Gregory Flowers sikumi iqalugasuaqtuq qanigijangani Oojittuq Bay, Nunatsiavut. © Inuit Nunangat Taimanngani
Aullarniq Taissumanituqaalungmut Utirluni: Arviqtuq
MARRUUK ARRAAGUULAUQTUUNNIK qangatasuukkuu qat ‐ tarnikuuliqpunga ungataaniittunik 50−nik qangatasuuk ‐ kuuqhlunga aullaqhlunga. Ukiuqtaqtumi aullarasuaqhluni atulauqsimanngittamnik aturnaqtuq — ammalu, taimainnaluaqtuq, akarrijaarnanngittukkut aturnarniqsaulisuungulluni. Arraaguu lauq tumi, uuttuutigillugu, aullalauqsimavunga qangatasuukkut Arviqtumut, Nunatsiavut, mauttialauqsimallunga aputimut tamainnilimaaq tarri k ‐ hlunga.
Kamajiullunga tarrijaaksaliurluni unikkaaqtuaq pilirianganut Inuit Nunangat Taimannganit (tukilik ‘Inuit Nunangat Taimannganit’), uvanga, ammaluttauq tarrijaaksaliuqti Jake Hanna nunalingnua qat ‐ taqsimaliqpuguk aullaqhlunuk nunattinni tarrijaaksaliuqhlunuk unikkaaqtuarnik tarrijaaksaliarijaullutit inuusivut ammalu atuqattarni ‐ kutuqangit Inuit.
Aullarnittamaat katiqatiqasuunguvuguk qaujimanilimmarialungnik inungnik unikkaaqtuangingnik inuusirminik unikkausiqatuinnaq pan ‐ ngittut katujjillutit tarrijaaksaliurutitigut, kisianili ulluq atausirmut ilataarijausuungullunuk.
Rascal, Flowers−kkut ilagiit qimmiqutinga. © Inuit Nunangat Taimanngani
Arviqturmuarnialiqhlunuk pigialauqpuq taimanna aullarniaqhluni atuqtausuut atuqhlutikkuk — mittarvingmi utaqqillunuk silattiavaru ‐ rasuarninganik, utaqqillunuk Happy‐Valley Goose Baymi. Kisianili inginnama iksivautamnut pautilip qangatasuunganik, isumaaluli lauq ‐ simavunga. Upirngaksaangugamik, ammalu qamutaujakkuurluni uqquunaqsivalliajukkut nunakkut sikukkullu ujjiqsuttiariaqar na niar mat.
Ilangat unikkaaqtuaqtiqutigilauqtavut tamaunga aullaqhlunuk Gregory Flowers, nuliangalu Ruth, qamutaujakkut aullaujjitillutik uvattinnik igluralaanganut qanigijangani Oojituk Baynut. Tautuhhlugik Gregory ‐ kkuk Ruthkkuk aullaqtuuk nunakkut naluqqutinngittiaqhlutik. Qaujimajuuk qanuiliuriaqarnirminik aqqusaaratta natsirmik uvvaluu ‐ nniit nanurmik, ammalu qaujimallutik naukkut sangugiaqarnirminik sanguutinganik qamutaujap. Taanna angirrarimmagu. Naukkuurningik qaujimattiaqhlutik qamutaujakkut aullaqhluta isumaalugunniiru tigi ‐ lauqpakka.
Qaujikautigililauqpunga summat Gregory ammalu ilangit sanan nir ‐ mangaata igluralaanganik Oojituk Bayngata qanigijangani, 40 miles ungasinnilik Arviqturmi. Ajjiunngittuq, ammalu kinnguumagija limaat ‐ tiangingnik kamajunnattiaqtuq nunanga. Napaaqtuvinirnik qijuqaq ‐ tittijuq, umiakkut qamutaujakkullu aullarviksaq, angunasugunnaqtut, iqalliarlutik, ammalu inuusiqattiarlutit katujjillutit nunami ilaminut. “Uvamnulli, inuqutilimaattiavut quviasugunnaquvavut namunngaru ‐ ma tuarutit nunattinni,” uqaqhluni Gregory.
Gregory Flowers sivuliuqtuq igluralaanganuuqpallialluni. © Inuit Nunangat Taimanngani
Igluralaarmi niuqqaqhluta kaapimik apiqsuriasilaunnginnittinnik. Jake ammalu Gregory igluralaarmik kaivallattutik tarrijaaksaliuqhlutit, qaujiliqpunga ajjinnguaqutigijaksattiavammaringmik umiarmik aputi ‐ miit tuq, tauvunngaqhlunga maujasiuqhlunga qaninniqsaulunga ajjiliuriniarama.
Taimali qaujilirivunga maujualuullunga. Aputip tauttunga nalulirnaqtualuungmat. Tisijuusugiqqaujara kuluapik, ajjiliurutiga niaqurma qulaanuaqtihhlugu, ammalu aputimik piirasualiqhlunga. Rascal, Gregoryup ilagiit qimmingat, qaujivuq aksuruarijamnik ammalu kiinarnuaqhluni “ikajuriaqtuqhluni.” Qauji ‐ ma vunga Jake tarrijaaksaliuqtuq qanittukulungmik, taimaimmat pavvisagumanngilanga apiqsuqtillugu nipiqquqtugumananga, kisianili uriaqattaqpunga aputimik ammalu iglaqtailimallunga ajjiliurutiga surattailitinnasuaqhlugulu qausiqtumik qimmirmik ammalu aputimik.
Qavvaqpalliallunga nunamut, qaujivunga pirruluaqikkatuun ngin ‐ nama. Nipiqaqtailigiaqalauqpunga, kisianilu iglagalaktualuullunga. Taimalu, uvangatuulaunngilaq. Jake aglurami sivumut apiqsuqhluni Gregorymik, ammalu aglutuarami, aputimut maujualuugilluni. Parnagunnaqpugut qanulimaattiaq, kisianili kisutuinnait atuqtailima ‐ gasualauqtavut atungaalisuuvut.
Gregory Flowers qamutaujakkuuqtuq qukiqsirataattialauqtillugu natsirmik Oojittuq Bay,Nunatsiavut qanigijangani. © Inuit Nunangat Taimanngani
Ittatiqtualuullunuk ammalu iglakataruluujaqhlunuk kannguna lir ninganik, apirillunga nami taima tarrijaaksaliurnialirmangaannuk. Gregory qamutaujakkuurutillutiguk qanigijanganut qurluqtumut —kajjaanaq ‐ tummarialuk. Napaaqturuluujait nipiqanngittut tusarasun nit tinnik kamanammarittut kuuttumik, mikijukuluujaliqhlunga. Uqaqhluni tamaaniguuq saililaanguqattarami. Qaujivunga summaum mangaaq.
Uattiaru, Ruth upattutigut, iqalugasuaqatilik piqatiminik. Uvagullu iqalugasualiqhlunuk, ammalu tarrijaaksaliugalaktunuk tamaani utilaun ‐ nginnittinnik igluralaarmut. Aullarumanngilanga, ammalu Arviqtup mittarvingani utaqqilirivunga asianut qangatasuuk kuur viginiaqtannut, isumajummariuliqpunga iqqaumanattiaqattar niaqta kulugiliqtannik atulauqtannik. Iqqaititauvunga qanuq qujalimma ngaarma tautugun ‐ narama, naalagunnarama, ammalu ippinnialugit kamanammarittut unikkaaqtuat − ammalu aturlugit uvanga namminiq.
