ᖁᓛᓂ ᓴᐅᒥᖕᒥᑦ ᑕᓕᖅᐱᒧᑦ: ᐃᓕᓴᐱ ᐃᓱᓗᑕᖅ, ᐊᓃᑕ ᑲᒃᑭ, ᐃᓕᓴᐱ ᑏ. ᐊᓂᖕᒥᐅᖅ (ᐊᓈᓇᒐ), ᓘᓯ ᑲᒃᑭ, ᐹᓪ ᑯᐊᑕᓐ, ᔭᐃᓴᓐ ᓴᑦᓗᕕᓂᖅ (ᐊᐃᑉᐸᕋ), ᒥᐊᕆ ᕕᐅᓪᒪᓐ. ᕿᑎᐊᓂ: ᒥᐊᓕ ᑰᓕ-ᓴᑦᓗᕕᓂᖅ. ᓯᕗᓪᓖᑦ ᓴᐅᒥᐊᓂᑦ ᑕᓕᖅᐱᐊᓄᑦ: ᒫᒃ ᐃᓱᓗᑕᖅ, ᐊᓃᑲ ᑰᓕ-ᓴᑦᓗᕕᓂᖅ, ᐅᒃᐱᒃ ᑰᓕ-ᓴᑦᓗᕕᓂᖅ, ᓰᐸ ᐃᓱᓗᑕᖅ, ᔫᓱᐊ ᐃᓱᓗᑕ, ᔮᓂᑦ ᒥᖅᑯᓵᖅ.
ᑎᑎᕋᖅᑎᕈᕐᓂᖅ ᕿᙳᐊᖅᑕᐅᔪᒃᓴᕐᓂᒃ ᖃᐃᖅᑯᔭᐅᓂᒃᑯᑦ
ᐱᕈᖅᓴᓂᓕᒫᒐᓚᓐᓂᒃ, ᐱᔭᕆᐊᑐᑦᓴᒐᓚᖃᑦᑕᓚᐅᖅᑐᖓ ᐃᓚᐅᑎᕋᓱᐊᕆᐊᖅ
ᐃᓂᒋᔭᐅᔪᓄᑦ ᖃᐃᖅᑯᔭᐅᓯᒪᓇᖓ. ᐅᖃᐅᓯᖃᖅᑐᖓ ᐊᑐᓚᐅᖅᓯᒪᔭᓐᓂᒃ ᐅᔾᔨᕆᓗᐊᖅᑎᓐᓇᖓ ᓇᒻᒥᓂᖅ ᓇᔫᑎᒋᐊᖅ, ᑭᓯᐊᓂᓕ ᐃᓚᖓᒍᑦ ᐃᑉᐱᒍᓱᑉᐸᔪᔪᖓ ᐃᓅᓂᑐᐃᓐᓇᕋ ᑐᙵᓱᙱᓚᐅᖅᐸᒋᐊᖓ. ᐃᑉᐱᓇᖅᑐᑎᑦ ᑕᑯᓐᓇᕐᓂᖏᑦ ᐅᕙᓐᓂᒃ
ᖃᓪᓗᖏᑦ ᐊᓐᓄᑦᓯᒪᔪᖅᑎᑐᑦ, ᑕᑯᓴᐅᒥᔭᖅᑕᐅᓂᒃᑯᑦ ᖃᓂᖏᓪᓘᓐᓃᑦ ᐅᖃᐱᓗᒡᕙᓗᑦᑐᑦ.
ᓂᐱᖃᙱᑲᓪᓚᓐᓂᖅ, ᐃᓱᒪᕙᑦᑐᖓ ᓂᓪᓕᐅᑎᖃᙱᑦᓯᐊᒻᒪᕆᓪᓗᓂ ᖃᓄᐃᓕᒋᐊᕈᑎᑐᐊᕆᑦᓯᐊᒻᒪᕆᓪᓗᒍ. ᐅᖃᐅᓯᖅᑕᖃᕆᐊᑐᙱᒐᔪᑦᑐᖅ ᖃᐅᔨᒪᔾᔪᑎᒋᓗᒍ ᑐᙵᓱᒻᒪᖔᖅᐱᑦ ᑐᙵᓱᙱᒻᒪᖔᖅᐱᓪᓘᓐᓃᑦ.
ᐊᓈᓇᒐ ᓵᓚᑦᓴᖅᓯᒪᓪᓚᕆᑦᑐᖅ.
ᐊᓈᓇᒐ, ᑕᐃᒃᑯᐊᑎᑐᑦ ᐊᒥᓱᑦ ᐅᑭᐅᖃᑎᑦᓴᔭᖏᓪᓗ, ᑕᑯᓯᒪᓪᓚᕆᑦᑐᖅ ᐊᓯᔾᔨᑲᓪᓚᓂᐅᔪᓂᒃ ᐃᓅᓯᕐᒥᓐᓂ.
ᒪᒃᑯᑦᑐᒋᐊᖑᓪᓗᖓ, ᓴᐱᙱᓐᓂᒃᑲ ᖁᑦᓯᑦᑐᒦᓚᐅᖅᑐᑦ ᐊᓚᒡᒐᐃᑦᓯᐊᖅᑐᑎᓪᓗ. ᐊᑐᕈᒪᓂᖃᓪᓚᕆᓚᐅᖅᑐᖓ ᐊᓯᔾᔨᖅᑐᐃᒍᒪᓪᓚᕆᓐᓂᕐᒥᒃ ᐃᑉᐱᓇᖅᑐᒥᓪᓗ ᐱᒍᒪᓂᖃᖅᑐᖓ ᑎᒥᓐᓂ ᐃᑲᔪᖅᓯᓂᐊᖅᑐᒥᒃ ᐊᓯᔾᔨᖅᑐᐃᓕᕐᓗᖓ. ᐃᓚᐅᑎᕐᓂᕋ ᐱᔾᔪᑎᖃᓗᐊᓚᐅᖅᑐᖅ ᒪᒃᑯᑦᑐᓂᒃ ᐃᑲᔪᕐᓂᕐᒥᒃ. ᑕᐃᑲᓂ ᑐᙵᓱᓐᓂᕋ ᐃᑉᐱᓇᖃᑦᑕᓚᐅᖅᑐᖅ, ᖃᓄᑭᐊᖅ, ᐃᓚᒋᔫᔮᖃᑦᑕᓚᐅᕋᒃᑭᑦ ᒪᒃᑯᑦᑐᑦ ᕿᓂᕐᒥᔪᑦ ᑐᙵᓱᑦᑎᑕᐅᓂᕐᒥᒃ. ᑲᓱᖅᐸᓪᓕᐊᒍᑎᒋᓪᓗᒋᑦ ᐃᓕᒋᐊᖃᓚᐅᖅᑐᖓ ᓇᒻᒥᓂᖅ ᑭᓇᐅᓂᕐᓂᒃ ᐃᓅᓪᓗᖓ ᔭᒪᐃᑲᒥᐅᓂᒃ ᓯᕗᓕᖃᖅᑐᖓ, ᐱᕈᖅᓯᒪᓪᓗᖓ ᐊᔾᔨᒌᙱᑦᑑᑎᓂᒃ ᑕᑯᓐᓇᕐᓂᖃᖅᑐᓂᒃ ᓄᓇᕐᔪᐊᒥᓐᓂ ᓂᕆᐅᒋᔭᖏᓪᓗ ᐊᔾᔨᒌᙱᑦᑑᑎᐅᔪᓂᒃ.
ᐅᖃᐅᑎᒍᒪᕙᒋᑦ ᐆᑦᑑᑎᒋᓗᒍ ᖃᓄᖅ ᐃᓂᑖᕋᓱᐊᖃᑦᑕᖅᓯᒪᒻᒪᖔᕐᒪ ᐃᓅᓯᕐᓂ.
ᐃᓅᔪᖓ. ᐊᓈᓇᒐ ᓵᓚᑦᓴᖅᓯᒪᓪᓚᕆᑦᑐᖅ. ᐊᓈᓇᒐ, ᑕᐃᒃᑯᐊᑎᑐᑦ ᐊᒥᓱᑦ ᐅᑭᐅᖃᑎᑦᓴᔭᖏᓪᓗ, ᑕᑯᓯᒪᓪᓚᕆᑦᑐᖅ ᐊᓯᔾᔨᑲᓪᓚᓂᐅᔪᓂᒃ ᐃᓅᓯᕐᒥᓐᓂ. ᐃᓅᓯᒪᓪᓗᓂ ᓄᓇᓕᕋᓛᕐᓂ, ᐊᖑᓇᓱᑦᑎᒻᒪᕆᒻᒥᒃ ᐊᑖᑕᖃᖅᑐᓂ, ᓯᕗᓕᖅᑎᐅᓪᓗᓂ, ᓂᕿᑦᓴᖃᖅᑎᑦᓯᔨᐅᓪᓗᓂᓗ ᐊᒥᓲᒐᓗᐊᖅᑐᑎᑦ ᐱᓕᕆᐊᕆᕙᑦᑕᖏᑦ, ᐊᑖᑕᑦᓯᐊᕋ ᑕᐃᕕᑎ ᐅᓗᐊᑲᓪᓚᒃ ᐱᓐᓇᕆᔭᐅᑦᓯᐊᓚᐅᖅᓯᒪᔪᖅ ᑕᐃᑦᓱᒪᓂ. ᓄᓕᐊᒡᒐᕐᓂᐅᓪᓗᓂ, ᓄᓕᐊᓂᓚᐅᖅᑐᕕᓂᖅ ᐊᑎᖃᕈᑎᓐᓂᒃ ᒥᐊᓕ ᒨᕆᒥᒃ. ᐅᐃᑖᕈᒪᙱᑲᐃᓐᓇᓚᐅᖅᑑᒐᓗᐊᖅ ᓯᕗᓪᓕᕐᒥ ᐅᐃᒡᒐᕐᓂᐅᒐᒥ ᒪᕐᕉᓐᓂᒃ ᓯᕗᓂᐊᒍᑦ, ᑭᓯᐊᓂᓕ ᐊᐃᑉᐸᕇᑦᓯᐊᓯᓚᐅᖅᑑᒃ. ᐊᓈᓇᒐ 8ᓂᒃ ᐅᑭᐅᖃᖅᑐᒥᓂᖅ ᐃᓚᒌᑦ ᐃᖃᓗᓐᓅᖅᑐᒥᓃᑦ, ᐅᑎᓛᕐᓂᐊᖅᑐᑎᑦ ᐊᑯᓂᐅᙱᑦᑐᖅ. ᐃᓚᒌᑦ ᓄᓇᑖᓯᔪᒥᓃᑦ ᓄᓇᓕᕋᓛᖑᑎᓪᓗᒍ ᖃᓪᓗᓈᕐᓄᑦ ᐊᐅᓚᑕᐅᓪᓗᓂ ᐅᑎᕈᒪᐃᓐᓇᖃᑦᑕᓚᐅᖅᑐᑎᓪᓗ ᓄᓇᓕᕋᓛᕐᒥᓐᓄᑦ ᐅᑭᐅᓪᓕᕕᓪᓘᕐᒧᑦ.
Miali-Elise Coley-Sudlovenick. © Sandra Omik
ᓯᕗᓕᖃᖅᑐᖓ ᔭᒪᐃᑲᒥᐅᑦᓴᔭᕐᓂᒃ. ᐊᑖᑕᒐ ᓄᑦᑎᓚᐅᖅᓯᒪᔪᖅ ᑲᓇᑕᒧᑦ ᐃᓚᒌᓪᓗ ᐅᑭᐅᖃᖅᑐᓂ ᖁᓕᓂᒃ. ᐊᕙᓗᑕᐅᓯᒪᐃᓐᓇᓚᐅᖅᑐᓂ ᑕᐅᑦᑐᖃᖃᑎᒥᓄᑦ ᔭᒪᐃᑲᒥ ᐃᓄᑑᓯᑲᓪᓚᑦᑐᓂ ᐳᐊᑎᑭᑐᐊᖑᓪᓗᓂ ᐃᓕᓐᓂᐊᖅᑎᐅᖃᑎᒥᓂ ᐊᖏᔪᐊᓗᒻᒥᒃ ᐊᓯᔾᔨᕈᑎᒋᓚᐅᖅᑕᖓ. ᐃᓚᐅᖃᑕᐅᒍᒪᓂᕐᒧᑦ ᐊᑖᑕᒐ ᐊᔪᐃᓐᓇᕐᓂᖃᓚᐅᖅᑐᖅ ᐃᓚᐅᑎᖅᐸᑦᑐᓂ ᓱᓇᓕᒫᕐᓄᑦ ᑲᓇᑕᒥᐅᑦ ᐱᖅᑯᓯᖏᓐᓂᒃ. ᐃᓚᐅᖃᑕᐅᓯᒪᓪᓗᓂ ᓱᕈᓰᑦ ᓯᓚᒥ ᐃᓕᓐᓂᐊᖅᑎᓄᑦ ᑲᓇᑕᒥ, ᕼᐋᑭᕐᓂᕐᒥ, ᖁᕕᐊᒋᔭᖃᓪᓚᕆᓕᖅᑐᓂᓪᓗ ᑖᓂᓯᖅᑎᐅᓂᕐᒥᒃ, ᐋᑦᓕ ᐊᑭᐅᖅᑕᖅᑐᓕᐊᓚᐅᖅᓯᒪᔪᖅ ᐃᖅᑲᓇᐃᔭᕆᐊᖅᑐᓂ ᐃᓕᓐᓂᐊᕆᐊᓕᖅᑐᓂᓪᓗ ᖁᕕᐊᒋᓪᓚᕆᑦᑕᒥᓂᒃ ᑖᓂᓯᖅᑎᐅᓂᕐᒥᒃ.
ᓱᓇᐅᒻᒪᑕ ᐅᕙᓐᓅᖓᔪᑦ ᐅᓂᒃᑳᕆᒍᓐᓇᓚᕿᐅᑎᒋᔭᒃᑲ. ᐱᐅᓂᖅᓴᐅᙱᑦᑐᖓ, ᐊᔪᙱᓐᓂᖃᕐᓂᖅᓴᐅᓇᖓᓗ. ᑐᓂᔭᐅᓯᒪᕗᖓ ᐱᕕᑦᓴᖃᖅᑎᑕᐅᓂᕐᓂᑦ. ᒪᒃᑯᓐᓂᖅᓴᐅᓚᐅᕋᒪᓂᒃ, ᖃᐅᔨᒍᒪᓂᖃᐃᓐᓇᖅᓯᒪᔪᖓ ᐊᕙᑎᓐᓃᑦᑐᓂᓪᓗ ᑲᒪᒋᔭᐃᓐᓇᐸᑦᑐᖓ. ᖃᐃᖅᑯᔭᐅᒐᐃᒐᒪ ᓱᓕᕆᖃᑎᒌᑦᑐᓄᑦ ᑲᑎᒪᔪᓄᓪᓘᓐᓃᑦ, ᐊᖏᖅᐸᑦᑐᖓ. ᑐᑭᑖᓚᐅᖅᓯᒪᔪᖓ ᒪᒃᑯᑦᑑᓪᓗᖓ ᐃᓚᐅᑎᕐᓂᖅ ᓱᓇᑐᐃᓐᓇᕐᓄᑦ ᐱᒻᒪᕆᐅᒋᐊᖓ. ᖁᕕᐊᒋᓚᐅᖅᓯᒪᔭᕋ ᐃᓚᐅᓪᓗᖓ ᓯᑕᒪᓂᒃ ᐊᕐᕌᒍᕐᓂᒃ ᓂᕕᐊᖅᓯᐊᑦ ᓯᓚᒥᒃ ᐃᓕᓐᓂᐊᖅᑎᓄᑦ ᑲᓇᑕᒥ, ᐃᖃᐃᓕᓴᕐᓂᕐᒥᓪᓗ ᐊᔾᔨᒌᙱᑦᑐᓂᒃ ᐃᓚᐅᕙᑦᑐᖓ ᐊᒻᒪᓗ ᒪᒃᑯᑦᑑᓪᓗᖓ ᐃᖅᑲᓇᐃᔭᕋᓱᐊᖃᑦᑕᖅᓯᒪᒻᒪᕆᑦᑐᖓ ᐃᓕᓐᓂᐊᕇᕋᐃᒐᒪ
ᐃᓱᒪᒋᓪᓗᒋᑦ ᑭᖑᒧᑦ, ᓱᒻᒪᓪᓕ ᐅᕙᖓ? ᓱᒻᒪᑦ ᐅᕙᖓ ᐱᕕᑦᓴᑖᖅᑎᑕᐅᓯᒪᕗᖓ, ᓲᕐᓗ
ᒫᓐᓇᕋᑖᖑᓚᐅᖅᑐᖅ ᖃᐃᖅᑯᔭᐅᓂᒃᑯᑦ ᑎᑎᕋᖅᑎᕈᖅᑐᖓ ᕿᙳᐊᖅᑕᐅᓂᐊᖅᑐᒥᒃ ᐊᑉᓯᑎᐊᓐ ᕿᙳᐊᖅᑕᐅᕕᖓᓐᓄᑦ? ᖁᕕᐊᒋᓚᐅᖅᓯᒪᔭᕋ ᑎᑎᕋᖃᑦᑕᕐᓂᖅ ᑎᑎᕋᐅᑎᒋᓪᓗᒋᑦ ᐃᑉᐱᓐᓂᐊᒋᔭᒃᑲ ᐱᒋᐊᖅᐸᓪᓕᐊᓕᖅᑐᖓ. ᑎᑎᕋᖃᑦᑕᖅᓯᒪᔪᖓ ᖃᐅᑕᒫᖅᓯᐅᑎᓂᒃ ᐅᓄᖅᑐᒻᒪᕆᓐᓂᒃ. ᖁᕕᐊᒋᖃᑦᑕᖅᓯᒪᔭᒃᑲ ᑎᑎᕋᖅᑎᐅᓂᖅ ᖃᕆᑕᐅᔭᒃᑯᑦ ᑎᑎᕋᐅᑎᒋᓯᒪᔪᓪᓗ ᖃᐃᖅᑯᔭᐅᓂᕋ ᖁᕕᐊᓇᕈᑎᒋᓗᐊᓚᕿᓪᓗᒍ. ᐃᒻᒪᖄ ᖁᕕᐊᒋᔭᖃᕐᓂᕋ ᑎᑎᕋᖅᑎᐅᓂᕐᒥᒃ ᐃᓕᑕᕆᔭᐅᔪᒥᓂᖅ ᐊᓯᓐᓄᑦ, ᑕᐃᒪᐃᒻᒪᑦ ᓴᖅᑭᔮᖅᑎᑦᓯᓂᕆᕙᑦᑕᕋ ᖃᐃᖅᑯᔭᐅᒍᑎᖃᖅᓯᒪᕗᖅ ᐊᓯᓐᓄᑦ. ᖃᐃᖅᑯᔨᓂᖅ ᐃᓱᒪᒋᔭᖃᑦᓯᐊᕆᐊᓕᒃ ᑐᓂᓯᒍᒪᓂᒃᑯᑦ ᑭᓯᐊᓂᑦᑕᐅᖅ ᐱᑎᑕᐅᒍᒪᓂᖃᕐᒥᔪᖅ. ᐊᖏᕐᓂᖅ ᖃᐃᖅᑯᔭᐅᒍᒻᒥᒃ ᑐᑭᓯᓯᒪᔭᕆᐊᓕᒃ ᑭᐅᒍᓐᓇᕐᓗᓂᓪᓗ.
ᑎᑎᕋᕈᓐᓇᓚᐅᖅᑕᕋ ᓯᕗᓪᓕᖅᐹᕆᓪᓗᒍ ᕿᙳᐊᖅᑕᐅᔪᑦᓴᖅ ᑕᐃᔭᕋ “ᐸᐅᕐᖓᐃᑦ”.
ᑕᑯᓐᓇᖅᑕᐅᒍᓐᓇᖅᑐᖅ CBC Gemᑯᑦ ᐅᓗᓕᖏᓐᓂ 21 Black Futures, ᖁᔭᓐᓇᒦᕐᕕᒋᓪᓗᒋᑦ ᖃᐃᖅᑯᔨᒍᑎᒋᓯᒪᔭᖓᑦ ᐊᑉᓯᑎᐊᓐ ᕿᙳᐊᖅᑕᐅᕕᖓᑦᑕ.
ᑭᖑᕚᕆᔭᐅᓪᓗᖓ ᓯᕗᓕᒃᑲᓄᑦ ᖃᓪᓗᓈᕐᓄᑦ ᐊᐅᓚᑕᐅᓯᒪᔪᓄᑦ, ᑐᑭᓯᓯᒪᕙᕋ ᐱᒻᒪᕆᐅᓂᖓ ᖃᐃᖅᑯᔭᐅᓂᖅ. ᐱᕕᑦᓴᖃᖅᑎᑕᐅᓂᖅ ᐃᖏᖃᑕᐅᒍᓐᓇᕐᓗᓂ ᓇᓕᒧᒌᓐᓂᒃᑯᑦ ᐊᑐᖅᑕᐃᓐᓇᕆᒋᐊᓕᕗᑦ. ᖃᓄᐃᑦᑑᒐᓗᐊᕈᓂ, ᖃᐃᖅᑯᔭᐅᓂᒃᑯᑦ ᐃᖅᑲᓇᐃᔮᑦᓴᕐᒧᑦ ᐆᑦᑐᕋᖁᔭᐅᓂᒃᑯᑦ, ᖃᐃᖅᑯᔭᐅᓂᒃᑯᑦ ᑲᑎᒪᔪᓄᑦ, ᐅᖃᕆᐊᖅᑐᖁᔭᐅᓂᒃᑯᑦ, ᓈᓚᒋᐊᖅᑐᖁᔭᐅᓂᒃᑯᑦ, ᖃᐃᖅᑯᔭᐅᓂᖅ ᑐᓂᕐᕈᓯᐊᑦᓯᐊᕚᓗᒃ ᑐᓂᖅᕈᓯᐅᑎᐅᒋᐊᖃᖅᑐᓂᓪᓗ. ᓂᕆᐅᑉᐳᖓ ᖃᐃᖅᑯᔭᐅᒍᕕᑦ, ᑕᑯᓂᐊᕋᕕᐅᒃ ᐱᕕᑦᓴᖃᖅᑎᑕᐅᓂᕐᓂᒃ, ᐱᕈᕆᐊᒃᑲᓐᓂᕈᑎᑦᓴᕆᒋᐊᖓ, ᐃᓕᒍᑎᒋᓗᒍ ᐱᕈᖅᐸᓪᓕᐊᒍᑎᒋᓗᒍᓗ ᑲᓲᒪᑦᓯᐊᕈᑎᒋᔭᕐᓂ ᐃᓚᐅᖃᑕᐅᓂᕆᔭᕐᓂᓪᓗ.
Jason & Miali Family with Traditiional Dress. © Frank Reardon
