatausimalluni Surusiit Silami Ilinniaqtiunut Canadami, Haakirnirmi, quviagijaqallariliqtunillu taanisiqtiunirmik, Audley akiuqtaqtulialauqsimajuq iqqanaijariaqtuni ilinniarialiqtunillu quviagillarittaminik taanisiqtiunirmik.
Sunaummata uvannuungajut unikkaarigunnalaqiutigijakka. Piuniq saunngittunga, ajunnginniqarniqsaunangalu. Tunijausimavunga pivitsaqaqtitaunirnit. Makkunniqsaulauramanik, qaujigumaniqainnaqsimajunga avatinniittunillu kamagijainnapattunga. Qaiqqujaugai gamasuliriqatigiittunut katimajunulluunniit, angiqpattunga.
Tukitaalauqsimajunga makkuttuullunga ilautirniq sunatuinnarnut pimmariugianga. Quviagilauqsimajara ilaullunga sitamanik arraagurnik Niviaqsiat Silamik Ilinniaqtinut Kanatami, iqailisarnirmillu ajjigiinngittunik ilauvattunga ammalu makkuttuullunga iqqanaijarasuaqattaqsimmammarittunga ilinniariiraigama.
Isumagillugit kingumut, summalli uvanga? Summat uvanga pivitsataaqtitausimavunga, suurlu maannarataangulauqtuq qaiqqujaunikkut titiraqtiruqtunga qinnguaqtauniaqtumik Obsidian Qinnguaqtauvingannut? Quviagilauqsimajara titiraqattarniq titirautigilugit ippinniagijakka pigiaqpallialiqtunga. Titiraqattaqsimajunga qautamaaqsiutinik unuqtummarinnik. Quviagiqattaqsimajakka titiraqtiuniq qaritaujakkut titirautigisimajullu qaiqqujaunira quvianarutigilualillugu. Immaqaa quviagijaqarnira titiraqtiunirmik ilitarijaujuminiq asinnut, taimaimmat saqqijaaqtitsinirivattara qaiqqujaugutiqaqsimavuq asinnut. Qaiqqujiniq isumagijaqatsiarialik tunisigumanikkut kisianittauq pititaugumaniqarmijuq. Angirniq qaiqqujaugummik tukisisimajarialik kiugunnarlunillu. Titirarunnalauqtara sivulliqpaarilugu qinnguaqtaujutsaq taijara “Paurngait”. Takunnaqtaugunnaqtuq CBC Gem-kut ululinginni 21 Black Futures, qujannamiirvigillugit qaiqqujigutigisimajangat Obsidian Qinnguaqtauvingatta.
Kinguvaarijaullunga sivulikkanut qallunaarnut aulatausimajunut, tukisisimavara pimmariuninga qaiqqujauniq. Pivitsaqaqtitauniq ingiqataugunnarluni nalimugiinnikkut atuqtainnarigialivut. Qanuittuugaluaruni, qaiqqujaunikkut iqqanaijaatsarmut uutturaqujaunikkut, qaiqqujaunikkut katimajunut, uqariaqtuqujaunikkut, naalagiatuqujaunikkut, qaiqqujauniq tunirrusiatsiavaaluk tuniqrusiutiugiagaq tunillu. Niriuppunga qaiqqujauguvit, takuniaraviuk pivitsaqaqtitau nirnik, piruriakkannirutitsarigianga, iligutigilugu piruqpalliagutigilugulu kasuumatsiarutigijarni ilauqataunirijarnillu.
© Frank Reardon
