ᑏᐊᓐᑕ ᐃᑦᒪᓐᔅ ᐃᙱᓲᖅ ᖁᕕᐊᒋᔭᒥᓂ ᑕᐃᔭᒥ ᓚᐸᑐᐊ ᐃᕐᓂᖕᒋᑦ ᐃᙱᒋᐊᖅᑐᓯᒪᓕᕈᓂ ᓄᓇᓕᐅᔪᓂᑦ ᑲᓇᒥᑦ ᓯᓚᕐᔪᐊᓕᒫᒥᓗ. Courtesy Deantha Edmunds
ᐅᑎᑦᑎᓯᕙᓪᓕᐊᑕᐅᔪᒃ ᐃᓄᑦᑎᑐᑦ ᐃᙱᓂᒃᑯᑦ
ᐃᓄᑦᑎᑐᑦ ᑕᐃᓐᓇ ᓛᐸᑐᐊ ᓄᓇᓕᒃ Hopedale- ᐃᒥ ᑕᐃᔭᐅᔪᒃ ᐊᕐᕕᕐᑑᒃ. ᑐᑭᖃᔪᒃ ᐃᓂᒋᔭᐅᔪᒃ ᐊᑉᕕᓄᑦ. ᑐᑦᓯᐊᒐᒥ ᓱᓕᐊᑦᓴᖕᒐ ᑕᐃᔭᐅᔪᒃ Song of the Whale (ᑐᑦᓯᐊᓂᒃ ᐊᑉᕕᓂᒃ) ᐊᑖᒍᑦ ᒥᒧᐊᕆᔪᓪ ᐃᓕᓐᓂᐊᕕᑦᓱᐊᖕᒐᑕ ᐊᑉᕕᑕᓐᓇᐅᑉ ᓴᐅᓂᖕᒋᑦ ᐅᐱᖕᒐᓵᒥ 2023, ᑲᓇᑕᐅᑉ ᑕᐃᓐᓇᑐᐊᒃ ᐃᓕᓯᒪᓪᓚᒋᑦᑐᒃ ᐃᓅᖢᓂ ᑐᑦᓯᐊᑎᑦᓯᐊᒪᒋᐅᖢᓂ ᑏᐊᓐᑕ ᐃᑦᒪᓐᔅ ᑕᑕᑦᓯᐊᓚᐅᑦᑐᒃ ᐃᑉᐱᓂᐊᖢᓂ ᐊᑕᒋᐊᒧᑦ ᓄᓇᑦᓯᐊᕗᑦ ᑕᐃᒪᖕᒐᓱᐊᓂᒋᔭᖕᒋᓐᓂᒃ ᐊᒻᒪᓗ ᐊᑖᑕᖕᒐᑕ ᓄᓇᒋᔭᒻᒥᓄᑦ Hopedale- ᐃᒥᒃ.
“ᑖᓐᓇ ᐊᖕᒋᓂᑦᓴᒃ ᑐᑦᓯᐊᑕᐅᑐᐃᓐᓇᓗᒐᓂ. ᐃᓄᓐᓂᒃ ᐃᓱᒪᔮᒃᑯᔨᕗᒍᑦ ᐱᔾᔪᑎᒋᓪᓗᒋᑦ ᖃᓄᒃ ᐱᐅᓂᑦᓴᒥᒃ ᐸᐃᑦᓯᐅᑎᖃᒐᔭᒃᑭᑖ ᐃᒪᑉᐱᑎᓐᓂᒃ, ᐃᒪᒋᔭᑦᑎᓂᒃ, ᐊᒻᒪᓗ ᐆᒪᔪᒋᔭᑦᑎᓂᒃ,” ᐅᖃᔪᒃ ᐃᑦᒪᓐᔅ, ᑕᐃᓐᓇ ᑐᓂᔭᐅᑕᐃᓐᓇᓚᐅᑦᑐᒃ ᑕᐃᔭᒥᒃ Order of Canada (ᑳᓇᑕᒥ ᐃᓕᑕᕆᔭᐅᑦᔪᑎᔪᐊ) ᓱᓕᐊᑦᓴᒋᓯᒪᔭᒻᒥᓄᑦ ᐊᓪᓚᖕᒍᐊᑦᑎᐅᖢᓂ. ᑕᐃᒃᑯᐊ ᐊᓪᓚᑕᐅᓯᒪᔪᑦ ᑐᑦᓯᐊᔭᒻᒥᓂᒃ ᐊᑉᕕᓄᑦ, ᑐᑦᓯᐊᑕᐅᓯᒪᔪᒃ ᓄᓇᑦᓯᐊᕗᑦ ᐅᖃᐅᓯᑐᖃᖕᒐᓂᑦ, ᐱᖅᑯᔨᒃ: “ᓈᓚ, ᑕᐃᓐᓇ ᐊᑉᕕᐅᑉ ᑐᑦᓯᐊᒍᓯᖕᒐ ᐊᓯᐊᖕᒍᕙᓪᓚᖃᑦᑕᔪᒃ ᖄᖕᒋᕙᓪᓕᐊᓕᒻᒪᑦ. ᓱᓕᐊᖃᖃᑎᒌᒋᐊᖃᕗᒍᑦ ᐊᓯᐊᖕᒍᑎᑦᓯᒋᐊᒧᑦ. ᑲᒪᒋᐊᖃᕗᒍᑦ. ᑲᔪᓯᒃᑯᓗᒍ ᑐᑦᓯᐊᒍᓯᒃ. ᐊᓯᐊᖕᒍᕙᓪᓕᐊᒃ.” ᓂᑦᔮᒍᓯᒃ ᐊᒻᒪᓗ ᑕᐃᔭᒃ English horn ᖁᖁᒍᑎᒻᒥᒃ ᑭᒡᒐᑐᔪᒃ ᓂᐸᖕᒋᑕ ᐊᑉᕕᐅᑉ. ᐃᓚᒋᓪᓗᒍ ᐃᑦᒪᓐᔅ, ᐃᓕᓐᓂᐊᕕᒻᒦᔪᑦ ᐃᖕᒋᑏᑦ ᐊᑐᖃᑦᑕᔪᑦ ᓂᐸᒃᑯᑐᔪᓂᒃ ᓂᐸᓂᒃ ᓴᓇᒋᐊᒧᑦ ᓂᐸᓂᒃ ᐃᒪᑉᐱᒥᑦ.
ᑕᐃᒃᑯᑎᒎᓇ ᐅᓪᓗᒥᐅᓕᑦᑐᒃ ᓱᓕᐊᑦᓴᒥᓂᒃ, ᓲᓪᓗ ᑐᑦᓯᐊᒍᓯᒃ ᐊᑉᕕᒧᑦ, ᐃᑦᒪᓐᔅ ᑐᓂᑦᓯᔪᒃ ᓄᑖᒥᒃ ᐊᑐᑦᑕᐅᔪᒥᒃ ᐃᓕᖕᒐᓂᖃᔪᒧᑦ ᐃᓄᑦᑎᑐᑦ ᐅᖃᐅᓯᑐᖃᒻᒥᒃ ᑐᑦᓯᐊᖃᑦᑕᔭᒻᒥᓄᑦ. ᑖᕙᑐᐊᒃ ᐱᓯᒪᓗᐊᑦᑐᒃ ᐊᔪᓐᓇᖕᒋᑐᓂᒃ ᓂᑦᔮᒍᓯᓐᓂᒃ ᐱᓯᒪᔪᒥᑦ ᐊᑯᓂ ᓄᑕᐅᖕᒋᑐᓂᒃ ᐱᐅᓯᑐᖃᓐᓂᒃ ᐃᖕᒋᑕᐅᖃᑦᑕᔪᓄᑦ ᐊᒻᒪᓗ ᐱᖕᒍᐊᑕᐅᖃᑦᑕᔪᓄᑦ ᑲᑎᒻᒪᕕᓐᓂᑦ ᑕᒡᒐᒥᑦ ᓛᐸᑐᐊᒥᑦ. “ᐱᐅᓯᑐᖃᐃᑦ ᓂᔾᔮᒍᓰᑦ ᑐᑭᖃᖕᒋᑐᐃᓐᓇᑐᒃ ᑲᑕᔾᔭᓂᒻᒥᒃ ᐊᒻᒪᓗ ᕿᓚᐅᑕᓂᒃ,” ᐅᖃᔪᒃ ᐃᑦᒪᓐᔅ. “ᐱᐅᓯᑐᖃᐃᑦ ᐃᓚᖕᒐᑎᑦᓯᖃᑦᑕᔪᒃ ᑕᐃᒪᖕᒐᓱᐊᓂᒋᔭᓐᓂᒃ ᐊᒻᒪᓗ ᐃᓗᒃᑯᓯᒋᔭᓐᓂᒃ. ᐃᓗᐊᓂ ᓛᐸᑐᐊᒥ, ᐊᔪᓐᓇᖕᒋᑐᑦ, ᐅᑉᐱᒋᔭᐅᑦᓯᐊᑐᑦ ᑲᑎᒻᒪᕕᒻᒥᑦ ᓂᑦᔮᒍᓰᑦ ᐃᓱᒪᒋᔭᐅᕗᑦ ᐱᐅᓯᑐᖃᐃᑦ ᐃᓄᐃᑦ ᓂᔾᔮᒍᓯᖕᒋᑦ.
ᐃᙱᒍᓰᑦ ᑭᑎᑕᖕᒋᑦ ᐃᓄᑦᑎᑐᑦ ᐊᔪᓐᓇᖕᒋᑐᑦ ᓂᔾᔮᒍᓰᑦ ᐱᙳᐊᑕᐅᓯᒪᔪᑦ ᓄᓇᑦᓯᐊᕗᑦ ᑲᑎᒻᒪᕕᖕᒋᓐᓂ. Courtesy Deantha Edmunds
ᑕᐃᑉᓱᒪᓂ ᔫᒪᓂᒥᐅᑦ ᒧᐊᕋᐃᕕᔭ (German Moravian) ᒥᓯᐅᓂᖕᒋᑦ ᓂᐅᒡᒍᓂᐊᒻᒪᑕ ᓄᓇᑦᓯᐊᕗᒻᒧᑦ 250 ᔮᕆᐅᓕᑦᑐᓂᒃ, ᓇᔾᔭᓚᐅᑦᑐᑦ ᕿᓗᓪᓚᒐᖃᔪᓂᒃ ᐊᒻᒪᓗ ᐴᓴᐅᓃᑦ ᓂᔾᔮᒍᓯᓐᓂᒃ ᐊᒻᒪᓗ ᑐᑦᓯᐊᑕᐅᖃᑦᑕᔪᓄᑦ ᐃᒪᑉᐱᐅᑉ ᐊᑭᐊᓂᑦ ᔅoᓪᓗ ᓂᔾᔮᒍᓯᓕᐅᑦᑎᓂᑦ ᓲᓪᓗ ᐹᒃ (Bach), ᕼᐊᓐᑎᐊᓪ (Handel), ᐊᒻᒪᓗ ᒨᑦᓴᐅᑦ (Mozart). “ᑕᐃᒃᑯᐊ ᒥᓯᐅᓃᑦ ᓄᖅᑲᑎᑦᓯᓚᐅᑦᑐᑦ ᐅᑉᐱᒋᔭᐅᔪᓂᒃ ᐃᓄᐃᑦ ᐱᐅᓯᑐᖃᐃᑦ ᑲᑕᔾᔭᓂᒻᒥᒃ ᐊᒻᒪᓗ ᕿᓚᐅᑕᓂᒃ, ᐊᐃᑦᑐᐃᓚᐅᑦᑐᑦ ᓛᐸᑐᐊ ᐃᓄᖕᒋᓐᓄᑦ ᑐᓴᒥᓇᑦᑐᓂᒃ ᐃᒪᑉᐲᑦ ᐊᑭᐊᓂᑦ ᓂᔾᔮᒍᓯᓐᓂᒃ,” ᐅᖃᔪᒃ ᐃᑦᒪᓐᔅ. “ᑕᐃᓐᓇ ᐊᓪᓚᑕᐅᓯᒪᔪᑦ ᐊᓪᓚᓵᖕᒍᑦᑎᑕᐅᓚᐅᑦᑐᑦ ᐃᓄᑦᑎᑐᑦ ᐊᒻᒪᓗ ᑐᑦᓯᐊᒍᓰᑦ ᐃᓚᖕᒐᒋᔭᐅᓂᐊᑦᑎᓗᒋᑦ ᑲᑎᒻᒪᕕᒻᒧᑦ ᐊᒻᒪᓗ ᓄᓇᓖᑦ ᐃᓅᓯᖕᒋᓐᓄᑦ. ᐊᓯᐊᖕᒍᑎᑦᓯᓯᒪᔪᑦ ᓂᔾᔮᒍᓯᐅᑎᖕᒐᓂᒃ ᐅᑉᕙᓗ ᐃᒋᓇᖕᒐᓂᒃ ᐅᑉᕙᓗ ᓂᐸᒋᔭᖕᒋᓐᓄᑦ, ᐊᒻᒪᓗ ᓱᓇᐅᓕᐊᑭᓯᒪᔪᒃ ᑕᐃᓐᓇ ᓇᒻᒥᓂᒋᖢᒍ. ᐅᕙᓐᓄᓕ ᑕᒪᓐᓇ ᐅᕙᓐᓂᒃ ᓂᓪᓕᐅᑎᔪᒃ ᐃᓄᐃᑦ ᑲᑐᔾᔨᖃᑎᒌᒋᐊᓪᓚᖕᒐ ᓵᔪᓄᑦ ᓄᓇᓕᒻᒧᑦ ᑲᑎᖕᒐᓕᐊᕿᒋᐊᖃᓯᒪᔪᑦ.”
ᐊᑕᐅᑦᓯᒃ ᐱᐅᓯᑐᖃᒃ ᓲᓪᓗ ᐃᓅᕕᐊᓂ, ᑲᐅᓯᐅᑦ ᓄᐃᔾoᑎᑦ, ᐊᑐᖃᑦᑕᔪᒃ ᑎᑦᑐᓚᐅᓯᔭᒻᒥᓂᒃ ᐊᑐᓗᒐᓂ ᖁᖁᒍᑎᒻᒥᒃ ᑕᐃᔭᒥᒃ French horn ᐊᒻᒪᓗ ᐃᓚᐅᑎᑦᓯᔪᒃ ᐊᐃᑉᐸᖕᒐᓂᒃ ᓂᐸᒃᑯᑦ ᐃᓚᖕᒐᓂᒃ. ᐃᑦᒪᓐᔅ ᐃᖅᑲᐅᒪᑦᓯᐊᑐᒃ ᐱᖕᒍᐊᖃᑎᒋᓯᒪᔭᒻᒥᓂᒃ ᑳᕆᐅᓚᐅᑦᑐᒧᑦ ᒥᔅᑐ ᐆᐱᑦ, ᓯᕗᒃᑲᑎᐅᓚᐅᑦᑐᒃ ᐸᓯᐅᖢᓂ ᑕᐃᒃᑯᓄᖕᒐ ᓇᐃᓐ ᓄᓇᓖᑦ ᑲᑎᒪᕕᐅᑉ ᐃᖕᒋᑎᖕᒋᓐᓄᑦ ᐊᒻᒪᓗ ᐊᖕᒋᔪᐊᓗᒻᒥᒃ ᓱᓕᔪᒋᔭᐅᑦᓯᐊᖢᓂ ᖃᐅᔨᒪᑦᓯᐊᖢᓂᓪᓗ ᑎᒍᒥᐊᔪᒃ. “ᑕᐃᓐᓇ ᑐᓴᓐᓂᑐᑦᓯᐊᕙᒻᒥᒃ ᓂᐸᖃᓚᐅᑦᑐᒃ.
ᐊᒻᒪᓗ ᑕᒪᓐᓇ ᑐᑦᓯᐊᒍᓯᒃ ᓱᓕᔪᒥᒃ ᓇᒻᒥᓂᒋᓚᐅᑦᑕᖕᒐ, ᐱᒍᑦᓴᑕᐅᒐᒥ ᓛᐸᑐᐊᒥ ᐊᒻᒪᓗ ᑕᐃᒃᑯᐊ ᑐᑦᓯᐊᒍᓰᑦ ᓇᒻᒥᓂᒋᑦᓯᐊᓚᐅᑦᑕᖕᒋᑦ, ᐱᒍᑦᓴᑕᐅᓯᒪᒐᒥ ᓛᐸᑐᐊᒥ ᐊᒻᒪᓗ ᐊᐃᑦᑐᑕᐅᓯᒪᔪᒃ.” ᐃᑦᒪᓐᔅ ᑐᑦᓯᐊᖃᑎᒌᔪᒃ ᐆᐱᑦᒥᒃ ᑕᐃᔭᒥᒃ ᓴᓇᑦᑕᐅᓯᒪᔪᒧᑦ ᐱᓪᓘᕆᒃᐳᑦ ᐃᓄᐃᑦ: Inuktitut Arias For All Seasons (ᐃᓄᒃᑎᑐᑦ ᐃᙱᒍᓰᑦ ᐃᓘᓐᓇᐃᓄᑦ ᓇᓪᓕᐅᕕᓐᓄᑦ).
ᑕᐃᑉᓱᒪᓂ ᐃᑦᒪᓐᔅ ᓱᓕᐊᖃᓕᒻᒪᑦ ᐊᓪᓚᖕᒍᐊᑦᑎᐅᓗᓂ ᐃᓂᖃᓪᓗᓂ ᑲᓇᑕᐅᑉ ᐃᓕᓐᓂᕕᑦᓱᐊᖕᒋᓐᓂᒃ ᓲᓪᓗ—ᐊᑲᐃᑎᔭ (Acadia) ᐃᓕᓐᓂᐊᕕᑦᓱᐊᖕᒐᓂᒃ ᓅᕙ ᓯᑰᓴᒥ ᐊᒻᒪᓗ ᐱᓴᑉ (Bishops) ᐃᓕᓐᓂᐊᕕᑦᓱᐊᖕᒐᓂ ᑯᐸᐃᒥ—ᑕᑯᑎᑦᓯᔪᒃ ᑕᐃᒃᑯᓂᖕᒐ ᓄᓇᑦᓯᐊᕗᑦᑎᑯᓄᑦ ᐊᔪᓐᓇᖕᒋᑐᓂᒃ ᐱᖕᒍᐊᑎᑦᓯᖃᑦᑕᔪᓄᑦ. ᐃᑦᒪᓐᔅ ᐅᖃᔪᒃ ᒨᑦᓴᐅᑦ (Mozart) ᐃᙱᒍᓯᓕᒃ ᐊᑕᐅᓯᒥᒃ, Ave Verum Corpus, ᑐᑦᓯᐊᑕᐅᔪᒃ ᓛᐸᑐᐊᒥ ᐃᓄᑦᑎᑐᑦ ᖃᓂᑕᖕᒐᓂ 200 ᔮᕆᐅᓯᒪᔪᓄᑦ ᐅᓄᓗᐊᑦ ᐃᓄᐃᑦ ᐃᓕᑕᑦᓯᓂᐊᑦᑕᒥᓂᒃ. ᑕᐃᑉᓱᒧᖕᒐ ᐃᑦᒪᓐᔅ ᑐᑦᓯᐊᓂᐊᒻᒪᑦ ᑕᐃᓐᓇ ᓂᐅᒡᒍᓂᐊᒻᒪᑦ ᐃᒃᓯᕋᒡᔪᐊᕌᐱᒃ ᕗᕌᓐᓯᔅ ᐃᖃᓗᓐᓄᑦ ᔮᕆᖕᒐᓂ 2022, ᐊᓐᓂᒍᓱᓚᐅᑦᑐᒃ ᐃᓄᒃᑎᑐᑦ ᐃᖕᒋᒍᓯᒻᒥᒃ ᒧᐊᕋᐃᕕᔭᐅᑉ ᐱᐅᓯᑐᖃᒋᔭᖕᒐ ᑐᑦᓯᐊᑕᐅᓚᐅᑦᑐᒧᑦ ᓄᑖᒥ ᔮᕆᒥ, ᑲᑎᒻᒪᕕᒻᒧᑦ ᐅᓪᓗᓯᐅᒍᑎᖕᒋᑦ ᐊᒻᒪᓗ ᐃᖅᑲᓇᑦᑐᓄᑦ ᓴᖅᑭᖃᑦᑕᔪᓄᑦ. ᑕᐃᔭᒥᒃ ᓴᐃᒪᕐᑎᒍᑦ ᔩᓱᓰ, ᑕᐃᓐᓇ ᐅᓐᓄᓴᐅᑎᓪᓗᒍ ᑐᑦᓯᐊᒍᓯᒃ ᐊᔪᓐᓇᑑᙱᑐᒃ, ᓂᒍᒥᑦᑐᒃ, ᐊᒻᒪᓗ ᑲᔪᓯᐅᑎᖃᑦᓯᐊᑐᒃ ᐃᙱᒍᓯᒃ ᐃᑦᒪᓐᔅ ᖃᓄᑦᑑᒍᑎᒋᓯᒪᔭᖕᒐ ᑐᓵᔪᓄᑦ ᐃᑉᐱᓂᐊᓂᐊᑦᑐᑦ ᓴᐃᒻᒪᓂᒻᒥᒃ.
“ᐃᓄᖃᕗᒃ ᓱᓕᐊᖃᓯᒪᔪᓄᑦ ᐊᑯᓂᐊᓗᓐᓂᑦ ᑕᒪᑉᓱᒧᖕᒐ ᐱᔮᒋᓯᒪᖕᒋᓂᒻᒧᑦ, ᐊᒻᒪᓗ ᑐᑭᖃᑦᓯᐊᓯᒪᔪᑦ ᓱᑕᐃᔭᔪᓄᑦ ᑕᐃᑉᓱᒪᓂ ᐃᒃᓯᕋᒡᔪᐊᕌᐱᒃ ᑎᑭᓂᐊᒻᒪᑦ. ᐃᓄᖃᕗᒃ ᖃᓄᓪᓘᓃᑦ ᐃᓚᐅᖃᑕᐅᒍᒪᓯᒪᙱᑐᓄᑦ ᑕᒪᓐᓇᐅᓗᐊᓯᒪᔪᒃ ᐊᑐᓯᒪᔭᖕᒋᓐᓂᒃ, ᐊᒻᒪᓗ ᑕᒪᓐᓇ ᓱᓕᔪᒃ ᐅᖃᒋᐊᒧᑦ,” ᑕᐃᓐᓇ ᐅᖃᔪᒃ. “ᑕᑯᓐᓇᐅᓯᒐᓄᑦ ᐃᓚᖕᒐᑦᑎᓯᒪᕗᖕᒐ ᐅᓪᓗᓯᐅᒍᑎᒋᒋᐊᖕᒋᑦ ᐃᓄᐃᑦ ᓴᐃᒻᒪᓂᒻᒥᒃ ᐊᒻᒪᓗ ᓇᓪᓕᒍᓱᓐᓂᒥᒃ, ᑕᐃᒪᐃᒻᒪᑦ ᐱᙳᐊᒍᒪ ᓴᖅᑭᑎᑦᓯᓂᐊᑦᑐᒃ, ᐅᓚᐱᑦᓴᐃᓂᒻᒥᒃ ᑕᒫᓂᓪᓗᐊᓯᐊᒃ.
ᐃᑦᒪᓐᔅ ᐃᓕᑕᒋᔭᐅᑦᓯᐊᑐᒃ ᓱᓕᐊᑦᓴᒋᖃᑦᑕᔭᒻᒥᓂᒃ. ᐊᑕᓂᒻᒥᒃ, ᑕᐃᓐᓇ ᔫᓂ 2022 ᓂᐱᓕᐅᓯᒪᔭᖕᒋᑦ ᐃᒻᒥᒍᑦ ᑐᑦᓯᐊᖢᓂ ᐱᑕᖃᔪᒧᑦ ᑕᐃᔭᓂᒃ Atlantic String Quartet, ᓵᓚᖃᓯᒪᔪᒃ ᓂᔾᔮᒍᓯᓐᓂᒃ ᓂᐅᕙᓐᓛᓐᒥ 2022 ᐊᔪᓐᓇᖕᒋᑐᓂᒃ ᐊᒻᒪᓗ ᓄᓇᖃᖅᑳᓯᒪᔪᐃᑦ ᐊᓪᓚᖕᒍᐊᑦᑎᓄᑦ ᔮᕆᖕᒐᓂ ᑐᓂᒡᒍᓯᐊᖕᒍᓯᒪᔪᒧᑦ, ᐊᒻᒪᓗ ᐊᓐᓂᒋᔭᐅᓚᐅᑦᑐᒃ ᑕᐃᑲᓂ ᑕᐃᔭᓄᑦ 2023 East Coast Music Awards. ᐃᑦᒪᓐᔅ ᑐᓪᓕᒌᑦᑎᑕᐅᓚᐅᒻᒥᔪᒃ ᐃᓕᖕᒐᔪᒧᑦ 2023 ᕿᓐᓄᐊᔪᐊᖅ ᐋᓯᕙ ᐃᖅᑲᐅᒪᐅᑎᒋᓪᓗᒍ ᓵᓚᖃᑦᑕᐅᓱᒥᒃ. ᔮᕆᖕᒐᓂ ᐅᒃᑑᐱᕇ 2023, ᐃᑦᒪᓐᔅ ᐃᓂᒡᒐᓚᐅᑦᑐᒃ ᐋᒻᔅᑐᑖᒻᒥᑦ ᑐᑦᓯᐊᒋᐊᑦᑐᒋᐊᒧᑦ ᐃᓄᒃᑎᑐᑦ ᐃᓄᑑᖢᓂ ᐃᓕᖕᒐᓂᖃᔪᒧᑦ ᓯᓚᑦᓱᐊᒥ ᐃᓕᖕᒐᔪᓄᑦ ᓯᓚᒃ ᐊᓯᐊᖕᒍᕙᓪᓕᐊᓂᖕᒐ ᑕᑯᓐᓈᓗᐊᑦᑐᒧᑦ ᐱᑕᒋᔭᐅᔪᓄᑦ, Flights of the Angakok (ᑎᖕᒋᖃᑦᑕᔪᑦ ᐊᖕᒐᒃᑯᐃᑦ), ᐃᓚᖃᑕᐅᑦᑐᒃ ᑕᐃᔭᓄᑦ ᓯᒻᒥᓄᑦ ᕿᓚᐅᑕᒃ—ᐊᖕᒋᔪᐊᓗᐃᑦ ᓯᒻᒦᑦ ᐃᓗᐊᓃᖃᑦᑕᔪᓄᑦ ᐃᒐᓛᓐᓄᑦ ᑕᐃᒃᑯᐊ ᓯᒻᒥᖕᒋᑦ ᓇᒧᑐᐃᓐᓇᒃ ᐊᐃᑲᑕᓂᐊᖕᒋᒪᑕ ᐱᙳᐊᕕᒋᔭᐅᔪᒧᑦ ᑕᐃᑉᓱᒧᖕᒐ ᕿᓚᐅᑕᒃ ᐱᙳᐊᑕᐅᓕᒻᒪᑦ. ᐊᒻᒪᓗ ᑏᓯᒻᐱᕇᒥ, ᑯᐃᓐ ᑭᒡᒐᑐᐃᔨᖓ ᒥᐊᓕ ᓴᐃᒪᓐ ᑐᓂᓯᓚᐅᑦᑐᒃ ᐃᑦᒪᓐᔅᒥ ᑕᐃᔭᒥᒃ ᑳᓇᑕᒥ ᐃᓕᑕᕆᔭᐅᑦᔪᑎᔪᐊᒥ “ᐃᓕᖕᒐᓂᖃᔪᒧᑦ ᐊᖕᒋᔪᐊᓗᒻᒥᒃ ᑐᓂᑦᓯᓯᒪᒐᒥ ᐃᓕᑕᒋᔭᐅᖢᓂ ᑲᓇᑕᐅᑉ ᓯᕗᓪᓕᐹᒃ ᐃᓄᒃ ᐊᔪᓐᓇᖕᒋᑐᓂᒃ ᑐᑦᓯᐊᖃᑦᑕᔪᒧᑦ, ᐊᒻᒪᓗ ᐊᓯᖃᖕᒋᑐᒥᒃ ᐱᑕᒋᔭᖕᒋᓐᓂᒃ ᐱᙳᐊᖃᑦᑕᒐᒥ ᐊᒻᒪᓗ ᐅᔾᔨᑐᑦᑕᐅᓲᖕᒍᒋᐊᒧᑦ ᐃᓅᓯᑦᑐᓄᑦ ᓄᓇᖃᖅᑳᓯᒪᔪᐃᑦ ᓂᔾᔮᒍᓯᐅᔪᓄᑦ.”
ᑕᐃᓐᓇ ᓯᕗᓪᓕᐅᓯᒪᔪᒃ ᓂᐱᓕᐅᓚᐅᑦᓯᒪᔭᖕᒐ, ᑕᐃᔭᐅᔪᒃ My Beautiful Home (ᑕᑯᒥᓇᑦᑐᓯᐊᕙᒃ ᐊᓂᒡᒐᒋᔭᒐ), ᑕᐃᓐᓇ ᐃᑦᒪᓐᔅ ᑕᑯᑎᑦᓯᔪᒃ ᓇᒻᒥᓂᒻᒥᓂᒃ
Deantha Edmunds sings with the St. John’s Urban Inuit Community Choir at the December 2023 show Songs and Stories of Christmas in Labrador. Courtesy Deantha Edmunds
ᐃᙱᒍᓯᖕᒐᓂᒃ ᑎᒍᒥᐊᑦᓯᐊᑕᒻᒥᓂᒃ ᐱᓯᒪᔪᒥᑦ ᓂᐅᕙᓐᓛᓐ ᐊᒻᒪᓗ ᓛᐸᑐᐊᒥᑦ, ᓲᓪᓗ ᑕᐃᑦᓱᑎᑐᓇ ᓄᓇᑦᓯᐊᕗᑦ ᑐᑦᓯᐊᒍᓯᖕᒐᓂᒃ ᐃᓐᓂᒎᒋᐊᒥᒃ ᓛᐸᑐᐊᒥᑦ. ᐱᒍᑦᓴᑕᐅᓯᒪᔪᒃ ᑯᐊᓇ ᐳᕈᒃᒥ, ᐃᑦᒪᓐᔅ ᐃᖅᑲᐅᒪᔪᒃ ᑐᓴᖢᓂ ᑏᕖᒃᑯᑦ, ᑕᑯᔭᐅᖃᑦᑕᓯᒪᔪᒧᑦ ᓛᐸᑐᐊᒥᐅᑦ.
“ᑕᐃᓐᓇ ᑐᑦᓯᐊᑕᐅᔪᒃ ᐃᓕᖕᒐᓚᐅᑦᑐᒃ ᑕᑯᒐᑦᓴᒧᑦ, ᐊᒻᒪᓗ ᑕᑯᓐᓈᖃᑦᑕᓚᐅᑦᑕᕗᑦ ᐃᓚᒌᖕᒍᖢᑕ ᐊᒻᒪᓗ ᑕᑯᒐᓛᖃᑦᑕᓯᒪᕗᒍᑦ ᐃᓂᖃᒋᐊᒧᑦ ᓄᓇᑦᓱᐊᒥ ᐊᒻᒪᓗ ᖃᓄᐃᓕᖕᒐᑦᓯᐊᓚᐅᒻᒪᖕᒑᑦ ᐊᑖᑕᒐ ᐱᒍᑦᓴᑕᐅᓕᒻᒪᑦ,” ᑕᐃᓐᓇ ᐅᖃᔪᒃ. ” ᐊᐅᓪᓚᓯᒪᓂᐊᒐᒪ ᐃᓕᓐᓂᐊᕕᑦᓱᐊᒧᑦ ᔮᕆᖕᒐᓂ 1990, ᑎᒍᓯᓚᐅᒃᑯᖕᒐ ᖁᖁᐊᔫᒻᒥᒃ ᐊᒻᒪᓗ ᑎᒍᒥᐊᖃᑦᑕᓚᐅᑦᑕᒐ ᑏᕖ ᓴᓂᐊᓄᑦ ᓂᐱᓕᐅᓲᖕᒍᖢᑕ ᑐᑦᓯᐊᒍᓯᒻᒥᒃ ᐊᒻᒪᓗ ᓂᐱᓕᐅᒍᑎᑯᓗᒃ ᓇᔾᔭᖃᑦᑕᓚᐅᑦᑕᒐ. ᐊᓂᒡᒐᒧᑦ ᐸᐃᖕᒍᓕᒐᒪ, ᑐᓵᖃᑦᑕᓚᐅᑦᑕᒐ. ᓱᓕ ᑕᐃᓐᓇ ᓂᐱᓕᐅᒍᑎᑯᓗᒃ ᑎᒍᒥᐊᔭᒐ.”
ᓱᓕ ᑕᐃᓐᓇ ᐱᐅᒋᓂᑉᐹᖕᒐ, ᐃᑦᒪᓐᔅ ᑐᑦᓯᖃᑦᑕᓯᒪᓕᑦᑐᒃ ᐃᓐᓃᒍᒋᐊᒥᒃ ᓛᐸᑐᐊᒥᑦ ᓇᓂᑐᐃᓐᓇᒃ ᓯᓚᑦᓱᐊᒥ, ᐊᓛᔅᑲ, ᔫᒪᓂ, ᑕᐃᓐᓇ ᓂᐊᑐᓛᓐᔅ ᐊᒻᒪᓗ ᓇᓂᑐᐃᓐᓇᒃ ᑲᓇᑕᒥ. ᑕᐃᒪᖕᒐᓂᑦ ᓱᒍᓯᐅᓚᐅᒐᒥᓂᑦ, ᐃᑉᐱᓂᐊᓯᒪᔪᒃ ᐊᔾᔨᖃᙱᑐᒃ ᑐᑦᓯᐊᓕᒐᒥ, ᐅᖃᔪᒃ ᐃᑦᒪᓐᔅ.” ᖃᖕᒐᑐᐃᓐᓇᒃ ᑐᑦᓯᐊᓕᒐᒪ, ᐃᑉᐱᓂᐊᖃᑦᑕᕗᖕᒐ ᐱᕗᖕᒐ ᐱᒋᐊᓕᒐᓂᒃ.”
ᑏᐊᓐᑕ ᐃᑦᒪᓐᔅ ᑐᑦᓯᐊᔪᒃ ᑐᑦᓯᐊᒍᓯᒃ ᐊᑉᕕᒧᑦ ᑕᒡᒐᔮᑦᓴᒧᑦ ᑕᐃᑲᓂ ᒥᒧᐊᕆᔪᓪ ᐃᓕᓐᓂᐊᕕᑦᓱᐊᖕᒐᓂ ᔮᕆᖕᒐᓂ ᔫᓂ 2023. Courtesy Up Sky Down Films
