ᒍᕆᐊᒍᕆ ᕙᓚᐅᕗᔅ ᓯᑯᒥ ᐃᖃᓗᒐᓱᐊᖅᑐᖅ ᖃᓂᒋᔭᖓᓂ ᐆᔨᑦᑐᖅ ᑕᕆᐅᖓ, ᓄᓇᑦᓯᐊᕗᑦ. © Inuit Nunangat Taimanngani
ᐊᐅᓪᓚᕐᓂᖅ ᑕᐃᔅᓱᒪᓂᑐᖄᓗᖕᒧᑦ ᐅᑎᕐᓗᓂ: ᐊᕐᕕᖅᑐᖅ
L ᕐᕉᒃ ᐊᕐᕌᒎᓚᐅᖅᑑᓐᓂᒃ ᖃᖓᑕᓲᒃᑰᖃᑦᑕᕐᓂᑰᓕᖅᐳᖓ ᐅᖓᑖᓃᑦᑐᓂᒃ 50−ᓂᒃ ᖃᖓᑕᓲᒃᑰᖅᖢᖓ ᐊᐅᓪᓚᖅᖢᖓ. ᐅᑭᐅᖅᑕᖅᑐᒥ ᐊᐅᓪᓚᕋᓱᐊᖅᖢᓂ ᐊᑐᓚᐅᖅ – ᓯᒪᙱᑦᑕᒻᓂᒃ ᐊᑐᕐᓇᖅᑐᖅ − ᐊᒻᒪᓗ, ᑕᐃᒪᐃᓐᓇᓗᐊᖅᑐᖅ, ᐊᑲᕐᕆᔮᕐᓇᙱᑦᑐᒃᑯᑦ ᐊᑐᕐᓇᕐᓂᖅᓴᐅᓕᓲᖑᓪᓗᓂ. ᐊᕐᕌᒎᓚᐅᖅᑐᒥ, ᐆᑦᑑᑎᒋᓪᓗᒍ, ᐊᐅᓪᓚᓚᐅᖅᓯᒪᕗᖓ ᖃᖓᑕᓲᒃᑯᑦ ᐊᕐᕕᖅᑐᒧᑦ, ᓄᓇᑦᓯᐊᕗᑦ, ᒪᐅᑦᑎᐊᓚᐅᖅᓯᒪᓪᓗᖓ ᐊᐳᑎᒧᑦ ᑕᒪᐃᓐᓂᓕᒫᖅ ᑕᕐᕆᒃᖢᖓ.
ᑲᒪᔨᐅᓪᓗᖓ ᑕᕐᕆᔮᒃᓴᓕᐅᕐᓗᓂ ᐅᓂᒃᑳᖅᑐᐊᖅ ᐱᓕᕆᐊᖓᓄᑦ ᐃᓄᐃᑦ ᓄᓇᖓᑦ ᑕᐃᒪᙵᓂᑦ (ᑐᑭᓕᒃ ‘ᐃᓄᐃᑦ ᓄᓇᖓᓂᒃ ᑕᐃᒪᙵᑐᖄᓗᓂᑦ’), ᐅᕙᖓ, ᐊᒻᒪᓗᑦᑕᐅᖅ ᑕᕐᕆᔮᒃᓴᓕᐅᖅᑎ ᔭᐃᒃ ᕼᐋᓇ ᓄᓇᓕᖕᓄᐊᖃᑦᑕᖅᓯᒪᓕᖅᐳᒍᒃ ᐊᐅᓪᓚᖅᖢᓄᒃ ᓄᓇᑦᑎᓐᓂ ᑕᕐᕆᔮᒃᓴᓕᐅᖅᖢᓄᒃ ᐅᓂᒃᑳᖅᑐᐊᕐᓂᒃ ᑕᕐᕆᔮᒃᓴᓕᐊᕆᔭᐅᓪᓗᑎᑦ ᐃᓅᓯᕗᑦ ᐊᒻᒪᓗ ᐊᑐᖃᑦᑕᕐᓂᑯᑐᖃᖏᑦ ᐃᓄᐃᑦ.
ᐊᐅᓪᓚᕐᓂᑦᑕᒫᑦ ᑲᑎᖃᑎᖃᓲᖑᕗᒍᒃ ᖃᐅᔨᒪᓂᓕᒻᒪᕆᐊᓗᖕᓂᒃ ᐃᓄᖕᓂᒃ ᐅᓂᒃᑳᖅᑐ – ᐅᓂᒃᑳᖅᑐᐊᖏᖕᓂᒃ ᐅᓂᒃᑲᐅᓯᖃᑐᐃᓐᓇᖅᐸᙱᑦᑐᑦ ᑲᑐᔾᔨᓪᓗᑎᑦ ᑕᕐᕆᔮᒃᓴᓕᐅᕈᑎᑎᒍᑦ, ᑭᓯᐊᓂᓕ ᐅᓪᓗᖅ ᐊᑕᐅᓯᕐᒧᑦ ᐃᓚᑖᕆᔭᐅᓲᖑᓪᓗᓄᒃ.
ᕌᔅᑲᓪ, ᕙᓚᐅᕗᔅ−ᒃᑯᑦ ᐃᓚᒌᑦ ᕿᒻᒥᖁᑎᖓ. © Inuit Nunangat Taimanngani
ᐊᕐᕕᖅᑐᕐᒧᐊᕐᓂᐊᓕᖅᖢᓄᒃ ᐱᒋᐊᓚᐅᖅᐳᖅ ᑕᐃᒪᓐᓇ ᐊᐅᓪᓚᕐᓂᐊᖅᖢᓂ ᐊᑐᖅᑕᐅᓲᑦ ᐊᑐᖅᖢᑎᒃᑯᒃ − ᒥᑦᑕᕐᕕᖕᒥ ᐅᑕᖅᑭᓪᓗᓄᒃ ᓯᓚᑦᑎᐊᕙᕈᕋᓱᐊᕐᓂᖓᓂᒃ, ᐅᑕᖅᑭᓪᓗᓄᒃ ᕼᐋᐱ−ᕚᓕᒥᒃ. ᑭᓯᐊᓂᓕ ᐃᖏᓐᓇᒪ ᐃᒃᓯᕙᐅᑕᒻᓄᑦ ᐸᐅᑎᓕᑉ ᖃᖓᑕᓲᖓᓂᒃ, ᐃᓱᒫ – ᓗᓕᓚᐅᖅᓯᒪᕗᖓ. ᐅᐱᕐᖓᒃᓵᖑᒐᒥᒃ, ᐊᒻᒪᓗ ᖃᒧᑕᐅᔭᒃᑰᕐᓗᓂ ᐅᖅᑰᓇᖅᓯᕙᓪᓕᐊᔪᒃᑯᑦ ᓄᓇᒃᑯᑦ ᓯᑯᒃᑯᓪᓗ ᐅᔾᔨᖅᓱᑦᑎᐊᕆᐊᖃᕐᓇᓂᐊᕐᒪᑦ.
ᐃᓚᖓᑦ ᐅᓂᒃᑳᖅᑐᐊᖅᑎᖁᑎᒋᓚᐅᖅᑕᕗᑦ ᑕᒪᐅᙵ ᐊᐅᓪᓚᖅᖢᓄᒃ ᒍᕆᐊᒍᕆ ᕙᓚᐅᕗᔅ, ᓄᓕᐊᖓᓗ ᕉᑎ, ᖃᒧᑕᐅᔭᒃᑯᑦ ᐊᐅᓪᓚᐅᔾᔨᑎᓪᓗᒋᒃ ᐅᕙᑦᑎᓐᓂᒃ ᐃᒡᓗᕋᓛᖓᓄᑦ ᖃᓂᒋᔭᖓᓂ ᐆᔨᑦᑐᖅ ᑕᕆᐅᖓᓄᑦ. ᑕᐅᑐᖦᖢᒋᒃ ᒍᕆᐊᒍᕆᒃᑯᒃ ᕉᑎᒃᑯᒃ ᐊᐅᓪᓚᖅᑑᒃ ᓄᓇᒃᑯᑦ ᓇᓗᖅᑯᑎᙱᑦᑎᐊᖅᖢᑎᒃ. ᖃᐅᔨᒪᔫᒃ ᖃᓄᐃᓕᐅᕆᐊᖃᕐᓂᕐᒥᓂᒃ ᐊᖅᑯᓵᕋᑦᑕ ᓇᑦᓯᕐᒥᒃ ᐅᕝᕙᓘᓐᓃᑦ ᓇᓄᕐᒥᒃ, ᐊᒻᒪᓗ ᖃᐅᔨᒪᓪᓗᑎᒃ ᓇᐅᒃᑯᑦ ᓴᖑᒋᐊᖃᕐᓂᕐᒥᓂᒃ ᓴᖒᑎ – ᖓᓂᒃ ᖃᒧᑕᐅᔭᐅᑉ. ᑖᓐᓇ ᐊᖏᕐᕋᕆᒻᒪᒍ. ᓇᐅᒃᑰᕐᓂᖏᒃ ᖃᐅᔨᒪᑦᑎᐊᖅᖢᑎᒃ ᖃᒧᑕᐅᔭᒃᑯᑦ ᐊᐅᓪᓚᖅᖢᑕ ᐃᓱᒫᓗᒍᓐᓃᕈᑎᒋᓚᐅᖅᐸᒃᑲ.
ᖃᐅᔨᑲᐅᑎᒋᓕᓚᐅᖅᐳᖓ ᓱᒻᒪᑦ ᒍᕆᐊᒍᕆ ᐊᒻᒪᓗ ᐃᓚᖏᑦ ᓴᓇᓐᓂᕐᒪᖔᑕ ᐃᒡᓗᕋᓛᖓᓂᒃ ᐆᔨᑦᑐᖅ ᑕᕆᐅᖓᑕ ᖃᓂᒋᔭᖓᓂ, 40 ᒪᐃᔪᓪᔅ ᐅᖓᓯᓐᓂᓕᒃ ᐊᕐᕕᖅᑐᕐᒥ. ᐊᔾᔨᐅᙱᑦᑐᖅ, ᐊᒻᒪᓗ ᑭᙴᒪᒋᔭᓕᒫᑦᑎᐊᖏᖕᓂᒃ ᑲᒪᔪᓐᓇᑦᑎᐊᖅᑐᖅ ᓄᓇᖓ. ᓇᐹᖅᑐ – ᕕᓂᕐᓂᒃ ᕿᔪᖃᖅᑎᑦᑎᔪᖅ, ᐅᒥᐊᒃᑯᑦ ᖃᒧᑕᐅᔭᒃᑯᓪᓗ ᐊᐅᓪᓚᕐᕕᒃᓴᖅ, ᐊᖑᓇᓱᒍᓐᓇᖅᑐᑦ, ᐃᖃᓪᓕᐊᕐᓗᑎᒃ, ᐊᒻᒪᓗ ᐃᓅᓯᖃᑦᑎᐊᕐᓗᑎᑦ ᑲᑐᔾᔨᓪᓗᑎᑦ ᓄᓇᒥ ᐃᓚᒥᓄᑦ. “ᐅᕙᒻᓄᓪᓕ, ᐃᓄᖁᑎᓕᒫᑦᑎᐊᕗᑦ ᖁᕕᐊᓱᒍᓐᓇᖁᕙᕗᑦ ᓇᒧᙵᕈᒪᑐᐊᕈᑎᑦ ᓄᓇᑦᑎᓐᓂ,” ᐅᖃᖅᖢᓂ ᒍᕆᐊᒍᕆ.
ᒍᕆᐊᒍᕆ ᕙᓚᐅᕗᔅ ᓯᕗᓕᐅᖅᑐᖅ ᐃᒡᓗᕋᓛᖓᓅᖅᐸᓪᓕᐊᓪᓗᓂ. © Inuit Nunangat Taimanngani
ᐃᒡᓗᕋᓛᕐᒥ ᓂᐅᖅᑲᖅᖢᑕ ᑳᐱᒥᒃ ᐊᐱᖅᓱᕆᐊᓯᓚᐅᙱᓐᓂᑦᑎᓐᓂᒃ. ᔭᐃᒃ ᐊᒻᒪᓗ ᒍᕆᐊᒍᕆ ᐃᒡᓗᕋᓛᕐᒥᒃ ᑲᐃᕙᓪᓚᑦᑐᑎᒃ ᑕᕐᕆᔮᒃᓴᓕᐅᖅᖢᑎᑦ, ᖃᐅᔨᓕᖅᐳᖓ ᐊᔾᔨᙳᐊᖁ – ᑎᒋᔭᒃᓴᑦᑎᐊᕙᒻᒪᕆᖕᒥᒃ ᐅᒥᐊᕐᒥᒃ ᐊᐳᑎᒦᑦᑐᖅ, ᑕᐅᕗᙵᖅᖢᖓ ᒪᐅᔭᓯᐅᖅᖢᖓ ᖃᓂᓐᓂᖅᓴᐅᓗᖓ ᐊᔾᔨᓕᐅᕆᓂᐊᕋᒪ
ᑕᐃᒪᓕ ᖃᐅᔨᓕᕆᕗᖓ ᒪᐅᔪᐊᓘᓪᓗᖓ.
ᐊᐳᑎᐅᑉ ᑕᐅᑦᑐᖓ ᓇᓗᓕᕐᓇᖅᑐᐊᓘᖕᒪᑦ. ᑎᓯᔫᓱᒋᖅᑲᐅᔭᕋ ᓄᓇ, ᐊᕿᑦᑐᐊᓘᖔᓚ-ᐅᖅᐳᖅ. ᓴᕝᕕᓐᓄᑦ ᑎᑭᒻᒪᕆᑦᑐᖅ ᐊᐳᑎ ᒪᐅᔪᑯᓗᐊᐱᒃ, ᐊᔾᔨᓕᐅᕈᑎᒐ ᓂᐊᖁᕐᒪ ᖁᓛᓄ – ᐊᖅᑎᖦᖢᒍ, ᐊᒻᒪᓗ ᐊᐳᑎᒥᒃ ᐲᕋᓱᐊᓕᖅᖢᖓ. ᕌᔅᑲᓪ, ᒍᕆᐊᒍᕆᑉ ᐃᓚᒌᑦ ᕿᒻᒥᖓᑦ, ᖃᐅᔨᕗᖅ ᐊᒃᓱᕈᐊᕆᔭᒻᓂᒃ ᐊᒻᒪᓗ ᑮᓇᕐᓄᐊᖅᖢᓂ “ᐃᑲᔪᕆᐊᖅᑐᖅᖢᓂ.” ᖃᐅᔨᒪᕗᖓ ᔭᐃᒃ ᑕᕐᕆᔮᒃᓴᓕᐅᖅᑐᖅ ᖃᓂᑦᑐᑯᓗᖕᒥᒃ, ᑕᐃᒪᐃᒻᒪᑦ ᐸᕝᕕᓴᒍᒪᙱᓚᖓ ᐊᐱᖅᓱᖅᑎᓪᓗᒍ ᓂᐱᖅᑯᖅᑐᒍᒪᓇᖓ, ᑭᓯᐊᓂᓕ ᐅᕆᐊᖃᑦᑕᖅᐳᖓ ᐊᐳᑎᒥᒃ ᐊᒻᒪᓗ ᐃᒡᓚᖅᑕᐃᓕᒪᓪᓗᖓ ᐊᔾᔨᓕᐅᕈᑎᒐ ᓱᕋᑦᑕᐃᓕᑎᓐᓇᓱᐊᖅᖢᒍᓗ ᖃᐅᓯᖅᑐᒥᒃ ᕿᒻᒥᕐᒥᒃ ᐊᒻᒪᓗ ᐊᐳᑎᒥᒃ.
ᒍᕆᐊᒍᕆ ᕙᓚᐅᕗᔅᑦ ᖃᒧᑕᐅᔭᒃᑰᖅᑐᖅ ᖁᑭᖅᓯᕋᑖᑦᑎᐊᓚᐅᖅᑎᓪᓗᒍ ᓇᑦᓯᕐᒥᒃ ᐆᔨᑦᑐᖅ ᑕᕆᐅᖓᑕ, ᓄᓇᑦᓯᐊᕗᑦ ᖃᓂᒋᔭᖓᓂ. © Inuit Nunangat Taimanngani
ᖃᕝᕙᖅᐸᓪᓕᐊᓪᓗᖓ ᓄᓇᒧᑦ, ᖃᐅᔨᕗᖓ ᐱᕐᕈᓗᐊᕿᒃᑲᑑᙱᓐᓇᒪ. ᓂᐱᖃᖅᑕᐃᓕ-ᒋᐊᖃᓚᐅᖅᐳᖓ, ᑭᓯᐊᓂᓗ ᐃᒡᓚᒐᓚᒃᑐᐊᓘᓪᓗᖓ. ᑕᐃᒪᓗ, ᐅᕙᖓᑑᓚᐅᙱᓚᖅ. ᔭᐃᒃ ᐊᒡᓗᕋᒥ ᓯᕗᒧᑦ ᐊᐱᖅᓱᖅᖢᓂ ᒍᕆᐊᒍᕆᒥᒃ, ᐊᒻᒪᓗ ᐊᒡᓗᑐᐊᕋᒥ, ᐊᐳᑎᒧᑦ ᒪᐅᔪᐊᓘ – ᒋᓪᓗᓂ. ᐸᕐᓇᒍᓐᓇᖅᐳᒍᑦ ᖃᓄᓕᒫᑦᑎᐊᖅ, ᑭᓯᐊᓂᓕ ᑭᓱᑐᐃᓐᓇᐃᑦ ᐊᑐᖅᑕᐃᓕᒪᒐᓱ – ᐊᓚᐅᖅᑕᕗᑦ ᐊᑐᖔᓕᓲᕗᑦ.
ᐃᑦᑕᑎᖅᑐᐊᓘᓪᓗᓄᒃ ᐊᒻᒪᓗ ᐃᒡᓚᑲᑕᕈᓘᔭᖅᖢᓄᒃ ᑲᙳᓇᓕᕐᓂᖓᓂᒃ, ᐊᐱᕆᓪᓗᖓ ᓇᒥ ᑕᐃᒪ ᑕᕐᕆᔮᒃᓴᓕᐅᕐᓂᐊᓕᕐᒪᖔᓐᓄᒃ. ᒍᕆᐊᒍᕆ ᖃᒧᑕᐅᔭᒃᑰᕈᑎᓪᓗᑎᒍᒃ ᖃᓂᒋᔭᖓᓄᑦᖁᕐᓗᖅᑐᒧᑦ − ᑲᔾᔮᓇᖅᑐᒻᒪᕆᐊᓗᒃ. ᓇᐹᖅᑐᕈᓘᔭᐃᑦ ᓂᐱᖃᙱᑦᑐᑦ ᑐᓴᕋᓱᓐᓂᑦᑎᓐᓂᒃ ᑲᒪᓇᒻᒪᕆᑦᑐᑦ ᑰᑦᑐᒥᒃ, ᒥᑭᔪᑯᓘᔭᓕᖅᖢᖓ. ᐅᖃᖅᖢᓂ ᑕᒫᓂᒎᖅ ᓴᐃᓕᓛᖑᖃᑦᑕᕋᒥ. ᖃᐅᔨᕗᖓ ᓱᒻᒪᐅᒻᒪᖔᖅ.
ᐅᐊᑦᑎᐊᕈ, ᕉᑎ ᐅᐸᑦᑐᑎᒍᑦ, ᐃᖃᓗᒐᓱᐊᖃᑎᓕᒃ ᐱᖃᑎᒥᓂᒃ. ᐅᕙᒍᓪᓗ ᐃᖃᓗᒐᓱᐊᓕᖅᖢᓄᒃ, ᐊᒻᒪᓗ ᑕᕐᕆᔮᒃᓴᓕᐅᒐᓚᒃᑐᓄᒃ ᑕᒫᓂ ᐅᑎᓚᐅᙱᓐᓂᑦᑎᓐᓂᒃ ᐃᒡᓗᕋᓛᕐᒧᑦ. ᐊᐅᓪᓚᕈᒪᙱᓚᖓ, ᐊᒻᒪᓗ ᐊᕐᕕᖅᑐᑉ ᒥᑦᑕᕐᕕᖓᓂ ᐅᑕᖅᑭᓕᕆᕗᖓ ᐊᓯᐊᓄᑦ ᖃᖓᑕᓲᒃᑰᕐᕕᒋᓂᐊᖅᑕᓐᓄᑦ, ᐃᓱᒪᔪᒻᒪᕆᐅᓕᖅᐳᖓ ᐃᖅᑲᐅᒪᓇᑦᑎᐊᖃᑦ – ᑕᕐᓂᐊᖅᑕᑯᓗᒋᓕᖅᑕᓐᓂᒃ ᐊᑐᓚᐅᖅᑕᓐᓂᒃ. ᐃᖅᑲᐃᑎᑕᐅᕗᖓ ᖃᓄᖅ ᖁᔭᓕᒻᒪᖔᕐᒪ ᑕᐅᑐᒍᓐᓇᕋᒪ, ᓈᓚᒍᓐᓇᕋᒪ, ᐊᒻᒪᓗ ᐃᑉᐱᓐᓂᐊᓗᒋᑦ ᑲᒪᓇᒻᒪᕆᑦᑐᑦ ᐅᓂᒃᑳᖅᑐᐊᑦ − ᐊᒻᒪᓗ ᐊᑐᕐᓗᒋᑦ ᐅᕙᖓ ᓇᒻᒥᓂᖅ
