Nuvipiri 5, 2026 — Ottawa, Ontario
Inuit Tapiriit Kanatami quviagijaliit Kiinaujanik Atuqtuksanik 2026−mi tusagaksaliarijaujunik tamaaniitunik $575 millijannik atuqtuksanik talimanik 5 arraagunik saqitittinirmut pitaqainnarnialiqtunik Inungnuinnaq−turaangallutuqtunik inangiijjutiksanik taijaivalauqtunik Inuit Surusiit Sivulliujjauninginnik Ikajuutauvalauqtunik.
Taakkua nutaat ikajuutiksait Pirutsiagutiit, sanajaulauqtut tamainnut Inungnut Kanataullu Gavamakkunginnut, sivullirmi isumagijauqaalauqsutik Inungnut Kanataullu Gavamakkut Ilagiingninginni Katimajiralaani, tamani 2018−ngulauqtumi. ITK-kut sivuniagut kiinaujait atuqtuksauninginnut tuksirausiarilauqtangit pitaqaqujilauqtut tamaaniiqujilaurniq $600 milijanik kiinaujaksaqaqujinik aturniaqtunik talimanik 5 araagunik.
Tusagaksalianguningit nalunaijaivut asijjiqtauninnginnik Surusirnik Sivuliujjinirmik Ikajuutauvalaurninginnik, aulatauqattaqtunik nunalituqait pijittiraqttauninginni Kanatami, taijauliqtunik Piqutsiagutit, aulatauliqtut Inuvialuit Aviktuqsimaninginni Kuapuriisakkunnut, Nunavut Tungavikkut Timiqutinginnut, Makivikkunnut, ammalu Nunatsiavut Gavamakkunginnut, tikkuaqtausimaninginnilunnit taikkangat, pigiarviksaqaliqtunik tamani Iipu 1, 2027-mi.
Ilitarijausimagamik iniqatsianiqpaanguningit tukisiumattiarunnarnirmut qanuq ikajuqtaujariaqarmangaata qitungangit surusit ammalu ilagiiktut, qanuqtuurutiksaniktaujariaqarninginni maliktunik qanuilingallaringninginnik nunalingni.
“Kiinaujaksaniktaujunnarningit Pirutsiagutiit aturlutik ullumi Kanatamingaaqtunik kiinaujaksaniktaujunik aturlutik pimmariungmat piliriarijattinnik ilagilugu Kanata saqitittinirmik naliqqagijauilirunnarninginnik Inuit. Tamakkua ikajuutiksait asijjiilutaujunnaqtut Inusinginnik Inuit surusiriit. Sivummullu turaaqpallialuta angumaqataujunnarnirmut piliriqatigiinginnarunnarniq ikaajutiqattianiarmata taimak piniarutaujunik maliglutik,” uqalauqtuq ITK−kut angajuqaangat, Natan Obed.
ITK−kuttaqu naamaksaanilaungitut turaangajunik Inungnuituq pitaqanginingit makuninga pimmariuniqarmijunik:
- Kiinaujaksaniktausimaningit Niqittiavaksalirinirmut Kanataup uangnaqpassingani suli atuutiqammaringimata maannaujuq atuqtauninginni, tukisiniarviqaratik kiinaujaksaniktaungaarunnarningit qanuiliurutaugiarunnarnirmut aaqiumaninginni asijjiqtaujariaqaqtillugit aturunniiqtitauqullugit niqiksaqattiarunnailivangninginnut Inuit Nunanginni.
- Pimmariuningit tusagaksaliat Kanatami isulittijumaniq angirraqannginirmik tamaani quliniuniaqtunik 10 arraaguuniaqtut iluani ilaqangimmata qanuq tikiutijunnarajarniq tamakkuninga Inuit Nunanginni. ITK-kuttauq kissiani, unikkaarviuninginni Kanatamik uqausiqarivut pimmariuninginnik isumakkut qanuigiaqanginnik aaniarutaunirmik, uirinnaqtuqarunnarnirmiglu, ammallu inuusilirinirmut ikajuutiksait pimmariuniqarninginniktauq, isulittijunnaqsiniarutta angirraqanginirmik.
- Niqiksanik niuviutiksanut akikigligiaqtaujunnarningit Kanatami ikajuutiksait ilaqangimmijut qanuilingallaringninginnik isumagijausimajarialiit niuviaksait akituninginni ammalu inuujjutiksait akituninginnik Inungnut Inuit Nunanginni. ITK−kut sivuniagut−kiinaujait saqititaulaungininginni tuksirautigilauqtanginnut ilagijaulauqptut pigiaqtittiqujilutik kiinaujaliurutauqattarninginnik qaujisarutiqarlutik tamaani $7,500−nik utirviuqatarunnautiksanik pigiaqtitauqujillutik taaksijaqtauvviuliraangat arraagutamaaq Inungni.
- Kiinaujait atuqtuksait tunijaunajaqtut tamaani $30 pilijannik nunaqaqtutuqaujunut piqutirjualiurutiksaqtaaqput, igluksanginut, uqausiusimangittiaqsutik ikajuutaujunnaqtut tamakkununga Inungnut turaanganajaqtunik, taikkualunniit $1 pilijanngulauqtut saqitittijjutiksait ITK-kunnut tuksiraqpagiirutaulaurmijut, sanarrutaunajaqtut Inuit Nunaqutinginni piqutiksanik.
- “Inuit tigumiaqtiugamik Kanatamik nunaqutiqaqtitsininginnik. Kiinaujaksaniksivangningit Inuit Nunanginni pijjutiqaqput kiinaujaksanikssivangniqtauq Kanatamik. Sanianik quviagilugit ikajuusiaksaniktaunialiqtut Pirutsiarutinik, nirutuniqsamik isumagillugu kajusigiatiakkannirutaujunnarningit nunalittinni saqiumangimmata taakkua taimailinganinginni kiinaujait atuqtuksait. Pimmarialungnik kiinaujaksanikgutauniaraluaqsutik piliriaksanut sanajaujunnaqtunut, naammangiluarmata suli. Kiinaujaksaniktaunnginingit sanajaujunnarningit piqutinik piusigiarutaujunnaqtunik Inuit Nunalinginnik ulurianarutaugivut tamaaunga ilunnaini nunarjuanganu Kanataup,” uqalaurivuq Obed.
ITK-kuttauq tapirijauqattainnaqtut kiinaujaksaniksiniarutik aaqiumaqujauvaktut maliktunik Inuit Nanangani Atuagarijaujunik, tukisinatsiarniarmatik kiinaujaksanik tunisilirutik ikajuutiksanik Inungnik sapunniaqtiit timiqutinginnik. Isumagilugit aulatauvangninginni, maliktauvangitillugut atuagarijaujut, pijjutauliqpaktut atuutiqattiaruniirunarniq ammalu tukiliuqtauttiarunarninginnik ammalu kinguvarutaujunarniq ammalu ikajuutaujunarnik Inungnut.