ᓄᕙᒡᔪᐊᕐᓇᐅᑎᓪᓗᒍᑦ, ᐊᖕᒐᔪᖅᑳᖅ ᐆᐱᑦ ᓴᓇᒃᑲᓂᓚᐅᖅᐸᖕᒋᑦ ᐅᑯᐊ 1955-ᒥᙶᖅᑐᑦ ᑲᑎᖅᓱᓯᒪᔪᑦ ᕼᐋᑭᒧᑦ ᐊᔾᔨᖕᒍᐊᑦ. ᐱᓯᒪᔪᖅ ᓇᑖᓐ ᐅᐱᑦ
ᓈᑕᓐ ᐆᐱᑦ ᕼᐋᑭᒧᑦ ᐊᔾᔨᖕᒍᐊᖕᒋᑦᑕ ᒥᑦᓵᓂ
2020-ᒥ, ᓄᕙᒡᔪᐊᕐᓇᖅ-19 ᐊᒥᓱᓄᑦ ᖃᓂᒻᒪᓐᓇᐅᔪᒥ ᒪᑐᓯᑎᓪᓗᒍ ᑭᓱᓕᒫᓂᑦ, ᓈᑕᓐ ᐆᐱᑦ, ᐊᖓᔪᖅᑳᖅ ᐃᓄᐃᑦ ᑕᐱᕇᑦ ᑲᓇᑕᒥ, ᐊᒥᓱᑎᑐᑦ ᐃᓄᖕᓂ, ᕿᓂᓚᐅᖅᐳᖅ ᐅᓚᕕᓴᐅᑎᒃᓴᒥ. ᓂᕈᐊᓚᐅᖅᑕᖓᓂ ᑕᖅᑭᓂᒃ 18−ᓂ ᐱᔭᕇᖅᓯᓂᕐᒧᑦ ᐊᒻᒪ ᖃᐅᔨᓂᖓᓂ ᐊᕐᕌᒍᓄᑦ−70-ᓄᑦ ᓇᓗᓇᕐᓂᐅᔪᒥ ᑲᑎᙵᓂᖃᖅᑐᒥ ᐱᓐᓇᕆᓛᖓᓂ ᑲᑎᙵᓂᐅᔪᒥ ᕼᐋᑭᒧᑦ ᐊᔾᔨᙳᐊᖏᓐᓂ ᐸᑦᑕᓂᑦ 1955−ᒥ. ᐆᐱᑦ ᑲᑎᖅᓱᐃᓯᒪᕗᖅ ᕼᐋᑭᒧᑦ ᐊᔾᔨᙳᐊᖏᓐᓂ ᐸᑦᑕᓂᑦ ᑕᐃᒪᙵᓂ ᐊᒃᑲᖓᑕ ᓂᐅᕕᐅᑎᖕᒪᒍ ᓯᕗᓪᓕᖅᐹᖑᔪᒥ ᑲᑎᙵᓂᐅᔪᓂ ᓱᕈᓯᐅᑎᓪᓗᒍ ᓇᐃᓐ, ᓄᓇᑦᓯᐊᕗᒻᒥ. ᐃᒻᒥᓂᒃ ᐊᓯᐅᕙᓚᐅᖅᐳᖅ ᐊᓐᓄᕌᖅᓯᒪᔪᓂ ᐱᙳᐊᖅᑎᐅᔪᓂ ᑮᓇᖏᓐᓂ, ᐋᖅᑭᒃᓱᐃᓪᓗᓂ ᐊᒻᒪ ᐋᖅᑭᒃᓱᐃᒃᑲᓐᓂᖅᖢᓂ ᒪᓕᒃᑐᒥ ᑲᑎᑎᕆᓂᐅᓂᖓᓂ ᐊᒻᒪ ᖃᓄᐃᓕᐅᖅᓯᒪᓂᖕᒋᓐᓄᑦ. ᓇᖕᒥᓂᖃᖅᑐᒃᓴᐅᓕᖅᐳᖅ 100,000−ᐸᓗᖕᓂ ᐊᔾᔨᙳᐊᖏᓐᓂ ᐸᑦᑕᓂᑦ ᐅᓪᓗᒥ ᐊᒻᒪᓗ ᓱᓕ ᐊᓕᐊᓇᐃᒋᕙᒃᐸᖏᑦ ᓴᖅᑭᑎᒃᑳᖓᒥᒋᑦ. ᐱᓕᕆᐊᕆᕙᒃᑕᖓ ᐊᓕᐊᓇᐃᒋᔭᖓ ᐱᕈᓚᐅᖅᐳᖅ ᐊᓕᐊᓇᐃᒋᔭᖃᕐᔪᐊᕐᓂᕐᒥ ᕼᐋᑭᒥᑦ, ᓲᖃᐃᒻᒪ. ᐆᐱᑦ ᓯᐊᕐᕆᔭᐅᑎᓂ ᐊᑐᖃᑦᑕᓕᓚᐅᖅᐳᖅ ᒪᕐᕉᖕᓂ ᐅᑭᐅᖃᖅᖢᓂ ᐊᒻᒪ ᕿᑎᖅᐸᓯᐊᓂ ᓱᕈᓯᐅᓂᖓᓂ North West River, ᓛᐸᑐᐊᒥ, ᑐᑭᓕᐊᖑᓚᐅᖅᐳᖅ ᑭᐊᒃᑎᓯᒪᓂᕐᒥ ᐊᒻᒪ ᖁᐊᕐᓂᕐᒥ: ᐊᓇᐅᓯᓪᓗᓂ ᖁᐊᖑᔪᒥ ᐸᒃᒥ ᐊᕙᑎᖓᓄᑦ ᓯᓚᒥ ᓯᐊᕐᕆᔮᕐᕕᖕᒥ ᐃᑲᕐᕋᒐᓴᓄᑦ ᐊᒻᒪ ᑕᐅᑐᙳᐊᖅᖢᓂ ᐱᙳᐊᖃᑎᖃᖅᖢᓂ ᐊᑭᕋᖏᓐᓂ ᑲᓇᑕᒥ ᕼᐋᑭᒥ ᐱᙳᐊᖅᑎᐅᔪᓂ ᑕᐅᑐᙳᐊᖅᑕᖏᓐᓂ. ᐊᓇᐅᓯᒃᑲᕐᔪᐊᖑᓕᓚᐅᖅᐳᖅ, ᐅᖓᕙᕆᐊᖅᖢᓂ ᐊᓐᓂᑭᑕᐅᑎᓂᐅᔪᒥ ᐱᙳᐊᖅᑐᓄᑦ, ᐊᒻᒪ ᐱᙳᐊᖃᑕᐅᓕᓚᐅᖅᐳᖅ ᔫᓂᐊ A−ᒥ ᔫᓇᐃᑎᑦ ᔅᑕᐃᑦᔅᓂ ᒪᒃᑯᒃᑑᑎᓪᓗᒍ.
ᐆᐱᑦ ᐃᖅᑲᐅᒪᕗᖅ ᖃᖓᐅᓂᖓᓂ 1996−ᒥ ᐅᑭᐅᖃᖅᑎᓪᓗᒍ 20 (18?)−ᓂ ᐊᒻᒪ ᐱᙳᐊᕐᓂᕐᒥ Helena Ice Pirates−ᑯᓐᓄᑦ ᒫᓐᑖᓇᒥ. ᐱᙳᐊᕐᓂᖅ 7−ᖑᓚᐅᖅᐳᖅ ᓯᕗᓪᓕᖅᐸᐅᔪᓄᑦ ᐊᔪᙱᓛᖑᔪᓂ ᐱᙳᐊᖅᑎᐅᔪᓄᑦ ᐊᒻᒪ ᐊᔪᕐᓂᖅᓴᐃᑦ Pirates ᐱᒋᐊᒃᑲᓐᓂᕐᔪᐊᓚᐅᖅᐳᑦ ᓵᓚᐅᓚᐅᖅᑎᓪᓗᒋᑦ ᓯᕗᓪᓕᖅᐸᐅᔪᓂ ᐱᖓᓱᓂ ᐱᙳᐊᕐᓂᐅᔪᓂ ᑭᖑᓪᓕᖅᐹᖅᓯᐅᑎᓂ ᑲᑎᙵᓂᐅᔪᓂ. ᐆᐱᑦ, ᓴᐳᔾᔨᔨᐅᓪᓗᓂ, ᐊᓇᐅᓯᓚᐅᖅᐳᖅ ᐊᑦᑎᒃᑐᒥ ᐊᒡᒐᐅᑎᖓᓂ ᐃᓯᖅᑎᑦᑎᒋᐊᕐᓂᐅᔪᓂ ᐃᓂᖓᓂ, ᐃᓯᖅᑎᑦᑎᑦᑕᐃᓕᒪᔨ ᓄᖅᑲᖅᑎᑦᑎᓚᐅᖅᐳᖅ ᐅᑎᕐᔭᕆᐊᕐᓂᐅᔪᒥ ᐊᒻᒪ ᐆᐱᑦ ᐱᙳᐊᖃᑎᖏᑦ ᐃᓯᖅᑎᑦᑎᓚᐅᖅᐳᑦ ᓵᓚᖃᕐᓂᕐᒥ ᖄᖏᐅᑎᓂᐅᔪᒥ ᐱᙳᐊᕐᓂᐅᔪᒥ. “ᐊᓕᐊᓇᐃᑦᑎᐊᓛᖑᓚᐅᖅᐳᖅ ᐃᓚᐅᖃᑕᐅᓂᓐᓂ ᕼᐋᑭᒥ,” ᐅᖃᖅᐳᖅ ᐆᐱᑦ. “ᓄᓇᓕᓕᒫᖅ ᐅᕙᑦᑎᓐᓂ ᐃᑲᔪᖅᓱᐃᓚᐅᖅᐳᑦ ᐊᒻᒪ ᐱᙳᐊᖅᐸᒃᖢᑕ ᑕᑕᑦᑎᐊᖅᑐᓂ ᐊᓐᓂᑭᑕᕐᕕᐅᔪᓂ. ᐃᒃᐱᒍᓱᖕᓂᖃᓚᐅᖅᐳᖅ ᖁᕕᐊᓐᓂᐅᔪᒥ ᑕᐃᔅᓱᒧᖓ ᐊᑐᕐᓂᐅᓚᐅᖅᑐᒥ.”
ᓵᙵᖃᑦᑕᐅᑎᕗᑦ ᐊᒃᑲᖕᒐᓗ ᐋᓐᑎ, ᓈᑕᓐ ᐆᐱᑦ 3−ᓂ ᐅᑭᐅᖃᖅᑎᓪᓗᒍ. ᐋᓐᑎᐅᓚᐅᖅᐳᖅ ᑐᓂᓯᓚᐅᖅᑐ ᐆᐱᑦ ᓯᕗᓪᓕᖅᐸᐅᔪᒥ ᕼᐋᑭᒧᑦ ᐊᔾᔨᙳᐊᖕᒐᓂ ᐸᑦᑕᖕᓂᑦ. ᐱᓯᒪᔪᖅ ᓇᑖᓐ ᐅᐱᑦ
ᐊᖓᔪᖅᑳᖑᓂᕐᒥ ᐃᓄᐃᑦ ᑕᐱᕇᑦ ᑲᓇᑕᒥ. ᐊᓕᐊᓇᐃᒋᔭᖃᑦᑎᐊᖅᖢᓂ ᐃᑲᔪᖅᓱᐃᔨᐅᕗᖅ ᐃᓄᐃᑦ ᐱᔪᓐᓇᕐᓂᕆᔭᖏᓐᓄᑦ, ᓂᐱᑭᐅᔭᖅᖢᓂ ᐃᓄᓕᒫᓄᑦ ᐊᑐᐊᒐᓕᕆᔨᐅᕗᖅ ᐊᒻᒪ ᐃᓄᓕᒫᓄᑦ ᐅᖃᓪᓚᑦᑎᐊᒃᑲᒻᒪᕆᐊᓘᕗᖅ. ᑭᓯᐊᓂ ᑕᒪᓐᓇ ᐊᓕᐊᓇᐃᒋᔭᕐᔪᐊᖅᑕᖓᓂ ᐊᔾᔨᒋᙱᓚᐅᒃ ᓯᐊᕐᕆᔭᐅᑎᓃᓐᓂᕐᒥ.
“ᐄ, ᐊᓂᑕᐅᓯᒪᕗᖓ ᐱᙳᐊᕐᓂᐅᔪᓂ,” ᐅᖃᖅᐳᖅ. “ᐱᓕᕆᓂᖃᖅᓯᒪᕗᖓ ᑭᓱᑐᐃᓐᓇᓂᒃ ᒫᓐᓇᐅᔪᒥ ᐱᓕᕆᒐᔭᙱᑦᑎᐊᖅᑕᓐᓂ.” ᓂᙵᒃᐸᓚᐅᙱᓚᖅ ᐅᓇᑕᖅᑎᓪᓗᒍ ᓯᑯᒥ, ᐊᒻᒪ ᐱᔮᕆᓪᓗᓂ ᐋᓐᓂᖅᓯᓇᓱᓚᐅᖅᓯᒪᙱᓚᖅ ᑭᓇᑐᐃᓐᓇᒥᒃ. “ᑭᓯᐊᓂ ᑲᑎᙵᓂᐅᔪᒥ ᐃᑲᔪᖅᓱᐃᓂᖃᖅᐳᖅ ᕼᐋᑭᒥ. ᓴᐳᑎᕙᑎᑦ ᐱᙳᐊᖃᑎᒋᔭᑎᑦ. ᐱᙳᐊᓚᐅᖅᐳᖓ ᔫᓂᐊ ᕼᐋᑭᒥ ᑕᐃᔅᓱᒪᓂᐅᔪᒥ ᐅᓇᑕᕐᓂᖃᖃᑦᑕᕕᒡᔪᐊᖅᑎᓪᓗᒍ.” ᐆᐱᑦ ᐅᖃᕌᖓᒥ “ᕼᐋᑭᒧᑦ ᐊᑭᓕᒃᓴᖃᕐᔪᐊᕐᓂᖓᓂ,” ᐅᖃᓪᓚᑐᐃᓐᓇᙱᓚᖅ ᖃᓄᖅ ᐱᙳᐊᕐᓂᐅᔪᖅ ᐱᔪᓐᓇᖅᑎᑦᑎᓚᐅᕐᓂᖓᓂ ᑲᙳᑦᑕᐅᔪᒥ ᐃᒻᒥᑎᑐᑦ ᐱᖃᓐᓇᕆᔭᓕᐅᕐᓂᕐᒧᑦ ᐊᒻᒪ ᑲᑎᙵᓂᖃᖅᑎᑦᑎᓂᐅᔪᒥ. ᐊᖏᖅᓯᒪᓂᖓ ᐱᐅᓂᖅᓴᐅᔪᒧᑦ ᓯᕗᓂᒃᓴᐅᔪᒥ ᐃᓄᖕᓄᑦ, ᐅᒃᐱᕈᓱᖕᓂᖓᓂ ᑲᑎᙵᓂᐅᔪᒥ ᐱᓕᕆᓂᐅᔪᒧᑦ ᐊᒻᒪ ᐊᖏᖃᑎᒌᖕᓂᐅᔪᒥ, ᓴᙱᓂᐅᔪᒥ ᐅᓇᑕᐃᓐᓇᕐᓂᕐᒥ ᐃᓱᖃᙱᑦᑐᒥ ᐅᓇᑕᕐᔪᐊᕐᓂᐅᔪᒥ ᑲᓇᑕᒥ ᐃᒃᐱᒋᔭᐅᑦᑎᐊᕐᓂᐅᔪᒧᑦ, ᓇᓕᒧᑎᑕᐅᓂᐅᔪᒥ ᐊᒻᒪ ᓇᖕᒥᓂᖅᓱᕈᓐᓇᕐᓂᕐᒧᑦ ᐃᓄᖕᓄᑦ, ᐊᒻᒪ ᐅᒃᐱᕈᓱᖕᓂᐅᔪᒥ ᑐᕌᒐᒃᓴᐅᔪᑦ ᐊᒻᒪ ᐊᒃᓱᕈᖅᖢᓂ ᐱᓕᕆᓂᕐᒥ ᐊᑐᕐᓂᖃᕐᓂᖏᓐᓂ—ᑐᙵᕕᖃᖅᑐᐃᓐᓇᐅᕗᑦ ᕼᐋᑭᒥ.
ᐊᒻᒪ ᑕᐃᒫᒃ ᐃᓱᒪᓇᙱᓚᖅ ᐅᑎᓚᐅᑲᖃᑦᑕᕋᔭᕐᓂᖓᓂ ᕼᐋᑭᒧᑦ ᐊᔾᔨᙳ-ᐊᖏᓐᓂ ᐸᑦᑕᓄᑦ ᐊᒻᒪᓗ ᐃᖅᑲᐅᒪᓂᐅᔪᒥ ᓇᒃᓴᕐᓂᖏᓐᓂ. ᐊᒥᓱᓄᑦ ᖃᓂᒻᒪᓐᓇᐅᔪᒥ, ᓲᒻᑯᑦ ᐅᖃᖃᑎᖃᖃᑦᑕᓚᐅᖅᐳᖅ ᐃᓅᖃᑎᒥᓂᒃ ᐊᔾᔨᙳᐊᖏᓐᓂ ᐸᑦᑕᓂᑦ ᑲᑎᖅᓱᐃᖃᑎᒥᓂᒃ ᐊᒻᒪ ᐃᓛᓐᓂᒃᑯᑦ ᐅᖃᓪᓚᖃᑦᑕᓚᐅᖅᐳᑦ ᑲᑎᙵᓂᐅᔪᓂ 1955 ᐊᔾᔨᙳᐊᖏᓐᓂ ᐸᑦᑕᓂᑦ ᓴᓇᔭᐅᔪᒥ Parkhurst ᓴᓇᓯᒪᔪᓂ ᑕᑯᒃᓴᐅᑎᑦᑎᔪᓂ ᒪᓐᑐᕆᐋᓪ ᑲᓇᐃᑎᐊᓐᓂ, ᐆᐱᑦ ᐊᓕᐊᓇᐃᒋᓛᖏᓐᓂ ᐱᙳᐊᖅᑎᐅᔪᓂ, ᐊᒻᒪᓗ ᑐᕌᓐᑐ ᒪᐃᐳᓪ ᓖᕝᓂᑦ. ᒫᓂ ᓇᓗᓇᕐᓂᐅᔪᖅ ᐃᓯᖅᐳᖅ.
© ITK
ᕼᐋᑭᒧᑦ ᐊᔾᔨᙳᐊᖏᓐᓂ ᐸᑦᑕᓂ ᐱᒋᐊᓲᖑᕗᖅ ᐱᓕᕆᕝᕕᐅᔪᒥ ᓇᑲᑎᖅᓯᒪᙱᖦᖢᑎᒃ ᐸᐃᑉᐹᖑᔪᓂ—ᑲᑎᖅᓱᐃᔨᐅᔪᓄᑦ ᐱᖁᑎᓂᑦ ᓇᓂᔪᓐᓇᕈᕕᒋᑦ— ᑭᓯᐊᓂ ᑭᓇᑐᐃᓐᓇᒥᒃ ᖃᐅᔨᒪᓂᖓᓂ, ᐸᐃᑉᐹᓂᒃ 1955−ᒥ ᑲᑎᙵᓂᐅᔪᓂ ᐊᒥᐊᒃᑯᔪᖅᑕᖃᓚᐅᙱᓚᖅ. ᑖᔅᓱᒥᖓ ᐱᔾᔪᑎᖃᖅᑐᒥ, ᖃᐅᔨᒪᔪᖃᙱᓚᖅ ᖃᓄᖅ ᐅᑯᐊ ᐸᐃᑉᐹᖑᔪᓂ ᖃᓄᖅ ᑕᐅᑦᑐᖃᕋᔭᕐᓂᖓᓂ, ᐊᔾᔨᙳᐊᖏᓐᓂ ᐸᑦᑕᓂᑦ ᑲᑎᖅᓱᐃᔨᐅᙱᒃᑯᕕᑦ, ᐃᓱᒪᓇᔭᖅᐳᑎᑦ, ᐅᓐᓃᑦ? ᑭᓯᐊᓂ ᐊᖏᖅᓯᒪᓂᖃᕐᓗᑎᑦ ᑲᑎᖅᓱᐃᔨᐅᓗᑎᑦ ᐊᒻᒪ ᐊᔪᙱᓐᓂᖃᕐᓗᑎᑦ ᖃᐅᔨᓴᖅᑎᐅᒍᕕᑦ ᐱᕕᒃᓴᖃᕐᓗᑎᑦ, ᑕᐃᒪᐃᓐᓇᐅᓇᔭᖅᑐᒃᓴᐅᕗᑎᑦ ᐆᐱᑦ ᐱᓕᕆᓚᐅᕐᓂᖓᓂ—ᐃᓚᐅᖃᑕᐅᓕᕐᓗᑎᑦ ᓇᓗᓇᕐᓂᐅᔪᒧᑦ.
ᐊᓕᐊᓇᐃᑦ, ᐊᒥᓱᓂ “ᑭᔾᔭᑦᑎᐊᖅᓯᒪᙱᓐᓂᐅᔪᑕᖃᖅᐳᖅ” ᑲᑎᙵᓂᐅᔪᓂ: ᐊᔾᔨᙳᐊᖏᓐᓂ ᐸᑦᑕᐃᑦ ᐱᕆᓂᑯᖃᖅᑐᓂ ᐅᕝᕙᓘᓐᓃᑦ ᑭᓪᓛᓯᒪᓂᐅᔪᓂ ᓴᓂᓕᖓᓐᓂ ᐊᔾᔨᙳᐊᖏᓐᓂ ᐸᑦᑕᐅᔪᓂ ᑭᔾᔭᑦᑎᐊᙱᓐᓂᐅᔪᓄᑦ. ᐃᑲᔪᕐᓂᖃᓚᐅᕆᕗᖅ Parkhurst ᑎᑎᕋᐃᓚᐅᕐᓂᖏᓐᓂ ᐊᔾᔨᖓᓂ ᑲᑎᙵᓂᐅᔪᓂ Quaker Oats−ᑯᓐᓄᑦ ᐅᓪᓛᕈᒻᒥᑕᕐᓄᑦ ᐴᖑᔪᓄᑦ ᓵᓚᖃᐅᓯᐊᒃᓴᐅᔪᓄᑦ. ᑐᓂᖏᑦ ᐊᔾᔨᒋᙱᒃᑲᓗᐊᖅᑎᓪᓗᒋᑦ, ᓯᕗᓂᐊ ᐸᐃᑉᐹᖑᔪᒥ ᐊᔾᔨᑦᑎᐊᕆᓇᔭᓚᐅᖅᐸᖓ ᐊᒻᒪ ᐊᒥᓱᐊᓗᖕᓂ ᑭᔾᔭᑦᑎᐊᖅᓯᒪᙱᓐᓂᐅᔪᓂ Quaker ᑲᑎᙵᓂᐅᔪᓂᑦᑕᐅᖅ.
ᑕᐱᕇᒃᑯᑦ ᐊᖕᒐᔪᖅᑳᖅ ᓈᑕᓐ ᐆᐱᑦ ᑲᑎᑎᑦᓯᓚᐅᖅᑐᖅ ᐅᑯᓂᖕᒐ 1955-ᒦᙶᖅᑐᓂᑦ ᐊᓯᐅᒪᓯᒪᔪᑦ ᕼᐋᑭᒧᑦ ᐊᔾᔨᖕᒍᐊᓂᑦ. © Patricia D’Souza
ᐆᐱᑦ ᑲᑕᓚᐅᖅᐳᖅ ᐅᑲᓕᐅᑉ ᐊᖕᒪᔪᖓᓄᑦ, ᖃᐅᔨᓴᖅᖢᓂ ᑭᔾᔭᑦᑎᐊᖅᓯᒪᙱᓐᓂᐅᔪᓂ ᐊᔾᔨᙳᐊᖏᓐᓂ ᐸᑦᑕᓂᑦ ᐱᒋᔭᖏᓐᓂ ᐊᒻᒪ ᑕᐃᒃᑯᐊ ᑕᑯᒃᓴᐅᑎᑕᐅᔪᓂ ᐱᖃᓐᓇᕆᔭᖏᓐᓂ ᐊᒻᒪ ᑲᑎᖅᓱᐃᔨᐅᔪᓄᑦ. ᓇᓕᐊᑦ ᐸᑦᑕᐃᑦ ᒪᕐᕈᐃᓕᖓᓂᖃᓚᐅᖅᐸᑦ ᐸᐃᑉᐹᖑᔪᒥ? ᓇᓕᐊᑦ ᑲᑎᙵᐅᓚᐅᖅᐸᑦ ᐸᐃᑉᐹᒥᒃ ᐊᒻᒪ ᕿᓚᒻᒥᐅᔪᒥ−ᑎᑎᕋᖅᑕᐅᓪᓗᑎᒃ ᑭᒡᓕᖃᖅᑎᑦᑎᓂᕐᒥ Quaker−ᑯᑦ ᓵᓚᖃᐅᓯᐊᓂᑦ ᑐᓐᓂᖅᑯᑕᐅᔪᓄᑦ? ᐊᒥᓱᓄᑦ ᖃᓂᒻᒪᓐᓇᐅᔪᒥ ᑲᔪᓰᓐᓇᖅᑎᓪᓗᒍ, ᐊᔾᔨᙳᐊᖏᓐᓂ ᐸᑦᑕᓂᑦ ᐱᓕᕆᐊᖑᔪᖅ ᓴᐃᓕᓂᖃᖅᖢᓂ ᐸᒡᕕᓵᕆᓂᐅᓚᐅᖅᐳᖅ ᓵᙵᓂᐅᔪᒥ ᓇᓗᓇᕐᓂᐅᔪᒥ, ᑲᑉᐱᐊᓱᖕᓂᕐᒥ ᐊᒻᒪ ᖁᓚᕐᓂᕐᒧᑦ. ᐊᓱᐃᓛᒃ, 2021 ᓄᙳᐊᓂ, ᐃᒻᒥᓂᒃ ᐅᒃᐱᕆᑦᑎᐊᓚᐅᖅᐳᖅ ᐱᓕᕆᐊᒃᓴᖓ ᐱᔭᕇᕐᓂᖓᓂ: ᓴᖅᑭᑎᑦᑎᒃᑲᓐᓂᓚᐅᖅᐳᖅ ᐱᑕᖃᓚᐅᖅᓯᒪᙱᑦᑐᒥ ᑕᐃᒪᙵᓂ 1955−ᒥ. ᕿᑎᐊᓂ ᕼᐋᑭᒥ ᐊᓇᐅᓯᓂᐅᔪᓂ ᐊᒻᒪ ᖃᔅᓯᒐᓚᐅᔪᓂ ᐱᔭᕆᑐᔪᒥ ᑎᒥᒧᑦ ᐊᒃᓱᕈᕐᓇᖅᑐᓂ ᐃᖅᑲᓇᐃᔮᖑᔪᓂ, ᐆᐱᑦ, ᐅᑭᐅᖃᖅᖢᓂ 20−ᓂ, ᕿᓯᕋᕐᒥ ᐃᙳᕆᓂᖓᓂ ᑭᓚᐃᓂᖃᕐᓂᕐᒥ ᑐᓄᖓᓂ. ᐱᓚᒃᑕᐅᓂᖃᕆᐊᖃᓚᐅᖅᐳᖅ ᐊᒻᒪ ᐊᑯᓂᐅᔪᒥ ᒪᒥᓴᕐᓂᐅᔪᒥ ᑕᐃᑲᓂ ᐃᓱᒪᒃᑲᓐᓂᕆᐊᖃᓕᓚᐅᕐᓂᖓᓂ ᕼᐋᑭᒥ ᐱᔪᒪᓂᕆᔭᖏᓐᓂ. ᑐᓚᐅᖅᐳᖅ ᑕᕝᑦ ᓯᓚᑦᑐᖅᓴᕐᕕᒡᔪᐊᖓᓂ ᐹᔅᑎᓐᒥ ᕼᐋᑭᒥ ᐊᑭᖃᙱᑦᑐᒥᒃ ᐃᓕᓐᓂᐊᕆᐊᒃᑲᓐᓂᕈᓯᐊᒥᒃ ᐊᔪᙱᓛᖑᓂᐊᒍᑦ ᐱᓪᓗᒍ ᐊᑐᐃᓐᓇᖃᖅᑎᑦᑎᓚᐅᕐᒪᑦ ᐱᐅᔪᒥ ᐃᓕᓐᓂᐊᕐᓂᐅᔪᒥ ᐊᒻᒪ ᐱᓕᕆᔾᔪᑕᐅᔪᓂ ᓴᓇᒃᑲᓐᓂᕐᓂᖓᓂ ᓯᕗᓂᒃᓴᖓᓂ. “ᐅᔾᔨᕈᓱᑦᑎᐊᓚᐅᖅᐳᖓ ᑕᐃᔅᓱᒪᓂ ᐱᕐᔪᐊᖑᓂᖓᓂ ᐱᙳᐊᕈᓐᓇᕐᓂᕐᒥ ᕼᐋᑭᒥ ᓵᓚᖃᕋᓱᐊᕐᓗᓂ ᑭᓯᐊᓂ 25−ᖑᓕᕋᒪ,” ᐅᖃᓚᐅᖅᐳᖅ. “ᑭᓯᐊᓂᑦᑕᐅᖅ, ᐊᓂᒍᓚᐅᕐᒪᑦ. ᓄᒫᓇᕐᔪᐊᓚᐅᖅᐳᖅ. ᐊᖏᔪᒻᒪᕆᐊᓘᓪᓗᓂ ᐃᓚᒋᔭᐅᓚᐅᖅᐳᖅ ᑭᓇᐅᓂᓐᓂ.” ᐆᐱᑦ ᓱᓕ ᐱᙳᐊᓲᖑᕗᖅ ᕼᐋᑭᒥ ᒪᕐᕈᐃᖅᓱᖅᑐᒥ ᐱᓇᓱᐊᕈᓯᐅᔪᒥ ᒪᕐᕉᖕᓂ ᐊᔾᔨᒌ-ᙱᑦᑐᓂ ᐱᙳᐊᖅᑎᐅᔪᓄᑦ. ᑕᐅᑐᓚᐅᖅᐳᖅ ᔪᐊᑎᓐ ᑑᑑᒥ ᐋᖅᑭᒃᓱᐃᓂᖓᓂ ᐱᓕᕆᓂᐅᔪᒥ ᐃᓄᖕᓄᑦ ᑲᓇᑕᒥ ᕼᐋᑭᒥᑦ ᐱᙳᐊᖅᑎᕐᔪᐊᖑᔪᓄᑦ ᐊᒻᒪ ᖃᐅᔨᒪᕗᖅ ᓯᕗᓂᒃᓴᐅᔪᒥ ᕼᐋᑭᖅᑎᕐᔪᐊᖑᔪᓄᑦ ᐊᖑᑎᓄᑦ ᐊᒻᒪ ᐊᕐᓇᓄᑦ ᐃᓚᖃᒃᑲᓐᓂᕐᓂᐊᕐᓂᖓᓂ ᐅᓄᕐᓂᖅᓴᐅᔪᓂ ᐃᓄᖕᓂ. ᑭᓯᐊᓂ ᖃᐅᔨᒪᕗᖅ ᑎᑭᐅᑎᓂᐅᔪᒥ ᑐᕌᒐᕆᔭᐅᔪᒥ ᒪᕐᕈᒋᔭᐅᓂᐅᕗᖅ ᓇᓂᔭᕐᓂ ᑕᐃᑯᙵᐅᕙᓪᓕᐊᑎᓪᓗᑎᑦ.
“ᕼᐋᑭ ᐅᕙᓐᓄᑦ ᐱᓕᕆᓂᐅᓚᐅᖅᐳᖅ ᑎᑭᐅᑎᓂᕐᒥ ᑐᕌᒐᒃᓴᐅᔪᒥ ᐅᕙᖓ ᑎᑭᐅᑎᔪᒪᓚᐅᖅᑕᓐᓂ, ᐊᓯᐊᓂᐅᙱᑦᑐᖅ ᐅᕙᓐᓄᑦ ᐋᖅᑭᓚᐅᖅᑕᖓᓂ ᐅᕙᓐᓄᑦ. ᑭᓯᐊᓂ ᐱᓇᓱᐊᕐᓂᐅᔪᒥ ᑐᕌᒐᒃᓴᐅᔪᒥ ᐱᒻᒪᕆᐅᓛᖑᓪᓗᓂ ᐃᓚᒋᔭᐅᕗᖅ… ᑐᕌᖅᑎᑦᑎᒐᔪᒃᐳᖅ ᐃᓐᓇᕈᕐᓂᕐᒥ ᐊᒻᒪ ᐃᒻᒥᓂᒃ−ᖃᐅᔨᓂᕐᒥ ᐱᓚᐅᖅᓯᒪᙱᑐᐃᓐᓇᕆᐊᖃᖅᑕᕐᓂ. ᐊᒻᒪᓗ ᐅᕙᓐᓄᑦ, ᐅᕙᓐᓂ ᐊᑐᐃᓐᓇᕈᑦᑎᓯᒪᕗᖅ ᐃᖅᑲᓇᐃᔮᖃᑦᓯᐊᓂᕐᒥᒃ ᐃᓄᐃᑦ ᐱᔪᓐᓇᐅᑎᖕᒋᓐᓂᑦ ᓴᐳᑦᔪᐃᒋᐊᕐᓂᕐᒥᒃ.”
ᐊᒻᒪᓗ ᑕᐃᔅᓱᒧᖓ 1955−ᒥ ᕼᐋᑭᒥ ᐊᔾᔨᙳᐊᖏᓐᓂ ᐸᑦᑕᓂᑦ ᐸᐃᑉᐹᖑᔪᒥ, ᑎᑎᕋᐅᔭᖅᑎᐅᔪᒥ ᐱᖃᓐᓇᕆᔭᖓ ᐋᖅᑭᒃᓱᓚᐅᖅᐸᖓ ᑕᑯᒃᓴᐅᓂᐅᔪᒥ ᐊᒻᒪ ᐆᐱᑦ ᑕᐃᔅᓱᒥᖓ ᐸᐃᑉᐹᖑᔪᒥ ᑎᑎᕋᖅᑕᐅᑎᓚᐅᖅᐸᖓ ᖁᖅᓱᖅᑎᕆᓯᒪᔪᒥ ᐸᐃᑉᐹᒧᑦ ᐃᔾᔪᔪᒧᑦ ᐊᒃᑐᐃᓂᖃᕐᓂᖓᓄᑦ. ᑮᓇᐅᔭᓕᐅᕈᑎᕐᔪᐊᖑᑐᐃᓐᓇᕆᐊᖃᖅᐳᖅ ᑲᑎᖅᓱᐃᕙᒃᑐᒧᑦ, ᑭᓯᐊᓂ ᐆᐱᑦ ᐱᓕᕆᓚᐅᙱᓚᖓ ᑮᓇᐅᔭᒧᑦ. ᐊᓕᐊᓇᐃᒋᔭᖃᑦᑎᐊᕐᒪᑦ
ᐆᐱᑦ ᑲᑉᑕᓐᖕᒍᑎᓪᓗᒍ 2024 ᑏ ᐊᒻᒪ ᐸᓚᐅᒑᖅ ᕼᐋᑭᕐᓂᕐᒥᑦ, ᐱᙳᐊᖃᑎᒌᑦᑎᓪᓗᒋᑦ ᐃᓄᐃᑦ ᑕᐱᕇᑦ ᑲᓇᑕᒥ ᐊᒻᒪᓗ ᐊᓪᓚᖕᒐᔪᑦ ᑲᓇᑕᒥᑲᑎᒪᔨᖕᒋᑦ. © Robert Hoselton
ᕼᐋᑭᒧᑦ ᐊᔾᔨᙳᐊᖏᓐᓂ ᐸᑦᑕᓂᑦ ᐊᒻᒪ ᐃᖅᑲᐅᒪᓂᐅᔪᒥ ᑎᒍᒥᐊᕐᓂᖏᓐᓂ — ᓂᒡᓚᓱᒃᑐᒥ ᓯᓚᒥ ᓯᐊᕐᕆᔮᕐᕕᐅᔪᓂ, ᖁᙱᐊᕐᓂᕐᒥ ᕼᐋᑉᔅᓂ ᓵᓚᖃᕐᓂᖏᓐᓂ ᐃᕐᙳᓯᕐᒥ ᐊᒻᒪ ᓱᕈᓯᐅᓪᓗᓂ ᐊᑐᒍᒪᓚᐅᖅᓯᒪᔭᒥᓂ ᐱᙳᐊᖅᑎᕐᔪᐊᖑᔪᓂ ᐱᙳᐊᕐᓂᕐᒧᑦ. ᓂᕆᐅᒃᐳᖅ ᓱᖏᐅᓐᓇᙱᑦᑐᒥ ᐱᓕᕆᓂᖓᓂ ᓇᒡᓕᒍᓱᖕᓂᕐᒥ ᑐᓂᓯᓂᐊᕐᓂᖓᓂ ᖁᕕᐊᓐᓂᐅᔪᒥ ᑕᐃᒃᑯᓄᖓ ᐊᑐᖅᐸᒃᑐᓄᑦ ᐊᓕᐊᓇᐃᒋᔭᖃᖃᑎᖏᓐᓂ. “ᑕᒪᓐᓇ ᐃᓚᒋᔭᐅᓂᐅᕗᖅ ᖃᐅᔨᓴᖅᑎᐅᓂᕐᒥ, ᖃᐅᔨᔪᓐᓇᖅᐳᑎᑦ ᐃᓚᖏᓐᓂ ᐊᐱᖅᑯᑕᐅᔪᓂ ᑭᓇᑐᐃᓐᓇᖅ ᑭᐅᔾᔪᑎᖃᙱᓐᓂᖓᓂ. ᐃᓛᒃ, ᐱᐅᑐᐃᓐᓇᖅᐳᖅ. ᑕᑯᔪᒥᓇᖅᖢᓂ ᐃᓚᒋᔭᐅᕗᖅ ᑲᑎᖅᓱᐃᓂᐅᔪᒥ ᐊᒻᒪ ᓇᖕᒥᓂᖅ ᒥᑭᑦᑐᒥ ᐃᓚᒋᔭᐅᔪᒥ ᓴᓇᐅᒐᓕᕆᓂᕐᒥ,” ᐅᖃᖅᐳᖅ. ᑭᓯᐊᓂ ᐃᓱᒪᕗᖓ ᐱᓕᕆᒃᑲᓐᓂᓚᐅᖅᓯᒪᔾᔮᙱᓐᓂᓐᓂ ᑕᐃᒪᐃᑦᑐᓴᐃᓐᓇᒥ ᓇᓗᓇᖅᑐᒥᑦ ᑐᑭᓯᒋᐊᒃᑲᓂᒐᓱᐊᒋᐊᒥᒃ.”
