Sitipiri 11, 2026 – Kuujjuaq, Nunavik
Inuit Tapiriit Kanatami Katimajingit niruaqput sanirvainiq $88 milijanik ungataani turaangajunik Inungnut Kanatamingaaqtunik avatilirnirmut ammalu piusituqalirinirmut kiinaujaksanik taikani isumaliurutaulutik katimaningini Kuujjuani katimaninginni tamaani Sitipiri 9-mi.
Taikkua nutaanik Inungnuluttuq-turaangajut avatilirinirmut kiinaujaksait sanginiqtaarutaukkanirniaqtut Inungnut-aulataujunik atulirunarniq piustuqalirinirmik ammalu avatilirinirmik sapunniarutiksalirnirmik pilirijunarniq. Tamakkua ilaqarniarmijut $51 milijanik taikuninga Inuit Nunaarutimigut Katujjitiqatiingagut akiliutiksait nunanginni Inuit Nautiqtuijinginnik, pigiaqtitaulauqsimajunik 2018-mi, pimmarialungnik atuutilingnik Inuit aulatijiujunarninginnik nunaqutinginnik, imaqutinginnik, sikumiglu naliangnituinnaq Inuit Nunanginniituni. Nautiqtuijiit qaujisjarunnarmata avatinginnik, avatimiutanginniglu, aaqiumaninginnik iliqusituqarmigut atuqtauvangninginni inningit, sapuniaqtaulutiglu aktuqtausarainingin nunait ammalu ummajuqutingit, ikajuutiksaillu turaangajut iliniarutaulirunaqtut Inuit qaujimajatuqanginnik Innatuqarnik, makuktuqutinginnut.
Kiinaujaksaqarniarmijut tamaani $33.3 milijanik Nunalituqait Ilagijauvangninginni Avatilirinirmik ikajuutiksanik Inungnut aulatauniaqtunik, amma suli tamaani piniarillutik $4 milijanik Inuit-Kanataullu sivuliqtinginnik ikajuutiksanik, ilagijaugamik Inungnut-Kanataullu uqaujjigiaqtiit katimajinginnut kajusiaqtiullutik tamainik Kanatami Inuillu sivuliqtingit avatilirnirmik pinassuarutilingni, sivulliujjauqujanginnik pilirianguqujaunik maliglutik.
Nirualauqtut katimaninginni taikani niruaqssutik sanirvaijumaniq $130 milijanik Nunaligjjuarni, Inugianginniqsanillu nunalingni, Ukiuqtaqtumillu Iglulirinirmik Qanuiliurutiksanik Inungnungaujunnaqtunik katujjiqatigiingmiguurlutik. Tammakua ilagijauvut 780 millijannut atuqtauninginni Nunalituqait ajjigiingituutinik angirutilingnik, Inungni, allani ammalu Allangajuni. Ilagiarutaungmata $197 millijanik kiinaujaksaniktaulaurninginnik 2025-ngulauqtuq. Atuqtaujuksait kiinaujait tukiliurutaunirmut atuutiksaqarmata piuniqpaanik qanuq igluqaqtittigiarunarninginnik Inungnik, naniikaluarutik Kanatami.
Katimajiit nutaanik tusaqtitaulauqtut piliriarijaujunik ITK-kunnut, Inuit Katujjiqatigiinginnik ammalu Kanataup gavamanginnut taikuuna Kanatami Tungaviujunik maliganginnik pijjutiqaqtunik atuliqtitivalianiq inangirutiksanik Inuit Surusinginnik Sivullirmi Ikajutiksaujunik. Inuit tuksiraqsimangmata gavamakkunik sanirvaiqattaqujiniq taimangat kiinaujaksaniktaujuksanik nutaanik inangiijutiksanut turaanngajunik Inuit surussit piqataujunariaqarmata aaniaqtulurinirmut, iliniaqtulirinirmut, assinginniglu pitaqarialingnik piqutinik, pijittirautinik akiqasuungujunik ammalu ijajuutiksanginnik atuinaulutik.
ITK-kut Arragutamaaq Katimarjuarninginni Sitipiri 10-mi, katimajiit iqaumalauqtut Nunarjualimaami Ingminiqtittitailimanirmut Ulurijamik, ammalu qulinik 10 arraagunik naliutivinganik Kanatalimaami Inuit Irngminiiqtittitailimanirmik Qanuiliurutaujunaqtunik. Katimajiit ilitaqsilauqtut aniguqtunik qulinik 10 arraagunik piunginniraittuinaqujinginniq ingminniirassuaqqatarnirmik, ikajuutiksait ikpigijaulutik Inungni isumakkut ikajuutaujunaqtut, nirutunisakkuluk ilitarijauvaliaqullugit kiinaujait aturunarningit qanuqtuurutiksanut pimmariuniqpaanguqataujumik aaniaqtulirinikkut aksuruutauvaktunik Inungnut.
Katimajaqtuqsimajut uqausiqalauqtut Juni 2026-mi saqititaulauqtunnik Inuit Nunaginni Ajuqsarutauvaktunik Mikigligiarutiksanut Qanuiliurutiksait, Inungnut-aulataujut qanuiliurutiksaliarisimajangit, piijaqtauqulugit Inuuqatigiiktuni kiinaujaliuqataujunarnirmut ajurutauvaktut pitaqarunniqtitauvalialutik Inuit nunait aviktuqsimaninginni ammalu Kanatalimaami Inuit Atuagaliangit tungaviulutik qanuqtuurutaulutik ataqatigiingninginnut tammakkua ajuqsarutauvaktut Inungnut Inuit Nunanginni.
Tunganalauqtut taamani pinasuarussirmi Ministangat Kanatami-Nunalituqaillu Piliriqatigiit Katimajinginnik, aturuniiqtitauninginni taikkua NunatuKavut Nunalingni Katimajingit (NCC-kut) Ilitarijauvalaurningit Nunalituqait Pijunnautiqarninginnik ammalu Ingminik-Aulattijiuniqarninginnik, angiqatigiigassuaqtiuvaktut katimajinginnik, tagvuunga tukissiniaqtiuvaktunik Kanataup Maligarjuanginnik 35-mi pijunautiqarningit-tungaviuvangmata angirutiliurunnaqattarnirmut. Katamajaqtuqsimajulimaat taikani tamainnik angirutiqalauqtut piniarniqainnarumaniq Kanatamik kiinaujaksanik, akiqasuungujuniglu akiliutiksanik ilaujunautiksanginnik ammalu ikajuutiksanginnik turaangajunik Inungnut uvvaluuniit Nunalituqaujunuttauq Kanatami aqsaaqtauttailimajariaqarninginni assiminut suurlu taikkutituna NCC-kunnut, assiagulluniit pirajagutaulutik tiguuqaqtauvalaurninginnik taimaniaruniirlutik sivuniksami.
ITK-kut kinguniagut tamatuma Arragutamaaq Katimarjuarumaalirivut taikani Nainimi, Nunatsiavut, 2027-nguliqpa.