Titiqtugaqtuq Alexander Angnaluak
ATLAANTIK IMANGA KILLIQAQPUQ Laapatua sijjappasingani taikanngat uannangata isuani Nunaqpak, kativvigijangit Tallurutiup Imanga nigiani isuani, imanganuuqtumut Saint Lawrence. Silarujuuqattarninganut sanasimajut nunangani ammaluttauq inunginnit inuuniqaqtut sijjaqpasimmi. Qanuinnirijangit sijjaqpasiup killingagut assurunnaqtut, kisiani ukiuqtaqtuup silanga assurunnarniqpaangujut sungiutijaunasuttuti inunnut.
Aipuluup nunngunginniilauqtuq amma anuraaqattaqsimajuq uanna ngata kanannangani Atlaantikmit pinasuarusilimaamit. Silakammaulualaurma angunasunnirmut, Inuit nunaqaqtut Hipuraanmit niqikis salilauqtut. Unnurulukkut tisamaujuqtungata ullungani anuriniujuq anuri gun niilauqtuq, amma nunanga nipiqanngittialilauqtuq uggianaqtumit. Inuit illuviganginnit saqqialauqtut silamut takuniaqtutit nalunaiqsinasuttuti silanga qauppauniaqtumi qanuilinganiar ninganut. Angunasunniq nattirnit sinaangani angunasuttinut isumagijauniqpaangulauqtuq, kisiani qaujimalauqtut utaqqigiaqaqtutit marruunnik ulluunnik sikumuurunnaqsilauqtinnagit nattirmit qukiqsiluti amma naulissiluti quinijunit nattirnit. Angunasuttiit ilangit qajanginnit usippalauqtut qamutiliarisimajaminik ilangilli atuqattalauqtut tuurmit amma naulissinasuppattuti nissinut puttajunut nattirni.
Jacko, irninga Amandus amma ujurunga Abia asivarumajunit angunasuttiuqataulauqtuuk nunangani aullalauqtut qaummalauqtinnagu amma tisamaujuqtunit qimminit sukattutit kanannanganut nattiqsiuqtuti nauligassamit sinaangata killingaguuqtillugit.
Ulluujuq aniguqsarailauqtuq angutiit 12-nik quinijunit nattiqsimalluti ullunga quviagijaulluni niriqatigiittutit nattiup tingungani tiituqtutillu supuujuurmut. Takujunnalauqtut asinni angunasuttini uannangani amma nigingani, unnuliqtillugu parnalilauqtut angiramut upinnarani asilimaangit angunasuttiit sinaanganiigunniilauqtut.
Amandus aissirasulauqtuq qimminginnit majuraqtuni sikukkut maniilaakkut qimirruaqtuniuk sikunga qanuilingammangaaq amma qaaliq qilauqtuq takujaminik.
Ullaakkut sivitujumit aajurakkuulaurngata sikukkut qaanga apisimalluni pingasunit isiganit itinilimmit tisijumit aputimit. Silakammauninganut sikuililauraluarma amma ingirranirmut sanngijumut saavilauqtuq ulluutillugu. Avatit isigarnit takiniqapalulauqtuq imauninga sinaanganit tuvarmut pingannanganut. Saattaulauqtut inummit asianit takussaujuqtaqarani amma qajangit qimattausimalluti nunami. Assurunnaqtuqsiullarililauqtut.
Titiqtugaqtuq Alexander Angnaluak
PIGIARNINGINNI JUUNIMI SIKUNGA aulajjalauqtuq sijjaqpasinga niigunniiqtuni amma inuit nunaliralaat Laapatua sijjaqpasingani aullaavallialilauqtut aujakkut iqalliarvigivattanginnut. Akkaga Julius qaqqaup qaangani issivaalauqtuq tunuaniittuni ijjuinnaq iqalugasuarutinga supuuqtuqtuni supuuq tuurmit amma imarmut takunnaqtuni marruuk qikiqtarjuat qaujimalauqtangit qulinit maijusnit ungasinniqaqtut nunamit. Ilagiit tikirataalauqtut ullurijangani atuinnaruilluti iqalugasunniriniaqtanginnut amma akkaga nunamut pisuttuminiulluni imminik qitinganuaqtittuni qaujimajanganit avatinganit piugijanganit. Qaqqaup qaangani issivaaqtillugu takusugilauqtuq pujurmit ungasittumiittunit qikiqtanit kisiani qaujimalauqtuq tauva – niittuqarajanginninganut: sivuvasiluaqtut iqalugasuarnirmut.
Pinasuarusiq qaangiqtillugu ilangit aullaqattaqtut Niupanlaami iqalugasuaqtiit ingirralauqtut akkamma kangiqtunganut umiaqpak iqalugasuarut. Uqautilauqtangit pujurmit qikiqtamiingaaqtumit parna – lilauqtut qaujigiaqtut kina pujuuqtitinnirmangaaq. Ulluuk marruuk qaangiqtillugit, utilauqtut kangiqtumut Inuillu pingasut qunngatualuulluti. Uumannilauqtut marruunnik pinasuarusiinnik sikumit uukkarujjausimajumi, saaqtauqqajut nigianut qanigijapaluani 250 maijus Laapatua ingirraninganit, imaakasalauqtut amma siqullurujjaukasassimajut innaarunut Kitlaipimmi amma ikkaqiqtuti qikiqtamut inuusinginnit piulissilauqtut.
Angutimmariulauqtut angutiit siniqattaqtutit qipiqarati nattirajarnit annuraaqsimatuinnaqtuti qanulimaaq uvvaluunniit silanganu amma uumaj jutiqaqtutit nattiminirnut qimmingit uumatitaullutillu amma saangaqattautilluti ajurnaqtumit aanniagaluaqtutit kajungiqsima nirmut.
TAAKKUA ANGUTIIT INUUNASUATTIALAUQTUT amma uqausi qalauqsimangittut aturnirilauqtanginnit, uqausiqaarjutuinnaqpattuti ilainnanginnit qanuinnirilauqtanginnit amma ilangit unikkaangi isumagijautuinnarunnaliqtuti qanuinnirijanginnit tusaajumut. Inuit piqqusirimmagu, assururunnarluni inuunasuattiarnikkut amma sannginiqsaujjutigilugu assurunnaqtuq takussautittisinnaat uuma ninganut atulirunnanirmut ilagijaujuq qaujimajaunngittuq annaumanasuarnirmut.
Saattauqqagiilauqtillugit, angutiit Hipuraanmi utilauqtut ilanginnut: uqausiqangittut, upigusunniqangittut, inuuttiatuinnaqtut uumajju -tigilauqtangit sinattukammanituinnaugajaqtuq. Ukiutaqtumi angutiit tarningitigut attuaniqaqtut nunamut amma ilulilimaanginnit, tamakki takussaujut amma takussaungittut. Pisimattijuujaaqtut ilummigut sannginirmit ilagigunniiqattaqtangit sanianiittut asingit. Ilaannikkut nangiqattaqsimajunga Ukiuqtaqturmiutaup angutiup saniani amma ippiniqsimallugu iluagut sanngininga, takunnaqsimajunga issivaaqtuni innaaruup saniraani amma ilagijauliqtittuni avatinganiittunit. Uvagut iluaniittuqaqtuq nalunairassaungittumit amma tukisisimajauttiangittut kisiani ippiniqtautiaqtuq, uvattinnit katittittijut uvagut uattiarurni sanganut amma kasuqtitilluti puiguqtausimajunit nakinngaaqsimanittinni. Tarnirijangit kinguvaavut uvattinni inuutittiinaqtut amma sangitittilluti; katinnganirijavut nunamut amma uumajunut sangijut kingurviqtaulauqsimajjaangittut uummatituqattinni ullumimut akarrijaarutaujunut.
Titiqtugaqtuq Alexander Angnaluak
Titiqtugaqtuq Alexander Angnaluak
