Aqsalijaat Nunatsiavummi

Imanna uvamnut uqausiulauqtuq: Sanngijualuk angakkuq nangminiqutigijumalirmagit aqsalijaat piuningit, takpaanngat silamit tiglik&unigit
ujaqqanut ajuqsiti&&unigit angirrangani Labradoriup uangnanganit sigjangani. Inuit qanitanganirmiutait aksururniqalilauqtut taaqsikaallangmat.
Taakkunani Inungni maqaittungnattiaqtumik angutitaqalaurmat, kitulimaanit naalaktauqattaq&uni sivuliqtigijaulluni — maqainnirmik, ingirrajangnirmik, ammalu nunaqqatigiittiarniksanginnut qanutuinnaq ikajuqtigijaulluni.

Maqaitirjuaq qaujimakautigilluni kinamut aqsalijaaqtaqarungniiqtitaungmangaat, sivuniani kamagiqattaqsimannirmagu angakkuq taanna, ammalu qaujimalluni ingminuinnaq pigijumagamigit aqsalijaat taqsattiavaullutik mumiqquujiqattarningillu piungmata.

Maqaiti unaarminik tigusilluni ullasillunilu, angakkuup angirranganut. Tikimmat, maqaitiup uqautinasuliqtanga angakkuq utiqtiqullugit aqsalijaat takpaunga silamut, pijumanngi&&uni angakkuq. Utiqtittumattiaq&unigit piunialuk unnukkut silamut, maqaitiup tuqusaq&uniuk angakkuq
angakkuuninga tuquqatauqulluniuk.

Ajuq&uni.

Maqaitiup nanilluniuk ininga aqsalijaat qaumalaangullutik ujaqqani, sannginilimaani atuq&uniuk unaani ujararmut naulik&uniuk. Naulingmagu ilangit aqsalijaat takpaunga utiq&utik, kisiani angakkuup pijungnarninga sanngijuungmat ilangit taqsait ujararmiinginnaq&utik ajuqsisimallutik suli, taimanna ullumimut ujarattiavammarialuqaqpuq aliguujaaq&uni taqsattiariktuq Labradorite-mik taijauvaliqpuq.