ᐅᖃᐅᓯᕐᒧᑦ ᐊᑕᖕᒐᐅᑏᑦ

ᑕᐃᒃᑯᐊ ᓇᔭᒌᒃ ᐃᓕᓐᓂᐊᓯᒪᔪᑦ ᐃᓄᑦᑎᑐᑦ ᐃᓄᒻᒪᕆᐅᖢᓪᓗ, ᐱᔭᒌᖢᑎᒃ ᑲᑎᖕᒐᖢᑎᒃ ᐱᓯᒪᔪᒥᑦ ᐊᐅᕐᓂᐊᕆᕕᒃ ᓱᓕᐊᖕᒍᔪᒧᑦ, ᐊᑦᑕᓂᒃ-ᑕᖅᑭᓂᒃ ᐃᓄᒃᑐᑦ ᐊᐃᑉᐹᓂᒃ ᐅᖃᐅᓯᒻᒥᒃ ᐃᓕᓐᓂᐊᖃᑦᑕᔪᓄᑦ ᐃᓕᖕᒐᔪᒧᑦ ᐃᓄᓐᓄᑦ ᐊᐅᓚᑕᐅᖃᑦᑕᔪᒃ ᑕᐃᒃᑯᓄᖕᒐ ᐱᕈᕐᕕᒃ ᐃᓂᖕᒐᓂᒃ ᐃᖃᓗᐃᑦ ᓄᓇᕗᒻᒥ.

ᑕᐃᑲᓂ, ᑕᐃᒃᑯᐊ ᐃᓕᓐᓂᐊᔪᑦ ᐊᑐᖃᑦᑕᔪᑦ ᓯᕿᖕᒐᓂᒥᑦ ᕿᑭᖅᑖᓗᒃ ᐅᖃᐅᓯᑐᖃᖕᒋᓐᓂᒃ. ᐃᓕᓐᓂᐊᓚᐅᑦᑐᑦ ᓱᓕᐊᖃᖢᑎᒃ ᓄᓇᒥ, ᐱᙳᐊᖢᑎᒃ ᐱᙳᐊᒐᓚᓐᓂᒃ, ᐊᒻᒪᓗ ᐅᓪᓗᓯᐅᖢᑎᒃ ᐃᓅᓐᓂᖕᒋᓐᓂᒃ ᐃᓅᓯᖕᒋᓐᓂᒃ ᑕᐃᒃᑯᓄᖕᒐᓗ ᐃᓄᓐᓂᑦ ᐱᓯᒪᔪᓂᑦ ᓇᑭᑐᐃᓐᓇᒃ ᐃᓄᐃᑦ ᓄᓇᖕᒐᓂᑦ. “ᐊᓕᐊᓇᑦᑑᕗᒃ ᐊᒻᒪᓗ ᐃᓕᓐᓂᐊᓯᒪᕗᒍᑦ, ᓱᓕᐊᖃᑦᓯᐊᖢᑕ, ᐱᙳᐊᒐᓚᖢᑕᓗ ᐱᙳᐊᓂᒃ ᐊᒻᒪᓗ ᐅᓪᓗᒃ ᓈᖢᒍ ᐅᖄᓚᖕᒋᓐᓇᖢᑕ,” ᐅᖃᔪᒃ ᕙᓇᓴ. ᐱᔭᒌᓚᐅᑦᑐᑦ ᐊᖕᒋᔪᐊᓗᒻᒥᒃ ᐅᓪᓗᖃᖢᑎᒃ ᐱᔭᒌᒻᒪᑕ ᐊᒻᒪᓗ ᐅᑎᖢᑎᓪᓗ ᐊᓂᒡᒐᖕᒋᓐᓄᑦ ᓇᓗᓇᐃᒃᑯᑕᖃᖢᑎᒃ ᐃᓕᖕᒐᔪᒧᑦ ᓄᓇᖃᖅᑳᓯᒪᔪᐃᑦ ᐅᖃᐅᓯᑐᖃᓐᓂᒃ ᐱᑦᓯᐊᒍᓐᓇᒋᐊᒧᑦ ᐱᓯᒪᔪᒥᑦ ᐃᓕᓐᓂᐊᕕᑦᓱᐊᒥᑦ ᕕᒃᑐᐊᕆᔭᒥᑦ. ᒫᓐᓇᓗᐊᑦᓯᐊᒃ ᕙᓚᐅᔪᔅ ᓇᔭᒌᒃ ᐅᑎᑦᑎᓯᕙᓪᓕᐊᒐᓱᐊᕗᑦ ᐅᖃᐅᓯᑐᖃᖕᒋᓐᓂᒃ ᐅᑎᑦᑎᓯᒐᓱᐊᒋᐊᒧᑦ ᐊᓂᒡᒐᒋᔭᖕᒋᓐᓄᑦ Hopedale-ᐃᒥ.

ᑕᒪᓐᓇ ᓂᒍᐃᓇᑦᑐᒃ ᐊᒻᒪᓗ ᐊᔪᓐᓇᖕᒋᑐᒃ ᐃᓕᓐᓂᐊᕕᒻᒥ ᐃᖢᒃᑭᔮᓇᑦᑐᒃ ᐃᓕᓐᓂᐊᒋᐊᒧᑦ ᐊᓪᓛᑦ ᑕᐃᒃᑯᓄᖕᒐ ᑲᖕᒍᓱᖃᑦᑕᔪᓄᑦ ᐃᓕᓐᓂᐊᔪᓄᑦ. ᕙᓇᓴ ᐊᑐᐃᓐᓇᒍᑦᑎᓯᖃᑦᑕᔪᒃ ᑕᑯᒐᑦᓴᓂᒃ, ᐃᓚᐅᑎᓪᓗᒋᑦ “ᐊᑕᔪᓄᑦ ᐅᓪᓗᒧᑦ,” ᑐᑭᑖᒍᑎᓖᑦ ᑐᓪᓕᒌᔪᑦ, ᖃᓄᐃᓕᖕᒐᓐᓂᖕᒐ, ᐊᐱᑦᓲᑏᑦ ᑭᐅᑦᑕᐅᒋᐊᓖᑦ ᐊᒻᒪᓗ ᐃᓚᖕᒐᓂ ᐆᑦᑐᒐᑦᑕᐅᖃᑦᑕᓗᑎᒃ ᖃᖕᒐᑐᐃᓐᓇᒃ. ᓂᑯᓚᔅ ᓃᓂᑦᓯᖃᑦᑕᔪᑦ ᑕᐃᑉᓱᒥᖕᒐᑦᓯᐊᒃ ᑭᐅᑦᑕᐅᒋᐊᖃᔪᒧᑦ. ᐃᒪᑉᐱᒥᑦ ᐃᖕᒋᐅᓕᐅᕗᒃ ᓱᓕᐊᑦᓴᒃ ᑕᑯᓐᓈᒋᐊᒧᑦ. ᐃᓕᓐᓂᐊᒌᒻᒪᑕ, ᕙᓇᓴ ᖃᒋᑕᐅᔭᒃᑯᑦ ᐊᐅᓪᓚᑎᑦᓯᖃᑦᑕᔪᑦ ᐃᓕᓐᓂᐊᑕᐅᓂᐊᑦᑐᓄᑦ ᐊᒻᒪᓗ ᓂᑯᓚᔅ ᐊᐅᓪᓚᑎᑦᓯᖃᑦᑕᔪᑦ ᖃᒋᑕᐅᔭᑎᒍᑦ ᓂᐱᓕᐅᑦᑕᐅᓯᒪᔪᓄᑦ ᐃᓕᓐᓂᐊᓕᒻᒪᑕ. ᐃᓕᓐᓂᐊᔪᑦ ᑕᑯᓲᖕᒍᒻᒥᔪᑦ ᐊᑐᑦᑕᐅᓂᐊᑦᑐᓄᑦ ᐱᖁᑎᖕᒋᓐᓂᒃ ᑕᐃᒃᑯᐊ ᕙᓚᐅᔪᔅᒃᑯᑦ ᐊᑐᖃᑦᑕᔪᑦ ᓴᓇᒋᐊᒧᑦ ᐃᓕᓐᓂᐊᒐᑦᓴᓂᒃ. ᑎᒍᒥᐊᑦᑕᐅᓯᐊᓂᐊᒻᒪᑕ ᐅᖃᐅᓯᑐᖃᒋᔭᐅᔪᒃ, ᓱᓕᐊᖃᖃᑎᖃᔪᑦ ᓄᓇᑦᓯᐊᕗᑦ ᑲᕙᒪᒃᑯᖕᒋᓂᒃ ᓱᓕᐊᖃᑉᕕᖕᒐᓂᒃ ᐅᖃᐅᓯᓕᒋᓂᒻᒧᑦ, ᐃᓗᒃᑯᓯᓕᒋᓂᒻᒧᑦ ᐊᒻᒪᓗ ᓂᐅᒡᒍᑐᓕᒋᓂᒻᒧᑦ ᐊᒻᒪᓗ ᓇᔪᑦᑎᖃᖃᑦᑕᔪᑦ ᖃᐅᔨᒪᐅᓯᒋᔭᐅᔪᓄᑦ ᐃᓄᑐᖃᓐᓂᑦ.

“ᐱᐅᔫᕗᒃ ᑕᑯᒋᐊᒥᒃ ᐃᓄᓐᓂᒃ ᐊᓕᐊᓱᔪᓄᑦ ᐅᖃᐅᓯᑐᖃᒻᒥᒃ, ᑲᑎᖕᒐᖢᑎᒃ ᖁᕕᐊᓱᖃᑎᒌᔪᑦ, ᐊᒻᒪᓗ ᐅᓂᒃᑳᒐᓚᔪᑦ,” ᕙᓇᓴ ᐅᖃᔪᒃ ᐃᓕᓐᓂᐊᑎᑦᓯᓂᒃᑯᑦ. ᓂᑯᓚᔅ ᐃᓚᒋᐊᑦᓯᔪᒃ, “ᖃᒋᑕᐅᔭᒐᓚᐃᑦ ᐱᐅᔪᐊᓗᐃᑦ ᐊᖕᒍᑎᒋᐊᒧᑦ ᐃᓕᓐᓂᐊᔪᓂᒃ ᓇᑭᑐᐃᓐᓇᒃ ᑲᓇᑕᒥ.”