ᐅᑕᖅᑭᔪᑦ ᓇᓪᓕᑲᑖᒋᐊᒧᑦ ᐱᖁᑎᑦᓴᓂᒃ ᐱᓯᒪᔪᓂᑦ Canada Goose. © Eldred Allen
ᑲᑎᖕᒐᖃᑎᒌᑦᑎᓯᔪᑦ ᐊᑎᒋᑦᓴᔭᑦ
ᑕᐱᕇᒃᑯᑦ ᓴᖅᑭᑎᑎᑦᓯᔪᑦ Canada Goose ᐊᑐᑦᑕᐅᓲᓂᒃ ᐃᓂᑦᓴᖕᒐᓂᒃ ᓇᐃᓂᒥ
ᐊᑎᒋᑦᓴᔭᐃᑦ, ᐃᓗᓪᓖᑦ, ᐃᕙᓗᑦᓴᐃᑦ ᐊᒻᒪᓗ coyote ᐊᒥᖕᒋᑦ ᓇᒧᑐᐃᓐᓇᒃ ᑐᓂᔭᐅᓚᐅᑦᑐᑦ ᐃᓱᐊᓂᑦ ᓇᐃᓂᐅᑉ ᔨᐊᕆᒪᐃᔭᔅ ᓯᓕᑦ ᓄᓇᓖᑦ ᐃᓂᖕᒐᓂ ᓴᖅᑭᑐᐃᓐᓇᓯᒪᔪᓄᑦ ᖃᓪᓗᓈᑦᑕᓴᔭᐃᑦ ᐱᖁᑎᒐᓚᖕᒋᑦ ᑎᒍᔭᐅᑐᐃᓐᓇᓲᖕᒍᓚᐅᑦᑐᑦ ᐅᑭᐊᑦᓵᖕᒍᓚᐅᑦᑐᒥ. ᐃᖠᕕᑦᓱᐊᒃ ᑕᑕᔪᒥᒃ ᖃᓪᓗᓈᑦᑕᔭᓐᓂᒃ ᑎᑭᓚᐅᑦᑐᑦ ᓄᓇᓕᒻᒧᑦ ᓈᒻᒪᓯᐊᑦᑐᒧᑦ ᓯᕗᓪᓕᐹᖕᒐᓄᑦ Canada Goose ᐊᑐᑦᑕᐅᓲᓄᑦ ᐃᓂᖕᒐᓂᒃ ᐱᓂᐊᓐᓂᒋᔭᐅᓯᒪᔪᒧᑦ ᓄᓇᑦᓯᐊᕗᒻᒥ. ᑕᐃᓐᓇ ᐱᓂᐊᓐᓂᒃ ᑕᑯᓯᒪᓚᐅᑦᑐᒃ ᐱᒍᒪᑦᓯᐊᑐᓄᑦ ᓇᐃᓂᒥᐅᓄᑦ, ᐅᑕᖅᑭᓚᐅᑦᑐᓄᑦ ᐱᑖᒋᐊᒧᑦ ᐱᐅᔪᐊᓗᓐᓂᒃ ᒥᑦᓱᑕᐅᓲᓂᒃ ᑎᑭᕙᓪᓕᐊᔪᒧᑦ ᐊᑐᑦᑕᐅᖃᑦᑕᒋᐊᓕᒻᒧᑦ ᐹᑲᐃᑦ.
ᑕᐃᓐᓇ ᐊᐃᑦᑐᐃᔪᑦ, ᓴᖅᑭᑎᑦᓯᓚᐅᑦᑐᑦ ᐃᓄᐃᑦ ᑕᐱᕇᑦ ᑲᓇᑕᒥ ᐃᑲᔪᑦᑎᒌᖢᑎᒃ ᓄᓇᑦᓯᐊᕗᑦ ᑲᕙᒪᒃᑯᓄᑦ, ᑕᐃᒃᑯᐊ ᓄᓇᑦᓯᐊᕗᑦ ᑲᑎᖕᒐᖃᑎᒌᔪᑦ ᑲᒻᐸᓂᖕᒐ ᐊᒻᒪᓗ Canada Goose, ᐊᖕᒋᓂᑦᓴᐅᓚᐅᑦᑐᒃ ᑕᐱᕇᒃᑯᑦ ᔮᕆ ᑕᒫᑦ ᑲᑎᒪᑦᓱᐊᑎᑦᓯᖃᑦᑕᔭᖕᒋᓐᓄᑦ ᓴᖅᑭᑎᑕᐅᓚᐅᑦᑐᒧᑦ ᓯᑎᒻᐱᕆ 27 ᐊᒻᒪᓗ 28 ᐃᓗᐊᓂ ᓄᓇᑦᓯᐊᕗᑦ ᐊᐅᓚᑦᓯᔩᑦ ᐃᓂᖕᒐᓂ.
ᓄᓇᑦᓯᐊᕗᑦ ᐊᖕᒐᔪᖅᑳᖕᒐ ᔪᖄᓇᓯ ᓛᒻᑉ ᐅᖃᔪᒃ ᕿᑦᑕᐃᖕᒐᔪᒃ ᑕᑯᒋᐊᒧᑦ ᐃᓘᓐᓇᖕᒋᓐᓂᒃ ᓄᓇᑦᓯᐊᕗᑦ ᓄᓇᓖᑦ ᐃᑲᔪᑦᑕᐅᓚᐅᒻᒪᑕ ᐃᑲᔪᑦᑎᒌᓐᓂᑯᑦ.
” ᓇᑯᒻᒦᒃ ᖃᐃᓚᐅᒐᑦᓯ ᓇᐃᓂᒧᑦ ᐊᒻᒪᓗ ᖁᕕᐊᓱᑦᑎᓯᓚᐅᒐᑦᓯ ᐃᓄᓐᓂᒃ. ᐃᑯᒪᑦᑎᓯᔪᒃ ᐃᓄᐃᑦ ᐆᒻᒪᑎᖕᒋᓐᓄᑦ,” ᓛᒻᑉ ᐅᖃᔪᒃ ᑕᐃᑉᓱᒪᓂ ᐅᑭᐊᑦᓵᒥ 2023 ᑲᑎᒪᓂᐊᒻᒪᑕ. ” ᐃᓅᓱᑦᑐᒋᔭᕗᑦ ᓱᓇᒥᒃᑭᐊᒃ ᐱᑖᒋᐊᓖᑦ ᐃᒻᒥᓂᒃ ᐱᒍᓐᓇᒋᐊᒧᑦ ᐃᓗᒃᑯᑦ ᐃᒻᒥᒍᑦ. ᐊᓐᓇᒐ ᐃᑲᔪᓛᑦᑐᒃ ᐃᖕᒍᑕᒻᒥᓂᒃ, ᑕᑯᑎᑦᓯᒋᐊᒧᑦ ᖃᓄᒃ ᒥᑦᓱᒋᐊᒧᑦ ᐊᒻᒪᓗ ᓴᓇᒋᐊᒧᑦ ᐱᒍᓐᓇᒋᐊᒧᓪᓗ ᐊᑐᒋᐊᓕᖕᒋᓐᓂᒃ.”
ᐱᑕᓗᕕᓂᖃᕗᒃ ᐊᐃᑦᑐᒐᑦᓴᓂᒃ. © Eldred Allen
ᐊᑐᑦᑕᐅᓲᒃ ᐃᓂᖕᒐ ᐱᓂᐊᓐᓃᑦ ᐊᒻᒪᓗ ᓱᓕᐊᑦᓴᐃᑦ ᑕᐃᒃᑯᑎᑐᓇ ᓱᓇᐅᖕᒋᓐᓇᑐᑦ Canada Goose ᓱᓕᐊᖃᖃᑦᑕᔪᑦ “ᐃᓕᓯᒋᐊᒧᑦ ᐱᑦᓯᐊᓲᓂᒃ ᐊᒻᒪᓗ ᓴᓇᙳᐊᑕᐅᑦᓯᐊᓲᓄᑦ,” ᐊᒻᒪᓗ “ᑕᑯᑎᑦᓯᒋᐊᒧᑦ ᓱᓕᑦᓯᐊᑐᒥᒃ” ᐃᓗᐊᓂ ᑕᒡᒐᒥ, ᐊᖕᒐᔪᖅᑳᒃ ᑭᐊᕆ ᐸᐃᑯ ᐅᖃᓯᒪᔪᒃ ᑕᐱᕇᒃᑯᑦ ᑲᑎᒪᔨᖕᒋᓐᓄᑦ, ᓯᑎᒻᐱᕆ 27. ᑕᐃᓐᓇ ᓱᓕᐊᖕᒍᔪᒃ ᐅᑎᓯᒪᕗᒃ 2009-ᐃᒧᑦ ᑕᐃᑉᓱᒪᓂ ᒪᒡᒎᒃ ᒥᑦᑎᒪᑕᓕᒻᒥᐅᑦ ᓴᓇᔩᒃ ᓂᐅᒡᒍᓂᐊᒻᒪᑕ Canada Goose ᓴᓇᑉᕕᖕᒐᓄᑦ ᑐᕋᓐᑐᒥ ᐊᒻᒪᓗ ᐊᐱᒋᓯᒪᓚᐅᑦᑑᒃ ᖃᓄᒃ ᐱᔭᐅᖃᑦᑕᒪᖕᒑᒻᒥᒃ ᐊᒥᐊᒃᑯᒋᔭᐅᔪᑦ ᖃᓪᓗᓈᑦᑕᓴᔭᐃᑦ ᑕᑯᓚᐅᑦᑕᖕᒋᓐᓂᒃ.
“ᐊᐱᒋᓚᐅᑦᑐᑦ ᐅᑎᑦᑎᓯᒐᔭᒻᒪᖕᒑᒻᒥᒃ ᐱᖁᑎᓂᒃ ᐊᓂᒡᒐᒋᔭᖕᒋᓐᓄᑦ ᑕᒪᓐᓇᐅᓗᐊᓯᒪᔪᒃ ᑕᒪᓐᓇ ᐊᖕᒋᓂᑉᐸᐅᖕᒍᒻᒪᑦ ᐃᓄᐃᑦ ᐱᖃᑦᑕᔭᖕᒋᓐᓂᒃ ᓄᓇᒋᔭᖕᒋᓐᓂ ᓴᓇᒋᐊᒧᑦ ᓇᒻᒥᓂᑦᓴᖕᒋᓂᒃ ᐊᓐᓄᒑᓂᒃ ᐃᓚᒋᔭᖕᒋᓐᓄᑦ ᐱᑦᓴᖕᒋᓐᓂᒃ ᐊᒻᒪᓗ ᐃᓚᓐᓈᖕᒋᓐᓄᑦ, ᐊᒻᒪᓗ ᐱᑖᒍᓐᓇᖃᑦᑕᖕᒋᑐᑦ ᐱᖁᑎᓂᒃ ᐅᑉᕙᓗ ᓴᓇᐅᑎᑦᓴᐃᑦ ᐊᑭᑐᓗᐊᖤᖃᑦᑕᔪᑦ,” ᐸᐃᑯ ᐅᖃᔪᒃ, ᐃᓚᒋᐊᑦᓯᖢᓂ ᐃᓱᒪᒋᔭᖕᒋᓐᓂᒃ ᓱᒻᒪᑦ ᓴᓇᔭᐅᓕᐊᕿᓯᒪᔫᖕ ᐊᑐᑦᑕᐅᓲᓂᒃ ᐃᓂᖕᒐᑕ ᓱᓕᐊᖕᒍᔪᒃ.
ᐳᐃᒍᓂᐊᒐᑦᓯ ᐃᕙᓗᑦᓴᓂᒃ. © Eldred Allen
ᑕᐃᓐᓇ ᓇᐃᓂᒥ ᐱᓂᐊᓐᓂᐅᓯᒪᔪᒃ 20- ᒋᓚᐅᑦᑕᖕᒐ ᐊᐃᑦᑐᓯᒪᓐᓂᖕᒋᓐᓂᒃ ᒥᑦᓱᑕᐅᓲᓂᒃ ᐊᑐᑦᑕᐅᓲᓂᓪᓗ, ᐊᑕᐅᑦᓯᒃ ᓴᖅᑭᑎᑕᐅᓚᐅᑦᑐᒃ ᔫᑳᓐᒥ ᐊᒡᒑᓂᐅᓚᐅᑦᑐᒃ ᐊᒻᒪᓗ ᐊᑕᐅᑦᓯᒃ ᐸᓐᓇᐃᒍᑎᒋᔭᐅᔪᒃ ᐃᓄᕕᒻᒧᑦ. Canada Goose ᑐᓂᑦᓯᓯᒪᔪᑦ ᐅᖕᒐᑖᓂ 1,000 ᐊᑐᑦᑕᐅᓯᒪᔪᓂᒃ ᐊᒻᒪᓗ ᓴᓇᒋᐊᓪᓚᑕᐅᓯᒪᔪᓂᒃ ᐹᑲᓂᒃ ᓄᓇᓕᓐᓄᑦ ᓇᒧᑐᐃᓐᓇᒃ ᐃᓄᐃᑦ ᓄᓇᖕᒐᓂ. ᐊᓪᓛᑦ ᐹᑲᓂᒃ ᐊᑐᑦᑕᐅᒍᓐᓇᖕᒋᑐᑦ ᓴᓇᒋᐊᓪᓚᑕᐅᖃᑦᑕᔪᑦ ᒥᑦᓱᑎᐅᔪᓄᑦ ᐊᑐᒋᐊᓪᓚᑕᐅᓲᖕᒍᓂᐊᒻᒪᑕ ᐃᓚᖕᒋᑦ.
ᑕᐱᕇᒃᑯᑦ ᐃᑲᔪᑦᑎᒌᓯᒪᓕᑦᑐᑦ Canada Goose-ᐃᒃᑯᓄᑦ ᑕᐃᒪᖕᒐᓂᑦ 2018, ᓴᖅᑭᑎᑕᐅᖢᓂ “ᓱᓕᐊᖕᒍᔪᒃ ᐊᑎᒋ”, ᑕᑯᓯᒪᓂᐊᑦᑎᓗᒋᑦ ᐃᓄᐃᑦ ᓴᓇᑦᑎᓂᒃ ᐃᑲᔪᑦᑎᒌᔪᓄᑦ ᐱᖕᒐᓱᓄᑦ ᐹᑲᓂᒃ ᑲᑎᑦᓱᑕᐅᓯᒪᔪᓄᑦ. “ᓱᓕᐊᖕᒍᔪᒃ ᐊᑎᒋ” ᓴᓇᑐᐃᓐᓇᓯᒪᙱᑐᒃ ᐱᕕᑦᓴᓂᒃ ᓂᐅᕕᑉᕕᖃᔪᓄᑦ, ᐃᓕᑕᒋᔭᐅᓚᐅᒻᒥᔪᑦ ᓯᓚᑦᓱᐊᒥ ᐃᓕᖕᒐᔪᒧᑦ ᐃᓄᐃᑦ ᐹᑲᓂᒃ-ᓴᓇᒋᐊᒧᑦ ᐊᓪᓚᖕᒍᐊᒋᔭᐅᓪᓗᓂ.
” ᐃᓄᐃᑦ ᐅᖁᒪᐃᑦᓴᖃᑦᑕᓯᒪᔪᑦ ᐃᓕᒌᖕᒍᒋᐊᒧᑦ ᓴᓇᔨᒐᓚᓐᓄᑦ. ᓇᑯᑦᓴᕗᒍᑦ ᐅᕙᑦᑎᓄᑦ ᖃᐃᓯᒪᒐᑦᓯ ᐊᒻᒪᓗ ᐊᐱᒋᖢᒋ ᖃᓄᒃ ᐃᑲᔪᑦᑎᒌᒐᔭᒻᒪᖕᒑᑦᑕ ᐊᒻᒪᓗ ᓱᓕᐊᖃᖃᑎᒌᓪᓗᑕ,” ᐊᖕᒐᔪᖅᑳᒃ ᓇᑖᓐ ᐆᐱᑦ ᐅᖃᐅᑦᔨᐅᔪᒃ ᐸᐃᑯᒥᒃ, ᐃᓕᑕᒋᓪᓗᒍ ᑲᒻᐸᓂᐅᑉ ᐱᒡᒐᐅᑎᒋᔭᖕᒋᓐᓂᒃ ᐅᑎᑦᑎᓯᒋᐊᒧᑦ ᐃᓄᓐᓄᑦ ᐊᒻᒪᓗ ᐃᓄᐃᑦ ᓄᓇᖕᒐᓄᑦ – ᐃᓚᐅᑎᑦᓯᔪᒥᒃ ᑮᓇᐅᔭᑐᐃᓐᓇᑎᒍᑦ ᑐᓂᒡᒍᓯᐊᒥᒃ ᐱᓯᒪᔪᒥᑦ Canada Goose ᓱᓕᐊᖃᑦᑎᓂᑦ ᑕᐃᒃᑯᓄᖕᒐ ᓄᓇᑦᓱᐊᓕᒫᒥ ᐃᓄᐃᑦ ᐃᓄᓱᑦᑐᑦ ᑲᐅᓐᓴᓪᓕᖕᒋᓄᑦ. “ᑕᒪᓐᓇ ᐊᑕᐅᑦᓯᑐᐃᓐᓇᒃ ᐆᑦᑑᑎᒃ ᐊᑕᓐᓂᒧᑦ Canada Goose- ᐃᒃᑯᓄᑦ ᐊᒻᒪᓗ ᓱᓕᐊᖃᑦᑎᖕᒋᓐᓄᑦ ᑎᒍᒥᐊᔭᖕᒋᓐᓄᑦ ᑕᐃᒃᑯᓄᖕᒐ ᐃᓄᑐᐃᓐᓇᓄᑦ ᐊᒻᒪᓗ ᐃᓄᐃᑦ ᓄᓇᖕᒐᓄᑦ,” ᑕᐃᒫᒃ ᐅᖃᔪᒃ.
ᑕᐱᕇᒃᑯᑦ ᓱᓕᐊᖃᖃᑎᖃᔪᑦ ᓄᓇᖅᑲᑎᒌᙱᑐᓄᑦ ᐃᓄᐃᑦ ᑲᑐᔾᔨᖃᑎᒌᖕᒋᓐᓂᒃ ᑲᒪᑦᓯᐊᒋᐊᒧᑦ Canada Goose ᓄᓇᓕᓐᓄᑦ ᐊᑕᕗᑦ ᑕᒪᒃᑯᐊ ᐊᑐᑦᑕᐅᓲᑦ ᓲᓪᓗ ᑕᐃᒃᑯᓂᖕᒐ ᑲᔪᓯᐅᑎᒋᔭᐅᓲᑦ ᐊᑐᖃᑎᒌᑦᑕᐅᓗᑎᒃ ᐃᓄᓐᓄᑦ.
© Eldred Allen
