Download a copy of Issue 131-132 here.
ᐅ ᓇ ᐅᐱᕐᖔᒧᑦ ᐊᐅᔭᕐᒧᓗ ᐃᓄᒃᑎᑐᑦ ᐅᖃᓕᒫᒐᖅ ᐃᖕᒋᕐᕋᕗᖅ ᐃᓄᐃᑦ ᓄᓇᖕᒐᑎᒍᑦ. ᐅᖃᓕᒫᒐᕗᑦ ᐱᒋᐊᕈᑎᖃᖅᐳᖅ ᑲᑎᑎᑦᓯᓂᕐᒥᑦ ᐃᓄᐃᑦ ᓇᖕᒥᓂᖅᓱᕋᓱᐊᕐᓂᕐᒥᓂᑦ ᓂᕆᔭᑦᓴᖃᑦᓯᐊᕐᓂᕐᒥᓗ ᓄᐃᑕᐅᓚᐅᕐᓂᖕᒐᓄ ᐃᓄᐃᑦ ᓂᕿᑐᐃᓐᓇᖕᒋᑦ ᓂᕿᓕᕆᕕᖓᓂᑦ ᐃᓅᕕᒻᒥᑦ. ᑖᕙᙵᓴᐃᓐᓇᖅ, ᐃᓄᕕᐊᓗᒃ ᖃᑦᑎᕆᔨᒃ ᐅᓂᒃᑳᖅᑐᖅ ᖃᒥᑦᓯᒐᓱᐊᖃᑕᐅᓂᖕᒐᓂᑦ ᐃᑯᐊᓪᓚᔾᔪᐊᓂᖃᓚᐅᖅᑎᓪᓗᒍᑦ ᓄᓇᑦᓯᐊᖅ ᓇᐹᖅᑐᖁᑎᖕᒋᓐᓂᒃ 2023-ᒥᑦ. ᖃᐅᔨᒋᐊᖅᕕᖃᕆᕗᒍᑦ ᐃᙱᖅᑎ ᐃᓕᓴᐱ ᐊᐃᓴᒃ ᑐᓴᕐᓂᔮᒐᓕᐊᕆᓚᐅᖅᑕᖕᒐᑕ ᐊᒻᒪᓗ ᑕᐅᑐᕋᓐᓈᖅᑎᑦᓯᓂᖕᒐᑕ ᒥᑦᓵᓂᒃ, ᐊᒻᒪᓗᑦᑕᐅ ᐃᙱᖅᑎᐅᒥᔪ ᑎᐊᓐᑕ ᐄᑦᒪᓐᔅ ᑐᓴᐅᒪᒋᐊᒃᑲᓐᓂᖅᑎᑦᓯᓂᖕᒐᓂᒃ ᓄᓇᑦᓯᐊᕗᒻᒥᐅᑕᐃᑦ ᐃᙱᕈᓯᖕᒋᓐᓂᑦ. ᒪᒃᐱᒐᒃᑎᓐᓂᑦ ᑕᐱᕇᒃᑯᑦ ᐊᖕᒐᔪᖅᑳᖕᒐ, ᓈᑕᓐ ᐆᐱᑦ, ᓴᓇᕐᕙᐃᑲᐃᓐᓈᐱᑉᐳᖅ ᐱᓕᕆᐊᓂᑦ ᐅᓂᒃᑳᒍᒪᒧᑦ ᖁᕕᐊᒋᓪᓚᕆᑦᑕᒥᓂᒃ ᕼᐋᑭᕐᓂᕐᒥᑦ ᐊᒻᒪ ᑲᑎᖅᓱᐃᓯᒪᓂᖕᒐᓂᑦ ᕼᐋᑭᒧᑦ ᐊᔾᔨᖕᒍᐊᓂᑦ. ᐅᖃᓕᒫᒐᓕᒫᑦ ᑎᑎᕋᖅᑕᐅᓯᒪᕗᑦ ᐅᓂᒃᑳᒐᐅᑉ ᐃᓄᖕᒐᑕ ᐃᓄᒃᑑᒍᓯᖕᒐᓂᑦ, ᑎᑎᕋᖅᑕᐅᓯᒪᑦᓱᑎᓗ ᖃᓂᐅᔭᖅᐸᐃᒥᑦ ᐊᒻᒪ ᖃᓕᐅᔮᖅᐸᐃᒥᑦ, ᐃᓄᒃᑐᑦ ᖃᓕᐅᔮᖅᐸᐃᑦ ᑎᑎᕋᕈᓯᒃ ᐊᑐᖅᓱᒍᑦ. ᐃᓄᒃᑐᑦ ᖃᓕᐅᔮᖅᐸᐃᑦ ᐋᖅᑭᓱᖅᑕᐅᔪᕕᓂᖅ ᐃᓄᓐᓄᑦ ᐅᖃᐅᓯᓕᕆᔨᒻᒪᕆᓐᓄᑦ 7 ᐊᕐᕌᒍᒃᑯᑦ ᑎᑎᕋᐅᓯᖅᑕᖃᓂᐊᕐᒪᑦ ᐃᓄᓐᓄᐊᖕᒐᔪᒥᒃ, ᐃᓄᓐᓄᑦ ᐃᓱᒪᓕᐅᖅᑕᐅᓯᒪᔪᒥᒃ. ᐊᖕᒋᖅᑕᐅᓚᐅᖅᓯᒪᔪᖅ ᑕᐱᕇᑦ ᑲᑎᒪᔨᖕᒋᓐᓄᑦ 2019‐ᒥᑦ. ᓂᕆᐅᒃᐳᒍᑦ ᖁᕕᐊᒋᔭᖃᓂᐊᕋᑦᓯᒃ ᑖᑦᓱᒪ ᐃᓄᒃᑎᑐᑦ ᐅᖃᓕᒫᒐᐅᑉ ᐃᓗᐊᓃᑦᑐᓂᒃ, ᐃᓄᐃᑦ ᐱᒍᓐᓇᓯᐊᓂᖕᒋᑦᑕ, ᓴᙱᔫᓂᖕᒋᑦᑕ, ᓯᓚᑐᔫᓂᖕᒋᑦᑕᓗ ᒥᑦᓵᓂᒃ ᐅᓂᒃᑳᖅᑐᓂᒃ.