© Megan Kyak-Monteith
Nattiviniqtuqtittijut Ikpiarjungmi
MMAMARIJAMMARIALUNGA NATTIVINIQ SULI uunarujuktukuluutillugu aupaqtukuluulluni, ikhlingnatukuluk Mamaqtuq. Ukiaksaangulauqtumik, nattilauqsimagama Ikpiarjuk, Nunavut qanigijangani, ammalu uqakautigilauqpunga qukirakku “kaaqpakuluk. qukiqtaaluga.” isumaqalirillungalu nattip tingukuluanik, ammalu qanira qausilimmarihhluni isumagituinnaqhlugu! Ammalu qunuummigalalirillunga qukimmarinnirmigakku nattiq ijingata illuagut. Nirijumalauraluarakku ijinga.
Kingunittiangagut, asianuaqhluta qaliriippalliajup sikuup asianut uqquannimut. Pilakautigijariaqarattigut nattiq taikani sikumi nuuluan ngittumi, sikkuqqaujjauniannginnatta saavitaunngilluta. Angunasuqatiga, Tom Naqitarvik Karliin, inaluangijailiqpuq salummasarniaramigit pirrailunigillu. Tom, agguivuq niqinganik, tarrijaaksaliuqtiga, Jimmie Papatsie, tinguktuqhluni uqsuqaqhlugu. “Mamaq ‐ tuuq. Tinguttuttarivunga, nakurmiik.” uqaqhluni Inuktitut Jimmie, tukilik “Mamatuqtuuq! Qujannamiik tinguttuqtikkavinga!”
© Megan Kyak-Monteith
Taimaittillugu pikkugiliqpunga, iliqqusinnuunganiqsaulaangujaaliqhlungalu! Qujagijaqammarippunga katujjigunnarama katujjilluni akausinaqtukuluuninganik! Katujjigaigama nattivinirmik akausiniqsau suunguvunga pititaunngingaaqhlunga Iqqaumagisuurivaralu amaurilauqsimajara. Tamassuminga inuusiqaqpalauqsimangmat. Tamanna inuusirinikuringmagu. Kasuqsimanira amaurnut sanngilaangusuunguvuq imaittunik aturaangama, ammalu qungattillugu ippigijammarialurisuurivara aturaigama tamakkuninga.
Nunangata tauttunga utiqpallialluta Ikpiarjungmut kamanammarilauqpuq kajjaarnaqtukuluapik. Utiqpallialiratta, Tom unikkaalauq puq inuit nunakkut aullarvigivalauqsimajangingnik ammalu angunasugvigivattavinikungingnik taimanngalimaaq. Tikkuaqhluni iluvirmik saniqqulirattigut. Atuqtauqattaqtutuqammarialuuvuq tamanna. Isumaliqhlungalu inulimaaraaluit tamaaniilauqsimajutuqait, qanuiliuruluujaqtuqaqtuviniuningillu tamaani isumaligiqhlugit.
Nunalingmut utiratta siqinnitillugu suli, ammalu inuit suli aniiqtillugit — 2:00muaralauqhluni unnuakkut. Paanganiirajatuinnaqhluta najuqtatinnik ammalu, qilamikuluk suli, surusiit qaillutit ullattut qunngatualuullutit.
“Kina nattiqpaa.” kina nattiqpa. Surusiq Inuktut apirilluni niqimik takugami paangani. “Uvanga!” Upigusuhhlunga kiullunga? Uvanga. Niriunnginaaqtut takujakka ammalu upigusuhhlutit uvannik! Surusiq uqaqtuni: “Arnaq. Uaik! Arnaq uuminga nattiqtuviniq.”
Taimannaitigulu ajjinganik quviasummarippunga! Savimmik tigusillunga ammalu agguqhlugu niqinga pitittiniarama surusirnik! Kikkaqtut tulimaangingnik, ammalu ilangat nunguuttilluni qukiqsiman ngittumik ijinganik nattiup illuanik. Inuit piqqusirimmajjuk surusiit nattiup ijinganik nirilutit, ammalu qaujjiallagalappunga surusiugunniirama Inugiagalannivut qanuiliuqtilluta ujjirijaulirivuq asianut inummut qanittumiittumut, qailluni niriqataujaqtuqhluni. “Mamaq!” Uqaqhluni akausigami, ammalu puuqsillunga minarniaqtanganik.
Uattiaruulirmat, kikkulimaat angirraqhlutit, ammalu iglirmi iksivallunga qaujjiallalirivunga qunngatualuullunga kiinaralu uurujuksimalluni anurimut. Quviasukkannirunnanngimmarippunga. Surusiit takullugit tigliullutit nattiup aunganik iqqaumainnarniaqpara!
© Megan Kyak-Monteith
