ᖃᕆᑕᐅᔭᒃᑯᑦ ᐊᔪᐃᑦᐱᐊᖅᑐᖅ

ᐊᐅᔭᖅ 2025 | ᐊᓪᓚᑎ: ᐱᐊᑎ ᐳᕋᐅᓐ

ᐳᕋᐃᑕᓐ ᑲᓪᓗᓐ ᔮᓐᓯᑕᓐ ᐊᒫᒪᖕᒐᓗ ᕼᐅᕙᒃ ᔮᓐᓯᑕᓐ ᕼᐊᓐᓇᐃᔭᖅᕼᐅᑎᒃ ᓂᖃᐃᓐᓇᕐᓂᑦ ᐅᓇᓗ ᐃᓄᐃᑦ ᑕᐱᕇᑦ ᑲᓇᑕᒥ ᕼᐃᕗᓕᖅᑎᐅᔪᖅ ᓈᑕᓐ ᐆᐱᑦ. © Lisa Gregoire

ᐅᓇ ᐳᕋᐃᑕᓐ ᑲᓪᓗᓐ ᔮᓐᓯᑕᓐ, ᐃᓕᑦᑐᕐᓇᖅᕼᐅᓂᓗ ᑭᑎᑎᖅᕼᐃᒪᔪᖅ ᐅᓗᐃᑦ, ᐃᓄᐃᑦ ᕼᐊᓇᐅᒐᐃᑦ ᐃᒡᓗᒻ ᑕᓕᕐᓂᑦ, ᕿᕿᑏᕕᖕᒐᓗ ᑕᑕᑦᑐᓂ ᓇᐃᖃᐃᓐᓇᕐᓂᑦ ᐃᒫ ᑐᒃᑐ ᒪᒃᑖᕐᒥᒡᓗ ᐃᓄᒋᐊᖕᓂᕐᒥ ᓄᓇᖃᖅᕼᐅᓂ ᐊᐃᒪᕕᐊᓂᑦ.

ᐊᕙᑦᖂᒪᔪᒥᒃ 500,000 ᐃᓚᕝᓗᒋᑦ ᒪᓕᒃᐸᒑᑦ ᐅᕙᓂ ᖃᕆᑕᐅᔭᒃᑰᕐᕕᐊᓂᑦ ᐃᓐᔅᑕᑯᕋᒻ ᐅᓇᓗ ᑎᒃᑕᒃ, ᐅᓇ ᑲᐅᓪᒍᕆ-ᑐᙵᕕᐊᓂᑦ ᐃᓗᓕᖃᖅᑐᒥᒃ ᐊᐅᓚᑉᑲᐃᔨ ᐅᓇᓗ ᐃᓕᕼᐊᕐᕕᒡᔪᐊᖕᒐᓂᑦ ᐃᓅᕼᐃᕐᒥᖕᓂᑦ ᐃᓕᕼᐊᖅᑐᖅ ᐊᑐᐃᓐᓇᖅᕼᐅᒋᑦ ᖃᕆᑕᐅᔭᒃᑰᕐᕕᖕᒐᑦ ᖁᕕᐊᕼᐆᑎᒋᕝᓗᓂᐅᒃ ᐃᓄᐃᑦ ᐃᓅᔾᔪᕼᐃᐊᓂᑦ ᐊᕝᕙᐅᑎᒋᕝᓗᒋᓪᓗ ᐃᖕᒋᓪᕋᓂᐊᒍᑦ ᐃᓅᕼᐃᑦᑎᐊᕐᓂᒃᑯᑦ ᕼᐃᓚᕐᔪᐊᖕᒐᓂᑦ ᓄᓇᓖᑦ. ᐱᖕᒐᕼᐅᓂᑦ ᐅᑭᐅᖕᒐᓂᑦ ᑕᑯᑉᑲᐃᓕᖅᐸᒃᕼᐅᓂ ᖁᓐᓂᐊᖅᑕᒃHᐊᐃᓂᑦ, ᖁᕕᐊᕼᐆᑎᒋᔮ ᐊᒥᕼᐆᔪᑦ ᐊᕐᓕᕆᕼᐆᑎᕙᒑᑦ ᐃᓗᓕᒃ, ᑭᕼᐃᒥ ᐃᓐᒥ ᐅᐸᓗᖓᐃᔭᖅᕼᐃᒪᐃᑦᑐᖅ ᑕᐅᑐᒋᐊᒥᖕᓂᑦ ᕼᐊᕚᒥᖕᓂᑦ ᐊᒥᕼᐅᕐᔪᐊᑦ ᖁᓐᓂᐊᓕᖅᐸᒑᑦ.

“ᐅᓇ ᐊᖕᒋᓂᖅᕼᐊᖅ ᑕᐅᑐᒃᐸᒑᑦ ᕼᐊᕝᕗᒪᓂ ᖁᓐᓂᐊᖅᑐᑦ ᕼᐊᕝᕗᒪᓂ ᓂᖃᐃᓐᓇᕐᓂᑦ—ᐅᕙᖕᒐ ᐊᒫᒪᒐᓗ ᓂᕆᕝᓗᑕ ᓂᖃᐃᓐᓇᕐᒥᒃ ᐊᑕᐅᑦᑐᒥ, ᐃᒡᓚᖅᕼᐅᓄᒃ ᕼᐅᓕᓗᑳᖅᕼᐅᑕᓗ,” ᐅᖃᖅᑐᖅ ᑲᓪᓗᓐ ᔮᓐᓯᑕᓐ, ᐊᖕᒋᒃᓕᑎᖅᕼᐃᒪᔪᖅ ᔨᐊᓗᓇᐅᕝᒥ ᑭᕼᐃᒥ ᑯᒡᓗᒃᑐᒥᙶᖅᑐᖅ. ᑕᕼᐊᑉᑯᐊᑦ ᐊᕝᕙᐅᑎᕼᐃᒪᔪᑦ-ᐃᓅᕼᐃᐊᓄᑦ ᐃᓕᑦᑐᕐᓇᖅᑐᖅ ᖁᓐᓂᐊᖅᑎᑦᑎᔪᖅ ᕼᐅᒫᒋᙱᑦᑐᓂᐅᒃ ᐃᓄᐃᓐᓇᐃᓄᑦ, ᐅᖃᖅᑐᖅ, ᑭᕼᐃᒥ ᐊᒥᕼᐆᔪᑦ ᐃᓕᕼᐃᒪᔪᒪᕙᒑᑦ ᐅᕙᙵᑦ ᐃᓄᐃᓐᓇᐅᙱᑦᑐᓄᑦ ᖁᓐᓂᐊᖅᑐᑦ “ᐊᕐᓕᕆᕼᐅᐃᓐᓇᖅᑐᑦ” ᑕᐅᑐᒃᕼᐅᓂᐅᒃ ᓂᕆᔪᖅ ᖁᐊᕐᒥᒃ ᐆᕼᐃᒪᐃᑦᑐᒥᒡᓘᓃᑦ ᓂᖃᐃᓐᓇᐃᑦ.

ᑲᓪᓗᓐ ᔮᓐᓯᑕᓐ ᕼᐊᕙᖃᑎᒋᔮ ᐊᒫᒪᒥᖕᓂᑦ ᕼᐅᕙᒃ ᔮᓐᓯᑕᓐ—ᐃᓕᕼᐃᒪᕐᔪᐊᖅᑐᖅ ᕼᐊᕚᒥᖕᓂᑦ ᐅᑎᖅᑎᑦᑎᓇᕼᐅᐊᖅᑕᖕᒋᑦ ᐃᓄᐃᓐᓇᐃᑦ ᑲᑭᓃᑦ—ᐊᕝᕙᐅᑎᒋᕝᓗᓂᐅᒃ ᐃᓕᕼᐊᐅᑎᒃᕼᐊᑦ ᐆᒥᙵᑐᑦ ᐅᖃᐅᕼᐃᐊᓄᑦ ᕼᐊᓘᒋᐊᒥ ᐃᓄᐃᓐᓇᖅᑐᓐ (ᐋᑎᑑ); ᖃᓄᖅ ᐱᕝᕚᕆᐊᖕᒐᓂ ᒪᒃᑖᖅ ᐅᓗᓄᑦ; ᐅᖃᐅᑎᒋᕝᓗᒋᓪᓗ ᐃᓄᐃᑦ ᒪᓕᒐᐅᑕᐃᓂᑦ ᕼᐊᕝᕗᒪᓂᑐᑦ ᐊᖕᒐᑦᑯᕐᓂᒍᑦ.

ᐊᒫᒪᐅᔪᖅ-ᐃᕐᓂᐊᓗ ᒪᓪᕉᔪᒃ ᑲᑎᒪᑉᑲᐃᕝᓗᑎᒃ ᖁᐊᖅᑐᖅᑐᒃ ᐅᕙᓂ ᐃᓄᐃᑦ ᑕᐱᕇᑦ ᑲᓇᑕᒃᑯ ᐅᑭᐅᙳᕌᖕᒐᑦ ᓂᖅᕼᐃᐅᖅᑐᑦ ᐅᓇᓗ ᐱᑦᖁᕼᐃᑎᒍᑦ ᕼᐅᓕᑉᑲᐃᔪᑦ, ᑕᐱᕇᑦ 2024. © Cynthia Munster

ᖁᕕᐊᕼᐆᑎᒋᕝᓗᒋᑦ ᑐᒃᑐ ᐅᓇᓗ ᒪᒃᑖᖅ ᐅᕙᓂ ᐊᑕᐅᕼᐃᖅ ᖁᓐᓂᐊᕈᓐᒥ, ᑲᓪᓗᓐ ᔮᓐᓯᑕᓐ ᐅᖃᖅᑐᖅ, “ᐱᓕᐅᔪᖕᒐ ᕉᑖᕝ ᑐᒃᑐᓐᓄᐊᖅ ᐅᓇᓗ ᖃᕐᔪᕐᒥᐅᑦᑕᖅ ᕿᓐᒥᖅᐸᒡᔪᐊᖅ ᑕᕼᐊᑉᑯᐊᑦ ᐅᓂᑉᑳᕆᔭᐅᕙᒑᑦ ᐃᕼᐅᒪᒋᔭᐅᕙᒑᑦ ᕿᓂᖅᕼᐃᐊᓗᒋᑦ ᖁᓐᓂᐊᕐᓗᒋᓪᓗ ᑕᐃᒫ.” ᑐᑦᕿᖅᕼᐄᕝᓗᓂ ᖃᓄᖅᑐᑦ ᓂᕆᔭᐅᕙᒑᑦ ᐆᕼᐃᒪᐃᑦᑐᑦ ᕿᖁᒪᔪᓪᓘᓃᑦ ᑐᒃᑐ ᓂᖃᐃᓐᓇᐃᑦ ᐃᒫᑐᑦ “ᕼᐊᒻᓇ ᒪᒪᖅᐸᐃᖅᑐᒥᒃ ᒥᑉᑯ ᕼᐊᓇᓛᖅᑕᑎᑦ,” ᕼᐊᒻᓇ ᑑᒐᓕᒃ ᐊᒥᐊ “ᐊᕐᓕᖕᒐᖅᕼᐅᓂ ᑐᑭᖃᕐᓇᙱᑦᑐᕐᓗ” ᐃᖃᓗᒃᕼᐅᖕᓂᑦᑐᖅ ᑎᐹ ᑕᕐᔪᓕᖕᓂᑦ ᒥᕼᐅᕌᓂᑦ ᒪᒪᖅᐱᐊᖅᕼᐅᓂ. ᑕᐃᒫ ᑎᐱᖕᒐ ᒪᒪᖅᕼᐅᓂ, ᒪᒃᑖᖅ ᒪᒪᕆᔭᐅᕝᓗᓂ ᐃᓅᓪᓚᒃᕼᐅᓂ ᖃᕝᓗᓈᑦ ᓄᓇᖕᒐᓂ. “ᓂᕇᓐᓇᖅᑕᕋ ᐊᖕᒋᓪᕋᐅᕼᐃᓕᕌᖕᒐᒪ,” ᐅᖃᖅᑐᖅ.

ᑕᒪᐃᓐᓄᑦ ᐃᓗᖃᖅᑐᑦ, ᑲᓪᓗᓐ ᔮᓐᓯᑕᓐ ᐊᒃᕼᐆᖅᐱᐊᖅᕼᐅᓂ ᓇᓐᒥᓂᕆᔭᐃᓐᓂᑦ ᐃᓅᕼᐃᐊᓂᑦ, ᐃᓛᓂ ᑐᑭᖃᖅᕼᐅᓂᓗ ᖁᓐᓂᐊᕈᑦ ᐅᖁᒪᐃᓪᓕᐅᖅᑕᐅᕙᒑᑦ. ᐊᔪᖅᕼᐊᐅᑎᕼᐃᒪᕙᒑᑦ ᐃᓐᒥᒃᑯᑦ ᐋᖕᒐᔮᕐᓇᖅᑐᒥᒃ ᐃᐱᕋᐃᓕᒪᐃᕋᓗᐊᖅᑕᖕᒋᑦ ᓴᐃᕙᓂᑦ ᐅᑭᐅᖕᒐᓂᑦ, ᓄᑦᖃᓪᓚᒃᕼᐃᒪᕝᓗᓂ ᐃᓕᕼᐊᕐᕕᒡᔪᐊᒥᖕᓂᑦ ᒪᒥᕼᐊᕐᕕᖕᓄᙵᐅᕝᓗᓂ ᐃᑲᔪᖅᑕᐅᕙᒃᕼᐅᓂ ᐃᓚᒥᖕᓂᑦ.

“ᖃᓄᖅ ᓄᑦᖃᖅᑕᐃᓕᕼᐃᒪᔮᑦ ᐃᓅᔾᔪᕼᐃᐅᑉ ᐱᓕᕼᐋᕐᓂᖕᒐ ᒪᒥᕼᐊᕐᓂᕐᓂᕐᒪ. ᖁᕕᐊᕼᐅᒃᐱᐊᖅᑐᖕᒐ. ᑕᐃᒫ ᐊᒥᕼᐆᔪᑦ ᐃᑲᔪᖅᑕᐅᕼᐃᒪᐃᑦᑐᑦ ᐅᕙᑉᑎᑐᑦ,” ᐅᖃᖅᑐᖅ. ᖁᓐᓂᐊᕈᑖᓂᑦ ᐃᓗᒨᖅᑐᒥᒃ ᖁᓐᓂᐊᑉᑲᐃᓕᖅᐸᒑᑦ ᕼᐊᕝᕗᒪᓂ ᒪᒥᕼᐊᕐᓂᕐᓄᑦ ᐊᔪᖅᕼᐊᐅᑎᖕᒋᒍᑦ ᑖᙵᕐᒥᒃ, ᕼᐃᒑᕐᓗᖕᒥᑦ ᐋᕼᐄᓪᓗ ᐃᒥᖕᒐᖕᓇᖅᑐᒥᒃ ᐊᖕᒋᒃᓕᒃᑎᖅᕼᐅᓂ ᐃᕼᐅᒪᒥᒃᑯᑦ ᕼᐊᑯᒋᖕᓂᐊᒍᑦ.

“ᐊᕝᕙᐅᑎᕼᐃᒪᔪᐃᑦᑕᑦᑲ ᖁᕕᐊᓇᖅᑐᒥᒃ ᐅᕝᓗᖕᒋᑦ; ᐊᕝᕙᐅᑎᓕᖃᒐᑦᑲ ᓂᑲᓪᓗᕐᓇᖅᑐᒥᒃ ᐅᕝᓗᖕᒋᓪᓗ. ᐊᕝᕙᐅᑎᔪᒪᐃᓐᓇᖅᑕᑦᑲ ᕼᐅᓇᓂᒃᓕᖄ ᐃᑲᔫᑕᐅᓂᐊᕋᒥᒃ ᐃᓄᖕᓄᑦ ᖁᓐᓂᐊᖅᑐᑦ,” ᐅᖃᖅᑐᖅ. “ᕼᐃᕗᐊᓂ ᐊᔪᕐᓇᕋᓗᐊᖅᕼᐅᓂ ᐱᓕᕼᐋᕋᒪ ᑭᕼᐃᒥ ᐊᔪᕐᓇᐃᓕᖅᑐᖅ ᐃᕼᐅᐊᖅᕼᐃᓇᕼᐅᐊᕌᖕᒐᑦ ᐊᔪᖅᕼᐊᐅᑎᓂᖅ.”

ᕼᐊᒻᓇ ᐃᓗᓕᖕᓂᑦ ᕼᐃᕗᓪᓕᖅᐹᒥ ᑭᐅᓇᕼᐅᐊᖅᐸᒐᕋ ᐊᑯᙱᐅᔪᖅ ᐃᓄᐃᑦ ᑭᕝᒐᐅᑎᕙᒑᑦ ᖃᕆᑕᐅᔭᒃᑰᖅᑐᖅ, ᑕᑯᑉᑲᐃᕙᒃᕼᐅᓂ ᕼᐅᓕᔾᔪᑎᒋᓕᖅᕼᐅᒋᑦ ᕼᐅᓕᕕᒃHᐊᐃᓂᑦ. ᐅᕙᙵᑦ ᑲᓇᑕ ᑲᑎᒪᕐᔪᐊᖅᑐᓄᑦ ᐃᑦᖂᒪᓂᒃᑯᑦ ᐃᑦᖃᐅᒪᔾᔪᕼᐄᓂᒃᓗ ᕼᐃᓚᑖᓂ ᑐᕌᓐᑑᒥ ᐅᕙᓂ ᐊᐱᑎᓕᕐᕕᒃ 2022-ᒥ, ᑲᓪᓗᓐ ᔮᓐᓯᑕᓐ ᐊᒫᒫᓗ ᐊᑕᐅᑦᑎᒧᑦ ᐊᕝᕙᐅᑎᒋᕝᓗᒋᑦ ᐃᓅᕼᐃᕐᒥᖕᓂᑦ ᐅᓂᑉᑳᖅᕼᐅᑎᒃ ᑭᖕᒍᓕᕇᒃᑐᓄᑦ ᐊᔪᖅᕼᐊᖅᑎᑕᐅᔪᑦ ᐃᒫᓗ ᐃᓕᕼᐊᕆᐊᖅᑐᖅᑎᑕᐅᔪᓄᑦ. 2023-ᒥ, ᒪᓪᕈᒃ ᐃᓚᐅᖃᑕᐅᕙᒃᕼᐅᑎᒃ ᐅᖃᖅᑎᐅᔪᒃ ᕼᐊffᐅᒧᖕᒐ ᐃᓅᕼᐃᖃᑦᑎᐊᖕᓂᒃᑯᑦ ᑲᑎᒪᔩᑦ ᐃᕿᑦᑎᐊᖅᕼᐃᒪᓗᒍ ᐃᓅᕼᐃᖅ ᑲᑎᒪᔩᑦ ᓄᓇᕗᓐᒥ ᐃᓄᓪᕋᒦᑦ ᕼᐃᕗᓕᖅᕼᐅᖕᓂᒃᑯᑦ ᐱᓇᕼᐅᐊᕈᑎᑦ. ᐅᕙᓂ ᐅᐱᙶᒥ ᒪᓪᕈᒃ ᑲᑎᒪᑉᑲᐃᕝᓗᑎᒃ ᐃᒫ ᖁᐊᖅᑐᖅᑐᑦ ᐅᕙᓂ ᐃᓄᐃᑦ ᑕᐱᕇᑦ ᑲᓇᑕᒃᑯ ᐅᑭᐅᙳᕌᖕᒐᑦ ᓂᖅᕼᐃᐅᖅᑐᑦ ᐅᓇᓗ ᐱᑦᖁᕼᐃᐅᑎᒍᑦ ᕼᐅᓕᔾᔪᕼᐄᑦ, ᑕᐱᕇᑦ. ᐃᓄᖕᒥᐅᔪᑦ ᐅᕝᕙᓘᓃᑦ ᖁᓐᓂᐊᖅᑎᑦᑎᔪᑦ, ᒪᓪᕈᒃ ᐊᑕᐅᑦᑎᒧᑦ ᑭᕝᒐᐅᑎᓕᖅᐸᒃᕼᐅᑎᒃ ᖁᕕᐊᓇᖅᑐᒥᒃ ᑕᐃᒫ ᐃᓕᑦᑐᕐᓇᖅᕼᐅᓂ ᕼᐊᓂᕌᒃᑯᑦ.

ᐳᕋᐃᑕᓐ ᑲᓪᓗᓐ ᔮᓐᓯᑕᓐ ᖃᕆᑕᐅᔭᒃᑰᖃᑦᑕᖅᕼᐅᓂ ᐊᕝᕙᐅᑎᔮ ᐃᓄᐃᑦ ᐱᑦᖁᕼᐃᖕᒋᑦ ᕼᐃᓚᕐᔪᐊᑎᒍᑦ ᓄᓇᓖᑦ. © Jamie Stevenson Photography

“ᐊᒫᒫᒐ ᐊᖕᒋᑦᕿᔭᐅᓂᐊᖅᑎᒍᑦ ᐊᒃᕼᐆᖅᑎᑦᑎᕙᒑᖕᒐ ᖁᕕᐊᓇᖅᑐᒥᒃ. ᐃᑲᔪᖅᐱᐊᖅᕼᐃᒪᔮᖕᒐ ᖃᓄᖅ ᒪᒥᕼᐊᕆᐊᖕᒐᓂ,” ᐅᖃᖅᑐᖅ. “ᑕᐅᑐᐃᓐᓇᖅᕼᐅᒍ ᐃᓐᒥᖕᓂᒃ ᒪᒥHᐊᐃᓕᖅᕼᐅᓂ ᐃᓅᔾᔪᑖᓂᑦ ᑕᓪᕙᙵᑦ ᒪᓖᓐᓇᕈᒪᕝᓗᒍ ᒪᒥHᐊᐃᓂᕐᓄᑦ. ᖁᓐᓂᐊᓕᐅᕆᐊᒥ ᐊᑕᐅᑦᑎᒃᑯᑦ ᑕᐃᒫ ᐃᓚᓐᓇᕆᕝᓗᒍᓗ. ᑕᐃᒫ, ᐃᓚᒌᒑᖕᒐᑉᑕ, ᐊᓕᐊᓇᖅᐸᒃᕼᐅᓂ ᑕᐃᒫ.”

ᑕᓪᕙᙵᑦ ᖁᓐᓂᐊᖅᑎᑦᑎᓂᒍᑦ ᐅᑭᐅᖃᖅᕼᐅᓂ 23-ᓂᑦ, ᑲᓪᓗᓐ ᔮᓐᓯᑕᓐ ᐃᓕᑦᑐᑉᑲᐃᕝᓗᓂ ᐃᓄᐃᑦ ᐃᓄᓪᕋᒻᒦᑦ ᓈᓚᒃᐸᒑᑦ ᐅᓂᑉᑳᖕᒋᑦ. ᐃᓄᓪᕋᒻᒦᑦ ᐃᓕᑦᑐᖅᐸᒑᑦ ᐃᓅᕼᐃᐊᓄᑦ, ᐅᖃᖅᑐᖅ, ᑕᐃᒫ ᐃᓕᑦᑐᕐᓇᖅᕼᐅᓂᓗ ᑭᓇᓕᖄᒃ ᐅᑭᐅᖃᖅᑐᒥᒃ ᐊᔪᕐᓇᐃᑦᑐᒥᒃ ᐃᓕᑦᑐᓛᖅᑐᑦ ᐊᔪᕐᓇᖕᓂᒍᑦ ᐃᕼᐅᐊᖅᕼᐃᔫᒥᓛᖅᑐᑦ ᐃᓅᕼᐃᐊᓄᑦ.

“ᐊᐱᕆᒍᖕᒪ ᕼᐃᑕᒪᓂᑦ ᐊᐃᑉᐹᖕᒐᓂᐊᓄᑦ ᒪᒥᕼᐊᓕᕼᐋᖅᑎᓪᓗᖕᒐ ᑕᐅᑐᓕᒪᐃᑦᑑᒐᓘᔪᖕᒐ ᐅᕙᒻᓄᑦ ᑕᑯᑉᑲᐃᒋᐊᖕᒐᑦ ᐃᓄᒋᐊᒃᑐᓄᑦ ᑕᐅᑐᒃᑐᑦ ᒪᒥᕼᐊᖅᑎᓪᓗᖕᒐ, ᐅᒃᐱᕆᓕᒪᐃᑦᑕᒋᑦ. ᐃᖕᒋᓪᕋᕌᖅᕼᐅᖕᒐ ᑕᐃᒫ ᑕᓪᕙᙵᑦ ᓇᙵᕆᕝᓗᒍ ᑕᔾᔭ.”

ᑕᐃᒪᐃᑦᑐᖅ ᐊᕝᕙᐅᑎᒋᐊᒥ ᓂᖃᐃᓐᓇᕐᓂᑦ, ᑕᓪᕙᙵᑦ ᐅᓂᑉᑳᕈᕼᐄᑦ ᐅᑎᖅᑎᑦᑎᕙᒃᕼᐅᒋᑦ, ᐃᓅᔾᔪᕼᐃᐊᓂᑦ, ᓇᐅᑦᑲᐃᕝᓗᑎᒃ ᑲᑎᓪᕕᐅᓂᕐᓄᑦ.

ᒪᒃᐱᕌᓕᐅᕐᓂᖅ ᕼᐊᕚᖕᒋᑦ ᐅᑯᓂᙵᑦ ᐃᓐᕼᐊᐱᑦ ᒦᑎᐊ, ᐃᓕᕼᐊᖅᕼᐃᒻᒫᖅᕼᐅᖕᒐ ᐅᕙᓂ ᐃᓕᕼᐊᕐᕕᒡᔪᐊᖕᒐ ᑲᐅᓪᒍᕆᒥ, ᓄᑖᖕᒍᔪᕐᓗ ᐊᑉᖁᕼᐃᒃᕼᐋ ᐃᓅᔾᔪᕼᐃᐊᓄᑦ ᑲᑐᕼᐃᖅᕼᐃᓕᕼᐋᖅᕼᐅᓂᓗ, ᑐᑦᕿᒡᓇᖅᕼᐅᓂ ᐅᓇ ᑲᓪᓗᓐ ᔮᓐᓯᑕᓐ ᐊᒥᒐᐃᑦᑐᒥᒃ ᐅᓂᑉᑳᖃᕐᓂᐊᖅᕼᐅᓂ ᑭᖕᒍᐊᓂ.