Sitipiri 10, 2026–Kuujjuaq, Nunavik
Ciera Avinga Lee-Kooneeliusie ilitarijaujuq tunijauluni 2026-mi ilitarijaujjutinik Inuit Piliritiaqtualuuvangninginnut taikangat Inuit Tapiriit Kanatamik. Siviliungmat taana arnaq Inuk aulattijigijaujuq taikani iqanaijarvingani Kanatami Sigjaqpassingni Nautiqtuijinni Imarmi Umiakkut Ikajuqtinginni Nunavummi, taimaak, Lee-Kooneeliusie tapirijauvakpuq nunalingmiunut aulattijinik ilitaqsivaktunik Inuit Qaujimajatuqanginnik, iliqusituqanginnik ammalu sivulliqpaujjaujarialingnik Kanataup Sigjaqpassianik aulatauvaktunik , ujjiqtutsiaqsuni ikajuutiksait kamagijauttiariaqarninginnik maliglutik Inuit qaujimajanginik, ammalu qaujimaninginnik nunanginnik.Maliktauvaktunik CCG-kut Sigjaqpassilirijikkunginnut ajurunniiqsautiksanginnut ammalu aulattivangnininginnik qanuiliurunarniq atuutiqarniqsauniaqtunik iliqusituqanginnut ammalu nunalingnut ikajurniqarniaqtunik.
Ullumi, ITK-kut katimarjuarninginni Kuujuarmi, ITK-kut angajuqaangat Natan Obed tunissiqaujuq ilitarijaujjutinganik taassuma Lee-Kooneeliusiup, ilauqagami katimajuni qaritajakkut.
Piruqsajaunik Panniqtuurmi, Nunavut, Lee-Kooneeliusie maanaujuq iqanaijaqpuq Akuni Qaujissaqtini Aiksiqpaktunniglu Kanatamiut Sigjaqpassinginnik iqanaijarvingani. Ammatauq sivuliqtiussinaat Qiniqtinginnik, taanna kamajiuvangmijuq taikani aaniqsimajunik akausaigiaqtiukautigivangniq ammalu ammalu kamijiuluni atuqtauniaqtunik ajurunniqsautiksanik maligialingni Inuit Qaujimajatuqanginnik, taikuningalu ikpigusutiaqtunik nunalingni qanuilingalaringninginnik.
ITK-kut tunissiqataqsimangmata arraagutamaaq ilitarijaujjutik ungataani 20 arraagunik. Tamaani 2023-mi, pilirianginnik pijunaqsilauqtut Inuit kinakutuinnait niruagaksaliurunaqsiniq kinatuinarmik pilirrittiaqatainnaqtualungnik sivuvariarutaujunaqtunik Inungnut ingminik-aulattijiujunarnininginnut. Tamaani 2026-mi tunijausimalauqtut 41-nik niruagaksaliurutaujunik. Sivuniagut tunijausimavut ikajuutausimajunik pijjutilingnik makuktunik, arnanik, uqausilirijinik, iliqusilirijiniglu, aaniaqtulirijikkunnik, innatuqarnik, utiqtittivaliasimajunik iliqusituqarijauvalauqtinik, Inuit Qaujimajatuqanginnik ammalu ikajuqtiuvaktunik akiliqtutvagatik.
Arraaninissaq tunijaulaujuvuq ilitarijaulluni Diana Neill-Anawak, Nunavumiutaq uqariuqsatitijiujuq iliqusituqarmigut uqarunaqtittivalianirmik ikajuqtiujuq. 2024-mi, tunijaulaurmijuq Julie-Ann Berthe, pairijiuvaktuq ammalu uqausilirinirmik qaujimajitarijauvaktuq Kuujuaqmi, Nunavut.
Lee-Kooneeliusie tunijauniqtuq $2,500-nik kiinaujanik ammalu aulaarutiksangninnik, akiliutiksanginullu Ottawaliarutiksanginnut Tapiriikunnut tamaani 2027-mi.