Anik ammalu najak Nicholas ammalu Vanessa Flowers pijagiiqatigiijuuk pisimajumit Aurniarivik Iqaluinni.
Uqausirmut Atangautiit
Najagiik ilinniatitsijut Inuttitut qagitaujakkut
INUQAVUK MAGGUUNIK NUTAANIK ilinniatitsijuunnik qagitaujakkut taikkutiguuna Nunatsiavut Kavamakkut Suliaqapvinganit Uqausiliginimmut, Ilukkusiliginimmut, ammalu Niuggutuligin mmut—ammalu najagiik.
Nicholas ammalu Vanessa Flowers Hopedale-imit ilinniatitsiqattaajuuk qagitaujangatigut, atuhlutik tauttulinnik-nalunaikkutaqahlutik takutsauqattajut. Ilinniatijangit, uvannik ilautitsijuk, inummariuhlutik asianik-uqausimmik ilinniajut ilauqatausimajunut uvvalu ilagijangit ilauqatausimajut aullatitauqattahlutik ilinniaviliagiamut tujummiuviqahlutik, ammalu asiujisimajut uqausituqanginnik. Pisimajut Nunatsiavummit, taikkua Flowersikkut takunnaajut ilinniasimajanginik Inuttitut. Maannamunut tigusisimavunga magguunik qagitaujakkut Inuttitut ilinniatausuunik aulataujumut Flowersikkunut najagiingujunuk.
“Ilinniagiamut Inuttitut akuniuvuk inuusinnut piusigijauhluni,” uqajuk Nicholas, ilagiatsijuk ajjigilunngitanga ilinniajumut kititannik qangatuinnak pijagiigavit sittutigiattaugiaqajumut naanningani.
Taikkua najagiik ilinniasimajut Inuttitut inummariuhlullu, pijagiihlugit katingahlutik pisimajumit Aurniarivik suliangujumut, attaniktaqqinik Inuktut aippaanik uqausimmik ilinniaqattajunut ilingajumut Inunnut aulatauqattajuk taikkununga Pirurvik Ininganik Iqaluit Nunavummi. Taikani, taikkua ilinniajut atuqattajut Siqinganimit Qikiqtaaluk uqausituqanginnik. Ilinnialauttut suliaqahlutik nunami, pinnguahlutik pinnguagalannik, ammalu ullusiuhlutik Inuunninginnik inuusinginnik taikkunungalu Inunnit pisimajunit nakituinnak Inuit Nunanganit. “Alianattuuvuk ammalu ilinniasimavugut, suliaqatsiahluta, pinnguagala hlutalu pinnguanik ammalu ulluk naahlugu uqaalanginnahluta,” uqajuk Vanessa.
Pijagiilauttut angijualummik ulluqahlutik pijagiimmata ammalu utihlutillu anigganginnut Nalu naikkutaqahlutik ilingajumut Nunaqaqqaasimatjuit Uqausituqannik Pitsiagunnagiamut pisimajumit Ilinniavitsuammit Victoriamit. Maannaluatsiak Flowers najagiik utittisivalliagasuavut uqausituqanginnik utittisigasuagiamut aniggagijanginnut Hopedale-imi.
Vanessa Flowers Iqalunni, ukiatsaak 2022.
Pigunnasuut ammalu atuinnaujut, Vanessa ammalu Nicholas kajusiutiqatsialauttuuk ilinniatitsiniammata sivullipaamik qagitaujatigut Naanningani Upingasaami pigianninganut aujami 2023, ammalu asianik atautsimik ukiatsaami. Ilangit upingasaami ilinniasimajut utilauttut ilinniagiamut ukiatsaami ilinniagiallagunnagiamut ammalu ikajutsigiamut ilinniaqatinginnik ammalu ilinniatitsijinginnik. Asigiallait ilinniajut nutaanguvut ammalu aliasuqattajut piusigijanginnik.
Agaguqattavunga ilinniagiattugiamut. Vanessa ammalu Nicholas inuutsiannguuvuk ammalu suliaqatsiaqattatuuk uvattinut ilinniagiamut ammalu tukisigiamut uqausituqattinik. Nakutsavunga ilauqataugunnagiamut pigunnasiguma. Tamanna piunitsak ilinniavik; grade-iit atulunngitut, ammalu ijunginnaqattavugut.
Vanessa ammalu Nicholas iligiinguhlutik suliaqaqatigiimmata qaumatsiatuk nalikaalimmata ilinniatitsigiamut qagitaujakku situgunmut apvanganillu ilinniatitsimat, sitamaittuhlutik unnusautillugu wuugimi.
Pissutissaqattaningit pivitsaqattisijuk initsaqagiamut ilinniajunut apitsugunnagiamut ammalu ilinniatitsijingit tukisititsigiaqattajut summat taimailingakkuumangaammik allatausimajut tungavingit ilinganiqajumut Nunatsiavut uqausituqanganik, Inuttitut. Ilinnialimmata, ilinniarut apitsuqattajut ammalu nilliqatigiilimmata ammalu tusattitauqattamijut. Atautsik ilinniajuk allajuk, “Ilinnialualiqqunga sivunganinit! Piunip paangujut ilinniatitsijigijakka, ammalu ilinniaqatikka piujuummijut.”
Tamanna niguinattuk ammalu ajunnangituk ilinniavimmi ihlukkijaa nattuk ilinniagiamut allaat taikkununga kangusuqattajunut ilinniajunut. Vanessa atuinnaguttisiqattajuk takugatsanik, ilautillugit “atajunut ullumut,” tukitaagutiliit tulligiijut, qanuilinganninga, apitsuutiit kiuttaugialiit ammalu ilangani uuttugattauqattalutik qangatuinnak.
Nicholas Flowers Hopedale-imi, upingasaak 2023
Aittutaujut takutitsijumik “atajumut ullumut”.
Nicholas niinitsiqattajut taipsumingatsiak kiuttaugiaqajumut. Imappimit ingiuliuvuk suliatsak takunnaagiamut. Ilinniagiimmata, Vanessa qagitaujakkut aullatitsiqattajut ilinniatauniattunut ammalu Nicholas aullatitsiqattajut qagitaujatigut nipiliuttausimajunut ilinnialimata. Ilinniajut takusuungummijut atuttau niattunut piqutinginnik taikkua Flowersikkut atuqattajut sanagiamut ilinniagatsanik. Tigumiattausianiammata uqausituqagijaujuk, suliaqaqatiqajut Nunatsiavut kavamakkunginik Suliaqapvinganik Uqausiliginimmut, Ilukkusiliginimmut ammalu Niuggutuliginimmut ammalu najuttiqaqattajut qaujimausigijaujunut Inutuqannit.
“Piujuuvuk takugiamik inunnik aliasujunut uqausituqammik, katingahlutik quviasuqatigiijut, ammalu unikkaagalajut,” Vanessa uqajuk ilinniatitsinikkut. Nicholas ilagiatsijuk, “Qagitaujagalait piujualuit angutigiamut ilinniajunik nakituinnak Kanatami.”
