Saali Kuata Manturialmi. © Lisa Milosavljevic
Nunarjualiutsianirmut Nunaqaqqaaqsimajuttitut
SAALI KUATA MANTURIALMIITSUNI amisunik pigunnasuni takuminaqtuliuqti takunnaujaaqtisijiutsunilu pinasusuuq takunnaujaaqtisi jiutsuni, ajjiliurijiutsuni, ammalu qullisajarmik sanannguatiutsuni. Pijatsaqasuungummijuq sanatujuunikkut pinasuarninik ilinniatitsisuunik Manturialmiunik Inutuinnait piusivininginnik takuminaqtuliurnikut takunnaujaaqtaunikkulu. Saaliup qaujigiurninga takunnaujaaqtisijiunirmik atuutilauqsimajuq arraaguit 10 naaliqtut. Puqtuniqsamik ilinniariirami Kuujjuaq, Nunavimmi, ilinniariasilauqsimajuq isumalirinirmik ammalu sulijunnguatiunirmik Manturialmi ammalu takuminaqtuliuqtiruqsuni takunnaujaaqtisijiutsunilu ullulimaaqsiutigitsugu pinasugariliqsugu pinasuqatiqallarisuungutsuni Inutuinnanik Manturialmi. Manturial qikiqtanganimiuq ilaqaqsuni aippaminik ammalu irniminik piaraarurmik.
Sunamuut pigumaliqtitaunniqit ajjigiinngitunik takuminaqtuliurninik
takunnaujaqtisijiunirnilu pinasuvvigisuutinnik?
Ajjiliurijiuvunga, takunnaujaaqtisijiutsunga, ammalu qullisajarmik sanannguatiutsunga. Aliaginiqpaara takunnaujaaqtisijiunirmi iqanngituugutigigakku timikkut ammalu ilautitsisuni timiganik. Pivitsaqaqtisuungummijuq takunnaujaaqtaunirmik takunnaujaaqtauvimmi ammalu nuitsilunga namminiq sanirvasimasuumik. Ajjiliurinirmut, sanirvaajaijiuluannguaturisuungujunga ammalu aliagijaqaqsunga 35mm-mik ajjinguatsajarmik. Maanna irniqalirama, ajjiliurivalluqatttaliqtunga ilakkanik. Qullisajarmik sanannguanirmut, aliagillarittara nullanganirmuularisuungugama itsivatuinnarunnasunga ammalu qullisajarmik sanannguasimanngitumik pitaqarlunga ammalu namminiq apirilunga, sunaliurunnaqungaa takkangat?
Qangaa qaujinniqit ullulimaaqtiulutit
takuminaqtuliuqtiugumanirmik takunnaujaaqtisijiulutillu?
Kajungiqsataulaujuvunga ukkuisituinnariaqarniranut namminiranik takunnaujaaqtisijiunirmik taijaujumik Tupiq pinasuaqatigilugit piqatikka pinasuqatikkalu pinasuqatigisuuriliqtaka akuni Nunavimmiut. Ukkuilaujuvugut [sarataq] qaangirnikuliuqtiungittuusuta timiujuutsuta, pinasugaqarumatsuta ammalu iluittumik sanatujuunittinik isumainnaqigutiqarumatsuta pijjutigilugit qanuittunik takunnaujaaratsaliuqattanirilangajavut.
Saali Kuata aerial circus-ilirijuq MONTRÉAL COMPLÈTEMENT CiRQUE-mi 2022-mi. © Sage Rebelle Photo
Qanuuq qaangirnikuliuqtiungittuusutit pinasunniit naammanaaqqa inuusirnut takuminaqtuliuqtiusutit takunnaujaaqtisijiutsutillu?
Tupirmi, tukitaalaujugut qaangirnikuliuqtiungittuulangagiamik ilitaq silaujugatta kiinaujanik tunijisuunik amisunik pivitsataqarianga Nunaqaqa simajut qaangirnikuliuqtiugatik timiujuqutinginnut. Taimaatakka takunnaujaaratsaliusuunguvugut. Maanna pinasuttunga Avataq Piusituqaliirivimmi pinasuvviqaqsunga pigujjivimmi Aumaaggiivimmi, Nunavimmi Takuminaqtuliurnimut Allavimmi. Pijatsara kamagijaqarniq tunirrutilirinirmik kiinaujanik ingirratisuuttinik Nunavimmiunut Inutuinnanut takuminaqtu liuqtinut tutsirariangngatunut tunirrutinik ammalu ikajusuuritsugit pinasuarninginni.
Sunauvaat piusiit uvvaluunniit sunagalait ilitsisimajatit ilinnik ikajuqsisimajut takuminaqtuliuqtiutillutit takunnaujaaqtisijiutsutillu?
Aliasusuutuqauvunga ukkuingaatsiatumik isumaqariamik ammalu itijunik niriugijaqaqtailiriamik qallunaat piusinginnit. Inuit namminiq isumagijaminik isumaqaqtilugit, takunnanguaqtanginnit pijut sunaugaluaqpata, ammalu kajusitsialutik.
Sunamiik aliagijaqaqqit pinasutsutit Manturialmi ammalu qanuuq Inuit piusiqasuunguvat pinasuaqtatit pillugit?
Ajugaittugalarataq Manturialmiigiamik pijjutigitsugu kinatuinnakut qaujimatuarmata Nunaqaqqaasimajuutsutit takuminaqtuliuqtiugiaqpit, ilinnit niriuvviqasisuungummata. Ajjiginngitanganik pinasugusiliit ammalu tamanna tukisinatsiasuungunngituq Nunaqaqqaasimajut takunnaaningagut. Taimaak pinasuannginiqsausuungujugut. Kisiani iluunnaagut, kinatuinnakut piusiqarningit pinasuaqtakanut tamaani, anginiqsamik piujuunilik.
Uqautilauqtigut pijarigumajatinnik pinasugarni ammalu uqarlutit pinasuarumasuutuqarnik suurlu sinnatuumaujaaqtilugu!
Irnira piaratsarijauliqtilugu, isumallariqattasilaujuvunga, qanuittumii nunarjuami piruqsataulaaqqa Manturialmiungugumatuarutta inuusilimaat tini. Irqaigutigilaujara atsururnaqattasimajunik piruqsatillunga ukiuqtatumi, imminik suqqajanngiturinirmik avalujaumalauqsimagama takunnaratsanut tusaagatsanullu, uqausirmut, ammalu piusirmut namminirinngitaranut. Amisuvitsunga uvikkauksunga, apiringinnalimaaqattasimajunga, kinauvungaa? Irnira taimaatsainaq piruqsaqulaujunngitara.
Taimaimmat, takunnanguaqsimavunga nunarjuamik nunalirlani nuitatitsiniqsani kinaummangaatta Inutuinnausuta uvvaluunniit Nunaqaq qaa simajuutsuta. Pigumallaritsimajara tigusiniq nunalirlalimaarmik illugasarjualimmik, uqumaitsatitsinikkuungittuq, kisiani irqaigilugit nunalirlamiut qanuilingannimangaat tanna qikiqtaq qiqsutitigaqalauqtinagu. Nuitati tau gajaqtuq uqausirnut uuttuutigilugit aqqutiup saniraaniittut nuitatitsiviit allasimalutik Nunaqaqqasimajut unikkausinginnik. Uvvaluunniit tulliniq nunami salumajumi tusaavigigunnatarni unikkausinginnik inutuqait ammalu Nunaqaqqasimajut uqausinganik. Taimaak irqaikitaugunnaravit ullutamaat Nunaqaqqaasimajut nunanganiigiaqpit. Taimaimmat, isumagijara iluunnaagut pigumallaritsimajara nutausiliigiarniq piusigiarlugu inuuqatigiittut isumagusinganik Kanata sunaummangaat. Qanuuq tukiqaqqa Kanatamiungugiamik? Qanuuq tukiqaqqa nunaqariamik nalunaiqtausimajumik inimik?
Imaangairutitsaqarqiit uvikkanut Inutuinnanut pinasugaqarumajunut takuminaqtuliuqtiunirmi takunnaujaaqtisijiunirmilu ammalu iluqqusilirinirmi?
Uqautigajaqtaka naluqqutinngituuqulugit imminik uppiritsialutik ammalu sapilirtailiqulugit.
Saali Kuata takunnaujaaqtisijuq unikkaaqtuatmi takunnaujaaqtisinirmi
sulijunnguasutik Kanatami Takunnaujaaqtisivimmi, 2020. © Alexandre Galliez
