ᑭᓇᐅᕗᖕᒑ
ᐃᒪᐃᓕᐅᒋᐊᖃᕐᓚᕆᕐᓂᕋ ᐱᔾᔪᑎᖃᕐᐳᖅ ᓅᑦᓯᒋᐊᖃᖅᑐᕆᓂᕐᒥᑦ ᖃᖅᑲᕐᓂᒃ ᐃᓅᓯᕐᓂᒃ
ᐅᓪᓗᒥ ᓄᖅᑲᖅᑲᐅᕗᖕᒐ
ᓴᐳᔾᔨᒋᐊᖅᑲᐅᕙᒃᑲ ᐋᓯᕙᑦ ᐃᓚᒌᑦ ᓄᓇᒃᑯᑦ ᐃᖕᒋᕐᕋᔪᑦ
ᓂᐅᖅᓯᓱᖕᒐ ᒪᒪᖅᑐᒥᒃ ᕿᔪᒃᑖᓱᓐᓂᕐᒥᒃ
ᑎᐱᑎᕈᑎᐅᔮᖅᓱᓂᒃ ᐅᕕᓂᒐᓐᓂᒃ, ᑐᙵᓱᒃᑎᒃᐸᕋ
ᓯᕿᓂᕐᒧᑦ ᖃᐅᒻᒪᑕᐅᑦᓱᖕᒐ ᑕᑯᓐᓇᙳᐊᖅᐸᒋᑦ
ᐊᓄᕆᐅᕗᑎᑦ ᒧᒥᖅᕕᒋᕙᒃᑕᕋ ᐅᓪᓛᒃᑯᑦ ᖃᐅᒪᙳᐊᑎᓪᓗᒍ, ᐅᓐᓄᒧᑦ ᓂᐸᐃᑦᑑᑎᓪᓗᒍ
ᓄᓇᐅᕗᖕᒐ ᖃᓐᓂᑕᐅᖅᑲᒥᒃ ᐅᑕᖅᑭᔪᖅ ᓂᕈᒥᒃᑐᒥᒃ ᐃᕿᑦᓯᓂᕐᓂᑦ
ᖃᓂᓪᓕᒋᐊᕐᓂᐅᕗᖅ ᐊᕗᙵᒋᐊᕐᓂᐅᓱᓂᓗᒃ
ᓴᐃᒪᓪᓗᓂ ᑎᒥᒐ ᐅᓕᕝᕕᐅᕗᖅ, ᖁᕕᐊᓱᒃᓱᓂᓗ ᑎᓂᑉᐸᓪᓕᐊᓂᖅ ᓄᐃᑦᓯᒪᑦ ᐱᐅᔪᓪᓚᕆᓐᓂᒃ
ᐱᒋᐊᓚᐅᖅᐳᖕᒐ ᑕᕆᐅᖅᔪᐊᖕᒍᓱᒋᓪᓗᖕᒐ
ᑕᐅᑐᒃᐳᖕᒐ ᓇᓪᓕᓂᕐᒪ ᑰᖕᒐ ᖁᐊᖅᐸᓪᓕᐊᑎᓪᓗᒍ
ᓯᓈᖕᒋᑦ
ᖁᐊᖅᐸᓪᓕᐊᕗᑦ ᕿᑎᐊᓄᑦ
ᐅᒡᒍᐊᓇᖅᐳᖅ ᓂᕈᒥᒃᑐᖕᒍᐊᖅ ᓇᓪᓕᓂᖅ ᐃᖕᒋᕐᕋᒍᓐᓇᐃᒪᑦ
ᕿᐊᑎᓪᓗᖕᒐ ᓱᓕ ᖃᐅᔨᕗᖕᒐ ᐃᑳᕈᑎᒥᒃ ᓄᑖᓄᑦ ᓄᓇᓄᑦ
ᑰᒃ ᒫᓐᓇ ᖁᐊᖕᒍᔪᖅ ᑯᕕᓛᕐᒥᔪᖅ
ᖃᖅᑲᐅᑉ ᓂᐸᐃᓐᓂᖕᒋᓐᓂᒃ ᐄᓯᓗᓂ
ᑐᑭᓯᕗᖕᒐ ᐃᓅᒐᒪ
ᐅᖃᐅᓯᒃᓴᖃᖅᓱᖕᒐ, ᓂᐱᖃᖅᓱᖕᒐᓗ ᑐᓴᖅᑕᐅᒍᑎᒥ
ᑭᓯᐊᓂ ᐅᓪᓗᖃᓲᖕᒍᕗᖅ ᑕᕐᓂᕋ ᑐᓗᒐᐅᔮᖅᑎᓪᓗᒍ, ᑐᓗᒐᖅᑎᑐᓪᓗ ᑲᒪᒋᔭᐅᑦᓱᓂᒃ
ᐱᐅᙱᑐᖅᑎᑐᑦ
ᑖᖅᑐᑕᓕᒃᑎᑐᑦ ᐃᓱᒪᕐᓗᖕᒋᓐᓇᖅᑐᖅᑎᑐᑦ
ᑕᑯᔭᐅᑦᑕᐃᓕᔪᖅ ᐃᑉᐱᒋᔭᐅᕈᒪᒐᓂ
ᐊᒥᐊᒃᑯᓯᐅᖅᐸᒃᑐᖅ ᐆᒻᒪᖅᑯᑎᒃᓴᓂᒃ
ᐃᑉᐱᓇᙱᑐᖅ ᐱᒍᓐᓇᑐᕆᔭᐅᙱᑐᖅ
ᐱᔾᔪᑎᖃᖅᑑᔮᙱᑐᖅ
ᑎᖕᒋᒍᓐᓇᓚᐅᕈᒥᓈᖅ
ᑎᖕᒋᓚᖕᒐᑑᖅ
ᑎᖕᒋᓚᖕᒐᑑᖅ
ᑎᖕᒋᓚᖕᒐᑑᖅ
ᓇᐅᒃᑯᓕᒫᖅ ᐃᖕᒋᕐᕋᒍᒥᓇᖅ ᐅᑭᐅᖅᑕᖅᑐᓕᒫᒃᑯᑦ
ᑕᐅᑐᒃᑲᓐᓂᒍᓐᓇᕐᓗᒍ ᑰᑉ ᓯᒃᑭᕙᓪᓕᐊᕐᓂᖓ
