Skip to main content
ᑐᓴᖅᑎᑦᓯᔾᔪᑏᑦ

ᐃᓄᐃᑦ ᑕᐱᕇᑦ ᑲᓇᑕᒥ ᐊᒻᒪᓗ ᑲᓇᑕᐅᑉ ᒐᕙᒪᒃᑯᖕᒋᑦ ᑐᓴᒐᒃᓯᓕᐅᖅᐳᑦ ᑕᐃᔭᐅᔪᓂᒃ ᐱᕈᑦᓯᐊᒍᑏᑦ, ᓄᑖᑦ ᐃᓄᖕᓄᑦ-ᐊᐅᓚᑕᐅᓂᐊᖅᑐᑦ ᐃᑲᔫᑎᒃᓴᐃᑦ ᐃᓄᐃᑦ ᕿᑐᑦᖕᒐᖕᒋᓐᓂᒃ ᓱᕈᓯᕐᓂᒃ

By November 18, 2026 No Comments

ᓄᕕᐱᕆ 18, 2026 — ᐋᑐᕚᒥ

ᐅᓪᓗᒥ ᐃᓄᐃᑦ ᑕᐱᕇᑦ ᑲᓇᑕᒥ (ᐊᐃᑎᑮᑯᑦ), ᐃᓚᖃᖅᓱᑎᒃ ᑲᓇᑕᐅᑉ ᒐᕙᒪᖕᒋᓐᓂᒃ ᑐᓴᒐᒃᓴᓕᐅᖃᐅᔪᑦ ᓴᕿᑎᑦᑎᓂᖅ ᑕᐃᒃᑯᓂᖕᒐ ᑕᐃᔭᐅᔪᓂᒃ ᐱᕈᑦᓯᐊᒍᑏᑦ ᑲᓇᑕᒥ ᑐᖕᒐᕕᒃᓴᖕᒋᓐᓂᒃ (ᑐᖕᒐᕕᒃᓴᐃᑦ).  ᓇᓗᓇᐃᔭᐃᔾᔪᑎᓂᒃ ᑲᓇᑕᒧᑦ, ᐃᓄᐃᑦ ᓄᓇᑖᕈᑎᒥᒍᑦ ᑎᒥᖁᑎᖕᒋᓐᓂᒃ ᐊᒻᒪᓗ ᐃᓚᒋᔭᐅᕙᒃᑐᓄᑦ ᐊᔅᓯᖕᒋᓐᓂᒃ ᖃᓄᖅ ᑕᐃᒃᑯᐊ ᐱᕈᑦᓯᐊᒍᑏᑦ, ᐊᑐᓕᖅᑎᑕᐅᓂᐊᓕᕐᓂᖅ ᐃᓄᐃᑦ ᕿᑐᕐᖓᖕᒋᓐᓂᒃ ᓱᕈᓯᕐᓂᒃ ᐃᑳᔪᑦᑏᑦ ᑲᓇᑕᒥ.

ᓴᕿᑎᑕᐅᓂᖕᒋᑦ ᑐᖕᒐᕕᒃᓴᖕᒋᑦ ᐱᔨᑦᑎᕋᐃᓂᕐᒧᑦ ᐊᑐᖅᑕᐅᓂᐊᓕᖅᑐᑦ ᓄᑖᑦ ᑲᓇᑕᒥ ᐃᓇᖕᒌᓂᐊᖅᑐᑦ ᑭᖕᒍᕖᓗᑎᒃ ᐊᑐᖅᑕᐅᑲᐃᓐᓇᓚᐅᕐᓂᖕᒋᓐᓂᒃ ᑕᐃᔭᐅᔪᓂᒃ ᐃᓄᐃᑦ ᕿᑐᕐᖓᖕᒋᓐᓂᒃ ᓯᕗᓕᐅᔾᔨᓂᖅ ᑭᔅᓯᐊᓂ ᓱᓕ ᐱᓂᐊᕈᑕᐅᕗᑦ ᐅᔾᔨᖅᑐᑦᓯᐊᕈᒪᓂᕐᒧᑦ ᐃᓄᐃᑦ ᕿᑐᕐᖓᖕᒋᑦ ᐱᔾᔪᔾᔭᐅᔪᓇᕐᓂᖕᒋᓐᓂᒃ ᐋᓂᐊᕐᕕᓕᐊᕈᓇᖃᑕᕐᓂᖅ, ᐃᓄᓕᕆᒃᑯᑎᒍᑦ ᐃᑲᔪᖅᑕᐅᔪᓇᕐᓂᖅ ᐊᒻᒪᓗ ᐃᓕᓂᐊᕈᑎᒃᓴᖕᒋᓐᓂᒃ ᐱᖁᑎᒃᑯᑦ, ᐱᔨᑦᑎᕋᐅᑎᒃᑯᑦ ᐊᒻᒪᓗ ᐃᑲᔫᑕᐅᕙᒃᑐᒃᑯᑦ.

ᑮᓇᐅᔭᐃᑦ ᐊᑐᖅᑐᒃᓴᐃᑦ 2026-ᒥ ᐱᒋᐊᖅᑎᑦᑎᔪᒪᕗᑦ ᑕᒫᓂ $575 ᒥᓕᔭᓂᒃ ᐊᑐᕐᓂᐊᖅᑐᓂᒃ ᑕᓕᒪᓄᑦ ᐊᕐᕌᒍᓄᑦ ᐱᒋᐊᕐᓗᑎᒃ 2027-28-ᒥ, ᐊᑐᕈᓐᓃᖅᑎᑕᐅᓗᑎᒃ ᑕᐃᒃᑯᐊ ᑕᐃᔭᐃᕙᓚᐅᖅᑐᑦ ᐃᓄᐃᑦ ᕿᑐᕐᖓᖕᒋᓐᓂᒃ ᓯᕗᓕᐅᔾᔨᓂᖅ ᐊᒻᒪᓗ ᐃᑲᔫᑕᐅᕙᓚᐅᕐᓂᖕᒋᑦ ᐊᔅᓯᔨᐊᑕᐅᒐᒥᒃ ᑕᐃᔭᐅᓕᖅᑐᓄᑦ ᐱᕈᑦᓯᐊᒍᑏᑦ, ᓴᕿᑎᑕᐅᓯᒪᔪᓂᒃ ᐃᓚᒡᓚᐅᖅᑐᓄᑦ ᐃᓄᐃᑦ ᑕᐱᕇᑦ ᑲᓇᑕᒥ ᑕᐃᒃᑯᐊᓗ ᓯᑕᒪᐃᑦ ᐃᓄᐃᑦ ᓄᓇᑕᕈᑎᒥᓄᑦ ᑎᒥᖁᑎᖕᒋᓐᓄᑦ, ᐃᓄᕕᐊᓗᐃᑦ ᐊᕕᒃᑐᖅᓯᒪᓂᖕᒐᓐᓂ ᑯᐊᐳᕇᓴᐃᑦ, ᓄᓇᕗᑦ ᑐᙵᕕᒃᑯᑦ ᑎᒥᖁᑎᖕᒐᑦ, ᒪᑭᕝᕕᑯᑦ ᐊᒻᒪᓗ ᓄᓇᑦᓯᐊᕗᑦ ᒐᕙᒪᒃᑯᑦ.

ᑕᐃᒪᐃᓐᓂᒃ ᐃᓄᐃᑦ ᓄᑕᕋᓕᒫᑦ ᐱᕕᒃᓴᖃᑦᑎᐊᕆᐊᖃᕐᒪᑕ ᐱᕈᖅᓴᔭᐅᑦᑎᐊᕈᓇᕐᓂᖅ, ᐃᓕᓐᓂᐊᕈᓇᕐᓂᖅ, ᐊᒻᒪᓗ ᖃᓄᐃᖕᒋᑦᑎᐊᕐᓗᑎᒃ ᑲᔪᓯᔪᓇᕐᓗᑎᒃ. ᑭᔅᓯᐊᓂᓕ ᓱᓕ ᐊᒥᔅᓱᑦ ᐃᓄᐃᑦ ᕿᑐᕐᖓᖕᒋᑦ ᓵᖕᒐᕙᒃᐳᑦ ᐊᔪᕈᑎᓂᒃ ᐋᓂᐊᕐᕕᓕᐊᕈᓇᕐᓂᖅ, ᐃᓕᓐᓂᐊᕈᓇᕐᓂᖅ, ᐃᓅᓯᖕᒋᓐᓂᓗ ᐃᑲᔪᖅᑕᐅᖃᑦᑕᕈᓇᕐᓂᖅ.  ᐱᕈᑦᓯᐊᒍᑏᑦ ᐃᑲᔪᕐᓂᖃᕐᓂᐊᖅᑐᑦ ᐋᕿᒋᐊᖅᑕᐅᔪᓇᕐᓂᖅ ᒫᓇᐅᔪᖅ ᒐᕙᒪᒃᑯᑦ ᐃᑲᔫᑎᑦᑎᖕᒋᓐᓂᒃ, ᐱᔨᑦᑎᕋᐅᑎᖕᒋᓐᓂᒡᓗ, ᑕᐃᒫᒃ ᐃᓄᐃᑦ ᕿᑐᕐᖓᖕᒋᑦ ᓱᕈᔅᓯᑦ ᐊᑐᕈᓇᕐᓂᐊᕐᒪᑕ ᐱᖃᑕᐅᔪᓇᕐᓗᑎᒃ

ᐱᖁᑎᖃᕆᐊᓕᖕᒥᒍᑦ, ᐱᔨᑦᑎᕋᖅᑕᐅᔾᔪᑎᒃᓴᖕᒋᓐᓄᓪᓗ ᐊᒻᒪᓗ ᐃᑲᔫᑕᐅᔪᓇᕐᓗᑎᒃ ᐱᔅᓯᒪᔭᕆᐊᓕᖕᒋᓐᓂᒃ ᒫᓇᐅᔪᖅ ᐊᔪᕐᓇᖅᐸᒃᑐᓂᒃ ᓈᒪᔪᓂᒃ ᐃᑲᔪᖅᑕᐅᔭᕆᐊᖃᕐᓂᖕᒋᓐᓂᒃ.

ᐃᓕᑕᕆᔭᐅᓂᖕᒋᑦ ᐃᓄᐃᑦ ᖃᐅᔨᒪᓂᖅᐹᖕᒍᓂᖕᒋᑦ ᖃᓄᖅ ᐃᑲᔪᖅᑕᐅᔭᕆᐊᖃᕐᓂᖕᒋᓐᓂᒃ ᕿᑐᕐᖓᖕᒋᓐᓂᒃ, ᐃᓚᖕᒋᓐᓂᒡᓗ, ᑐᖕᒐᕕᒃᓴᐃᑦ ᓯᕗᓪᓕᐅᔾᔨᓕᖅᐳᑦ ᐃᓄᐃᑦ ᐃᖕᒥᓐᓂᒃ-ᐃᓱᒪᓕᐅᖅᑎᐅᓂᖕᒋᓐᓂᒃ ᒪᓕᒐᖅᑎᒍᑦ ᓄᓇᒥᓂ, ᑐᑭᓕᐅᖅᑎᐅᓗᑎᒃ ᖃᓄᖅ ᐃᑲᔪᕈᓇᕐᓂᖅ ᓱᕈᓯᖕᒋᓐᓂᒃ ᐊᑐᓂ ᐊᕕᒃᑐᖅᓯᒪᓂᖕᒋᓐᓂ ᐊᒻᒪᓗ ᐊᑐᓂ ᓇᖕᒥᓂᖅ-ᒐᕙᒪᖃᕐᓂᖕᒋᓐᓄᑦ ᐊᖕᒋᕈᑎᖕᒋᓐᓂᒃ ᒪᓕᒍᓐᓇᕐᓂᖅ.

ᑕᒪᓐᓇ ᑕᒡᒐ ᐱᒻᒪᕆᐊᓘᕗᖅ ᓯᕗᒧᑦ ᐃᒃᐱᒍᓱᑦᑎᐊᕈᓇᕐᓂᖅ ᐊᒻᒪᓗ ᐃᑲᔪᖅᓱᐃᕙᓕᐊᕐᓂᕐᒧᑦ ᐃᓄᐃᑦ ᐃᖕᒥᓂᒃ-ᑐᑭᓕᐅᖅᑎᐅᔪᓇᕐᓂᖕᒋᓐᓂᒃ, ᐃᓄᐃᑦ ᐊᐅᓚᑦᑎᔨᐅᓂᖕᒋᓐᓂᒃ ᐊᒻᒪᓗ ᐊᔪᕈᑎᖃᕈᓐᓃᖅᐸᓕᐊᓂᖕᒋᓐᓂᒃ, ᒪᓕᒃᑐᓂᒃ ᐃᓄᐃᑦ ᓄᓇᒐᓂᒃ ᐊᑐᐊᒐᕆᔭᖕᒋᑦ.

ᐱᕈᑦᓯᐊᒍᑏᑦ ᐱᒋᐊᕐᓂᐊᖅᑐᑦ ᑕᒫᓂ ᐄᐳ 1, 2027-ᒥ ᐃᓄᐃᓪᓗ ᓄᓇᑖᕈᑎᓄᑦ ᑎᒥᖁᑎᖕᒋᑦ ᐱᓕᕆᖃᑎᐊᕐᓂᐊᖅᑐᑦ ᐃᑲᔪᖅᓱᖅᑕᐅᓗᑎᒡᓗ ᓄᓇᓕᑐᖃᕐᓂᒃ ᐱᔨᑦᑎᕋᐃᔨᖕᒋᓐᓄᑦ ᑲᓇᑕᒥ, ᑲᔪᓯᒋᐊᖅᑎᑕᐅᓕᕈᑎᒃ ᓄᑖᑦ ᑕᒪᒃᑯᐊ ᐃᑲᔫᑎᒃᓴᕆᔭᐅᓂᐊᓕᖅᑐᑦ.

ᐅᖃᐅᓯᐅᓯᒪᔪᑦ

“ᐃᓄᐃᑦ ᓄᑕᕋᖕᒋᑦ ᓱᕈᓰᑦ ᐊᑯᓂᓗᐊᖅ ᓵᖕᒐᓕᕐᒪᑕ ᐊᔪᕈᑕᐅᕙᒃᑐᓂᒃ ᐊᑐᕈᓇᕐᓂᖕᒋᓐᓂᒃ ᐋᓂᐊᕐᕕᓕᐊᕈᓇᕐᓂᖅ, ᐃᓕᓐᓂᐊᕈᑎᓕᕆᔪᓂᒃ ᐊᒻᒪᓗ ᐃᓅᓯᖕᒋᓐᓂ ᐃᑲᔫᑎᓂᒃ ᐱᑕᖃᕆᐊᓕᖕᓂᒃ. ᐱᕈᑦᓯᐊᒍᑏᑦ ᓴᕿᑎᑕᐅᕗᑦ ᐱᒻᒪᕆᐅᔪᒥᒃ ᐊᔅᓯᔾᔩᓂᖅ ᐊᑐᖅᑕᐅᕙᖕᓂᐊᓕᖅᑐᓂᒃ ᐊᑐᖅᑕᐅᑐᐃᓇᑲᓇᔮᕈᓐᓃᕐᓂᖕᒋᓐᓂᒃ, ᑐᖕᒐᕕᖃᕐᓂᖅᓴᐅᓂᐊᓕᖅᑐᓂᒃ ᐃᒃᐱᒍᔅᓱᒃᑐᓂᒃ ᐃᓄᐃᑦ ᐃᖕᒥᓂᒃ-ᐃᓱᒪᓕᐅᖅᑎᐅᔭᕆᐊᖃᕐᓂᖕᒋᓐᓂᒃ, ᐃᓄᐃᑦ ᓄᓇᑕᕈᑎᒥᒍᑦ ᑎᒥᖁᑎᒋᔭᖕᒋᑦ ᐃᓚᒋᔭᐅᓚᕆᖕᓂᐊᓕᕐᒪᑕ ᖃᓄᖅ ᐃᑲᔫᑎᒃᓴᐃᑦ ᐊᑐᐃᓇᐅᕙᖕᓂᐊᓕᕐᓂᖅ. ᑕᒪᓐᓇ ᐱᔾᔪᑎᓕᒃ ᐱᐅᓯᒋᐊᕈᑕᐅᓂᕐᒧᑦ ᐱᔨᑦᑎᕋᐅᑏᑦ ᐅᖕᒐᑖᓅᖕᒐᔪᓂᒃ; ᐱᔾᔪᑎᖃᕐᒪᑦ ᐅᔾᔨᖅᑐᑦᓯᐊᕐᓂᖅ ᐃᓄᐃᑦ ᑐᑭᓕᖕᓂ ᓇᓗᓇᐃᔭᐃᔨᐅᕙᖕᓂᖕᒋᓐᓂᒃ ᑐᕌᖕᒐᔪᓂᒃ ᖃᓄᐃᖕᒋᑦᑐᓇᕐᓂᖕᒋᓐᓄᑦ ᓱᕈᓯᖁᑎᖕᒋᑦ, ᓯᕗᓂᒃᓴᖃᕈᓇᕐᓂᖕᒋᓪᓗ ᕿᑐᕐᖓᖕᒋᑦ.”

ᓇᑕᓐ ᐆᐱᐊᑦ

ᐊᖕᒐᔪᖄᖕᒐᑦ, ᐃᓄᐃᑦ ᑕᐱᕇᑦ ᑲᓇᑕᒥ

 

“ᐃᓄᕕᐊᓗᐃᑦ ᐊᕕᒃᑐᖅᓯᒪᓂᖕᒐᓂ ᑯᐊᐳᕇᓴᖕᒐᑦ ᐃᑲᔪᖅᓱᐃᕗᖅ ᐱᕈᑦᓯᐊᒍᑎᖕᒋᓐᓂᒃ, ᐊᒻᒪᓗ ᐃᓄᖕᓄᑦ ᐊᐅᓚᑕᐅᓂᐊᖅᑐᓂᒃ, ᑕᒪᓐᓇᓗ ᑐᖕᒐᕕᐅᓂᖕᒐ ᐱᒋᐊᓕᓵᕈᑕᐅᓕᓵᕐᓂᖕᒐᓄᑦ, ᑕᐃᒪᐃᓕᖕᒐᓂᖕᒐ ᐱᔾᔪᑕᐅᔪᑑᖕᒋᓚᖅ. ᐱᓕᕆᖃᑎᒌᓐᓇᕐᓂᐊᖅᑕᕗᑦ ᓄᓇᓕᑐᖃᕐᓂᒃ ᐱᔨᑎᕋᐃᔨᖕᒋᑦ ᑲᓇᑕᒥ, ᓴᕿᑎᑕᐅᓂᖕᒋᓐᓂ ᐊᒻᒪᓗ ᑲᓇᑕ ᒪᓕᖁᓗᓂ ᐱᓂᐊᕐᓂᕐᒥᓂᒃ ᐃᓄᕕᐊᓗᐃᑦ ᕿᑐᕐᖓᖕᒋᓐᓂᒃ ᐃᑲᔫᑎᒃᓴᓂᒃ ᑕᒪᐃᓂᑦᓯᐊᖅ ᑕᒪᑭᖅᑐᓂᒃ ᐃᓚᐃᓈᕋᑎᒃ.”

ᐆᕕᓐ ᐃᓚᐃᕙᔅ,

ᐃᒃᓯᕙᐅᑕᖕᒐᑦ ᐊᒻᒪᓗ ᐃᖃᓇᐃᔭᕐᕕᖕᒐᓂ ᐊᖕᒐᔪᖄᖕᒐᑦ, ᐃᓄᕕᐊᓗᐃᑦ ᐊᕕᒃᑐᖅᓯᒪᓂᖕᒐᓂ ᑯᐊᐳᕆᓵᑯᑦ

 

“ᐃᓄᐃᑦ ᕿᑐᕐᖓᓂᑦ ᐃᑲᔪᖅᑕᐅᔪᓇᕆᐊᓖᑦ ᐋᓂᐊᕕᓕᐊᕈᓇᕐᓗᑎᒃ, ᐃᓕᓐᓂᐊᕈᓇᕐᓗᑎᒃ ᐊᒻᒪᓗ ᐃᓅᓐᓯᖕᒋᓐᓂᒃ ᐃᑲᔪᖅᑕᐅᔪᓇᕐᓗᑎᒃ ᐱᔭᕆᐊᖃᓕᕌᖕᒐᒥᒃ, ᓇᓃᒃᑲᓗᐊᕈᑎᒃ ᓄᓇᓕᖕᓂ. ᐊᒥᓲᓗᐊᕐᒪᑕ ᐃᓄᐃᑦ ᐃᓛᒋᒃᑐᓪᓗ ᓄᓇᕗᒻᒥ ᓱᓕ ᓵᖕᒐᕙᒃᑐᑦ ᐊᔪᕈᑕᐅᕙᒃᑐᑦ ᑕᒪᑯᓄᖕᒐ ᐱᔨᑦᑎᕋᖅᑕᐅᔪᓇᕐᓂᖅ. ᐱᕈᑦᓯᐊᒍᑏᑦ ᐱᒻᒪᕆᐅᕗᑦ ᖃᓄᐃᓕᐅᕈᑕᐅᓂᕐᒧᑦ ᐱᑕᖕᒋᓗᐊᕐᓂᖕᒋᓐᓄᑦ, ᐊᒻᒪᓗ ᐃᓄᖕᓄᑦ ᐱᒪᕆᐅᔪᓂᒃ ᐃᓱᒪᓕᐅᖅᑎᐅᔪᓇᕐᓂᖕᒋᓐᓂᒃ ᐊᒃᑐᐃᕙᒃᓱᑎᒃ ᕿᑐᕐᖓᑎᓐᓂᒃ. ᓯᕗᒧᑦ ᓂᕆᐅᒃᐳᒍᑦ ᐱᓕᕆᖃᑎᖃᕈᒪᓂᖅ ᑲᓇᑕᒥ ᐅᔾᔨᖅᑐᑦᓯᐊᕐᓂᐊᕋᑦᑕ ᐃᑲᔫᑎᒃᓴᓂᒃᑕᐅᔪᑦ ᑕᒪᑯᐊ ᐊᖕᒍᒪᖁᓗᒋᑦ ᐃᓄᐃᑦ ᕿᕈᕐᓇᖕᒋᓐᓂᒃ, ᐃᓚᒋᔭᖕᒋᓂᒡᓗ ᐃᑲᔪᖅᑕᐅᔭᕆᐊᓕᖕᓂᒃ ᓄᓇᕗᒻᒥ.”

ᒡᓗᐊᕆᐊ ᐅᓗᖅᓯ,

ᐊᖕᒐᔪᖄᖅ, ᓄᓇᕗᑦ ᑐᙵᕕᒃ ᑎᒥᖁᑎᖕᒐᑦ

 

“ᕿᑐᕐᖓᕗᑦ ᓯᕗᓂᒃᓴᕆᔭᕗᑦ ᓄᓇᕕᖕᒥ, ᐊᒻᒪᓗ ᑕᒪᐃᓐᓂᒃ ᑐᓂᔭᐅᔪᓇᖁᓗᒋᑦ ᐱᕕᒃᓴᓂᒃ ᐱᕈᑦᑎᐊᕈᓇᐅᑎᒃᓴᖕᒋᓐᓂᒃ, ᐃᓕᓂᐊᕈᓇᕐᓂᖕᒋᓐᓂᒃ ᐊᒻᒪᓗ ᑲᔪᓯᕙᓪᓕᐊᑦᑎᐊᕈᓇᕐᓂᖕᒋᓐᓄᑦ ᑐᕌᖕᒐᔪᓂᒃ. ᐱᕈᑦᓯᒍᑦᑏᑦ ᖁᕕᐊᓐᓇᒪᕆᒃᐳᑦ ᓯᕗᓂᒃᓴᒧᑦ ᐊᑐᓕᕈᑎᒃ, ᐃᓄᐃᑦ ᓴᖕᒋᓐᓂᖅᓴᐅᓕᕐᓂᐊᕐᒪᑕ ᑐᑭᓕᐅᕆᔨᐅᓂᕐᒥᒃ ᖃᓄᐃᑐᐃᓂᒃ ᐱᔨᑦᑎᕋᐃᔪᓇᕐᓂᖅ ᐊᒻᒪᓗ ᐃᑲᔫᑎᒃᓴᖃᖅᑎᑦᓯᔪᓇᕐᓂᖅᓐ ᕿᑐᕐᖓᑎᓐᓄᑦ ᐃᓚᒌᒃᑐᓄᓪᓗ ᑲᔪᓯᑦᓯᐊᕈᓇᕐᓂᐊᕐᒪᑕ. ᑐᖕᒐᕕᐅᓗᑎᒃ ᐃᓄᐃᑦ ᖃᐅᔨᒪᓂᖕᒋᑦ, ᐱᔾᔪᔩᕙᒌᖅᑐᒍᑦ ᓴᖕᒋᓂᖅᓴᐅᔪᓇᖅᑐᓂᒃ ᓯᕗᓂᒃᓴᖃᕈᓇᕐᓂᖅ ᓱᕈᓯᑦᑎᓐᓄᑦ ᐊᒻᒪᓗ ᑭᖕᒍᕚᕆᔪᒫᕐᒥᔭᑦᑎᓐᓄᑦ.”

ᐱᑕ ᐋᑕᒥ

ᐊᖕᒐᔪᖄᖅ, ᒪᑭᕝᕕᑯᑦ

 

“ᓄᓇᑦᓯᐊᕗᑦ ᒐᕙᒪᐃᑦ ᑐᖕᒐᓱᒃᑎᑦᓯᕗᑦ ᑐᓴᒐᒃᓴᓕᐊᕆᔭᐅᓂᖕᒋᓐᓂᒃ ᐱᖕᒍᖅᑎᑕᐅᓂᐊᓕᖅᑐᓂᒃ ᑕᓕᒪᓄᑦ ᐊᕐᕌᒍᓄᑦ ᐊᒻᒪᓗ ᐃᓕᑕᕆᓗᒋᑦ ᐱᕕᒃᓴᖕᒐ ᑕᒪᑐᒪ ᐱᑕᖃᕈᑕᐅᓂᐊᓕᖅᑐᖅ ᓇᓗᓇᖕᒋᓐᓂᖅᓴᓂᒃ ᑲᔫᑎᒃᓴᕐᓂᐊᓕᖅᑐᓂᒃ ᐊᒻᒪᓗ ᐱᓚᕆᐅᔪᓇᖅᑐᓂᒃ ᑐᖕᒐᕕᒃᓴᖃᕐᓂᐊᓕᖅᑐᓂᒃ ᐃᑲᔫᑕᐅᓗᑎᒃ ᐃᓱᒪᒃᓴᖅᓯᐅᕈᑕᐅᑎᐊᖅᑐᓂᒃ ᑐᑭᓕᐅᑦᓯᐊᖅᑐᓂᒡᓗ ᑲᒪᒋᔭᐅᕙᒌᖅᓱᒪᔪᓂᒃ ᑕᒪᐃᓄᑦ ᐃᓚᒋᔭᐅᓚᐅᖅᑐᓄᑦ ᓴᕿᑎᑕᐅᕙᓕᐊᓂᐊᖅᑐᓂᒃ ᑲᒪᔨᐅᓚᐅᕐᓂᖕᒋᓐᓂᒃ ᐱᕈᑦᓯᐊᒍᑏᑦ. ᖃᐅᔨᒪᔪᒍᑦ ᑕᒪᒃᑯᐊ ᐱᓕᕆᐊᖕᒍᓂᖕᒋᑦ ᐱᕙᒃᓴᖃᑦᓯᐊᕆᐊᖃᕐᓂᐊᖅᑐᑦ, ᐊᔪᕐᓇᖅᑐᑰᕈᑕᐅᑕᐃᓕᒪᔭᕆᐊᖃᖅᑐᑦ, ᑐᐊᕕᐊᕆᔭᐅᑕᐃᓕᓗᑎᒃ, ᐱᔭᕐᕇᖅᑕᐅᕕᒃᓴᖃᕐᓂᖕᒋᓐᓄᑦ ᐊᕐᕋᒍᒥ, ᐱᕕᒃᓴᓂᒃᑕᐅᓯᒪᔪᓄᓪᓘᓐᓃᑦ ᑮᓇᐅᔭᓕᕆᓂᖅ ᐱᔾᔪᑕᐅᓂᖕᒐᓄᑦ. ᑕᐃᒫᒃ ᐊᔪᕐᓇᕐᓂᐊᙱᒪᑦ ᓄᓇᓕᑐᖃᐃᑦ ᐱᔨᑎᕋᐅᑎᖕᒋᓐᓂᒃ ᑲᓇᑕᒥ ᐃᓄᐃᓪᓗ ᐊᕕᒃᑐᖅᓯᒪᓂᖕᒋᓐᓂᒃ ᐃᖃᓂᐊᔭᑦᑎᐊᕈᓇᕐᓂᐊᕐᓂᖕᒋᓐᓄᑦ, ᐃᓚᒌᒡᓗᑎᒃ ᐃᓱᒪᒋᓗᒋᑦ ᐃᑲᔪᖅᑕᐅᔭᕆᐊᖃᕐᓂᖕᒋ ᐃᓄᐃᑦ ᕿᑐᕐᖓᖕᒋᑦ ᓱᕈᓰᑦ, ᐊᒥᒐᐅᑕᐅᔪᓪᓗ ᐃᑲᔫᑎᒃᓴᐃᑦ ᐱᑕᖃᓕᕈᑎᒃ, ᓇᓕᖃᒋᔭᐅᓗᑎᒃ ᐃᑲᔪᑕᐅᔪᓇᕆᐊᖃᕐᒪᑕ ᐋᓂᐊᖅᑐᓕᕆᓂᒃᑯᑦ, ᖃᓄᐃᖕᒋᓂᖅᔅᓴᐅᓕᕈᓇᕐᓂᖕᒋᓐᓄᓪᓗ ᐱᑕᖃᓕᕈᑎᒃ ᑕᒻᒪᑯᐊ ᒐᕙᒪᑯᓐᓄᑦ ᓴᕿᑎᑕᐅᓂᖕᒋᑦ ᐋᕿᐅᒪᔪᖅ, ᐱᔨᑎᕋᐅᑏᓗ, ᐊᔾᔨᖃᖕᒋᓂᖕᒋᓗ ᐊᔅᓯᖕᒋᓐᓂᒃ ᓄᓇᓕᖕᓂ ᑕᒫᓂ, ᐊᐅᓚᑦᑎᔨᐅᔪᓇᕐᓂᖕᒋᓐᓂᒃ ᐊᖕᒋᖃᑎᒌᒍᑕᐅᕙᖕᒋᑐᓂᒃ ᐱᔾᔪᑎᓕᖕᓂᒃ, ᐊᒻᒪᓗ ᐊᔭᐅᖅᑕᐅᓗᑕᐅᕙᒃᑐᓂᒃ ᑲᓇᑕᐅᑉ ᐊᕕᒃᑐᖅᓯᒪᖕᒋᓐᓂᒃ ᑮᓇᐅᔭᒃᓴᓂᒃᑕᐅᕙᖕᓂᖕᒋᓐᓂᒃ ᐃᑲᔫᑎᒃᓴᐃᑦ.”

ᔪᕼᐋᓇᔅ ᓚᒻᐱ

ᐊᖕᒐᔪᖄᖅ, ᓄᓇᑦᓯᐊᕗᑦ ᒐᕙᒪᐃᑦ

 

“ᐱᕈᑦᓯᐊᒍᑏᑦ ᓴᕿᐅᒪᑎᑕᐅᕗᑦ ᐊᕐᕌᒍᒐᓴᖕᓂᒃ ᐱᓕᕆᖃᑎᒋᔭᐅᓗᑎᒃ ᐃᓄᐃᑦ ᑕᐱᕇᑦ ᑲᓇᑕᒥ ᐊᒻᒪᓗ ᐃᓄᐃᑦ ᓄᓇᑖᕈᑎᖕᒋᓐᓂ ᑎᒥᖁᑎᖕᒋᑦ ᐃᑲᔾᔪᑎᒃᓴᓂ ᐱᑕᖃᓕᖁᔨᓂᖅ ᒪᓕᒃᑐᓂᒃ ᐃᓄᐃᑦ ᖃᐅᔨᒪᓂᖕᒋᓐᓂᒃ, ᓯᕗᓕᖅᑎᐅᓂᖕᒋᓐᓂᒃ ᐊᒻᒪᓗ ᓯᕗᓪᓕᐅᔾᔭᐅᖁᔭᖕᒋᓐᓂᒃ. ᐅᐱᒋᔭᕋ ᐊᑕᐅᑎᑯᑦ ᐅᕙᒍᑦ ᓴᓇᖃᑎᒌᓚᐅᕐᓂᖅ, ᖃᓄᕐᓗ ᑕᒪᒃᑯᐊ ᐊᒃᑐᖅᓯᔪᓇᕐᒪᖕᒑᑕ ᐃᓄᐃᑦ ᕿᑐᕐᖓᖕᒋᓐᓂᒃ ᓱᕈᓯᖕᒋᓐᓂᒃ ᐊᒻᒪᓗ ᐃᓚᒋᔭᖕᒋᓐᓂᒃ. ᐅᑲ ᓄᑖᑦ ᐃᑲᔫᑎᒃᓴᐃᑦ ᐱᒻᒪᕆᐊᓗᖕᒥ ᓯᕗᕙᕆᐊᕈᑕᐅᕗᑦ ᐃᓄᖕᓄᑦ ᐃᓱᒪᓕᐅᖅᑎᐅᕙᖕᓂᖕᒋᓐᓄᑦ ᐃᓱᒻᒋᔭᐅᑦᑎᐊᕆᐊᖃᕐᓂᖕᒋᓐᓄᑦ ᐊᒻᒪᓗ ᐃᑲᔪᖅᑕᐅᔭᕆᐊᖃᕐᓂᖕᒋᓐᓄᑦ ᕿᑐᕐᖓᖕᒋᑦ, ᐱᐅᓯᖃᕐᓗᑎᒃ ᒪᓕᒍᓇᕐᓂᖅ ᓇᖕᒥᓂᖅ ᖃᓄᐃᓕᖕᒐᓚᕆᖕᓂᖕᒋᓐᓂᒃ ᓄᓇᒥᓂ ᐊᒻᒪᓗ ᐃᓕᖁᓯᖕᒋᓐᓂ ᐃᒃᐱᒍᓱᒡᓗᑎᒃ.”

 

ᓂᕈᐊᖅᑕᐅᓯᒪᔪᖅ ᒪᓐᑎ ᒍᓪ−ᒪᔅᑎ

ᒥᓂᔅᑕᖕᒐᑦ ᓄᓇᓕᑐᖃᐃᑦ ᐱᕆᑎᕋᐅᑎᖕᒋᓐᓄᑦ

ᓇᐃᓈᕐᓗᒋᑦ ᓱᓕᔪᑦ

  • ᑕᒪᓐᓇ ᐃᓄᒃᑎᑐᑦ ᐅᖃᐅᓯᖅ, ᐱᕈᑦᓯᐊᒍᑏᑦ, ᑐᑭᓕᒃ ᐱᕈᖅᓴᐃᑎᐊᕈᑎᒃᓴᓂᒃ ᐊᑐᐃᓇᖃᕐᓂᖅ ᓱᕈᓯᕐᓄᑦ ᑐᕌᖕᒐᔪᓂᒃ, ᐃᓱᒪᒋᓪᓗᒋᑦ ᐋᓂᐊᓕᖅᑕᐃᓕᒪᖁᔨᓂᒃ, ᐊᒻᒪᓗ ᖃᓄᐃᖕᒋᑦᑎᐊᖁᔨᓂᖅ.

 

  • ᐱᕈᑦᓯᐊᒍᑏᑦ ᑲᓇᑕᒥ ᑐᖕᒐᕕᒃᓴᐃᑦ ᓴᕿᑎᑕᐅᓕᓚᐅᖅᑐᑦ ᐊᑐᓕᖅᑎᑕᐅᓂᖕᒋᓐᓂ ᐋᕿᐅᒪᓗᑎᒃ ᐊᑐᕐᓂᐊᖅᑐᑦ ᐊᑯᓂᐅᓂᐊᖅᑐᒧᑦ, ᐃᓄᖕᓄᑦ-ᑲᒪᒋᔭᐅᔪᑦ ᐃᓇᖕᒋᖅᓯᓂᐊᖅᑐᓂᒃ ᐊᑐᖅᑕᐅᑲᐃᓇᓚᐅᖅᑐᓂᒃ ᐃᓄᐃᑦ ᕿᑐᕐᖓᖕᒋᓐᓂᒃ ᓯᕗᓕᐅᓂᖕᒋᓐᓂᒃ ᐃᑲᔫᑕᐅᓚᐅᖅᑐᓂᒃ.

 

  • ᐱᕈᑦᓯᐊᒍᑏᑦ ᐃᖕᒥᒎᖕᒐᕗᑦ ᐃᓄᖕᓄᑦ ᑐᕌᖕᒐᓗᑎᒃ, ᐊᔾᔨᖃᖕᒋᓐᓇᒥᒃ ᐃᓄᖕᓄᑦ ᐊᐅᓚᑕᐅᓚᖕᒐᓂᖕᒋᓐᓄᑦ.

 

  • ᐃᓄᐃᑦ ᕿᑐᕐᖓᖕᒋᓐᓂᒃ ᓯᕗᓕᐅᔾᔨᓂᖅ ᐱᒋᐊᖅᑎᑕᐅᓚᐅᖅᑐᑦ ᑕᐃᑲᓂ 2018-ᒥ ᐃᓚᒌᒃᓱᑎᒃ ᐃᓄᐃᑦ ᐊᒻᒪᓗ ᑲᓇᑕᐅᑉ ᒐᕙᒪᒃᑯᖕᒋᑦ ᐃᑲᔫᑎᒃᓴᐃᑦ ᐃᓄᐃᑦ ᕿᑐᕐᖓᖕᒋᓐᓂᒃ ᓱᕈᓯᕐᓂᒃ ᑕᑯᔭᐅᖃᑦᑕᕈᓇᕐᓂᖅ ᐊᓐᓂᐊᕐᕕᖕᓂ, ᐃᑲᔪᖅᑕᐅᔪᓇᕐᓂᖅ ᐃᓕᓐᓂᐊᕈᓇᕐᓂᕐᒧᑦ ᐊᒻᒪᓗ ᐃᓅᓯᖕᒋᓐᓂᒃ ᐃᑲᔪᑕᐅᔪᓇᕐᓂᖅ ᐱᔭᕆᐊᖃᕈᑎᒃ, ᐊᑯᓂᐅᓂᐊᓕᖅᑐᓂᒃ ᐊᑐᕈᓇᕐᓂᐊᓕᖅᑐᓂᒃ.

 

  • ᐃᓄᐃᑦ ᓄᓇᖕᒐᑦ ᓄᓇᒋᔭᐅᕗᖅ ᐃᓄᖕᓄᑦ ᓇᖕᒥᓂᖅ ᑲᓇᑕᒥ. ᐊᒥᓲᓂᓖᑦ ᓄᓇᖕᒋᑦ 51-ᓂᒃ, ᓯᑕᒪᓂᒃ ᐊᕕᒃᑐᖅᓯᒪᔪᓂᒃ, ᐊᖕᒋᓂᓕᖕᒥᒃ ᖃᓂᒋᔭᖕᒐᓂ 40% ᐳᓴᓐᑎᓂᒃ ᑲᓇᑕᓕᒫᑉ ᓄᓈᓗᐊᓂᒃ ᐊᒻᒪᓗ 72% ᐳᓴᓐᑎᓂᒃ ᐊᖕᒋᓂᓕᖕᒥᒃ ᑲᓇᑕᓕᒫᑉ ᓯᒡᔭᖅᐸᔅᓯᐅᓂᖕᒐᓐᓂᒃ.