Kinauvungaa
Imailiugiaqarlarirnira pijjutiqaqpuq nuutsigiaqaqturinirmit qaqqarnik inuusirnik
Ullumi nuqqaqqauvunga
Sapujjigiaqqauvakka aasivat ilagiit nunakkut ingirrajut
Niuqsisunga mamaqtumik qijuktaasunnirmik
Tipitirutiujaaqsunik uvinigannik, tunngasuktikpara
Siqinirmut qaummatautsunga takunnannguaqpagit
Anuriuvutit mumirvigivaktara ullaakkut qaumannguatillugu, unnumut nipaittuutillugu
Nunauvunga qannitauqqamik utaqqijuq nirumiktumik iqitsinirnit
Qanilligiarniuvuq avunngagiarniusuniluk
Saimalluni timiga ulivviuvuq, quviasuksunilu tinippallianiq nuitsimat piujullarinnik
Pigialauqpunga tariurjuangusugillunga
Tautukpunga nallinirma kuunga quaqpalliatillugu
Sinaangit
Quaqpalliavut qitianut
Ugguanaqpuq nirumiktunguaq nalliniq ingirragunnaimat
Qiatillunga suli qaujivunga ikaarutimik nutaanut nunanut
Kuuk maanna quangujuq kuvilaarmijuq
Qaqqaup nipainninginnik iisiluni
Tukisivunga inuugama
Uqausiksaqaqsunga, nipiqaqsungalu tusaqtaugutimi
Kisiani ulluqasuunguvuq tarnira tulugaujaaqtillugu, tulugaqtitullu kamagijautsunik
Piunngituqtitut
Taaqtutaliktitut isumarlunginnaqtuqtitut
Takujauttailijuq ippigijaurumagani
Amiakkusiuqpaktuq uummaqqutiksanik
Ippinanngituq pigunnaturijaunngituq
Pijjutiqaqtuujaanngituq
Tingigunnalauruminaaq
Tingilangatuuq
Tingilangatuuq
Tingilangatuuq
Naukkulimaaq ingirraguminaq ukiuqtaqtulimaakkut
Tautukkannigunnarlugu kuup sikkivalliarninga
