Amauti, 2018
Kaaturit Takpaaniup Inuusinga Ajjinnguakkut
KAATURIT TAKPAANI UKIUQAQTILLUGU 15NIK, tigusilauqsimajuq ajjiliurutimik akkamminik pisimajaminik ajjiliuriqattaliqtunillu qautamaat taqqinut quliungigaqtulluagalannut: Inuit, nuna, illurjuat. Suli papattangit ajjiliaminingit takuliraigamigillu maanna, taku ‐ qaktaliqtuq piruqpallianirisimajarmini ajjiliuriqattanikkut piliriaqaliqtuni.
“Ajjiliurutiga pisimainnarasuaqpaktara upinnarani nunarjuavut piujualuummat ajjiliurumajainnarillugillu,” uqalauqtuq.
Takpaani 32nik ukiulik, ilitarijausimajuq, nunaqaqtuq aatuvaami ajjiliurijiulluni ajjiliurutiminik takutiksivaktuq nunarjuarmi takunnar ‐ nirmini, atuqtausimajunik asiminnut aulataunirmut iliqqusituqaqan‐ ngiktunullu igjuaqtauvannirmut, nipiqaqtiksigiaqpaktuq nunaqaq qaaq ‐ simajuit nipinginnik aturumajanginnillu, ajjiliuqpakkilluni piuninganik nunaup.
Maakurapi Siat Mistipsi, 2017
“Ajjiliuri qat ‐ tarnira uqausiqarutigiqattaqsimavara ippinnianikkanik, saqqitiksi‐ giaqtungallu ajjigiinngiktuutinik atuqsimaliqtunik inuusirnik.”
Takpaani ajjiliurigutiqaqsimajuq isumagiinnarnaqtunik, takuminaq‐ tunik ajjinnguarnik saqqijaaqtitausimallutillu takujagaqarvinni piugijaummariktuni. 2020mi, Takpaani ilagijaulauqtuq pingasunut saalaqausiaqtunut kanatami takujagaqarvirjuarmi sikuusavaangkkut nutaarnik ajjiliurijiugiuqsaqtunik ilitaqsijjutimik, ilangillu ajjiliaminin‐ git niruaqtaulauqtutit saqqijaaqtitaullutit takujagaqarvingani.
“Ajjiliuri qat ‐ tarnira uqausiqarutigiqattaqsimavara ippinnianikkanik, saqqitiksi‐ giaqtungallu ajjigiinngiktuutinik atuqsimaliqtunik inuusirnik.”
Ilagijangat ajjinnguangata, atiqaqtuq “arnavut niviaqsiavullu pimmariujut,” (saqqijaaqtitaujuq pigianngautittinni) takuksaulluni arnaq takunnanngittuni ajjiliurutimut, timinga aupaqtumik pujurmik avalutaumalluni. Ajjinnguaq ilagijaulauqtuq uqausiqarutiulluni asiusijausimajut inuaqtausimajullu nunaqaqqaaqsimajuiqt arnait, niviaqsiat ammalu piusiqsurumajut timimigut iqqaumalliniullu piqannarisimajani, inuulluni sanannguaqti ani putuguq, naipitau ‐ lauqsimajuq tuqungatillugu aatuvaap kuungani 2016mi. Aatuvaami paliisikkungit pasagijaqalauraluaqtillugit inuaqtaviniugianga, pasijak‐ saliuqtuqalauqsimagittuq inuaqtauninganut.
“Mamisautiqarniq sanannguarnikkut pimmariujuq. Ikajuqpaktuq tunngagiakkanniqtiksilluni uvattinnik. Piujumik piliriaqarnaqtuq. Piujunik piliriaqaqattarniq piujullariujuq,” Takpaani uqaqtuq. “Inuusira piujunnakkuuqsimanngittuq. Kasuriakkannirnira iliqqusituqarnut saqqitiqattaqtakkalu ajjiliugakkut mamisarutigisimallariktara inuusirni. Saniraqaqtunga nalligusuksiaqtumik uinnik irniranillu.”
Atiqanngittuq, 2020
Kanatami takujagaqarvirjuaq ilitaqsisimajutuunngittut takpaaniup piliriaqaqpanninganik. Angijummariuluunluni “Amauti” matunginni nivingajuq piirul takujagaqavinganni sanannguaqsimajunik ittarni ‐ sakkuvinganillu vuraantat. 2020mi, ilitarijausialauqtuq saa takujaga ‐ qarvinganni nutaarnik sanaqattarnirmut saqqijaaqtitaulauqtunillu arraaguq tagvaniksainnaq sanannguaqsimajunik takujagaqarvinganni aantiurijuumi ikiaqqivinganni sanannguaqtiit saqqijaaqtitautillugit.
Kisianili airijaugaigami ajjiliarisimajanginnik, namminiq qugvaqtik‐ panngiktuq ilitarijaujjusiaqsimanirmini takujagaqarvinniittunillu. Kisianingaarli, nalunaijaingaaqpaktuq takunnarnikkut pijuminaqsi‐ vanninganik saqqijaaqtivanningalu ajjiliugangittigut.
“Maannauniqsaq unikkaarumaniqsauvattunga pijjutiqaqtunik inunnik iliqqusittinnillu,” uqalauqtuq. “Ajjiliarivaktakka saqqijaaqtiksijut aqqutinnik inuusirni: uqausirigumajakkanik ujjirusuliqtiksigiaruma‐ jakkannillu uvvaluunniit sunatuinnait isumagigumajakka upinnarani aktuiniqaqsimammata inuusirnik qanutuinnaq.”
