ᒥᖅᓱᖅᑕᐅᔪᑦ

ᑎᑎᕋᖅᑎ ᐃᒻᒥᓂᒃ ᐃᓕᑦᑎᒃᑲᓐᓂᖅᓯᒪᔪᖅ ᑎᑎᕋᖃᑦᑕᕐᓂᕐᒥᓄᒃ

ᐊᐅᔭᖅ 2024 | ᐊᓪᓚᑎ: ᔭᐃᒥᓯ ᕗᐊᓂᐊᐃ

ᔭᐃᒥᓯ ᕗᐊᓂᐊᐃ ᐃᖃᓗᖕᓂᑦ ᐃᓕᓐᐊᕆᐊᖅᓯᒪᓪᓗᓂ ᐃᓄᒃᑐᑦ. © ᔭᐃᒥᓯ ᕗᐊᓂᐊᐃ

ᑎᑎᕋᖃᑦᑕᕐᓂᖅ ᐃᓅᓯᓐᓄᑦ ᐃᑲᔫᑎᓯᒪᕗᖅ ᐅᕙᓐᓄᑦ. ᑎᑎᕋᖃᑦᑕᓕᓚᐅᖅᓯᒪᕗᖕᒐ ᐅᔾᔨᕈᓱᓕᕋᒪ ᐃᓕᓐᓂᐊᕐᕕᖕᒥᑦ ᐅᑕᖅᑭᔭᐅᔾᔮᙱᓐᓂᓐᓂ ᐱᕕᖃᖅᑎᑕᐅᓗᖕᒐ ᐊᕐᕌᒍᑕᒫᖅ. ᓯᕗᓪᓕᖅ ᐅᖃᓕᒫᒐᓕᐅᖅᑕᕋ ‘ᑲᑎᖅᓱᒐᑦ’ ᐊᕐᕌᒍᖕᒐᑦᑕ ᐃᓗᐊᓂ 2015 ᐊᓂᑦᑎᓇᓱᒃᖢᖕᒐ ᐃᒃᐱᒋᖃᑦᑕᖅᑕᓐᓂᑦ ᑐᑭᓯᒃᑲᓐᓂᕈᒪᓪᓗᒋᓪᓗ. ᐃᒃᐱᖕᓂᐊᔭᒃᑲ ᐸᓴᓇᖅᑐᒧᑦ ᑎᑭᑕᐅᖁᓇᒋᑦ ᓴᐃᓕᓗᖕᒐᓗ ᖃᓄᐃᙱᑦᑎᐊᕐᓗᖕᒐᓗ ᑕᑯᔭᐅᖁᓪᓗᒋᑦ ᐃᒃᐱᖕᓂᐊᓂᒃᑲ. ᖃᓄᐃᙱᑦᑐᑎᑦ, ᖃᓄᕈᓘᔭᖅ ᓇᐅᒃᑯᕈᓘᔭᖅ.

ᔭᐃᒥᓯ ᕗᐊᓂᐊᐃ ᑎᑎᕋᖅᓯᒪᔭᖕᒐ “ᑕᕙᕐᒥ.”

ᐅᖃᓕᒫᒐᓕᐊᕋ, ᖃᓪᓗᓈᑐᓪᓗ ᐃᓄᒃᑐᓪᓗ ᓴᖅᑭᑕᐅᓯᒪᔪᖅ Inhabit Media ᐅᑭᐊᒃᓵᖕᒍᑎᓪᓗᒍ 2023ᒥ, ᓴᖅᑭᑦᑎᓯᒪᓪᓗᓂ ᐱᐅᔪᒃᑯᑦ ᐃᓅᓯᕐᒥᒃ ᐊᓯᔾᔩᓯᒪᔪᕐᒥ.
ᑎᑎᕋᓕᐅᕐᓃᑦ ᒥᖅᓱᖅᑕᐅᓯᒪᔪᑦ ‘ᑲᑎᖅᓱᒐᑦ’ ᒪᒃᐱᖅᑐᒐᖕᒋᓐᓂ ᐃᓕᓴᖅᓯᐅᒪᔾᔪᑎᒋᓕᓚᐅᖅᐸᒃᑲ ᐋᖕᒐᔮᕐᓇᖅᑐᓄᑦ ᓵᓚᐅᓯᒪᓕᓚᐅᕐᓂᓐᓂ, ᐆᒻᒪᑎᒃᑯᓪᓗ ᐋᓐᓂᐊᕈᑎᒃᑲᓂ, ᐃᖅᑲᓇᐃᔮᖃᓕᓚᐅᖅᓯᒪᕗᖕᒐ ᐃᒻᒥᓂ ᐃᓕᓴᖅᓯᐅᒪᒃᑲᓐᓂᓕᕈᒪᓪᓗᖕᒐ ᓲᖃᐃᒻᒪ ᐊᒃᓱᕈᕐᓇᖅᑐᒃᑰᖃᑦᑕᓕᓚᐅᖅᓯᒪᒐᒪ. ᑎᑎᕋᓕᐅᕐᓂᕋ ᐊᔪᙱᒃᑯᓂ, ᐃᒻᒪᖄ ᐃᑲᔫᑎᐅᒍᓐᓇᖅᑐᖅ ᓴᖕᒍᐃᓗᓂ ᐃᓅᓯᕐᓂᑦ ᐊᔪᕐᓇᖅᑐᒃᑰᖅᓯᒪᔪᕐᓂᑦ. ᓇᓂᓇᓱᒃᑲᓐᓂᕆᐊᒃᓴᖅ ᑭᓇᐅᓂᕐᓂᑦ ᐱᐅᔪᒃᑯᑦ ᐃᓅᓯᖃᕋᓱᐊᕐᓂᕐᒧᑦ ᐊᑯᓂᑯᓗᒃ ᐊᑐᕐᓇᖅᑐ ᑭᓯᐊᓂ ᐱᐅᔪᖅ, ᐃᓕᖕᓄᑐᐊᖕᒍᙱᑦᑐᖅ ᐱᖃᓐᓇᕆᔭᕐᓄᑦ ᓇᒡᓕᒋᔭᖅᑎᒍᓪᓗ ᐊᒃᑐᖅᓯᒪᔪᖅ.

‘ᑲᑎᖅᓱᒐᑦ’ ᒪᓕᑦᑐᖅ ᐃᓄᖕᒥᑦ ᐊᔪᕐᓇᖃᑦᑕᖅᑐᒥᒃ ᐃᓅᓯᓕᖕᒥᑦ, ᖁᕕᐊᓇᖅᑐᓂᑦ
ᓴᐱᕐᓇᖅᑐᒥᒡᓗ ᑎᑭᑕᐅᕙᒃᖢᓂ. ᐅᖃᓕᒫᒐᓕᐅᖅᓯᒪᓂᖅ ᐃᓗᓕᖕᒋᑦ ᐊᕕᑦᑐᖅᓯᒪᕗᑦ
ᓯᑕᒪᐅᔪᖕᒋᔭᖅᑐᓄᑦ ᑲᑎᖅᓱᒐᕐᓄᑦ, ᐊᔾᔨᒌᙱᑦᑐᓂᒃ ᐱᐅᓯᓂᑦ ᓴᓇᒪᔪᓂᑦ ᐃᓄᙳᐊᑕ
ᑭᓇᐅᓂᖕᒐᓂᑦ.

‘ᑲᑎᖅᓱᒐᑦ’ ᑲᑎᖅᓱᒐᓕᒫᖕᒋᑦ ᑲᒪᓂᖃᕐᐳᖅ ᐊᔾᔨᒌᙱᑐᓂᑦ ᐱᐅᓯᖃᖅᑎᑦᓯᔪᓂᒃ.

‘ᐊᐅᒃ’ ᐅᖃᐅᓯᖃᖅᐳᖅ ᐃᒻᒥᓂ ᑲᑕᒃᑎᓯᒪᒃᑲᐃᓂᕐᒥᑦ, ᐅᑉᐱᓯᒪᒧᑦ ᑲᑕᒃᑎᕆᓯᒪᓗᐊᖅᑐᓂᑦ. ‘ᐃᕙᓗᒃᓴᐅᑎ’ ᐅᖃᐅᓯᖃᖅᐳᖅ ᐋᒃᑳᓂᕐᒥᑦ ᑭᓲᙱᑎᑦᓯᓂᕐᒥᑦ ᐱᖅᑯᓯᒋᔭᐅᔪᓂᑦ. ‘ᑎᒥᕕᓂᖅ’ ᐅᖃᐅᓯᖃᖅᑐᖅ ᖃᓄᖅ ᓇᒡᓕᖕᓂᕐᒥᒃ ᐊᒃᑐᐃᓯᒪᖕᒪᖕᒑᑦ ᖃᓄᕐᓗ ᓱᓕᔫᑎᒋᖕᒪᖕᒑᑦ. ‘ᓴᐅᓂᖅ’ ᐃᒃᐱᒍᓱᖕᓂᖃᖅᖢᓂ ᐋᖕᒐᔮᕐᓇᖅᑐᓂᑦ ᐋᓐᓂᖅᓯᒪᓐᓇᕐᒪᖕᒑᑦ ᐊᔪᖅᓯᓯᒪᓂᕐᒧᑦ. ‘ᐅᒃᐱᕈᓱᖕᓂᖅ’ ᐅᓂᒃᑳᐳᖅ ᑕᕐᓂᐅᑉ ᓱᕋᖅᑕᐅᒐᓱᖕᓂᖕᒐᓂ. ‘ᐅᔭᕋᒃ’ ᖁᕕᐊᓇᖅᑐᒥᒃ ᖁᕝᕙᓯᖕᓇᖅᑐᒥᒡᓗ ᐊᑑᑎᖃᖅᐳᑦ.

ᑭᖕᒍᓪᓕᖅᐹᖅ, ‘ᐃᑯᐊᓪᓚᖅ’ ᐅᖃᐅᓯᖃᖅᐳᖅ ᖁᕝᕙᒋᐊᖅᐸᓪᓕᐊᓂᕐᒥᑦ ᐅᑎᖅᑎᑦᑎᓇᓱᖕᓂᕐᒥᒡᓗ. ᐃᓄᒃᑑᓕᖅᑎᑕᐅᓪᓗᓂ ᐅᖃᓕᒫᒐᐅᑉ ᐊᑎᖕᒐ ‘ᑲᑎᖅᓱᒐᑦ’ ᑐᑭᖃᖅᐳᖅ, “ᑭᓱᓕᒫᑦ ᑲᑎᑦᑐᑦ ᐃᓗᐃᑦᑐᙳᕋᓱᒃᖢᓂ” ᐅᕝᕙᓘᓐᓃᑦ “ᐱᖁᑎᑦ ᐲᔭᖅᑕᐅᔪᓐᓇᖅᑐᑦ”. ᐊᔪᙱᑦᑐᒻᒪᕆᖕᒥᑦ ᐃᓄᖕᒥᑦ ᐃᖅᑲᓇᐃᔭᖃᑎᖃᓚᐅᖅᐳᖕᒐ
ᐅᖃᐅᓯᓕᕆᔨᒻᒪᕆᒃ ᔭᐃᐱᑎ ᐊᕐᓇᒃᑲᖅ ᑎᑎᕋᐅᔭᖅᑕᒃᑲ ᐃᓄᒃᑑᓕᖅᑎᑕᐅᖁᓪᓗᒋᑦ.

ᐱᕈᖅᐸᓪᓕᐊᖕᒋᓐᓇᖅᐳᖕᒐ ᑎᑎᕋᕐᓂᒃᑯᑦ, ᐅᖃᐅᓯᒃᑯᑦ, ᐊᒻᒪᓗ ᐃᒻᒥᓂᒃ ᑐᑭᓯᒃᑲᓐᓂᕋᓱᐊᕐᓂᕐᒧᑦ. ᐊᕐᕌᒎᓚᐅᖅᑐᒥᒃ ᓄᒃᑎᓚᐅᖅᑐᖕᒐ ᐃᖃᓗᖕᓄᑦ ᐃᓄᒃᑐᒃ ᐃᓕᓐᓂᐊᒃᑲᓐᓂᕈᒪᓪᓗᖕᒐ. ᐊᒥᓱᓂᑦ ᐃᓄᑦᑎᐊᕙᖕᓂᑦ ᖃᐅᔨᒪᔭᖃᓕᖅᐳᖕᒐ ᐃᓚᒌᖕᓂᑦ
ᐃᓄᐃᓪᓗ ᐱᖅᑯᓯᖕᒋᓐᓂᓪᓗ ᖃᐅᔨᒪᔭᖃᓕᖅᖢᖕᒐ. ᑕᑯᔭᕆᐅᖅᓯᒪᓕᖅᖢᖕᒐᓗ ᐊᑦᑕᓐᓂᑦ ᐊᒃᑲᓐᓂᑦ ᐊᖕᒍᑎᖃᑎᒃᑲᓂᑦ ᐊᕐᓇᖃᑎᒃᑲᓂᓪᓗ ᐃᒃᐱᒍᓱᖕᓇᖅᐳᖅ ᑐᕝᕕᖃᑦᑎᐊᕐᓂᓐᓂ. ᐱᕕᖃᕈᓐᓇᕐᓂᕐᒥᒃ ᑎᑎᕋᕐᓂᕐᒥᒃ ᐃᓄᒃᑎᑐᑦ ᐊᑐᕐᓇᒐᔪᓗᐊᙱᑦᑐᖅ ᐱᐅᔫᓪᓗᓂᓗ ᐃᓄᒃᑐᓪᓗ ᐃᓕᑦᑎᕚᓪᓕᕐᓇᖅᖢᓂ. ᑎᑎᕋᕐᓂᑎᒍᑦ ᐃᓕᑦᑎᕚᓪᓕᒃᑲᓐᓂᕐᓇᖅᑐᖅ. ᐃᓱᓕᑦᑎᒃᑲᓐᓂᕐᓂᕐᒥᒃ ᐱᕙᓪᓕᐊᔾᔪᑎᒋᖃᑦᑕᖅᑕᕋ, ᐅᖃᓕᒫᒐᓂᒃ ᐃᖅᑲᓇᐃᔮᒃᑯᑎᒍᑦ ᐱᐅᓯᓂᒃ ᓴᖅᑰᓯᒪᓲᖕᒍᕗᖅ ᐱᖅᑯᓯᑎᒍᑦ ᐅᖃᐅᓯᒃᑯᑎᒍᓪᓗ.

20231018 Issue 131 POETRY Elements_BIL_Cover thumnail Inhabit (1)

ᐊᓪᓚᑎ: ᔭᐃᒥᓯ ᕗᐊᓂᐊᐃ

ᔭᐃᒥᓯ ᕗᐊᓂᐊᐃ ᐊᓕᐊᓇᐃᒋᔭᖃᖅᐳᖅ ᐃᓄᐃᑦ ᐃᓕᖅᑯᓯᖏᓐᓂᑦ ᖃᐅᔨᕙᓪᓕᐊᓪᓗᓂ ᑎᑎᕋᖅᑎᒍᑦ. ᑎᑎᕋᖅᑎᐅᒋᕗᖅ ᐅᖃᓕᒫᒐᕐᒥᑦ ᐊᑎᓕᖕᒥᑦ The Other Ones (ᐊᓯᖕᒋᑦ), ᓴᖅᑭᑕᐅᓯᒪᒋᓪᓗᓂ Inuit Art Quarterly, Red Rising Magazine, Northern Public Affairs, ᑳᑯᓗᒃ ᐅᖃᓕᒫᒐᖅ, ᐅᖃᓕᒫᒐᐃᑦ ᑲᑎᖅᓱᓯᒪᓂᖕᒋᓐᓂᓗ Coming Home: Stories from the Northwest Territories ᐊᒻᒪᓗ Ndè Sı̀ı̀ Wet’aɂà: Northern Indigenous Voices on Land, Life, & Art.