Jamesie Fournier Iqalungnit ilinariaqsimalluni Inuktut. © Jamesie Fournier
MIQSUQTAUJUT
Titiraqti imminik ilittikkanniqsimajuq titiraqattarnirminuk
TITIRAQATTARNIQ inuusinnut ikajuutisimavuq uvannut. Titiraq qattalilauqsimavunga ujjirusulirama ilinniarvingmit utaqqijaujjaannginninni piviqaqtitaulunga arraagutamaaq. Sivulliq uqalimaa galiuqtara Katiqsugat arraagungatta iluani 2015 anittinasukhlunga ikpigiqattaqtannit tukisikkannirumallugillu. Ikpingniajakka pasanaqtumut tikitauqunagit saililungalu qanuinngittiarlungalu takujauqullugit ikpingnia nikka. Qanuinngittutit, qanuruluujaq naukkuruluujaq.
Uqalimaagaliara, qallunaatullu Inuktullu saqqitausimajuq Inhabit Media ukiaksaangutillugu 2023mi, saqqittisimalluni piujukkut inuusirmik asijjiisimajurmi.
Jamesie Fournier titiraqsimajanga “Tavarmi.”
Titiraliurniit miqsuqtausimajut Katiqsugat makpiqtugannginni ilisaqsiumajjutigililauqpakka aangajaarnaqtunut saalausimalilaurninni, uummatikkullu aanniarutikkani, iqqanaijaaqalilauqsimavunga immini ilisaqsiumakkannilirumallunga suuqaimma aksururnaqtukkuuqattalilauqsimagama. Titiraliurnira ajunngikkuni, immqaa ikajuutiugunnaqtuq sanguiluni inuusirnit ajurnaqtukkuusimajurnit. Naninasukkanniriaksaq kinaunirnit piujukkut inuusiqarasuarnirmut akunikuluk aturnaqtu kisiani piujuq, ilingnutuangunngittuq piqannarijarnut nagligijaqtigullu aktuqsimajuq.
Katiqsugat malittuq inungmit ajurnaqattaqtumik inuusilingmit, quvianaqtunit sapirnaqtumiglu tikitauvakhluni. Uqalimaagaliuqsimaniq ilulingit avittuqsimavut sitamaujungijaqtunut katiqsugarnut, ajjigiinngittunik piusinit sanamajunit inunnguata kinauninganit.
Katiqsugat katiqsugalimaangit kamaniqarpuq ajjigiinngitunit piusiqaqtitsijunik. ‘Auk’ uqausiqaqpuq immini kataktisimakkainirmit, uppisimamut kataktirisimaluaqtunit. ‘Ivaluksauti’ uqausiqaqpuq aakkaanirmit kisuunngititsinirmit piqqusigijaujunit. ‘Timiviniq’ uqausiqaqtuq qanuq naglingnirmik aktuisimangmangaat qanurlu sulijuutigingmangaat. ‘Sauniq’ ikpigusungniqaqhluni aangajaarnaqtunit aanniqsimannarmangaat ajuqsisimanirmut.
‘Ukpirusungniq’ unik kaapuq tarniup suraqtaugasunngningani. ‘Ujarak’ quvianaqtumik quvvasingnaqtumiglu atuutiqaqput. Kingulliqpaaq, ‘Ikuallaq’ uqausiqaqpuq quvvagiaqpallianirmit utiqtittinasungnirmiglu. Inuktuuliq titaulluni uqalimaagaup atinga Katiqsugat, tukiqaqpuq, “kisulimaat katittut iluittunngurasukhluni” uvvaluunniit “piqutit piijaqtaujunnaqtut”. Ajunngittummaringmit Inungmit iqqanaijaqati qalauqpunga uqausilirijimmarik Jaypeetee Arnakak titiraujaqtakka Inuktuuliq titauqullugit.
Piruqpallianginnaqpunga titirarnikkut, uqausikkut, ammalu imminik tukisikkannirasuarnirmut. Arraaguulauqtumik nuktilauqtunga Iqalungnut Inuktuk ilinniakkannirumallunga. Amisunit inuttiavangnit qaujimajaqaliqpunga ilagiingnit inuillu piqqusinginnillu qaujimajaqaliqhlunga. Takujariuqsimaliqhlungalu attannit akkannit angutiqatikkanit arnaqatikkanillu ikpigusungnaqpuq tuvviqattiarninni. Piviqarunnarnirmik titirarnirmik Inuktitut aturnagajuluanngittuq piujuullunilu Inuktullu ilittivaallirnaqhluni. Titirarnitigut ilittivaallikkanirnaqtuq. Isulittikkanirnirmik pivalliajjutigiqattaqtara, uqalimaaganik iqqanaijaakkutigut piusinik saqqiisimasuunguvuq piqqusitigut uqausikkutigullu.
© Inhabit Media
