Illustrations by Alexander Angnaluak
ᓵᑦᑕᐅᖅᑲᔪᑦ
ᐊᑦᓛᓐᑎᒃ ᐃᒪᖓ ᑭᓪᓕᖃᖅᐳᖅ ᓛᐸᑐᐊ ᓯᔾᔭᑉᐸᓯᖓᓂ ᑕᐃᑲᙵᑦ ᐅᐊᓐᓇᖓᑕ ᐃᓱᐊᓂ ᓄᓇᖅᐸᒻᒥ, ᑲᑎᕝᕕᒋᔭᖏᑦ ᑕᓪᓗᕈᑎᐅᑉ ᐃᒪᖓ ᓂᒋᐊᓂ ᐃᓱᐊᓂ, ᐃᒪᖓ ᓅᖅᑐᒧᑦ ᓴᐃᓐᑦ ᓗᐊᕋᓐᔅ. ᓯᓚᕈᔫᖃᑦᑕᕐᓂᖓᓄᑦ ᓴᓇᓯᒪᔪᑦ ᓄᓇᖓᓂ ᐊᒻᒪᓗᑦᑕᐅᖅ ᐃᓄᖏᓐᓂᑦ ᐃᓅᓂᖃᖅᑐᑦ ᓯᔾᔭᖅᐸᓯᒻᒥ. ᖃᓄᐃᓐᓂᕆᔭᖏᑦ ᓯᔾᔭᖅᐸᓯᐅᑉ ᑭᓪᓕᖓᒍᑦ ᐊᔅᓱᕈᓐᓇᖅᑐᑦ, ᑭᓯᐊᓂ ᐅᑭᐅᖅᑕᖅᑑᑉ ᓯᓚᖓ ᐊᔅᓱᕈᓐᓇᕐᓂᖅᐹᖑᔪᑦ ᓱᖏᐅᑎᔭᐅᓇᓱᑦᑐᑎ ᐃᓄᓐᓄᑦ.
ᐊᐃᐳᓘᑉ ᓄᙳᖏᓐᓃᓚᐅᖅᑐᖅ ᐊᒻᒪ ᐊᓄᕌᖃᑦᑕᖅᓯᒪᔪᖅ ᐅᐊᓐᓇᖓᑕ ᑲᓇᓐᓇᖓᓂ ᐊᑦᓛᓐᑎᒃᒥᑦ ᐱᓇᓱᐊᕈᓯᓕᒫᒥᑦ. ᓯᓚᑲᒻᒪᐅᓗᐊᓚᐅᕐᒪ ᐊᖑᓇᓱᓐᓂᕐᒧᑦ, ᐃᓄᐃᑦ ᓄᓇᖃᖅᑐᑦ ᕼᐃᐳᕌᓐᒥᑦ ᓂᕿᑭᔅᓴᓕᓚᐅᖅᑐᑦ. ᐅᓐᓄᕈᓗᒃᑯᑦ ᑎᓴᒪᐅᔪᖅᑐᖓᑕ ᐅᓪᓗᖓᓂ ᐊᓄᕆᓂᐅᔪᖅ ᐊᓄᕆᒍᓐᓃᓚᐅᖅᑐᖅ ᐊᒻᒪ ᓄᓇᖓ ᓂᐱᖃᙱᑦᑎᐊᓕᓚᐅᖅᑐᖅ ᐅᒡᒋᐊᓇᖅᑐᒥᑦ. ᐃᓄᐃᑦ ᐃᓪᓗᕕᒐᖏᓐᓂᑦ ᓴᖅᑭᐊᓚᐅᖅᑐᑦ ᓯᓚᒧᑦ ᑕᑯᓂᐊᖅᑐᑎᑦ ᓇᓗᓇᐃᖅᓯᓇᓱᑦᑐᑎ ᓯᓚᖓ ᖃᐅᑉᐸᐅᓂᐊᖅᑐᒥ ᖃᓄᐃᓕᖓᓂᐊᕐᓂᖓᓄᑦ. ᐊᖑᓇᓱᓐᓂᖅ ᓇᑦᑎᕐᓂᑦ ᓯᓈᖓᓂ ᐊᖑᓇ ᓱᑦ ᑎᓄᑦ ᐃᓱᒪᒋᔭᐅᓂᖅᐹᖑᓚᐅᖅᑐᖅ, ᑭᓯᐊᓂ ᖃᐅᔨᒪᓚᐅᖅᑐᑦ ᐅᑕᖅᑭᒋᐊᖃᖅᑐᑎᑦ ᒪᕐᕉᓐᓂᒃ ᐅᓪᓘᓐᓂᒃ ᓯᑯᒨᕈᓐᓇᖅᓯᓚᐅᖅᑎᓐᓇᒋᑦ ᓇᑦᑎᕐᒥᑦ ᖁᑭᖅᓯᓗᑎ ᐊᒻᒪ ᓇᐅᓕᔅᓯᓗᑎ ᖁᐃᓂᔪᓂᑦ ᓇᑦᑎᕐᓂᑦ. ᐊᖑᓇᓱᑦᑏᑦ ᐃᓚᖏᑦ ᖃᔭᖏᓐᓂᑦ ᐅᓯᑉᐸᓚᐅᖅᑐᑦ ᖃᒧᑎᓕᐊᕆᓯᒪᔭᒥᓂᒃ ᐃᓚᖏᓪᓕ ᐊᑐᖃᑦᑕᓚᐅᖅᑐᑦ ᑑᕐᒥᑦ ᐊᒻᒪ ᓇᐅᓕᔅᓯᓇᓱᑉᐸᑦᑐᑎ ᓂᔅᓯᓄᑦ ᐳᑦᑕᔪᓄᑦ ᓇᑦᑎᕐᓂ.
ᔭᐃᑯ, ᐃᕐᓂᖓ ᐊᒫᓐᑕᔅ ᐊᒻᒪ ᐅᔪᕈᖓ ᐋᐱᐊ ᐊᓯᕙᕈᒪᔪᓂᑦ ᐊᖑᓇᓱᑦᑎᐅᖃᑕᐅᓚᐅᖅᑑᒃ ᓄᓇᖓᓂ ᐊᐅᓪᓚᓚᐅᖅᑐᑦ ᖃᐅᒻᒪᓚᐅᖅᑎᓐᓇᒍ ᐊᒻᒪ ᑎᓴᒪᐅᔪᖅᑐᓂᑦ ᕿᒻᒥᓂᑦ ᓱᑲᑦᑐᑎᑦ ᑲᓇᓐᓇᖓᓄᑦ ᓇᑦᑎᖅᓯᐅᖅᑐᑎ ᓇᐅᓕᒐᔅᓴᒥᑦ ᓯᓈᖓᑕ ᑭᓪᓕᖓᒎᖅᑎᓪᓗᒋᑦ.
ᐅᓪᓘᔪᖅ ᐊᓂᒍᖅᓴᕋᐃᓚᐅᖅᑐᖅ ᐊᖑᑏᑦ 12-ᓂᒃ ᖁᐃᓂᔪᓂᑦ ᓇᑦᑎᖅᓯᒪᓪᓗᑎ ᐅᓪᓗᖓ ᖁᕕᐊᒋᔭᐅᓪᓗᓂ ᓂᕆᖃᑎᒌᑦᑐᑎᑦ ᓇᑦᑎᐅᑉ ᑎᖑᖓᓂ ᑏᑐᖅᑐᑎᓪᓗ ᓱᐴᔫᕐᒧᑦ. ᑕᑯᔪᓐᓇᓚᐅᖅᑐᑦ ᐊᓯᓐᓂ ᐊᖑᓇᓱᑦᑎᓂ ᐅᐊᓐᓇᖓᓂ ᐊᒻᒪ ᓂᒋᐊᓂ, ᐅᓐᓄᓕᖅᑎᓪᓗᒍᓗ ᐸᕐᓇᓕᓚᐅᖅᑐᑦ ᐊᖏᕋᒧᑦ ᐅᐱᓐᓇᕋᓂ ᐊᓯᓕᒫᖏᑦ ᐊᖑᓇᓱᑦᑏᑦ ᓯᓈᖓᓃᒍᓐᓃᓚᐅᖅᑐᑦ.
ᐊᒫᓐᑕᔅ ᐊᐃᔅᓯᕋᓱᓚᐅᖅᑐᖅ ᕿᒻᒥᖏᓐᓂᑦ ᒪᔪᕋᖅᑐᓂ ᓯᑯᒃᑯᑦ ᒪᓃᓛᒃᑯᑦ ᕿᒥᕐᕈᐊᖅᑐᓂᐅᒃ ᓯᑯᖓ ᖃᓄᐃᓕᖓᒻᒪᖔᖅ ᐊᒻᒪ ᖄᓕᖅᑭᓚᐅᖅᑐᖅ ᑕᑯᔭᒥᓂᒃ.
ᐅᓪᓛᒃᑯᑦ ᓯᕕᑐᔪᒥᑦ ᐋᔪᕋᒃᑰᓚᐅᕐᖓᑕ ᓯᑯᒃᑯᑦ ᖄᖓ ᐊᐱᓯᒪᓪᓗᓂ ᐱᖓᓱᓂᑦ ᐃᓯᒐᓂᑦ ᐃᑎᓂᓕᒻᒥᑦ ᑎᓯᔪᒥᑦ ᐊᐳᑎᒥᑦ. ᓯᓚᑲᒻᒪᐅᓂᖓᓄᑦ ᓯᑯᐃᓕᓚᐅᕋᓗᐊᕐᒪ ᐊᒻᒪ ᐃᖏᕐᕋᓂᕐᒧᑦ ᓴᙱᔪᒧᑦ ᓵᕕᓚᐅᖅᑐᖅ ᐅᓪᓘᑎᓪᓗᒍ. ᐊᕙᑎᑦ ᐃᓯᒐᕐᓂᑦ ᑕᑭᓂᖃᐸᓗᓚᐅᖅᑐᖅ ᐃᒪᐅᓂᖓ ᓯᓈᖓᓂᑦ ᑐᕙᕐᒧᑦ ᐱᖓᓐᓇᖓᓄᑦ. ᓵᑦᑕᐅᓚᐅᖅᑐᑦ ᐃᓄᒻᒥᑦ ᐊᓯᐊᓂᑦ ᑕᑯᔅᓴᐅᔪᖅᑕᖃᕋᓂ ᐊᒻᒪ ᖃᔭᖏᑦ ᕿᒪᑦᑕᐅᓯᒪᓪᓗᑎ ᓄᓇᒥ. ᐊᔅᓱᕈᓐᓇᖅᑐᖅᓯᐅᓪᓚᕆᓕᓚᐅᖅᑐᑦ.
Illustrations by Alexander Angnaluak
ᐱᒋᐊᕐᓂᖏᓐᓂ ᔫᓂᒥ ᓯᑯᖓ ᐊᐅᓚᔾᔭᓚᐅᖅᑐᖅ ᓯᔾᔭᖅᐸᓯᖓᓃᒍᓐᓃᖅᑐᓂ ᐊᒻᒪ ᐃᓄᐃᑦ ᓄᓇᓕᕋᓛᑦ ᓛᐸᑐᐊ ᓯᔾᔭᖅᐸᓯᖓᓂ ᐊᐅᓪᓛᕙᓪᓕᐊᓕᓚᐅᖅᑐᑦ ᐊᐅᔭᒃᑯᑦ ᐃᖃᓪᓕᐊᕐᕕ – ᒋᕙᑦᑕᖏᓐᓄᑦ. ᐊᒃᑲᒐ ᔫᓕᐊᔅ ᖃᖅᑲᐅᑉ ᖄᖓᓂ ᐃᔅᓯᕚᓚᐅᖅᑐᖅ ᑐᓄᐊᓃᑦᑐᓂ ᐃᔾᔪ -ᐃᓐᓇᖅ ᐃᖃᓗᒐᓱᐊᕈᑎᖓ ᓱᐴᖅᑐᖅᑐᓂ ᓱᐴᖅᑑᕐᒥᑦ ᐊᒻᒪ ᐃᒪᕐᒧᑦ ᑕᑯᓐᓇᖅᑐᓂ ᒪᕐᕉᒃ ᕿᑭᖅᑕᕐᔪᐊᑦ ᖃᐅᔨᒪᓚᐅᖅᑕᖏᑦ ᖁᓕᓂᑦ ᒪᐃᔪᔅᓂᑦ ᐅᖓᓯᓐᓂᖃᖅᑐᑦ ᓄᓇᒥᑦ. ᐃᓚᒌᑦ ᑎᑭᕋᑖᓚᐅᖅᑐᑦ ᐅᓪᓗᕆᔭᖓᓂ ᐊᑐᐃᓐᓇᕈᐃᓪᓗᑎ ᐃᖃᓗᒐᓱᓐᓂᕆᓂᐊᖅᑕᖏᓐᓄᑦ ᐊᒻᒪ ᐊᒃᑲᒐ ᓄᓇᒧᑦ ᐱᓱᑦᑐᒥᓂᐅᓪᓗᓂ ᐃᒻᒥᓂᒃ ᕿᑎᖓᓄᐊᖅᑎᑦᑐᓂ ᖃᐅᔨᒪᔭᖓᓂᑦ ᐊᕙᑎᖓᓂᑦ ᐱᐅᒋᔭᖓᓂᑦ. ᖃᖅᑲᐅᑉ ᖄᖓᓂ ᐃᔅᓯᕚᖅᑎᓪᓗᒍ ᑕᑯᓱᒋᓚᐅᖅᑐᖅ ᐳᔪᕐᒥᑦ ᐅᖓᓯᑦᑐᒦᑦᑐᓂᑦ ᕿᑭᖅᑕᓂᑦ ᑭᓯᐊᓂ ᖃᐅᔨᒪᓚᐅᖅᑐᖅ ᑕᐅᕙᓃᑦᑐᖃᕋᔭᖏᓐᓂᖓᓄᑦ: ᓯᕗᕙᓯᓗᐊᖅᑐᑦ ᐃᖃᓗᒐᓱᐊᕐᓂᕐᒧᑦ.
ᐱᓇᓱᐊᕈᓯᖅ ᖄᖏᖅᑎᓪᓗᒍ ᐃᓚᖏᑦ ᐊᐅᓪᓚᖃᑦᑕᖅᑐᑦ ᓂᐅᐸᓐᓛᒥ ᐃᖃᓗᒐᓱᐊᖅᑏᑦ ᐃᖏᕐᕋᓚᐅᖅᑐᑦ ᐊᒃᑲᒻᒪ ᑲᖏᖅᑐᖓᓄᑦ ᐅᒥᐊᖅᐸᒃ ᐃᖃᓗᒐᓱᐊᕈᑦ. ᐅᖃᐅᑎᓚᐅᖅᑕᖏᑦ ᐳᔪᕐᒥᑦ ᕿᑭᖅᑕᒦᖔᖅᑐᒥᑦ ᐸᕐᓇᓕᓚᐅᖅᑐᑦ ᖃᐅᔨᒋᐊᖅᑐᑦ ᑭᓇ ᐳᔫᖅᑎᑎᓐᓂᕐᒪᖔᖅ. ᐅᓪᓘᒃ ᒪᕐᕉᒃ ᖄᖏᖅᑎᓪᓗᒋᑦ, ᐅᑎᓚᐅᖅᑐᑦ ᑲᖏᖅᑐᒧᑦ ᐃᓄᐃᓪᓗ ᐱᖓᓱᑦ ᖁᙵᑐᐊᓘᓪᓗᑎ. ᐆᒪᓐᓂᓚᐅᖅᑐᑦ ᒪᕐᕉᓐᓂᒃ ᐱᓇᓱᐊᕈᓰᓐᓂᒃ ᓯᑯᒥᑦ ᐆᒃᑲᕈᔾᔭᐅᓯᒪᔪᒥ, ᓵᖅᑕᐅᖅᑲᔪᑦ ᓂᒋᐊᓄᑦ ᖃᓂᒋᔭᐸᓗᐊᓂ 250 ᒪᐃᔪᔅ ᓛᐸᑐᐊ ᐃᖏᕐᕋᓂᖓᓂᑦ, ᐃᒫᑲᓴᓚᐅᖅᑐᑦ ᐊᒻᒪ ᓯᖁᓪᓗᕈᔾᔭᐅᑲᓴᔅᓯᒪᔪᑦ ᐃᓐᓈᕈᓄᑦ ᑭᑦᓚᐃᐱᒻᒥ ᐊᒻᒪ ᐃᒃᑲᕿᖅᑐᑎ ᕿᑭᖅᑕᒧᑦ ᐃᓅᓯᖏᓐᓂᑦ ᐱᐅᓕᔅᓯᓚᐅᖅᑐᑦ.
ᐊᖑᑎᒻᒪᕆᐅᓚᐅᖅᑐᑦ ᓯᓂᖃᑦᑕᖅᑐᑎᑦ ᕿᐱᖃᕋᑎ ᓇᑦᑎᕋᔭᕐᓂᑦ ᐊᓐᓄᕌᖅᓯᒪᑐ – ᐃᓐᓇᖅᑐᑎ ᖃᓄᓕᒫᖅ ᐅᕝᕙᓘᓐᓃᑦ ᓯᓚᖓᓄ ᐊᒻᒪ ᐆᒪᔾᔪᑎᖃᖅᑐᑎᑦ ᓇᑦᑎᒥᓂᕐᓄᑦ ᕿᒻᒥᖏᑦ ᐆᒪᑎᑕᐅᓪᓗᑎᓪᓗ ᐊᒻᒪ ᓵᖓᖃᑦᑕᐅᑎᓪᓗᑎ ᐊᔪᕐᓇᖅᑐᒥᑦ ᐋᓐᓂᐊᒐᓗᐊᖅᑐᑎᑦ ᑲᔪᖏᖅᓯᒪᓂᕐᒧᑦ.
ᑖᒃᑯᐊ ᐊᖑᑏᑦ ᐃᓅᓇᓱᐊᑦᑎᐊᓚᐅᖅᑐᑦ ᐊᒻᒪ ᐅᖃᐅᓯᖃᓚᐅᖅᓯᒪᖏᑦᑐᑦ ᐊᑐᕐᓂᕆᓚ – ᐅᖅᑕᖏᓐᓂᑦ, ᐅᖃᐅᓯᖄᕐᔪᑐᐃᓐᓇᖅᐸᑦᑐᑎ ᐃᓚᐃᓐᓇᖏᓐᓂᑦ ᖃᓄᐃᓐᓂᕆᓚᐅᖅᑕᖏᓐᓂᑦ ᐊᒻᒪ ᐃᓚᖏᑦ ᐅᓂᒃᑳᖏ ᐃᓱᒪᒋᔭᐅᑐᐃᓐᓇᕈᓐᓇᓕᖅᑐᑎ ᖃᓄᐃᓐᓂᕆᔭᖏᓐᓂᑦ ᑐᓵᔪᒧᑦ. ᐃᓄᐃᑦ ᐱᖅᑯᓯᕆᒻᒪᒍ, ᐊᔅᓱᕈᕈᓐᓇᕐᓗᓂ ᐃᓅᓇᓱᐊᑦᑎᐊᕐᓂᒃᑯᑦ ᐊᒻᒪ ᓴᙱᓂᖅᓴᐅᔾᔪᑎᒋᓗᒍ ᐊᔅᓱᕈᓐᓇᖅᑐᖅ ᑕᑯᔅᓴᐅᑎᑦᑎᓯᓐᓈᑦ ᐆᒪᓂᖓᓄᑦ ᐊᑐᓕᕈᓐᓇᓂᕐᒧᑦ ᐃᓚᒋᔭᐅᔪᖅ ᖃᐅᔨᒪᔭᐅᙱᑦᑐᖅ ᐊᓐᓇᐅᒪᓇᓱᐊᕐᓂᕐᒧᑦ.
ᓵᑦᑕᐅᖅᑲᒌᓚᐅᖅᑎᓪᓗᒋᑦ, ᐊᖑᑏᑦ ᕼᐃᐳᕌᓐᒥ ᐅᑎᓚᐅᖅᑐᑦ ᐃᓚᖏᓐᓄᑦ: ᐅᖃᐅᓯᖃᖏᑦᑐᑦ, ᐅᐱᒍᓱᓐᓂᖃᖏᑦᑐᑦ, ᐃᓅᑦᑎᐊᑐᐃᓐᓇᖅᑐᑦ ᐆᒪᔾᔪᑎᒋᓚᐅᖅᑕᖏᑦ ᓯᓇᑦᑐᑲᒻᒪᓂ -ᑐᐃᓐᓇᐅᒐᔭᖅᑐᖅ. ᐅᑭᐅᑕᖅᑐᒥ ᐊᖑᑏᑦ ᑕᕐᓂᖏᑎᒍᑦ ᐊᑦᑐᐊᓂᖃᖅᑐᑦ ᓄᓇᒧᑦ ᐊᒻᒪ ᐃᓗᓕᓕᒫᖏᓐᓂᑦ, ᑕᒪᒃᑭ ᑕᑯᔅᓴᐅᔪᑦ ᐊᒻᒪ ᑕᑯᔅᓴᐅᖏᑦᑐᑦ. ᐱᓯᒪᑦᑎᔫᔮᖅᑐᑦ ᐃᓗᒻᒥᒍᑦ ᓴᙱᓂᕐᒥᑦ ᐃᓚᒋᒍᓐᓃᖃᑦᑕᖅᑕᖏᑦ ᓴᓂᐊᓃᑦᑐᑦ ᐊᓯᖏᑦ. ᐃᓛᓐᓂᒃᑯᑦ ᓇᖏᖃᑦᑕᖅᓯᒪᔪᖓ ᐅᑭᐅᖅᑕᖅᑐᕐᒥᐅᑕᐅᑉ ᐊᖑᑎᐅᑉ ᓴᓂᐊᓂ ᐊᒻᒪ ᐃᑉᐱᓂᖅᓯᒪᓪᓗᒍ ᐃᓗᐊᒍᑦ ᓴᙱᓂᖓ, ᑕᑯᓐᓇᖅᓯᒪᔪᖓ ᐃᔅᓯᕚᖅᑐᓂ ᐃᓐᓈᕉᑉ ᓴᓂᕌᓂ ᐊᒻᒪ ᐃᓚᒋᔭᐅᓕᖅᑎᑦᑐᓂ ᐊᕙᑎᖓ – ᓃᑦᑐᓂᑦ. ᐅᕙᒍᑦ ᐃᓗᐊᓃᑦᑐᖃᖅᑐᖅ ᓇᓗᓇᐃᕋᔅᓴᐅᖏᑦᑐᒥᑦ ᐊᒻᒪ ᑐᑭᓯᓯᒪᔭᐅᑦᑎᐊᖏᑦᑐᑦ ᑭᓯᐊᓂ ᐃᑉᐱᓂᖅᑕᐅᑎᐊᖅᑐᖅ, ᐅᕙᑦᑎᓐᓂᑦ ᑲᑎᑦᑎᑦᑎᔪᑦ ᐅᕙᒍᑦ ᐅᐊᑦᑎᐊᕈᕐᓂᓴᖓᓄᑦ ᐊᒻᒪ ᑲᓱᖅᑎᑎᓪᓗᑎ ᐳᐃᒍᖅᑕᐅᓯᒪᔪᓂᑦ ᓇᑭᙶᖅᓯᒪᓂᑦᑎᓐᓂ. ᑕᕐᓂᕆᔭᖏᑦ ᑭᖑᕚᕗᑦ ᐅᕙᑦᑎᓐᓂ ᐃᓅᑎᑦᑏᓇᖅᑐᑦ ᐊᒻᒪ ᓴᖏᑎᑦᑎᓪᓗᑎ; ᑲᑎᙵᓂᕆᔭᕗᑦ ᓄᓇᒧᑦ ᐊᒻᒪ ᐆᒪᔪᓄᑦ ᓴᖏᔪᑦ ᑭᖑᕐᕕᖅᑕᐅᓚᐅᖅᓯᒪᔾᔮᖏᑦᑐᑦ ᐆᒻᒪᑎᑐᖃᑦᑎᓐᓂ ᐅᓪᓗᒥᒧᑦ ᐊᑲᕐᕆᔮᕈᑕᐅᔪᓄᑦ.
Illustrations by Alexander Angnaluak
Illustrations by Alexander Angnaluak
