© ᐸᐊᓂᐊᕆᐊᖅᑐᖅ ᓕᓚᖓ ᐱᓱᓕᕆᔭᐅᔪᖓ
ᓇᑦᑎᕕᓂᖅᑐᖅᑎᑦᑎᔪᑦ ᐃᒃᐱᐊᕐᔪᖕᒥ
Lᒪᕆᔭᒻᒪᕆᐊᓗᖓ ᓇᑦᑎᕕᓂᖅ ᓇᑦᑎᕕᓂᖅ ᓱᓕ ᐆᓇᕈᔪᒃᑐᑯᓘᑎᓪᓗᒍ. ᐊᐅᐸᖅᑐ – ᑯᓘᓪᓗᓂ, ᐃᒃᖠᖕᓇᑐᑯᓗᒃ. ᒪᒪᖅᑐᖅ. ᐅᑭᐊᒃᓵᖑᓚᐅᖅᑐᒥᒃ, ᓇᑦᑎᓚᐅᖅᓯᒪᒐᒪ ᐃᒃᐱᐊᕐᔪᒃ, ᓄᓇᕗᑦ ᖃᓂᒋᔭᖓᓂ, ᐊᒻᒪᓗ ᐅᖃᑲᐅᑎᒋᓚᐅᖅᐳᖓ ᖁᑭᕋᒃᑯ “ᑳᖅᐸᑯᓗᒃ! − ᖁᑭᖅᑖᓗᒐ.” ᐃᓱᒪᖃᓕᕆᓪᓗᖓᓗ ᓇᑦᑎᐅᑉ ᑎᖑᑯᓗᐊᓂᒃ, ᐊᒻᒪᓗ ᖃᓂᕋ ᖃᐅᓯᓕᒻᒪᕆᖦᖢᓂ ᐃᓱᒪᒋᑐᐃᓐᓇᖅᖢᒍ. ᐊᒻᒪᓗ ᖁᓅᒻᒥᒐ – ᓚᓕᕆᓪᓗᖓ ᖁᑭᒻᒪᕆᓐᓂᕐᒥᒐᒃᑯ ᓇᑦᑎᖅ ᐃᔨᖓᑕ ᐃᓪᓗᐊᒍᑦ. ᓂᕆᔪᒪᓚᐅᕋᓗᐊᕋᒃᑯ ᐃᔨᖓ.
ᑭᖑᓂᑦᑎᐊᖓᒍᑦ, ᐊᓯᐊᓄᐊᖅᖢᑕ ᖃᓕᕇᑉᐸᓪᓕᐊᔪᑉ ᓯᑰᑉ ᐊᓯᐊᓄᑦ ᐅᖅᑯᐊᓂᕐᒧᑦ. ᐱᓚᑲᐅᑎᒋᔭᕆᐊᖃᕋᑦᑎᒍᑦ ᓇᑦᑎᖅ ᑕᐃᑲᓂ ᓯᑯᒥ ᓅᓗᐊᙱᑦᑐᒥ, ᓯᒃᑯᖅᑲᐅᔾᔭᐅᓂ – ᐊᙱᓐᓇᑦᑕ ᓵᕕᑕᐅᙱᓪᓗᑕ. ᐊᖑᓇᓱᖃᑎᒐ, ᑖᒻ ᓇᕿᑕᕐᕕᒃ ᑳᕐᓖᓐ, ᐃᓇᓗᐊᖏᔭᐃᓕᖅᐳᖅ ᓴᓗᒻᒪᓴᕐᓂᐊᕋᒥᒋᑦ ᐱᕐᕋᐃᓗᓂᒋᓪᓗ. ᑖᒻ, ᐊᒡᒍᐃᕗᖅ ᓂᕿᖓᓂᒃ, ᑕᕐᕆᔮᒃᓴᓕᐅᖅᑎᒐ, ᔨᒥ ᐸᐸᑦᓯ, ᑎᖑᒃᑐᖅᖢᓂ ᐅᖅᓱᖃᖅᖢᒍ. “ᒪᒪᖅᑑᖅ! ᑎᖑᑦᑐᑦᑕᕆᕗᖓ, ᓇᑯᕐᒦᒃ!” ᐅᖃᖅᖢᓂ ᐃᓄᒃᑎᑐᑦ ᔨᒥ, ᑐᑭᓕᒃ “ᒪᒪᑐᖅᑑᖅ! ᖁᔭᓐᓇᒦᒃ ᑎᖑᑦᑐᖅᑎᒃᑲᕕᖓ!”
© ᐸᐊᓂᐊᕆᐊᖅᑐᖅ ᓕᓚᖓ ᐱᓱᓕᕆᔭᐅᔪᖓ
ᑕᐃᒪᐃᑦᑎᓪᓗᒍ ᐱᒃᑯᒋᓕᖅᐳᖓ, ᐃᓕᖅᑯᓯᓐᓅᖓᓂᖅᓴᐅᓛᖑᔮᓕᖅᖢᖓᓗ. ᖁᔭᒋᔭ – ᖃᒻᒪᕆᑉᐳᖓ ᑲᑐᔾᔨᒍᓐᓇᕋᒪ ᑲᑐᔾᔨᓪᓗᓂ ᐊᑲᐅᓯᓇᖅᑐᑯᓘᓂᖓᓂᒃ. ᑲᑐᔾᔨᒐᐃᒐᒪ ᓇᑦᑎᕕᓂᕐᒥᒃ ᐊᑲᐅᓯᓂᖅᓴᐅᓲᖑᕗᖓ ᐱᑎᑕᐅᙱᖔᖅᖢᖓ. ᐃᖅᑲᐅᒪᒋᓲᕆᕙᕋᓗ ᐊᒪᐅᕆᓚᐅᖅᓯᒪᔭᕋ. ᑕᒪᔅᓱᒥᖓ ᐃᓅᓯᖃᖅᐸᓚᐅᖅᓯᒪᖕᒪᑦ. ᑕᒪᓐᓇ ᐃᓅᓯᕆᓂᑯᕆᖕᒪᒍ. ᑲᓱᖅᓯᒪᓂᕋ ᐊᒪᐅᕐᓄᑦ ᓴᙱᓛᖑᓲᖑᕗᖅ ᐃᒪᐃᑦᑐᓂᒃ ᐊᑐᕌᖓᒪ, ᐊᒻᒪᓗ ᖁᖓᑦᑎᓪᓗᒍ ᐃᑉᐱᒋᔭᒻᒪᕆᐊᓗᕆᓲᕆᕙᕋ ᐊᑐᕋᐃᒐᒪ ᑕᒪᒃᑯᓂᖓ.
ᓄᓇᖓᑕ ᑕᐅᑦᑐᖓ ᐅᑎᖅᐸᓪᓕᐊᓪᓗᑕ ᐃᒃᐱᐊᕐᔪᖕᒧᑦ ᑲᒪᓇᒻᒪᕆᓚᐅᖅᐳᖅ ᑲᔾᔮᕐᓇᖅᑐᑯᓗᐊᐱᒃ. ᐅᑎᖅᐸᓪᓕᐊᓕᕋᑦᑕ, ᑖᒻ ᐅᓂᒃᑳᓚᐅᖅᐳᖅ ᐃᓄᐃᑦ ᓄᓇᒃᑯᑦ ᐊᐅᓪᓚᕐᕕᒋᕙᓚᐅᖅᓯᒪᔭᖏᖕᓂᒃ ᐊᒻᒪᓗ ᐊᖑᓇᓱᒡᕕᒋᕙᑦᑕᕕᓂᑯᖏᖕᓂᒃ ᑕᐃᒪᙵᓕᒫᖅ. ᑎᒃᑯᐊᖅᖢᓂ ᐃᓗᕕᕐᒥᒃ ᓴᓂᖅᑯᓕᕋᑦᑎᒍᑦ. ᐊᑐᖅᑕᐅᖃᑦᑕᖅᑐᑐᖃᒻᒪᕆᐊᓘᕗᖅ ᑕᒪᓐᓇ. ᐃᓱᒪᓕᖅᖢᖓᓗ ᐃᓄᓕᒫᕌᓗᐃᑦ ᑕᒫᓃᓚᐅᖅᓯᒪᔪᑐᖃᐃᑦ, ᖃᓄᐃᓕᐅᕈᓘᔭᖅᑐᖃᖅᑐᕕ – ᓂᐅᓂᖏᓪᓗ ᑕᒫᓂ ᐃᓱᒪᓕᒋᖅᖢᒋᑦ.
ᓄᓇᓕᖕᒧᑦ ᐅᑎᕋᑦᑕ ᓯᕿᓐᓂᑎᓪᓗᒍ ᓱᓕ, ᐊᒻᒪᓗ ᐃᓄᐃᑦ ᓱᓕ ᐊᓃᖅᑎᓪᓗᒋᑦ – 2:00ᒧᐊᕋᓚᐅᖅᖢᓂ ᐅᓐᓄᐊᒃᑯᑦ. ᐹᖓᓃᕋᔭᑐᐃᓐᓇᖅᖢᑕ ᓇᔪᖅᑕᑎᓐᓂᒃ ᐊᒻᒪᓗ, ᕿᓚᒥᑯᓗᒃ ᓱᓕ, ᓱᕈᓰᑦ ᖃᐃᓪᓗᑎᑦ ᐅᓪᓚᑦᑐᑦ ᖁᙵᑐᐊᓘᓪᓗᑎᑦ. “ᑭᓇ ᓇᑦᑎᖅᐹ?” ᑭᓇ ᓇᑦᑎᖅᐸ? ᓱᕈᓯᖅ ᐃᓄᒃᑐᑦ ᐊᐱᕆᓪᓗᓂ ᓂᕿᒥᒃ ᑕᑯᒐᒥ ᐹᖓᓂ. “ᐅᕙᖓ!” ᐅᐱᒍᓱᖦᓗᖓ ᑭᐅᓪᓗᖓ. ᐅᕙᖓ! ᓂᕆᐅᙱᓈᖅᑐᑦ ᑕᑯᔭᒃᑲ ᐊᒻᒪᓗ ᐅᐱᒍᓱᖦᖢᑎᑦ ᐅᕙᓐᓂᒃ. ᓱᕈᓯᖅ ᐅᖃᖅᑐᓂ: “ᐊᕐᓇᖅ! ᐅᐊᐃᒃ! ᐊᕐᓇᖅ ᐆᒥᖓ ᓇᑦᑎᖅᑐᕕᓂᖅ!”
ᑕᐃᒪᓐᓇᐃᑎᒍᓗ ᐊᔾᔨᖓᓂᒃ ᖁᕕᐊᓱᒻᒪᕆᑉᐳᖓ. ᓴᕕᒻᒥᒃ ᑎᒍᓯᓪᓗᖓ ᐊᒻᒪᓗ ᐊᒡᒍᖅᖢᒍ ᓂᕿᖓ ᐱᑎᑦᑎᓂᐊᕋᒪ ᓱᕈᓯᕐᓂᒃ. ᑭᒃᑲᖅᑐᑦ ᑐᓕᒫᖏᖕᓂᒃ, ᐊᒻᒪᓗ ᐃᓚᖓᑦ ᓄᖒᑦᑎᓪᓗᓂ ᖁᑭᖅᓯᒪᙱᑦᑐᒥᒃ ᐃᔨᖓᓂᒃ ᓇᑦᑎᐅᑉ ᐃᓪᓗᐊᓂᒃ. ᐃᓄᐃᑦ ᐱᖅᑯᓯᕆᒻᒪᔾᔪᒃ ᓱᕈᓰᑦ ᓇᑦᑎᐅᑉ ᐃᔨᖓᓂᒃ ᓂᕆᓗᑎᑦ, ᐊᒻᒪᓗ ᖃᐅᔾᔨᐊᓪᓚᒐᓚᑉᐳᖓ ᓱᕈᓯᐅᒍᓐᓃᕋᒪ. ᐃᓄᒋᐊᒐᓚᓐᓂᕗᑦ ᖃᓄᐃᓕᐅᖅᑎᓪᓗᑕ ᐅᔾᔨᕆᔭᐅᓕᕆᕗᖅ ᐊᓯᐊᓄᑦ ᐃᓄᒻᒧᑦ ᖃᓂᑦᑐᒦᑦᑐᒧᑦ, ᖃᐃᓪᓗᓂ ᓂᕆᖃᑕᐅᔭᖅᑐᖅᖢᓂ. “ᒪᒪᖅ!” ᐅᖃᖅᖢᓂ ᐊᑲᐅᓯᒐᒥ, ᐊᒻᒪᓗ ᐴᖅᓯᓪᓗᖓ ᒥᓇᕐᓂ – ᐊᖅᑕᖓᓂᒃ.
ᐅᐊᑦᑎᐊᕉᓕᕐᒪᑦ, ᑭᒃᑯᓕᒫᑦ ᐊᖏᕐᕋᖅᖢᑎᑦ, ᐊᒻᒪᓗ ᐃᒡᓕᕐᒥ ᐃᒃᓯᕙᓪᓗᖓ ᖃᐅᔾᔨᐊᓪᓚᓕᕆᕗᖓ ᖁᙵᑐᐊᓘᓪᓗᖓ ᑮᓇᕋᓗ ᐆᕈᔪᒃᓯᒪᓪᓗᓂ ᐊᓄᕆᒧᑦ. ᖁᕕᐊᓱᒃᑲᓐᓂᕈᓐᓇᙱᒻᒪᕆᑉᐳᖓ. ᓱᕈᓰᑦ ᑕᑯᓪᓗᒋᑦ ᑎᒡᓕᐅᓪᓗᑎᑦ ᓇᑦᑎᐅᑉ ᐊᐅᖓᓂᒃ ᐃᖅᑲᐅ – ᒪᐃᓐᓇᕐᓂᐊᖅᐸᕋ.
© ᐸᐊᓂᐊᕆᐊᖅᑐᖅ ᓕᓚᖓ ᐱᓱᓕᕆᔭᐅᔪᖓ
