Skip to main content
Tusaqtitsijjutiit

Inuit Tapiriit Kanatami ammalu Kanataup Gavamakkungit tusagaksiliuqput taijaujunik Pirutsiagutiit, nutaat Inungnut-aulatauniaqtut ikajuutiksait Inuit qitutnganginnik surusirnik

By November 18, 2026 No Comments

Nuvipiri 18, 2026 — Ottawami

Ullumi Inuit Tapiriit Kanatami (ITK-kut), ilaqaqsutik Kanataup Gavamanginnik tusagaksaliuqaujut saqitittiniq taikkuninga taijaujunik Pirutsiagutiit Kanatami Tungaviksanginnik (Tungaviksait).  Nalunaijaijjutinik Kanatamut, Inuit Nunataarutimigut Timiqutinginnik ammalu ilagijauvaktunut assinginnik qanuq taikkua Pirutsiagutiit, atuliqtitaunialirniq Inuit qiturnganginnik surusirnik ikaajuttiit Kanatami.

Saqititauningit Tungaviksangit pijittirainirmut atuqtaunialiqtut nutaat Kanatami inangiiniaqtut kinguviilutik atuqtaukainnalaurninginnik taijaujunik Inuit Qiturnganginnik Sivuliujjiniq kissiani suli piniarutauvut ujjiqtutsiarumanirmut Inuit qiturngangit pijjujjaujunarninginnik aaniarviliarunaqatarniq, inulirikkutigut ikajuqtaujunarniq ammalu iliniarutiksanginnik piqutikkut, pijittirautikkut ammalu ikajuutauvaktukkut.

Kiinaujait atuqtuksait 2026-mi pigiaqtittijumavut tamaani $575 milijanik aturniaqtunik talimanut arraagunut pigiarlutik 2027-28-mi,  aturniiqtitaulutik taikkua Inuit Qiturnganginnik Sivuliujjiniq ammalu ikajuutauvalaurningit assijiataugamik taijauliqtunut  Pirutsiagutiit, saqititausimajunik ilaglauqtunut Inuit Tapiriit Kanatami  taikkualu sitamait Inuit Nunatarutiminut Timiqutinginnut, Inuvialuit Aviktuqsimaninganni Kuapuriisait, Nunavut Tunngavikkut Timiqutingat, Makivvikut ammalu Nunatsiavut Gavamakkut.

Taimainnik Inuit nutaralimaat piviksaqattiariaqarmata piruqsajauttiarunarniq, ilinniarunarniq, ammalu qanuingittiarlutik kajusijunarlutik. Kissianili suli amissut Inuit qiturngangit saangavakput ajurutinik aaniarviliarunarniq, ilinniarunarniq, inuusinginnilu ikajuqtauqattarunarniq.  Pirutsiagutiit ikajurniqarniaqtut aaqigiaqtaujunarniq maanaujuq gavamakkut ikajuutittinginnik, pijittirautinginniglu, taimaak Inuit qiturngangit surussit aturunarniarmata piqataujunarlutik piqutiqarialingmigut, pijittiraqtaujjutiksanginnullu ammalu ikajuutaujunarlutik pissimajarialinginnik maanaujuq ajurnaqpaktunik naamajunik ikajuqtaujariaqarninginnik.

Ilitarijauningit Inuit qaujimaniqpaanguningit qanuq ikajuqtaujariaqarninginnik qiturnganginnik, ilanginniglu, Tungaviksait sivulliujjiliqput Inuit ingminnik-isumaliuqtiuninginnik maligaqtigut nunamini, tukiliuqtiulutik qanuq ikajurunarniq surusinginnik atuni aviktuqsimaninginni ammalu atuni nangminiq-gavamaqarninginnut angirutinginnik maligunnarniq.

Tamanna tagga pimmarialuuvuq sivumut ikpigusuttiarunarniq ammalu ikajuqsuivaliarnirmut Inuit ingminik-tukiliuqtiujunarninginnik, Inuit aulattijiuninginnik ammalu ajurutiqarunniiqpalianinginnik, maliktunik Inuit Nunaganik Atuagarijangit.

Pirutsiagutiit pigiarniaqtut tamaani Aipu 1, 2027-mi Inuillu Nunataarutinut Timiqutingit piliriqatiarniaqtut ikajuqsuqtaulutiglu Nunalituqarnik Pijittiraijinginnut Kanatami, kajusigiaqtitaulirutik nutaat tamakkua ikajuutiksarijaunialiqtut.

Uqausiusimajut

“Inuit nutarangit surusiit akuniluaq saangalirmata ajurutauvaktunik aturunarninginnik aaniarviliarunarniq, ilinniarutilirijunik ammalu inuusinginni ikajuutinik pitaqarialingnik. Pirutsiagutiit saqititauvut pimmariujumik assijjiiniq atuqtauvangnialiqtunik atuqtautuinakanajaarunniirninginnik, tungaviqarniqsaunialiqtunik ikpigussuktunik Inuit ingminik-isumaliuqtiujariaqarninginnik, Inuit Nunatarutimigut Timiqutigijangit ilagijaularingnialirmata qanuq ikajuutiksait atuinauvangnialirniq. Tamanna pijjutilik piusigiarutaunirmut pijittirautiit ungataanuungajunik; pijjutiqarmat ujjiqtutsiarniq Inuit tukilingni nalunaijaijiuvangninginnik turaangajunik qanuingittunarninginnut surusiqutingit, sivuniksaqarunarningillu qiturngangit.”

Natan Obed

Angajuqaangat, Inuit Tapiriit Kanatami

 

“Inuvialuit Aviktuqsimaningani Kuapuriisangat ikajuqsuivuq Pirutsiagutinginnik, ammalu Inungnut aulatauniaqtunik, tamannalu tungaviuninga pigialisaarutaulisaarninganut, taimailinganinga pijjutaujutuungilaq. Piliriqatigiinnarniaqtavut Nunalituqarnik Pijitiraijingit Kanatami, saqititauninginni ammalu Kanata maliquluni piniarnirminik Inuvialuit qiturnganginnik ikajuutiksanik tamainitsiaq tamakiqtunik Ilainaaratik.”

Erwin Elias,

Iksivautangat ammalu Iqanaijarvingani Angajuqaangat, Inuvialuit Aviktuqsimaningani Kuapurisaakut

 

“Inuit qiturnganit ikajuqtaujunarialiit aaniaviliarunarlutik, ilinniarunarlutik ammalu inuunsinginnik ikajuqtaujunarlutik pijariaqaliraangamik, naniikkaluarutik nunalingni. Amisuuluarmata Inuit ilaagiktullu Nunavummi suli saangavaktut ajurutauvaktut tamakununga pijittiraqtaujunarniq. Pirutsiagutiit pimmariuvut qanuiliurutaunirmut pitangiluarninginnut, ammalu Inungnut pimariujunik isumaliuqtiujunarninginnik aktuivaksutik qiturngatinnik. Sivumut niriukpugut piliriqatiqarumaniq Kanatami ujjiqtutsiarniaratta ikajuutiksaniktaujut tamakua angumaqulugit Inuit qirurnanginnik, ilagijanginiglu ikajuqtaujarialingnik Nunavummi.”

Gloria Uluqsi,

Angajuqaaq, Nunavut Tunngavik Timiqutingat

 

“Qiturngavut sivuniksarijavut Nunavingmi, ammalu tamainnik tunijaujunaqulugit piviksanik piruttiarunautiksanginnik, iliniarunarninginnik ammalu kajusivalliattiarunarninginnut turaangajunik. Pirutsiguttiit quviannamarikput sivuniksamut atulirutik, Inuit sanginniqsaulirniarmata tukiliurijiunirmik qanuituinik pijittiraijunarniq ammalu ikajuutiksaqaqtitsijunarniqn qiturngatinnut ilagiiktunullu kajusitsiarunarniarmata. Tungaviulutik Inuit qaujimaningit, pijjujiivagiiqtugut sanginiqsaujunaqtunik sivuniksaqarunarniq surusittinnut ammalu kinguvaarijumaarmijattinnut.”

Pita Aatami

Angajuqaaq, Makivvikut

 

“Nunatsiavut Gavamait tungasuktitsivut tusagaksaliarijauninginnik pinguqtitaunialiqtunik talimanut arraagunut ammalu ilitarilugit piviksanga tamatuma pitaqarutaunialiqtuq nalunanginniqsanik kajuutiksarnialiqtunik ammalu pilariujunaqtunik tungaviksaqarnialiqtunik ikajuutaulutik isumaksaqsiurutautiaqtunik tukiliutsiaqtuniglu kamagijauvagiiqsumajunik tamainut ilagijaulauqtunut saqititauvalianiaqtunik kamajiulaurninginnik Pirutsiagutiit. Qaujimajugut tamakkua pilirianguningit pivaksaqatsiariaqarniaqtut, ajurnaqtukuurutautailimajariaqaqtut, tuaviarijautaililutik, pijarriiqtauviksaqarninginnut arragumi, piviksaniktausimajunulluunniit kiinaujaliriniq pijjutauninganut. Taimaak ajurnarnianngimat Nunalituqait Pijitirautinginnik Kanatami Inuillu aviktuqsimaninginnik iqaniajattiarunarniarninginnut, ilagiiglutik isumagilugit ikajuqtaujariaqarningi Inuit qiturngangit surusiit, amigautaujullu ikajuutiksait pitaqalirutik, naliqagijaulutik ikajutaujunariaqarmata aaniaqtulirinikkut, qanuinginiqssaulirunarninginnullu pitaqalirutik tammakua gavamakunnut saqititauningit aaqiumajuq, pijitirautiilu, ajjiqanginingilu assinginnik nunalingni tamaani, aulattijiujunarninginnik angiqatigiigutauvangitunik pijjutilingnik, ammalu ajauqtaulutauvaktunik Kanataup aviktuqsimanginnik kiinaujaksaniktauvangninginnik ikajuutiksait.”

Johannes Lampe,

Angajuqaaq, Nunatsiavut Gavamait

 

“Pirutsiagutiit saqiumatitauvut arraagugasangnik piliriqatigijaulutik Inuit Tapiriit Kanatami ammalu Inuit Nunataarutinginni Timiqutingit ikajjutiksani pitaqaliqujiniq maliktunik Inuit qaujimaninginnik, sivuliqtiuninginnik ammalu sivulliujjauqujanginnik. Upigijara atautikut uvagut sanaqatigiilaurniq, qanurlu tamakkua aktuqsijunarmangaata Inuit qiturnganginnik surusinginnik ammalu ilagijanginnik. Uka nutaat ikajuutiksait pimmarialungmi sivuvariarutauvut Inungnut isumaliuqtiuvangninginnut isumgijauttiariaqarninginnut ammalu ikajuqtaujariaqarninginnut qiturngangit, piusiqarlutik maligunarniq nangminiq qanuilingalaringninginnik nunamini ammalu iliqusinginni ikpigusuglutik.”

Niruaqtausimajuq Mandy Gull-Masty

Ministangat Nunalituqait Piritirautinginnut

Nainaarlugit Sulijut

  • Tamanna Inuktitut uqausiq, Pirutsiagutiit, tukilik piruqsaitiarutiksanik atuinaqarniq surusirnut turaangajunik, isumagillugit aanialiqtailimaqujinik, ammalu qanuingittiaqujiniq.
  • Pirutsiagutiit Kanatami Tungaviksait saqititaulilauqtut atuliqtitauninginni aaqiumalutik aturniaqtut akuniuniaqtumut, inungnut-kamagijaujut inangiqsiniaqtunik atuqtaukainalauqtunik Inuit Qiturnganginnik Sivuliuninginnik ikajuutaulauqtunik.
  • Pirutsiagutiit ingmiguungavut Inungnut turaangalutik, ajjiqanginnamik Inungnut aulataulanganinginnut.
  • Inuit Qiturnganginnik Sivuliujjiniq pigiaqtitaulauqtut taikani 2018-mi Ilagiiksutik Inuit ammalu Kanataup Gavamakkungit ikajuutiksait Inuit qiturnganginnik surusirnik takujauqattarunarniq anniarvingni, ikajuqtaujunarniq ilinniarunarnirmut ammalu inuusinginnik ikajutaujunarniq pijariaqarutik, akuniunialiqtunik aturunarnialiqtunik.
  • Inuit Nunangat nunagijauvuq Inungnut nangminiq Kanatami. Amisuuniliit nunangit 51-nik, sitamanik aviktuqsimajunik, anginilingmik qanigijangani 40% pusantinik Kanatalimaap nunaaluanik ammalu 72% pusantinik anginilingmik Kanatalimaap sigjaqpassiuningannik.