Inuktitut Magazine

Download a copy of Issue 133-134 here.

ᑖᑦᓱᒪ ᒪᑉᐱᒐᖕᒋᓐᓂᒃ, ᐊᑐᐊᒍᓐᓇᐳᑎᑦ ᓄᓇᕕᒻᒥᐅᑕᖅ ᐃᓐᓇᐅᓚᐅᕐᓯᒪᔪᖅ ᓈᓚᒃ ᓇᑉᐹᓗᒃ ᐊᐅᓚᔨᔭᐅᑎᓪᓗᒍ, ᐊᑎᖕᒐ ᐊᑐᖅᑕᐅᑎᓪᓗᒍᑦ ᖃᐅᔨᓴᕐᓂᕐᒧᑦ ᓯᑯᓯᐅᑎᒧᑦ. ᓄᓇᕗᒻᒥᓕ, ᕿᒧᒃᓯᕐᑎ ᐊᒻᐳ ᐊᒡᓗᑲᖅ ᐅᓂᒃᑳᑐᖅ ᕿᒧᒋᐅᕐᓴᓂᕐᒥᓂᒃ ᐊᑖᑕᖕᒐᑎᑐᑦ, ᖃᓄᐃᓚᐅᕐᓂᖕᒐᓂᓗ ᐃᕐᓂᒥᓂᒃ ᐃᓕᓴᐃᑦᓱᓂ ᕿᒧᑦᓯᕐᓂᐅᑉ ᒥᑦᓵᓂᒃ. ᐅᓂᒃᑳᒐᖃᕆᕗᖅ ᒪᕐᕉᕕᒻᒥᐅᑕᐃᑦ, ᓄᓇᑦᓯᐊᕗᒻᒥᑦ, ᑲᖕᒋᖅᑐᒑᐱᒻᒥᐅᑕᐃᓗ, ᓄᓇᕗᒻᒥᑦ, ᐃᓕᓴᖃᑦᑕᐅᑎᒌᑦᑎᓗᒋᑦ ᐊᖕᒍᓇᓱᓐᓂᕐᒥᑦ ᓄᓇᒦᓂᕐᒥᓗ. ᐃᓄᕕᐊᓗᐃᓪᓕ ᓄᓇᖕᒐᓂᒃ, ᓄᓇᕐᔪᐊᖃᖃᑎᒌᙱᑐᑦ ᓇᓪᓕᒍᓱᖃᑦᑕᐅᑎᔫᒃ ᐅᓂᒃᑳᐳᑦ ᑲᑎᒪᒐᓱᐊᕐᓂᖕᒋᓐᓂᒃ, ᐊᓚᔅᑲ ᐊᒻᒪᓗ ᐊᒃᓚᕕᒻᒥᐅᑕᐅᓪᓗᑎᒃ. ᑖᒃᑯᐊ ᐅᓂᒃᑳᑦ ᐃᓗᐊᓃᑉᐳᑦ, ᐊᓯᖕᒋᓪᓗ ᖁᕕᐊᓲᑎᓖᑦ ᐃᓄᐃᑦ ᐊᑐᕐᑕᖕᒋᓐᓂᒃ ᖃᓄᐃᓕᐅᕐᓂᕆᔭᖕᒋᓐᓂᓗ ᒪᒥᓴᐃᑦᓱᑎᒃ ᓄᓇᖁᑎᑦᑎᓐᓂᒃ.

ᐅ ᓇ ᐅᐱᕐᖔᒧᑦ ᐊᐅᔭᕐᒧᓗ ᐃᓄᒃᑎᑐᑦ ᐅᖃᓕᒫᒐᖅ ᐃᖕᒋᕐᕋᕗᖅ ᐃᓄᐃᑦ ᓄᓇᖕᒐᑎᒍᑦ. ᐅᖃᓕᒫᒐᕗᑦ ᐱᒋᐊᕈᑎᖃᖅᐳᖅ ᑲᑎᑎᑦᓯᓂᕐᒥᑦ ᐃᓄᐃᑦ ᓇᖕᒥᓂᖅᓱᕋᓱᐊᕐᓂᕐᒥᓂᑦ ᓂᕆᔭᑦᓴᖃᑦᓯᐊᕐᓂᕐᒥᓗ ᓄᐃᑕᐅᓚᐅᕐᓂᖕᒐᓄ ᐃᓄᐃᑦ ᓂᕿᑐᐃᓐᓇᖕᒋᑦ ᓂᕿᓕᕆᕕᖓᓂᑦ ᐃᓅᕕᒻᒥᑦ. ᑖᕙᙵᓴᐃᓐᓇᖅ, ᐃᓄᕕᐊᓗᒃ ᖃᑦᑎᕆᔨᒃ ᐅᓂᒃᑳᖅᑐᖅ ᖃᒥᑦᓯᒐᓱᐊᖃᑕᐅᓂᖕᒐᓂᑦ ᐃᑯᐊᓪᓚᔾᔪᐊᓂᖃᓚᐅᖅᑎᓪᓗᒍᑦ ᓄᓇᑦᓯᐊᖅ ᓇᐹᖅᑐᖁᑎᖕᒋᓐᓂᒃ 2023-ᒥᑦ.

ᓯᕗᓂᑦᑎᓐᓄᑦ ᑐᕌᖓᑎᑦᑎᓯᒪᒋᓪᓗᑎᒃ, ᐃᓄᐃᑦ ᓴᓇᐅᒐᓕᕆᓂᖏᓐᓄᑦ, ᐱᐅᓯᑐᖃᖏᓐᓄᑦ ᐊᒻᒪᓗ ᑐᓴᐅᒪᖃᑦᑕᐅᑎᓕᕆᔾᔪᑎᖏᓐᓄᑦ ᓯᕗᓂᒃᓴᕆᔭᐅᔪᓄᑦ. ᐅᖃᓕᒫᒐᐃᑦ ᖄᖓᓂ, ᐊᒻᒪᓗ ᑐᕌᖓᔾᔪᑎᐅᓪᓗᑎᒃ ᑕᑯᒃᓴᐅᑎᑕᐅᔪᑦ ᐃᓗᐊᓂ, ᑕᑯᒃᓴᐅᑎᑦᑎᓯᒪᕗᑦ ᐃᓕᑕᕆᔭᐅᔾᔪᑎᓂᒃ ᓵᓚᒃᓴᐅᑎᑖᕈᑎᒋᓚᐅᖅᑕᖓᓄᑦ ᐅᓪᓗᒥᓂᑕᕐᓂᒃ ᐊᔾᔨᓕᐅᖅᓯᒪᔭᖓᓂᒃ ᐋᑐᕙᒥᐅᑕᐅᓪᓗᓂ ᑳᓱᕆᓐ ᑕᒃᐹᓂᐅᑉ. ᐅᖃᓕᒫᒐᓄᑦ ᐃᓕᓯᓯᒪᒻᒥᔪᒍᑦ ᐊᐱᖅᓱᕐᓂᕆᓚᐅᖅᑕᑦᑎᓐᓂᒃ ᓘᓯ ᑐᓗᒑᕐᔪᖕᒥᒃ, ᐊᐅᓚᑦᓯᓂᕐᒥ ᐃᓱᒪᑕᕆᔭᐅᔪᒥᒃ ᑲᓇᑕᒥ ᓯᕗᓪᓕᖅᐹᓪᓚᕆᐅᓪᓗᓂ ᓯᕿᖖᒍᔭᖅ ᑲᐃᕕᑦᓱᒍ ᑕᓚᕕᓴᑎᒍᑦ ᑕᑯᒃᓴᐅᑎᑦᑎᕙᓐᓂᕐᒥᒃ ᐃᓄᒃᑐᑦ ᐊᒻᒪᓗ ᖃᐅᔨᒋᐊᕐᓂᐅᔪᓄᑦ ᐱᕙᓪᓕᐊᔪᓕᕆᓂᐅᔪᓄᑦ ᓂᐅᕝᕈᑎᖃᒃᑲᓐᓂᕈᓐᓇᕆᐊᒥᒃ ᐱᔪᓐᓇᐅᑎᒋᔭᐅᔪᓂᒃ ᐊᒻᒪᓗ ᑮᓇᐅᔾᔭᒃᓴᕝᕕᐅᑐᐃᓐᓇᕆᐊᓕᖕᓂᒃ – ᓂᐅᕝᕈᑎᐅᒃᑲᓐᓂᕋᔭᖅᐸᑕ ᐃᓄᖕᓂᑦ ᓴᓇᐅᒐᓕᐊᖑᓯᒪᔪᕕᓃᑦ.

In the latest issue of Inuktitut Magazine, we give you front row seats to a historic reindeer crossing in Inuvialuit….