ᐊᖅᓴᓕᔮᑦ ᓄᓇᑦᓯᐊᕗᒻᒥ

ᐃᒪᓐᓇ ᐅᕙᒻᓄᑦ ᐅᖃᐅᓯᐅᓚᐅᖅᑐᖅ: ᓴᙱᔪᐊᓗᒃ ᐊᖓᒃᑯᖅ ᓇᖕᒥᓂᖁᑎᒋᔪᒪᓕᕐᒪᒋᑦ ᐊᖅᓴᓕᔮᑦ ᐱᐅᓂᖏᑦ, ᑕᒃᐹᙵᑦ ᓯᓚᒥᑦ ᑎᒡᓕᒃᖢᓂᒋᑦ ᐅᔭᖅᑲᓄᑦ ᐊᔪᖅᓯᑎᖦᖢᓂᒋᑦ ᐊᖏᕐᕋᖓᓂ ᓛᐸᑐᐊᕆᐅᑉ ᐅᐊᖕᓇᖓᓂᑦ ᓯᒡᔭᖓᓂ. ᐃᓄᐃᑦ ᖃᓂᑕᖓᓂᕐᒥᐅᑕᐃᑦ ᐊᒃᓱᕈᕐᓂᖃᓕᓚᐅᖅᑐᑦ ᑖᖅᓯᑳᓪᓚᖕᒪᑦ. ᑖᒃᑯᓇᓂ ᐃᓄᖕᓂ ᒪᖃᐃᑦᑐᖕᓇᑦᑎᐊᖅᑐᒥᒃ ᐊᖑᑎᑕᖃᓚᐅᕐᒪᑦ, ᑭᑐᓕᒫᓂᑦ ᓈᓚᒃᑕᐅᖃᑦᑕᖅᖢᓂ ᓯᕗᓕᖅᑎᒋᔭᐅᓪᓗᓂ — ᒪᖃᐃᓐᓂᕐᒥᒃ, ᐃᖏᕐᕋᔭᖕᓂᕐᒥᒃ, ᐊᒻᒪᓗ ᓄᓇᖅᑲᑎᒌᑦᑎᐊᕐᓂᒃᓴᖏᓐᓄᑦ ᖃᓄᑐᐃᓐᓇᖅ ᐃᑲᔪᖅᑎᒋᔭᐅᓪᓗᓂ.

ᒪᖃᐃᑎᕐᔪᐊᖅ ᖃᐅᔨᒪᑲᐅᑎᒋᓪᓗᓂ ᑭᓇᒧᑦ ᐊᖅᓴᓕᔮᖅᑕᖃᕈᖕᓃᖅᑎᑕᐅᖕᒪᖔᑦ, ᓯᕗᓂᐊᓂ ᑲᒪᒋᖃᑦᑕᖅᓯᒪᓐᓂᕐᒪᒍ ᐊᖓᒃᑯᖅ ᑖᓐᓇ, ᐊᒻᒪᓗ ᖃᐅᔨᒪᓪᓗᓂ ᐃᖕᒥᓄᐃᓐᓇᖅ ᐱᒋᔪᒪᒐᒥᒋᑦ ᐊᖅᓴᓕᔮᑦ ᑕᖅᓴᑦᑎᐊᕙᐅᓪᓗᑎᒃ ᒧᒥᖅᑰᔨᖃᑦᑕᕐᓂᖏᓪᓗ ᐱᐅᖕᒪᑕ.

ᒪᖃᐃᑎ ᐅᓈᕐᒥᓂᒃ ᑎᒍᓯᓪᓗᓂ ᐅᓪᓚᓯᓪᓗᓂᓗ, ᐊᖓᒃᑰᑉ ᐊᖏᕐᕋᖓᓄᑦ. ᑎᑭᒻᒪᑦ, ᒪᖃᐃᑎᐅᑉ ᐅᖃᐅᑎᓇᓱᓕᖅᑕᖓ ᐊᖓᒃᑯᖅ ᐅᑎᖅᑎᖁᓪᓗᒋᑦ ᐊᖅᓴᓕᔮᑦ ᑕᒃᐸᐅᖓ ᓯᓚᒧᑦ, ᐱᔪᒪᙱᖦᖢᓂ ᐊᖓᒃᑯᖅ. ᐅᑎᖅᑎᑦᑐᒪᑦᑎᐊᖅᖢᓂᒋᑦ ᐱᐅᓂᐊᓗᒃ ᐅᓐᓄᒃᑯᑦ ᓯᓚᒧᑦ, ᒪᖃᐃᑎᐅᑉ ᑐᖁᓴᖅᖢᓂᐅᒃ ᐊᖓᒃᑯᖅ ᐊᖓᒃᑰᓂᖓ ᑐᖁᖃᑕᐅᖁᓪᓗᓂᐅᒃ.

ᐊᔪᖅᖢᓂ.

ᒪᖃᐃᑎᐅᑉ ᓇᓂᓪᓗᓂᐅᒃ ᐃᓂᖓ ᐊᖅᓴᓕᔮᑦ ᖃᐅᒪᓛᖑᓪᓗᑎᒃ ᐅᔭᖅᑲᓂ, ᓴᙱᓂᓕᒫᓂ ᐊᑐᖅᖢᓂᐅᒃ ᐅᓈᓂ ᐅᔭᕋᕐᒧᑦ ᓇᐅᓕᒃᖢᓂᐅᒃ.

ᓇᐅᓕᖕᒪᒍ ᐃᓚᖏᑦ ᐊᖅᓴᓕᔮᑦ ᑕᒃᐸᐅᖓ ᐅᑎᖅᖢᑎᒃ, ᑭᓯᐊᓂ ᐊᖓᒃᑰᑉ ᐱᔪᖕᓇᕐᓂᖓ ᓴᙱᔫᖕᒪᑦ ᐃᓚᖏᑦ ᑕᖅᓴᐃᑦ ᐅᔭᕋᕐᒦᖏᓐᓇᖅᖢᑎᒃ ᐊᔪᖅᓯᓯᒪᓪᓗᑎᒃ ᓱᓕ, ᑕᐃᒪᓐᓇ ᐅᓪᓗᒥᒧᑦ ᐅᔭᕋᑦᑎᐊᕙᒻᒪᕆᐊᓗᖃᖅᐳᖅ ᐊᓕᒎᔮᖅᖢᓂ ᑕᖅᓴᑦᑎᐊᕆᒃᑐᖅ ᓛᐸᑐᐊᕋᐃᑦ-ᒥᒃ ᑕᐃᔭᐅᕙᓕᖅᐳᖅ.