ᓱᒍᓰᑦ ᐃᓅᓱᑦᑐᐃᓗ ᐃᓱᒪᓕᒋᔩᑦ ᓱᓕᐊᖃᑉᕕᖕᒐᓂ ᓱᓕᐊᑦᓴᓖᒃ ᕼᐊᐱ ᕚᓕ-ᒎᔅ ᐸᐃᒥ, ᓂᐅᕙᓐᓛᓐ ᓛᐸᑐᐊ. ᐊᔾᔭᓯᖢᑎᒃ ᐱᙳᐊᒍᑎᓂᒃ ᓄᓇᓕᓐᓄᑦ ᓄᓇᑦᓯᐊᕕᒻᒦᑐᓄᑦ ᐊᐃᖃᑦᑕᑑᒃ.
ᐋᖅᑭᕙᓪᓕᐊᒍᑕᐅᓂᒃ ᐱᙳᐊᓂᒃᑯᑦ
ᓵᑦᓯᓂᒃ ᔮᕆᖃᕗᑎᑦ, ᐃᑎᖁᔭᐅᕗᑎᑦ ᖃᐅᔨᒪᖕᒋᑕᓐᓄᑦ ᐅᖃᑦᑐᒥᒃ ᐃᓱᒪᓕᒋᔨᐅᓂᒑᑦᑐᒥᒃ ᐃᓕᓐᓄᑦ. “ᐊᑏᓕHᐊᐃ ᐱᙳᐊᕕᒻᒧᑦ, ᖃᓄᑐᐃᓐᓇᒐᓚᒃ ᐱᓲᖕᒍᕗᑎᑦ ᑕᑉᕙᓂ, ᐱᒋᐊᖃᖕᒋᑕᓐᓂᒃ ᖃᐅᔨᑎᓂᐊᖅᑲᒋᑦ,” ᐅᖃᔪᒃ ᐃᓕᑕᓐᓇᖕᒋᑦᑐᒃ.
ᐃᑎᕗᑎᑦ ᐃᓪᓗᒍᓯᒻᒧᑦ ᐱᙳᐊᑕᓕᒻᒧᑦ, ᓂᐱᑎᑕᐅᒪᔪᓕᒻᒥᒃ ᖃᒻᒪᒥ, ᓵᖃᖢᓂ ᓯᐅᒐᔭᑦᑕᓕᐅᔮᑦᑐᒥᒃ, ᐱᙳᐊᑕᖃᖢᓂᓗ. ᑲᖕᒍᓲᒥᕗᑎᑦ, ᐃᓕᒪᓱᕝᓗᑎᓪᓗ ᕿᒥᒡᒍᒐᕕᑦ ᐃᓪᓗᒍᓯᒻᒥᒃ. ᐃᓱᒪᓕᒋᔨ ᖁᖕᒐᓕᒪᔪᒃ, ᓇᑎᒻᒧᑦ ᐃᖕᒋᖢᓂᓗ ᕿᓂᔭᑦᑎᓗᑎᑦ ᓱᓇᒥᒃ ᓯᕗᓪᓕᒥ ᐆᑦᑐᓂᐊᒪᖕᒑᑉᐱᑦ.
“ᓇᓪᓕᐊᓂᑐᐃᓐᓇᒃ ᐆᑦᑐᒍᓐᓇᖁᑎᑦ,” ᐃᓱᒪᓕᒋᔨ ᐅᖃᕗᒃ, ᑕᑯᓈᓕᑦᑎᓗᑎᑦ ᐃᖠᕕᒻᒥᒃ ᐊᕿᑦᑐᓂᒃ ᓴᐸᖕᒐᐅᔮᑦᑐᑕᓕᒻᒥᒃ ᐃᒫᒻᒦᑐᓂᒃ ᖁᓕᕕᑦᓯᕕᒻᒥ.
ᐃᖠᕕᒻᒥᒃ ᑎᒍᓯᕗᑎᑦ, ᒪᑐᐃᖢᒍ, ᓴᐸᖕᒐᐅᔮᑦᑐᓂᒃ ᑎᒍᓪᓚᐃᖢᑎᑦ. ᐊᐅᒪᓗᐊᔭᑦ ᓂᐱᑕᑦᑐᑦ, ᑕᑯᓂᐊᖢᑎᑦ ᐃᓄᖕᒍᐊᓂᒃ ᐊᐱᒋᓂᐊᖢᑎᑦ ᐃᓕᒐᔭᒪᖕᒑᓐᓂ ᓴᐸᖕᒐᐅᔮᑦᑐᑕᓕᒻᒧᑦ.
“ᐃᓱᒪᔮᕖᓐ ᐃᓕᒐᔭᒪᖕᒑᓐᓂ ᐃᓗᐊᓄᑦ?” ᐊᐱᒋᔪᒃ ᐃᓱᒪᓕᒋᔨ.
ᔨᐊᓯᑲ ᓚᐃᐊᓪ ᐸᓂᖕᒐᓗ ᐊᐃᑕ ᓚᐃᐊᓪ−ᕕᐅᐊ.
ᐃᓱᒪᖃᕗᑎᑦ ᑕᐃᒫᒃ ᐱᒍᓐᓇᒐᔭᖕᒋᑐᑎᑦ ᐃᓕᓐᓂᐊᕕᒻᒥ, ᐊᖕᒋᒡᒐᒥᓘᓐᓃᑦ. ᐃᒋᕙᑦ ᐃᓄᖕᒍᐊᒃ ᐃᓗᐊᓄᑦ ᑕᑯᓇᓂᐊᖢᒍ ᓂᐱᑕᓕᐊᕿᑎᓪᓗᒍ. ᐃᓱᒪᑭᑦᓲᒥᕗᑎᑦ, ᖁᕕᐊᓲᒥᖢᑎᓪᓗ.
ᑕᑯᕗᑎᑦ ᓯᐅᒐᑦᑕᓕᒻᒥᒃ ᑕᑉᕙᐃᓇᒃ ᑲᒪᒋᒍᒪᓕᖢᒍ. ᐃᓱᒪᓕᒋᔨ ᐃᖅᑲᓱᑦᑑᔮᖕᒋᑐᒃ ᑕᐅᑦᓰᒐᕕᑦ ᐱᙳᐊᒋᔭᓐᓂᒃ, ᐊᓪᓛᑦ ᐱᐅᑦᓴᖂᑦᑐᒃ ᐊᓯᐊᓅᖕᒑᒐᕕᑦ. ᖃᐅᔨᑎᕚᑎᑦ ᓴᓇᖕᒍᐊᒍᓐᓇᑐᑎᑦ ᐱᑕᖃᐅᑎᒻᒥ, ᐃᓚᖕᒐᓂ ᐊᐱᒋᐅᑎᖃᖃᑦᑕᓲᒃ ᓴᓇᖕᒍᐊᔭᓐᓂᒃ. ᑕᒪᓐᓇ ᐱᑲᑕᒋᐅᑦᑕᐃᑦ, ᑖᕙᑐᐊᒃ ᓲᓪᓗ ᖃᓄᑐᐃᓐᓇᒃ ᐱᒍᓐᓇᑐᑎᑦ ᑕᒫᓂ. ᑲᑉᐱᐊᓇᑦᑐᖃᖕᒋᓚᒃ. ᑲᖕᒍᓱᑉᐹᒍᓐᓇᐃᖁᑎᑦ, ᐅᑎᒋᐊᓪᓚᒍᒪᕗᑎᑦ ᐱᙳᐊᒋᐊᓪᓚᒍᒪᒧᑦ. ᐅᓄᑦᑐᓂᒃ ᓴᖅᑭᕕᐅᓯᒪᕗᑎᑦ, ᑕᒫᓂᓕ ᑲᑉᐱᐊᓇᑦᑐᖃᖕᒋᓚᒃ.
ᓇᓗᓇᐃᒃᑯᑕᑦᑖᓯᒪᕗᒍᒃ ᐃᓄᓕᒋᔨᐅᒋᐊᒧᑦ ᔨᐊᓯᑲ ᓚᐃᐊᓪ, ᑯᕋᓐᑦ ᑭᐊ-ᐃᓗ, ᑕᒪᓐᓇ ᑕᐃᒪᐃᒍᓐᓇᑐᒃ ᐱᙳᐊᓂᒃᑯᑦ ᐋᖅᑭᕙᓪᓕᐊᒍᑕᐅᒍᓐᓇᓂᖕᒐ ᓄᓇᑦᓯᐊᕗᑦ ᑲᕙᒪᖕᒐᑕ ᓱᒍᓰᑦ ᐃᓅᓱᑦᑐᐃᓗ ᐃᓱᒪᐅᑉ ᐃᓗᓯᖕᒐᓂᒃ ᓱᓕᐊᖃᖢᓄᒃ, ᐱᒋᐊᓯᔭᐅᒪᔪᒃ 2020-ᒥ ᐃᑲᔪᒐᓱᐊᒧᑦ ᐃᓄᐃᑦ ᐱᑲᑕᐅᓯᖕᒋᓐᓂᒃ ᐊᑐᓪᓗᑕ ᐃᑲᔪᒐᓱᐊᓐᓂᑎᓐᓂ. ᐃᓱᒪᓕᒋᔨᐅᖢᓄᒃ, ᑕᑯᖃᑦᑕᖁᒍᒃ ᓱᒍᓯᓂᒃ ᐃᓕᒪᓲᑎᖃᔪᓂᒃ ᐱᙳᐊᒋᐊᓯᒻᒪᑕ ᕼᐊᐱ ᕚᓕ-ᒎᔅ ᐸᐃ-ᒥ, ᓂᐅᕙᓐᓛᒥ, ᓛᐸᑐᐊᕆᒥᓗ, ᐊᐃᓯᒪᓕᒐᓐᓄᓗ ᓄᓇᑦᓯᐊᕗᑦ ᓄᓇᓕᖕᒋᓐᓄᑦ. ᐱᙳᐊᓂᒃᑯᑦ ᐋᖅᑭᕙᓪᓕᐊᒍᑕᐅᔪᒃ, ᐃᓱᒪᑦᓴᓯᐅᓐᓂᒥ ᐊᑐᔭᐅᖃᑦᑕᑐᒃ ᖃᐅᔨᑎᑦᓯᐅᒋᖢᒍ ᖃᓄᑦᓯᐊᒃ ᐃᑉᐱᓂᐊᓐᓂᒥᒃ. ᐊᑐᔭᐅᖃᑦᑕᑐᒃ ᖃᐅᔨᓴᓐᓂᒥ ᓱᒍᓯᐅᑉ ᐱᒍᒪᐅᓯᖕᒐᑐᑦ ᐱᒍᓐᓇᐅᓯᖕᒐᑐᓪᓗ.
ᑕᑯᓯᒪᕗᒍᒃ ᐃᓚᒌᓐᓂᒃ ᐱᑦᓯᐊᓂᖕᒋᓐᓂᒃ ᐱᙳᐊᓂᒃᑯᑦ ᐋᖅᑭᐅᒥᓴᓂᖕᒋᓐᓂ, ᓱᓕᐊᖃᑉᕕᕗᑦ ᐱᒍᕙᓪᓕᐊᔪᒃ. ᑕᒪᓐᓇ ᐃᓱᒪᓕᒋᓐᓂᒃ ᐃᑲᔪᒍᓐᓇᑐᒃ ᖃᒋᑕᐅᔭᑦᑎᒍᑦ ᑲᑎᐅᑎᓐᓂᑯᓪᓗ ᐃᓱᒪᓕᒋᓐᓂᑎᓐᓂ ᐃᑲᔪᒍᓐᓇᖢᑕ ᑕᓪᓕᒪᓂᒃ ᓛᐸᑐᐊᕆᒥ ᐃᓄᐃᑦ ᓄᓇᖕᒋᓐᓂ (ᓇᐃᓐ, ᐊᑉᕕᑑᖅ, ᐴᔅᑎᕕᐅᓪ, ᑭᑭᐊᒃ, ᒪᖅᑰᕕᒃ) ᐃᑲᔪᒍᓐᓇᒥᔪᒍᑦ ᕼᐊᐱ ᕚᓕ-ᒎᔅ ᐸᐃ-ᒥ, ᒪᑦ ᓚᐃᑭᒥ, ᓄᐊᑦ ᐅᐃᔅᑦ ᑰᒥᓗ.
ᐱᙳᐊᓂᒃᑯᑦ ᐋᖅᑭᕙᓪᓕᐊᑎᑕᐅᓐᓂᒃ ᐱᕕᑦᓴᖃᑎᓯᓲᒃ ᓱᒍᓯᒥᒃ ᐱᙳᐊᓂᒃᑯᑦ ᐃᑉᐱᓂᐊᒍᑎᒋᓪᓚᒋᔭᖕᒋᑦ ᐅᖁᒪᐃᒋᔭᖕᒋᓪᓗ, ᓴᖅᑭᑎᑦᓯᒍᓐᓇᓗᓂᓗ ᐱᑲᑕᐅᓯᐅᒪᔪᓂᒃ ᐃᑉᐱᓂᐊᒍᑎᖕᒋᓪᓗ, ᖃᐅᔨᓴᓂᖕᒐᓂ ᑐᑭᑖᒌᓐᓂᒥᓗ ᖃᐅᔨᒪᔭᒥᓂᒃ.
ᐱᙳᐊᓂᒃᑯᑦ, ᓱᒍᓯᒃ ᐅᓂᒃᑲᐅᓯᖃᓲᒃ ᖃᐅᔨᒪᔭᒥᓂᓪᓗ ᐃᓱᒪᓕᒋᔨᒧᑦ. ᐃᓱᒪᓕᒋᔨ ᑐᑭᓯᒍᓐᓇᑐᒃ ᓱᒍᓯᒻᒥᒃ ᐅᓂᒃᑲᐅᑎᖃᔪᒥᒃ, ᖃᐅᔨᓴᓂᖕᒐᓂᓗ ᐃᓗᒡᒍᓯᒥᒃ, ᐱᐅᓯᑐᖃᒻᒥᒃ, ᐅᓂᒃᑳᓂᒻᒥᓗ. ᓱᒍᓰᑦ ᐅᖁᒪᐃᑦᑐᒦᓯᒪᔪᑦ, ᐱᙳᐊᓂᒃ ᐅᕿᓪᓕᐅᒥᑎᑦᓯᒍᓐᓇᑐᒃ ᐅᖄᓚᐅᑎᖃᒍᓐᓇᒋᐊᒧᑦ, ᐅᑎᑦᑑᔮᖢᓂ, ᐃᖅᑲᐅᒪᖢᓂᓗ ᐅᖁᒪᐃᑦᑐᓂᒃ. ᑲᑉᐱᐊᓇᖕᒋᑐᒦᓂᖕᒐᓂ ᐱᙳᐊᓂᒻᒥ, ᓱᒍᓯᒃ ᐅᖃᐅᔾᔨᒍᓐᓇᑐᒃ ᑐᑭᓯᒍᓐᓇᖢᓂᓗ ᓇᒻᒥᓂᒃ ᐅᓂᒃᑲᐅᓯᒻᒥᓂᒃ.
ᓯᐅᒐᑦᑕᓕᒻᒥᒃ ᐃᖠᕕᒻᒥᒃ ᓄᓇᑦᓯᐊᕗᑦ ᑲᕙᒪᖕᒐᑕ ᓱᒍᓰᑦ ᐃᓅᓱᑦᑐᐃᓗ ᐃᓱᒪᓕᒋᔩᑦ ᑲᒪᒋᔭᐅᕕᖕᒐᓂ ᕼᐊᐱ ᕚᓕ-ᒎᔅ ᐸᐃᒥ, ᓂᐅᕙᓐᓛᓐ ᓚᐸᑐᐊᕆᒥ.
ᕗᓯᓂᐊ ᐋᒃᓯᓚᐃᓐ ᐊᒥᐊᕆᑲᒥ ᐃᓱᒪᓕᒋᔨ ᐊᑐᑦᓴᐃᓇᑦᑐᓗ ᐱᙳᐊᓂᒃᑯᑦ ᐋᖅᑭᑐᐃᓐᓂᒥᒃ, ᑐᑭᑖᒋᓯᒪᔪᒃ ᐱᙳᐊᓂᒃ “ᓱᒍᓯᐅᑉ ᐊᑐᒍᓐᓇᑕᖕᒐ ᓇᒻᒥᓂᒃ ᖃᐅᔨᑎᑦᓯᐅᑎᒋᓪᓗᒍ.” ᑕᒪᓐᓇ ᐊᑐᓪᓚᒋᒻᒪᑦ, ᐱᙳᐊᓂᒃ ᐃᓱᒪᒋᔭᐅᔪᒃ ᓱᒍᓯᐅᑉ ᐱᕕᑦᓴᓚᒋᖕᒐ, ᐃᓕᑕᒋᔭᐅᖢᓂᓗ ᑲᑎᒪᑦᑎᓱᐊᓄᑦ ᑲᑎᒪᐅᑎᖃᒻᒪᑕ ᐱᕕᑦᓴᖕᒋᓐᓂᒃ ᓱᒍᓰᑦ. ᑲᑎᒪᔩᑦ ᐱᖅᑯᔨᑦᓱᐊᔪᑦ ᑲᒪᑦᓯᐊᓂᒻᒥᒃ ᓱᒍᓯᒃ “ᐱᕕᑦᓴᖃᑦᓯᐊᒋᐊᓕᒃ ᖃᐅᔨᑎᑦᓯᒋᐊᒥᒃ ᓄᖅᑲᑎᑕᐅᒐᓂ ᐊᑦᑐᑕᐅᓂᒋᔭᒻᒥᓂᒃ,” “ᕿᓂᒍᓐᓇᓯᐊᑦᑎᑕᐅᒋᐊᓕᒃ, ᑎᒍᓯᒍᓐᓇᑎᑕᐅᒋᐊᓕᒃ ᖃᐅᔨᑎᑦᓯᓯᐊᒍᓐᓇᓗᓂᓗ ᐃᓱᒪᒋᔭᒥᓂᒃ ᖃᓄᐃᑦᑐᑐᐃᓐᓇᓂᒃ, ᖁᔭᓈᓪᓗᒍ ᑐᑭᓯᒪᐅᓯᖕᒐ, ᐅᖄᓚᓐᓂᑯᑦ, ᐊᓪᓚᑲᑕᓐᓂᑯᑦ, ᐊᓪᓚᑕᐅᒪᔪᒃᑯᑦ, ᓴᓇᖕᒍᐊᓂᒃᑯᑦ” ᐃᓕᓯᒪᐅᓯᖕᒐ ᐱᕕᑦᓴᖃᑦᑎᓗᒍ “ᐱᒍᑦᓴᓂᒻᒥᒃ ᓱᒍᓯᐅᑉ ᐃᓅᓯᖕᒐ, ᐱᒍᓐᓇᑕᖕᒋᑦ, ᐃᓱᒪᒃᑯᑦ ᑎᒥᒃᑯᓗ ᐱᒍᓐᓇᐅᓯᖕᒋᑦ ᐃᓘᓐᓇᓯᐊᖕᒐᑎᒍᑦ.”
ᐱᙳᐊᓂᒃᑯᑦ ᐋᖅᑭᐅᒥᓴᓐᓂᒥ ᐃᑲᔪᓪᓚᒋᒍᓐᓇᑐᒃ ᓱᒍᓯᒥᒃ ᐃᓅᓱᑦᑐᒥᓪᓘᓃᑦ ᐃᓚᖕᒋᓐᓂᓗ. ᐱᙳᐊᓂᒃ ᐊᑐᓪᓚᒋᐅᔪᒃ ᐆᑦᑐᒐᓐᓂᑯᑦ, ᐊᑕᐅᑎᖃᖢᑎᓪᓗ ᐊᑕᐅᑎᖃᒋᐊᓪᓚᖢᑎᓪᓗ. ᐱᙳᐊᓂᒻᒥ, ᓱᒍᓰᑦ ᐃᓚᖕᒋᓪᓗ ᐅᑎᑦᑕᓲᑦ ᐱᑲᑕᑦᑕᐅᓯᒪᔭᒥᓄᑦ, ᐃᓄᒻᒧᓘᓐᓃᑦ ᐃᖅᑲᓇᖤᑐᒧᑦ. ᐃᓄᓐᓂᒃ ᐃᓄᓕᒋᔨᐅᖢᑕ, ᖁᔭᓕᐅᑎᖃᕗᒍᑦ ᐱᙳᐊᓂᒃᑯᑦ ᐋᖅᑭᐅᒥᓴᓐᓂᒥ ᐋᖅᑭᒋᐊᑦᑕᐅᓲᒃ ᐃᑲᔫᑎᒋᒋᐊᖕᒐ ᐃᓄᐃᑦ ᐃᓗᒡᒍᓯᖕᒋᓐᓂᒃ, ᐊᑐᓐᓂᖃᓲᖕᒍᖢᓂᓗ ᓴᖅᑭᐅᒥᑎᑦᓯᒋᐊᖕᒐ ᐃᓗᒡᒍᓯᓐᓂᒃ ᐱᖕᒍᐊᓂᒃᑯᑦ. ᐃᓄᐃᑦ ᐊᔾᔨᖃᖕᒋᑐᑦ, ᐱᒍᓐᓇᓯᐊᑦᑐᓗ. ᐃᓄᐃᑦ ᓄᓇᓂ ᐃᓂᖃᑦᓯᐊᑐᑦ ᖃᐅᔨᑎᑦᓯᖃᑦᑕᖢᑎᓪᓗ ᖃᐅᔨᓴᐅᑎᑦᑎᓂᒃ ᐃᓚᒥᓂᒃ, ᑕᒪᓐᓇ ᐱᙳᐊᓂᒻᒥ ᐊᑐᔭᐅᖃᑦᑕᒥᔪᒃ.
ᔨᐊᓯᑲ ᓚᐃᐊᓪ, ᑕᓕᑉᐱᐊᓂ, ᑯᕋᓐᑦ ᑭᐊᓗ ᓇᓗᓇᐃᒃᑯᑕᑦᑖᒪᔫᒃ ᐃᓄᓕᒋᔨᐅᒋᐊᒥᒃ ᓄᓇᑦᓯᐊᕗᑦ ᑲᕙᒪᖕᒐᑕ ᓱᒍᓰᑦ ᐃᓅᓱᑦᑐᐃᓗ ᐃᓱᒪᓕᒋᔩᑦ ᓱᓕᐊᖃᑉᕕᖕᒐᓂ.
