Pisimajuq Noel Cockney-mit
Ikuallaqtu
Inuvialuk ikuallaqtuluriji Nunattiami
NOEL COCKNEY tuharami nuna ikuallaqtumik hulli Inuit agjaqtaujunik Nunattiami aujaq, kirlamik upautijuq Inuvim Ikuallaqtulirijit Titiraavianun ikajurumavluni qaptirrinun. Taimaa amihunni ukiunni qaptirriurami Cockney ilihahimamarami qaptirrinun. Taima piffaamijuq malrungni havangnarnirni ilaulluni taimatun pijumavluni amiraittunik ikuallajunik ualingani Kanatam taimaa aujaanni 2023.
Noel Cockney:
“Tamna ikuallaq qaninganniittuq Jean Marie Kuuraatta, malrungni ikaaningni tikitnaqtuq Fort Simpson‐min. Qaptirijit upautivaktut ikuallajumun qaptirijaqtuhutik irninimun mikijumun Jean Marie‐ mun. Agjariiktillugit Inungnik ikajuqtiqarumavlutik. Ikuallaqtut taimatun ittuturnilaat qaninganni iqhinaqtut.
“Aqhalutit ilanganik aquttunga tangmaatarviptinin. Uvluummi hivulirmi agjaqtugut qalurautinik imaqmik, tuhuannik, pualritik, atuaqtautirnik, taimaitumik ingnik nutqangaptaqut. Taimatun havaqpaktugit, imaqarnirmun tikinnapta, tamaingnun hulli nunalu ikuallaqtuq ahiin qamitavut ikuallaqtut ungahiktilanga 15 feet, tahapkua aumaujaniit allamun pingittanganni ikuallattaqtumun. Talvanganin ihumaliuqpaturut qanuq ikaaniarutihaptingnik akianni ikuallajuqaman kuukam qaptirijutihanik ikuallangman ahalutit iqalimainmajung.
Qaptirinik ihumarivaqtara aqhuun havaqtumik pitquhiqatuq Inuniahunni nunami. Igluuptingni, Inuruqpalivlunga nunammi qijuqtahunni imiktahunni, taima havaarijaujut hulli anguniaqtunni angujaq havaarivluru hanalrutinik uhivlunni aimun.
“Qaffini uvluuni uunaqpiaqtuq anurilu. Takuannalikturut innirqujaqtaqtunik hanihuptingni ikuallanirmi. Tahamna atiqa ‐ t aqun kirnaringnik ikuallajuq, nuna hunna taman ikualijariktuq. Kihimi tahapkua umajutiniittut aumajihimajut naunirnin munari‐ jahaujut. Tamaita ikuallaqtaamata taimaitumik munarijavut ahuun hiangnirhangmata ikuallanik.
“Six, seven‐lunin uvagut, ikajutirit pingahut taimaa havaarijaqut ilanga ikuallajum. Munarivluru tahapkua napaaqtut ullurngitanginni Inungnu qaptirijunun. Imaqmun quvvirahugu hulli imaqmun qallutinun kuviraahugit qamiktugit, ahiinlutauq puaritinun nivahimmahugit atuaqtautirnunlu nirvahimaahugit nunamun nuna nuitikhimaahugu aumaurijut. Taima atiqatavut aumaujirut uunaqtut talinganimiittut.
Noel Cockney qaptirijiitlu Inuvik Qaptirivingani. Pisimajuq Noel Cockney-mit
15 feet‐mik nauniknin ungahiktilangit tamanu qamituru, niglaqtikhugu qaptikhugu kuuk qaminirmaq ‐ tikhugu imiktaviptingnin malrungni kilometer ungahiktilanga. Iglumik nalvaarapta, ikittailijutihamik havaqpaqturut.
“Angijumik pivaqtuq uunaqqammi uunaqpiaqtuq, anuri uvlunni. Havaqturut ikuallanirmi ahiin kuuramin imiktahutta apqunmun kirlamiuhuta igluukpait ikuallaqtailijavut uunaqnirni. Tamaitta kuvirautinik kuviraqpatavut ikuallaqtaivlurit qanigaatlu najuqtat. Kihimi ilanga nunam uunaqtuq taitut kirlamik uunaqpaqtut. Kirlamik hiahutik uqhajungnun taima aulainahutik ahiin tuglianni napaaqtut. Kihimi qujallijugut, qamit paqaptiriu irngnik igluut hanianni napaaqtum illua ikuallaqtuluaq. Ahuun uunaqtuq irngnik kingumun kingiarama uunaqpiaqtuq talvanni ikuallaqtuq ahiin hiannuni. Taimaitumik pimmarihatuhaujugut tajjainaq hiaqpatuq. Unnuqman ahiin ilanga tuquuhugu nautiuhugu havangnaqtuq illanga uunatuqajungman havaguijaliraangamik unnuqagan ahiin allamun nutpaqturut ingnik qamitjutihaa pivluru ahiin tangmaaq ‐ tavikput upaqpataqun ahiin unaruahihuta. Ikuallajuq mihirangan ahiin ikaningni malrungni irnikpaqtavut.
“Nuuttuta alamun pilikpaturut tuguatlu hannaijaqhugit hulli ikuajuattumun qaptirilikpaturut iqhinaqtuq illihimavlurit Inungnun ahuun pivirivagait igluutik. Taimaa ihumavaqtunga, ikiffaaqunarlugu uunuami.
Ikuallaqtu Jean Marie Kuuk qanigijangani, Nunattiami, August 25, 2023. Pisimajuq Nunatsiaq Gavamanginnit
“Ahuraaluq hapinaqtuq havaaq, kihimi quviarijaga taimaa havaaq. Aullaanginnahunga nunami timira taimaa hungiumajuq. Taimaa havaqangan uunarunnaqtuq timitinnun ahinni ikuallajumi inginapta 8‐min 12‐hour‐mun havaqpaqturut ahiin aulaffaaqhuta Fort Simpson‐mun, niriqaaqhuta hinihinnaqpaktugut.
“Qaptirinik ihumarivaqtara aqhuun havaqtumik pitquhiqatuq Inuniahunni nunami. Igluuptingni, Inuruqpalivlunga nunammi qijuqtahunni, imiktahunni, taima havaarijaujut hulli anguniaqtunni angujaq havaarivluru hanalrutinik uhivlunni aimun. Ikajuqtunni qaptirijinun, hivulivut Inuniaqtut nunami, iqalukhiuqhutik, tuktu, tuktuvaitlu.”
“Quviahuqpaqtungalu ikajugaangama allanik Inungnik, Inuniaguhiktik, Inuniahutik havaqtunun wildland ikuallaq, ilaa qaqu‐ tirun havaqpangmata. Ikhirnaman pijaqqutaamata, kapianarami innilaanunlu Inuuqativut.”
Nunatsiaq qaptiriji. Pisimajuq Nunatsiaq Gavamanginnit
