ᐊᖕᒍᔭᑎᑦ ᐃᒐᔭᑎᑦ

ᓄᓇᒃᑰᕈᑎᒃᑯᑦ ᐃᑳᕐᓂᒃᑯᑦ ᓄᓇᑉᑎᖕᓂᑦ ᑎᑭᕋᕐᔪᐊᒧᑦ, ᐃᖃᓗᒃᕼᐃᐅᖅᐸᒑᑦ ᐃᖃᓗᒃᑑᑦᑎᐊᖅ ᕼᐊᓂᐊᓂ ᐅᓇ ᐃᒐᔨ ᑖᓴ ᑐᓗᒐᓇᒃ ᐃᖃᓗᒃᐱᑦ ᐱᓐᓇᕆᔮ. ᐊᐅᔭᒥ, ᐃᖃᓗᐃᑦ ᕼᐃᑐᒑᖕᒐᑦ ᑕᕐᔪᕐᒧᑦ, ᐃᖅᑲᒃᕼᐊᕌᖕᒐᒥᒃ ᐃᖃᓗᖕᓇᖅᐸᒃᑐᖅ, ᐅᖃᖅᑐᖅ. ᐃᖅᑲᒃᕼᐊᕌᖕᒐᒥ ᐃᖃᓗᖕᓂᒑᖕᒐᑦ, ᕼᐅᖓᐃᔭᖅᐸᒃᕼᐅᓂᐅᒃ ᐊᖕᒋᓪᕋᐅᑎᕙᒑ, ᐱᑦᑎᓕᐅᕆᐊᖕᒐᑦ.

ᐆᒪ ᑐᓗᒐᓇᒃ, ᐃᒐᓂᕐᒧᑦ ᐃᓕHᐊᐃᔨᐅᔪᖅ ᐅᕙᓂ ᓄᓇᕗᑦ ᐃᓂᕐᓂᑦ ᐃᓕᕼᐊᕐᕕᐊᓂᑦ ᐃᖃᓗᒃᑑᑦᑎᐊᒥ, ᐃᖃᓗᒃᕼᐃᐅᕐᓂᖅ ᕼᐅᓕᔾᔪᑎᒋᕙᒑᑦ.

“ᓂᕿᒃᕼᐊᒥᒃ ᐃᖅᑲᒃᕼᐊᐅᓐᒥᒡᓗ ᓇᒃHᐊᐃᓐᓇᖅᐸᒃᑕᕗᑦ. ᕼᐃᕙᔭᐅᑎᓐᓄᐊᒃᑯᑦ ᑐᕌᕐᓇᐃᑦᑐᖅ ᑕᕼᐊᒪᓂ, ᖁᕕᐊᓇᖅᕼᐃᕝᓗᓂ”, ᐅᖃᖅᑐᖅ.

ᐅᕙᓂ ᐅᐊᑖᓂ ᓄᓇᕗᓐᒥ ᓄᓇᓕᖕᓂ, ᐃᖃᓗᒃᐱᑦ ᓂᕆᔭᐅᖕᒋᓐᓇᖅᐸᒑᑦ, ᕼᐊᒻᓇ ᐅᒥᖕᒪᐃᑦ ᐃᑭᑦᐸᓪᓕᐊᒐᒥᒃ ᑐᒃᑐᐃᓪᓗ ᐊᔪᕐᓇᖅᕼᐃᕙᒃᕼᐅᓂ. “ᓄᓇᑉᑕ ᐃᓕᕼᐃᒪᔭᐅᕙᒃᑐᖅ ᐃᖃᓗᒃᐱᑦ ᐊᒥᒐᐃᑦᐸᒃᑐᑦ. ᐃᒐᐃᓐᓇᖅᕼᐅᑕ ᐃᖃᓗᒃᐱᒃ ᐃᒥᕌᓂᒃ ᐃᖃᓗᐃᑦ ᓂᖃᐃᓂᒡᓗ,” ᑐᓗᒐᓇᒃ ᐅᖃᖅᑐᖅ.

ᐃᓕHᐊᐃᔨᐅᖕᒋᑦᑕᕌᖕᒐᒥ ᐃᓕᕼᐊᓕᕼᐋᖅᑐᑦ ᐃᒐᓂᕐᒧᑦ ᐊᔪᕐᓇᐃᑦᑐᒥᒃ, ᐆᒥᙵᓘᓃᑦ ᑐᒡᓕᕆᔭᐅᔪᑦ ᐅᑭᐅᖕᒐᓂᑦ ᐱᓐᓇᕆᔪᒥᒃ ᐃᒐᓂᕐᒧᑦ ᐊᔪᐃᖅHᐊᐃᓂᖕᒋᑦ ᐃᓕᕼᐊᖅᕼᐃᒪᔪᖅ ᐃᓕᕼᐊᖅᕼᐅᓂ ᐃᒐᓂᕐᓄᑦ ᐃᓕᕼᐊᐅᑎᖕᒋᑦ ᐅᕙᓂ ᐊᐅᓪᐴᑕ ᐅᐊᓐᓇᖕᒐᓂ ᐃᓕᕼᐊᕐᕕᐊᓂ ᐃᑦᒪᓐᑕᓐᒥ, ᑐᓗᒐᓇᒃ ᖁᕕᐊᒋᔮ ᕼᐊᓐᓇᐃᔭᕇᖅᕼᐅᓂ ᓂᕿᓂᑦ ᓄᓇᓕᖕᓂ ᑲᑎᒪᓕᕌᖕᒐᑦ ᐅᓇᓗ ᐃᓂᕐᓂᒃᕼᐊᑦ ᑲᑎᒪᔪᓄᑦ.

“ᐃᒃᐱᒋᔭᕋ ᑭᕝᒐᐅᑎᒑᖕᒐᕕᑦ ᒥᑭᔪᒥᒃ ᐊᐃᒪᕕᑉᑕ ᑭᕝᒐᐅᑎᒑᖕᒐᑦ ᓂᖃᐃᓐᓇᕐᒥᒃ, ᐃᓂᕐᓂᒃᕼᐊᓄᑦ ᐃᕼᐅᒪᕝᓗᒋᑦ,” ᐅᖃᖅᑐᖅ.  “ᓂᖃᐃᓐᓇᖅᑐᖃᑦᑕᖕᒋᑦᑐᑦ, ᑕᐃᒪᓂᑐᑦ, ᑕᐃᒫ ᖁᕕᐊᕼᐆᑕᐅᕙᒃᕼᐅᓂ ᑭᕝᒐᐅᑎᒑᖕᒐᑦ ᓂᖃᐃᓐᓇᕐᒥᒃ, ᑕᐃᒫ ᑐᓂᖅHᐊᐃᕼᐃᒪᔭᑎᑦ, ᐊᐃᒪᕕᒃᑐᑦ ᐃᑦᑐᖅ ᑕᐃᒫ.”

ᐃᒐᓂᖅ ᐃᖃᓗᒃᑑᑦᑎᐊᒥ ᐋᓪᓚᒃᐱᐊᖅᑐᖅ ᕼᐊᕚᖕᒋᑦ ᑕᐅᓇᓂ ᖃᑉᓗᓈᑦ ᓄᓇᖕᒐᓂ, ᐅᖃᖅᑐᖅ. ᐃᕼᐊᕆᐊᓇᖅᕼᐃᕙᕼᐅᓂ ᓄᑖᖅᐸᐃᖕᒍᔪᑦ ᓂᕿᒃᕼᐊᑦ ᐱᔪᒪᔭᒥᖕᓂᑦ ᓄᓇᒥᐅᑐᖃᐃᑦ ᐋᔾᔨᒌᙱᑦᑐᑦ. ᕼᐊᕚᒃᕼᐊᓄᑦ ᐅᕙᓂ ᐃᒐᓂᕐᒧᑦ ᐊᐃᒪᕕᖕᒥ ᐃᖃᓗᒃᑑᑦᑎᐊᒥ ᑖᒻᓇ ᕼᐃᓐᓇᒃᑑᒥᕙᒑ ᑐᓗᒐᓇᒃ ᑕᐃᒫ ᐊᕐᓇᕈᕼᐃᐅᕝᓗᓂ ᐃᒐᙵᓕᕋᒥ. “ᐃᓄᓪᕋᒻᒥᐅᕝᓗᓂ ᐃᓄᒃ ᐊᕐᓇᐅᑉᓗᖕᒐ, ᐃᒃᐱᒌᓐᓇᖅᕼᐅᒍ ᖁᕕᐊᓇᖅᐱᐊᖅᕼᐅᓂ, ᕼᐃᕗᓕᖅᑎᐅᕝᓗᖕᒐ ᓄᓇᒻᓂ ᑕᐅᑐᒃᑎᑦᑎᕝᓗᖕᒐ ᕼᐅᓕᓂᖅ ᕼᐅᓕᔮᒥ ᐃᕼᐅᒪᒌᓐᓇᕐᓗᒍ, ᐃᓕᕼᐊᕐᓂᖅ ᐃᕼᐅᒪᒋᔭᒃᕼᐊᕐᓗ,” ᐅᖃᖅᑐᖅ.

ᑕᒧᕐᓇᖅᑐᖅ ᐃᖃᓗᒃᐱᒃ ᕼᐄᕐᓇᖅᑐᖅ

ᐊᕝᕙᐅᑎᒃᕼᐊᖕᒋᑦ:

ᐊᕝᕙᐅᑕᐃᓐᓈ ᑎᐊᕼᐃᒪᔪᖅ ᐆᒥᙵᓘᓃᑦ ᐱᔪᒪᔭᑎᑦ ᐃᖃᓗᒃᐱᒃ

ᑕᕐᔪᖅ ᐅᓇᓗ ᐸᐸ ᕿᒥᓪᕈᕐᓗᒍ

¼ ᖃᓪᓗᓐᒥᒃ ᒧᖅᐸᐅᔭᒃᕼᐊᓄᑦ ᐆᑕᒃᕼᐋᑦ

¼ ᖃᓪᓗᓐᒥᒃ ᕼᐊᐅᓂᓕᖕᓂᑦ ᐋᓪᒪᑦ, ᐊᕝᒍᖅᕼᐃᒪᔪᑦ ᐃᒐᕼᐃᒪᔪᓪᓗ

3-4 ᐊᖕᒋᕝᔭᒃᑐᖅ ᐊᓘᑦ ᐅᖅᕼᐅᖅ – ᖃᓄᕐᓘᓃᑦ ᐊᕙᕝᕕᓛᖅ ᐊᖕᒋᔪᖅᐸᑦ

4 ᐊᖕᒋᕝᔭᒃᑐᖅ ᐊᓘᑦ ᐸᔭ

ᔫᓯᖕᒐᓂᑦ 2 ᓚᐃᒪᑦ

5 ᐆᒥᙵᓘᓃᑦ ᕼᐃᐊᒥᕝᔭᒃᑐᒥᒃ ᑕᐃᒻ

3 ᐊᖕᒋᕝᔭᒃᑐᖅ ᐊᓘᑦ ᕼᐊᓂ

1-2 ᐊᖕᒋᕝᔭᒃᑐᖅ ᐊᓘᑦ ᐸᓂᐅᒪᔪᖅ ᐹᓯᓕ

–

ᐃᓕᑦᑐᕐᕕᒃᕼᐊᑦ:

1. ᐊᕕᒡᓗᒋᑦ ᐃᖃᓗᒃᐱᒃ 8 ᐊᐅᓐᓯᓂᒃ ᐊᕝᒎᑕᐃᑦ. ᐸᓂᖅᕼᐃᒪᓗᒋᑦ ᑎᐊᕼᐃᒪᔪᐃᑦ ᐊᓪᓚᕈᓐᒧᑦ ᑕᕐᔪᖅᑎᕐᓗᒋᑦ ᐸᐸᑎᕐᓗᒋᓪᓗ. ᐃᓕᐅᕋᕐᓗᒋᑦ ᐃᑭᑦᑐᒥᒃ ᒧᖅᐸᐅᔭᖅ ᐆᑕᒃᑕᒃᕼᐊᑦ. ᕼᐊᓂᐊᓄᙵᕐᓗᒋᑦ.

2. ᐊᑐᕐᓗᒍ ᓂᐱᑦᑕᐃᓕᔪᑦ ᐊᕙᕝᕕᓛᕐᒥᒃ ᐆᒥᙵᓘᓃᑦ ᐅᖁᒪᐃᑦᑐᒥᒃ ᐊᕙᕝᕕᓛᖅ, ᐃᒐᓗᒋᑦ ᕼᐊᐅᓂᓖᑦ ᐋᓪᒪᑦ ᐆᓇᕝᔭᒃᑐᒥᒃ 3-4 ᑕᑭᓪᕋᐃᓐᓈᓄᑦ, ᑲᔪᖅᑐᖅ ᐃᕕᑖᖅᕼᐃᒪᓗᓂ. ᐊᕼᐃᕙᖅᕼᐃᒪᓗᒋᑦ ᕼᐊᓂᐊᓄᙵᕐᓗᒋᑦ.

3. ᐃᓗᐊᓂ ᐊᕙᕝᕕᓛᕐᒥ ᐆᒥᙵᓘᓃᑦ ᐅᖁᒪᐃᑦᑐᒥᒃ ᐊᕙᕝᕕᓛᖅ ᐆᓇᒃᕼᐄᓗᒍ ¼ ᐃᓐᓯᒍᑦ ᐅᖅᕼᐅᐊᓂᑦ ᐆᓇᕝᔭᒃᑐᒥ-ᐆᓇᒃᑐᒥᒃ. ᐆᓐᓇᒃᐱᐊᕈᒥ, ᐃᓕᓗᒍ ᐃᖃᓗᒃᐱᒃ ᑎᐊᕼᐃᒪᔪᑦ ᐃᒐᕼᐃᒪᓗᒋᑦ 3-4 ᑕᑭᓪᕋᐃᓐᓈᑎᒍᑦ ᑕᒪᕐᒥᒃ, ᑲᔪᖅᑐᖅ ᐃᕕᑖᙳᕈᒥᒡᓘᓃᑦ. ᐊᕼᐃᕙᕐᓗᒋᑦ ᐊᕙᕝᕕᓛᕐᒥᑦ ᕼᐊᓂᐊᓄᙵᕐᓗᒋᑦ.

4. ᐊᑐᕐᓗᒍ ᐊᐅᓚᔪᐃᑦᑐᖅ ᐊᕙᕝᕕᓛᖅ, ᓇᐃᒡᓕᕼᐃᒪᓗᒍ ᐆᓇᖅᑐᖅ ᓇᐃᑦᑐᒥᒃ-ᐃᑭᑦᑐᒥᒡᓘᓃᑦ, ᐃᓚᓗᒍ ᐸᔭ, ᓚᐃᒪᑦ ᔫᔅ, ᑕᐃᒻ ᐅᓇᓗ ᕼᐊᓂ.

5. ᕼᐊᒻᓇ ᐸᔭ ᐳᕆᓕᖅᑲᑦ, ᐊᕼᐃᕙᕐᓗᒍ ᐊᕙᕝᕕᐊᓛᖅ ᐆᓐᓇᒃᑐᒥᒃ ᐃᓚᓗᒍ ᐹᓯᓕ ᐅᓇᓗ ᐃᒐᕼᐃᒪᔪᑦ ᕼᐊᐅᓂᓖᑦ ᐋᓪᒪᑦ.

6. ᐃᓚᓗᒋᑦ ᐃᖃᓗᒃᐱᒃ ᑎᐊᕼᐃᒪᔪᑦ ᐊᕙᕝᕕᓛᕐᒥᑦ ᑯᕕᓗᒍᓗ ᒥᕼᐅᕌ ᐃᖃᓗᑉ ᖄᖕᒐᓂ.

7. ᐊᒃᑭᐅᑕᖅᕼᐃᒪᓗᒍ ᐃᒐᕼᐃᒪᔭᑎᑦ ᓈᒻᒪᒋᔭᖕᓂᑦ ᐃᓚᕕᒃᕼᐋᑦ.

ᐅᓇ ᓂᕿ, ᐃᓚᕙᒃᑕᕋ ᑳᓕᒃ ᕼᐊᐅᕼᐃᒪᔪᑦ ᐸᑏᑕᑦ, ᐃᒐᕼᐃᒪᔪᑦ ᐊᔅᐱᐊᕆᑲᔅ ᐅᓇᓗ ᐊᕈᒍᓚ ᐸᐅᙵᖅ ᓵᓚᑦ.