ᖃᕙᕙᐅ ᒪᓄᒥ, ᐊᖑᔮᓕᒃ ᑑᓪᓕᒥᒃ, 2015, ᑎᑎᖅᑐᒐᖅ, ᐊᒥᐊᒐᖅ © Courtesy Dorset Fine Arts
ᑮᓇᐅᔭᒻᒪᕆᒃ
ᐱᔪᓐᓇᐅᑎᖃᕆᐊᖃᕐᓂᖅ ᓂᖏᖅᑕᕈᓐᓇᕐᓗᓂ ᓴᓇᐅᒐᖏᑦ ᓂᐅᕕᐊᖑᒃᑲᓐᓂᖃᑦᑕᕈᑎᑦ
ᓄᓄ ᕕᐱᕆ 20, 2018ᖑᑎᓪᓗᒍ, ᐊᑐᖅᑕᐅᒋᐅᖅᑐᖃᓚᐅᖅᑐᖅ Waddington’s Auction House ᐊᑭᑦᑐᕋᐅᑎᕕᖓᓐᓂ ᑐᕌᓐᑐ, ᐋᓐᑎᐅᕆᔫᒥ. ᐊᒥᓱᓕᐅᖅᑕᐅᓯ-ᒪᓗᐊᙱᑦᑐᒥ ᑎᑎᖅᑐᒐᖓᓂᒃ ᕿᓐᓄᐊᔪᐊᖅ ᐋᓯᕙᐅᑉ ᑎᑎᖅᑐᒐᖓ “ᐅᑉᐱᔾᔪᐊᖅ”ᐊᑭᑦᑐᕋᐅᑎᔪᓂ ᓂᐅᕕᐊᖑᓚᐅᖅᓯᒪᔪᖅ $216,000ᓄᑦ.
ᑕᒪᓐᓇ ᖄᖏᐅᑎᓚᐅᖅᑐᖅ ᓯᕗᓂᐊᒍᑦ ᐊᑭᑐᓂᕆᓯᒪᔭᖓᓂᒃ ᑕᒪᑐᒪ ᖃᐅᔨᒪᔭᐅᒻᒪᕆᑦᑑᑉ ᐅᑉᐱᔪᐊᖓᑕ. ᐋᔩᖃᑎᒌᒍ-ᑕᐅᒃᑲᓐᓂᓕᖅᑐᓂᓪᓗ ᑲᓇᑕᒥ ᓴᓇᙳᐊᖅᑎᓄᑦ ᐱᐅᓯᐅᕙᑦᑐᒥ — ᓂᐅᕕᖅᑕᐅᒃᑲᓐᓂᕐᓂᖓᓄᑦᐱᔪᓐᓇᐅᑎᖃᕐᓂᖅ.
ᐃᓱᒪᒋᔭᐅᒋᐊᙵᖅᓯᒪᔪᖅ ᐅᐃᕖᕐᔪᐊᑦ ᓄᓇᖓᓐᓂ ᐊᕐᕌᒍᐃᑦ ᕿᐱᑕᑦ ᐅᖓᑖᓃᑦᑐᓂ ᐊᑐᓕᖅᑎᑕᐅᓯᒪᓪᓗᓂᓪᓗ 93ᓂᑦ ᓄᓇᓕᕐᔪᐊᓂᑦ ᓄᓇᕐᔪᐊᒥ, ᓂᐅᕕᖅᑕᐅᒃᑲᓐᓂᕐᓂᖓᓄᑦ ᐱᔪᓐᓇᐅᑏᑦ ᐱᔪᓐᓇᖅᑎᑦᓯᕙᑦᑐᑦ 5%ᒋᔭᖓᓂᒃ ᑮᓇᐅᔭᓕᐅᕈᑕᐅᔪᓂ ᓂᐅᕕᖅᑕᐅᒃᑲᓐ-ᓂᖅᑐᓄᑦ ᓴᓇᙳᐊᒐᓂ, ᓲᕐᓗ ᐊᑭᑦᑐᕋᐅᑎᕕᓐᓂ. ᓴᓇᙳᐊᖅᑕᐅᓯᒪᔪᑦ ᐊᑭᑦᑐᕆᐊᖅᐸᒻᒪᑕ ᖃᐅᔨᒪᔭᐅᒻᒪᕆᓕᕋᒥᒃ, ᑐᖁᓚᐅᖅᑎᓪᓗᒍᓘᓐᓃᑦ ᓴᓇᙳᐊᖅᑎ, ᑕᐃᒪᐃᒻᒪᑦ ᓂᐅᕕᐊᖑᒐᔪᑦᑐᑦ ᓴᓇᙳᐊᖅᑕᐅᓯᒪᔪᑦ ᐊᑭᑭᓐᓂᖅᓴᒻᒪᕆᐅᓪᓗᑎᑦ ᓴᓇᔭᐅᒋᐊᙵᕋᒥᒃ: “ᐅᑉᐱᕐᔪᐊᖅ” ᓂᐅᕕᐊᖑᒋᐊᙵᓚᐅᖅᓯᒪᔪᖅ $24ᓄᑦ 1960ᒥ. ᓴᓇᙳᐊᖅᑕᐅᓯᒪᔪᑦ ᐊᑭᑦᑐᐸᓪᓕ-ᐊᒍᓐᓇᖅᑐᑦ ᓂᐅᕕᖅᑕᐅᒃᑲᓐᓂᖃᑦᑕᓕᕋᒥᑦ ᓴᓇᙳᐊᖅᑎᐅᔪᕐᓗ ᖃᐅᔨᒪᔭᐅᕙᓪᓕᐊᓕᕋᒥ. ᐋᓯᕙᐅᑉ ᓴᓇᙳᐊᖅᓯᒪᔭᖓ ᓂᐅᕕᐊᖑᓚᐅᖅᑎᓪᓗᒍ ᐊᑭᑐᔪᒻᒪᕆᒻᒥ 2018ᖑᑎᓪᓗᒍ, ᑮᓇᐅᔭᓕᐊᖑᔪᑦ ᑐᓂᐅᔭᓚᐅᙱᑦᑐᑦ ᑭᖑᕚᖏᓐᓄᑦ, ᐅᑭᐅᖅᑕᖅᑐᒥ ᓴᓇᙳᐊᖅᑏᑦ ᐅᔾᔨᕈᓱᓕᓚᐅᖅᑐᑦ, ᐃᓱᒪᒋᔭᖃᓕᖅᑐᑎᑦ ᓱᒻᒪᑦ ᓴᓇᙳᐊᖅᑏᑦ, ᑭᖑᕚᖏᓪᓗ. ᓄᓇᓕᖏᓪᓗ, ᕿᐱᓗᒡᕕᐅᖏᓐᓇᖃᑦᑕᓚᐅᖅᑐᑦ ᑮᓇᐅᔭᓕᐊᖑᔪᓂᒃ ᐱᑎᑕᐅᒍᓐᓇᕋᑎᑦ ᓴᓇᙳᐊᖅᓯᒪᔭᖏᑦ ᓂᐅᕕᐊᖑᒃᑲᓐᓂᖃᑦᑕᑎᓪᓗᒋᑦ.
2015ᒥ, ᐃᓄᓕᕆᔨᑐᖃᒃᑯᑦ ᑲᓇᑕᒥ ᑐᑭᑖᓚᐅᖅᓯᒪᔪᑦ, ᐊᑦᑐᐃᓂᖃᕐᓂᖓ ᐃᓄᐃᑦ ᓴᓇᙳᐊᖅᓯᒪᔭᖏᑦ ᑮᓇᐅᔭᓕᐊᖑᕙᑦᑐᓂ ᐃᑲᔪᕐᓂᖃᖅᓯᒪᒋᐊᖓ ᐊᖏᔪᒻᒪᕆᒻᒥᒃ $87.2 ᒥᓕᔭᓐᓂᒃ ᑲᓇᑕᒥ ᑮᓇᐅᔭᓕᐊᖑᕙᑦᑐᓂ ᐊᕐᕌᒎᑉ ᐃᓗᐊᓂ, ᓴᓇᙳᐊᖅᑕᐅᓯᒪᔪᑦ ᒥᑦᓵᓃᑦᑐᑎᑦ $64 ᒥᓕᔭᓐ, ᐅᒡᕙᓘᓐᓃᑦ ᐱᖓᓱᓄᑦ ᐊᕕᓪᓗᐊᕐᓗᒍ, ᐊᑭᒋᕙᑦᑕᖏᓐᓂ. ᑕᒡᕘᓇᑦᓴᐃᓐᓇᖅ ᑐᑭᓯᓴᕐᓂᐅᔪᒥ ᒥᑦᓴᐅᓴᖅᑕᐅᓚᐅᖅᑐᑦ ᐃᓄᐃᑦ ᓴᓇᙳᐊᖅᑏᑦ ᑮᓇᐅᓕᐅᖅᐸᒋᐊᖏᑦ $12.17ᓂᒃ ᐃᑲᕐᕋᑕᒫᖅᓯᐅᑎᒋᓪᓗᒋᑦ ᐱᓕᕆᓂᕐᒥᓂ. ᐊᒥᓱᐃᓪᓗ ᐃᓄᐃᑦ ᓴᓇᙳᐊᖅᑏᑦ ᑮᓇᐅᔭᓕᐅᒃᑲᓐᓂᕈᑎᖃᖅᐸᒃᑲᓗᐊᖅᑎᓪᓗᒋᑦ ᖄᒃᑲᓐᓂᐊᒍᑦ ᑮᓇᐅᔭᓕᐊᕆᕙᑦᑕᖏᑦᑕ, ᐃᓚᖏᑦᑕᐅᖅ ᓴᓇᙳᐊᒐᒥᓄᑦ ᐊᓐᓇᐅᒪᔾᔪᑎᖃᖅᐸᒻᒥᔪᑦ ᓂᕆᒃᑲᐃᒍᑎᒋᓪᓗᓂᔾᔪᒃ ᓴᓇᙳ-ᐊᖅᐸᓐᓂᕐᒥᒍᑦ ᐱᔪᓐᓇᕈᑎᒋᕙᑦᑐᒋᓪᓗ ᐱᒋᐊᖃᓪᓚᕆᑦᑕᒥᓐᓂ ᐃᓅᔾᔪᑎᑦᓴᓂ.
ᖃᐅᔨᒪᔭᒻᒪᕆᑦᑐᑦ ᓴᓇᙳᐊᖅᑏᑦ ᓲᕐᓗ ᖃᑉᓗᑦᓯᐊᖅ ᓂᓪᓕᐊᔾᔪᑎᖃᒻᒪᕆᑦᓯᒪᔪᖅ ᐊᑐᓕᖅᑎᑕᐅᖁᓪᓗᒋᑦ ᓂᐅᕕᖅᑕᐅᒃᑲᓐᓂᕐᓂᖓᓄᑦ ᐱᔪᓐᓇᐅᑏᑦ, ᑭᓯᐊᓂᑦᑕᐅᖅ ᐃᓄᑑ-ᙱᑦᑐᑦ. ᑲᓇᑕᒥ ᓴᓇᙳᐊᖅᑎᓂᒃ ᑭᒡᒐᖅᑐᐃᔩᑦ CARFACᑯᑦ ᐱᓕᕆᐊᖃᖅᓯᒪᔪᑦ, ᐊᕐᕌᒍᕋᔭᒻᒪᕆᓐᓂᒃ, ᓯᕗᓕᖃᑦᑕᖅᓯᒪᔪᑦ ᐊᑐᓕᖅᑎᑕᐅᖁᔨᓪᓗᑎᑦ 5%ᓂᒃ ᓂᖏᖅᑕᕈᓐ-ᓇᕐᓗᑎᑦ ᑲᓇᑕᓕᒫᕐᒥ ᓴᖅᑭᑎᑦᓯᒪᓪᓗᑎᓪᓗ ᐱᖁᔨᕗᖔᕈᑎᑦᓴᓕᐊᕆᓯᒪᔭᒥᓂ ᐊᑐᓕᖅᑎᑕᐅᖁᔭᒥᓂ 2015ᒥ. ᐊᕐᕌᒍᕐᓂ ᐊᓂᒍᕋᑖᖅᓯᒪᓕᖅᑐᓂ, ᑕᒪᓐᓇ ᐊᑦᓱᕈᐊᕆᓗ-ᐊᖅᓯᒪᔭᖓ CARFACᑯᑦ ᐊᖏᔪᖅᑳᖓᑦᑕ ᑐᖏᓕᐊᑕ ᑎᕇᓯ ᑐᖏᓕᐅᑉ, ᓴᓇᙳᐊᖅᑎᐅᔪᖅ ᒐᕙᒪᒃᑯᖏᑕ ᓄᓇᕗᑦ ᐅᖃᐅᔾᔨᒋᐊᖅᑎᒋᓪᓗᓂᐅᓪᓗ ᐊᔪᐃᓐᓈᖃᐃᓐᓇᖅᓯᒪᔪᖅ ᐱᔪᓐᓇᐅ-ᑎᖃᖁᔨᓪᓗᓂ ᐃᓄᓐᓂᒃ ᓴᓇᙳᐊᖅᑎᓂᒃ ᐃᖅᑲᓇᐃᔮᕐᒥᒍᑦ ᖃᐅᔨᒪᔭᐅᒻᒪᕆᑦᑐᓂ. ᐊᑭᕋᖅᑐᖅᑕᐅᖏᓐᓇᖃᑦᑕᓚᐅᖅᑐᑦ ᓴᓇᙳᐊᒐᕐᓂᒃ ᓂᐅᕕᐊᑦᓴᖃᖅᑎᓄᑦ ᑲᑐᔾᔨᖃᑎᒌᓄᑦ ᑲᓇᑕᒥ ᓈᒻᒪᒍᓱᙱᓐᓇᒥᒃ ᓂᐅᕕᖑᒃᑲᓐᓂᖅᑐᓂᒃ ᐱᔪᓐᓇᐅᑎᖃᖁᔨᓇᑎᑦ, ᐅᖃᐅᓯᖃᖅ-ᓯᒪᓪᓗᑎᑦ ᐱᔭᕆᐊᑐᒐᔭᕐᓂᖓᓂᒃ ᐊᑭᑦᑐᕆᐊᕋᔭᕐᓂᖓᓂᓪᓗ ᓴᓇᒃᑯᑖᖏᓐᓄᑦ ᓴᓇᙳᐊᖅᑏᑦ ᐊᑭᑦᑐᕆᐊᕈᑕᐅᓚᕿᒍᓐᓇᖅᑐᑎᓪᓗ ᓂᐅᕕᙱᓂᖅᓴᐅᖃᑦᑕᔾᔭᙴᖅᓯᓪᓗᑎᑦ.
ᐲᑕᓘᓯ ᓴᐃᓚ, ᐃᓄᒃ ᓯᕗᓕᖅᑎ; ᑎᑎᖅᑐᒐᓕᐅᖅᑎ ᓘᑦᑖᖅ ᕿᐊᑦᓱᒃ, 1972, ᑎᑎᖅᑐᒐᖅ © Courtesy Dorset Fine Arts
ᐋᔩᖃᑎᒌᒍᑕᐅᑲᐃᓐᓇᐸᑦᑐᖅ ᒐᕙᒪᑐᖃᒃᑯᓐᓂ, ᐱᓗᐊᖅᑐᒥ ᑲᑎᒪᔨᕋᓛᓄᑦ ᒪᓕᒐᓕᐅᕐ-ᕕᕐᔪᐊᕐᒥ ᐊᕐᕌᒍᖏᓐᓂ 2013ᒥ 2019ᒥᓪᓗ. ᒪᓕᒐᑦᓴᖅ C-516 ᓯᕗᓪᓕᕐᒥ ᐊᑐᓕᖁᔭᐅᓯᒪᔪᖅ 2013ᖑᑎᓪᓗᒍ ᐋᖅᑭᒋᐊᕈᑕᐅᓗᓂ ᑲᓇᑕᒥ ᐊᒥᓱᓕᐅᖅᑕᐅᒋᐊᖃᙱᓐᓂᖏᓐᓄᑦ ᒪᓕᒐᕐᔪᐊᖅ ᓂᖏᖅᑕᕈᓐᓇᖁᓪᓗᒋᑦ ᐱᔪᓐᓇᐅᑎᑎᒍᑦ ᐊᑐᓕᖅᑎᑕᐅᖁᔨᓪᓗᑎᑦ ᑲᓇᑕᒥ. ᑲᔪᓯᑎᑕᐅ-ᓚᐅᙱᑦᑐᖅ. ᐊᐅᔭᖓᓂ 2019, ᑭᓯᐊᓂᑦᑕᐅᖅ, ᒪᓕᒐᓕᐅᕐᕕᕐᔪᐊᖅ ᐃᑦᑑᑎᒃᑯᕕᒻᒥᓗ ᐅᓂᒃᑳᓕᐊᖑᓯᒪᔪᑦ ᑐᑭᑖᕈᑎᖃᖅᓯᒪᒋᐊᖏᑦ ᓂᐅᕕᐊᖑᒃᑲᓐᓂᖅᑐᓄᑦ ᐱᔪᓐᓇᐅᑏᑦ “ᑐᑭᓯᓴᖅᑕᐅᒃᑲᓐᓂᕆᐊᖃᕆᐊᖓ ᐃᓱᒪᖅᓴᖅᓯᐅᕈᑕᐅᒃᑲᓐᓂᕐᓗᓂ”, ᐊᑐᓕᖅᑎᑕᐅᓂᑦᓴᖓ ᓯᕗᒧᐊᒋᐊᖅᑑᔮᓕᖅᑐᓂ. ᑲᑎᒪᔨᕋᓛᖏᑦ ᓴᓇᔪᓕᕆᓂᕐᒥ ᐱᓕᕆᔾᔪᑎᓕᕆᓂᕐᒥᓪᓗ (INDU) ᐱᖁᔨᕗᖔᓚᐅᖅᑐᑦ ᐃᒪᐃᖁᔨᓪᓗᑎᑦ: “ᒐᕙᒪᒃᑯᖏᑦ ᑲᓇᑕᐅᑉ ᐅᖃᖃᑎᖃᕆᐊᖃᕆᐊᖏᑦ ᐊᕕᑦᑐᖅᓯᒪᔪᓂ ᒐᕙᒪᐅᔪᓂ, ᓄᓇᖃᖅᑳᖅᓯᒪᔪᓂᒃ ᑎᒥᐅᔪᓂᒃ, ᐊᓯᖏᓐᓂᓪᓗ ᑎᒍᒥᐊᖅ-ᑎᐅᖃᑕᐅᔪᓂᒃ ᕿᒥᕐᕈᒋᐊᖁᔨᓪᓗᑎᑦ ᐊᑭᒋᒐᔭᖅᑕᖏᓐᓂᒃ ᐃᑲᔫᑎᒋᒐᔭᖅᑕᖏᓐᓂᓪᓗ ᐊᑐᓕᖅᑎᑕᐅᒍᑎᑦ ᓴᓇᙳᐊᖅᑏᑦ ᐱᔪᓐᓇᐅᑎᖃᕐᓗᑎᑦ ᓂᖏᖅᑕᕈᓐᓇᐅᑎᑎᒍᑦ, ᐅᓂᒃᑳᓕ-ᐅᕈᑎᒋᓗᒍᓗ ᒪᓕᒐᓕᐅᕐᕕᕐᔪᐊᕐᒥ ᑲᑎᒪᔨᕋᓛᖏᓐᓄᑦ ᓴᓇᔪᓕᕆᓂᕐᒥ ᐱᓕᕆᔾᔪᑎᓕᕆ-ᓂᕐᒥᓪᓗ ᐊᕐᕌᒍᖏᑦ ᐱᖓᓱᑦ ᐃᓗᐊᓂ.”
ᑲᑎᒪᔨᕋᓛᑦ ᑲᓇᑕᒥ ᐱᖅᑯᓯᑐᖃᓕᕆᔨᒃᑯᓐᓂ ᐱᖁᔨᕗᖔᕆᐊᓪᓚᓚᐅᕐᒥᔪᑦ ᑕᒪᑐᒥᖓ ᐱᓇᐃᓗᑕᐅᔪᒥᒃ, ᐱᖁᔨᕗᒑᖅᑐᑎᑦ ᐃᒪᐃᖁᔨᓪᓗᑎᑦ “ᒐᕙᒪᒃᑯᖏᑦ ᑲᓇᑕᐅᑉ ᐋᖅᑭᑦᓯᒋ-ᐊᖃᕆᖓᖏᑦ ᓴᓇᙳᐊᖅᑎᓄᑦ ᓂᖏᖅᑕᕈᑎᓂᒃ ᐱᔪᓐᓇᐅᑎᓂ.” ᒫᓐᓇᓕ ᐊᕐᕌᒍᐃᑦ ᐱᖓᓱᑦ ᐊᒡᕙᖓᓗ ᐊᓂᒍᖅᓯᒪᓕᖅᑎᓪᓗᒋᑦ, ᕿᒥᕐᕈᒋᐊᖅᑕᐅᓗᐊᖅᓯᒪᙱᑦᑐᖅ. ᐊᑦᑐᖅᑕᐅᓪᓚᕆᑉ-ᐸᑦᑎᓪᓗᒋᑦ ᓴᓇᙳᐊᖅᑏᑦ ᓇᐅᒃᑯᓕᒫᑦᓯᐊᖅ ᐃᓄᐃᑦ ᓴᓇᙳᐊᖅᓯᒪᔭᖏᑦ , ᐱᔾᔪᑕᐅᓪᓗᓂ ᓄᕙᒡᔪᐊᕐᓇᖅ-19 ᖃᓂᒻᒪᓯᖅ, ᓇᓕᒧᒌᙱᓐᓂᖏᑦ ᓇᓗᓇᐃᖅᑕᐅᓯᒪᔪᑦ ᓴᓇᙳᐊᖅᑏᑦ ᑮᓇᐅᔭᓕᐊᕆᕙᑦᑕᖏᑦ — ᑕᑯᓪᓗᒍ ᓂᐅᕕᐊᖑᒃᑲᓐᓂᖃᑦᑕᕐᓂᖏᓐᓂ — ᓴᖅᑭᑎᑦᓯᒋᐊᓪ-ᓚᑦᓯᒪᔪᖅ ᑕᒪᑐᒥᖓ.
ᑎᑎᕋᐅᑎᐅᑎᓪᓗᒍ 2021ᓯ, CARFACᑯᑦ ᕿᒥᕐᕈᒋᐊᖅᓯᒪᓕᖅᑐᑦ ᐊᓯᐊᒍᑦ ᐊᑐᖅᑕᐅ-ᒍᓐᓇᖁᓪᓗᒍ ᓂᐅᕕᐊᖑᒃᑲᓐᓂᖃᑦᑕᖅᑐᓂ ᐱᔪᓐᓇᐅᑎᖃᕐᓂᖅ ᐋᖅᑭᑦᑕᐅᖁᓪᓗ ᐊᒥᓱᓕᐅᖅ-ᑕᐅᒋᐊᖃᙱᓐᓂᖏᓐᓄᑦ ᒪᓕᒐᕐᔪᐊᒧᑦ, ᐃᒻᒥᒃᑰᙱᖔᕐᓗᓂ ᒪᓕᒐᐅᓗᓂ. ᑕᒪᓐᓇ ᓯᕗᒧᐊᒍᑎᐅᒍᓐᓇᑐᐃᓐᓇᕆᐊᓕᒃ ᐊᑐᓕᖅᑎᑕᐅᓗᓂ ᐋᖅᑭᑦᓯᒪᑦᓯᐊᖅᑐᒥᒃ ᓴᓇᙳᐊᖅᑏᑦ ᐱᔪᓐᓇᐅᑎᖃᕐᓗᑎᑦ ᓂᖏᖅᑕᕈᓐᓇᐅᑎᓂᒃ ᑲᓇᑕᒥ. ᐋᖅᑭᒋᐊᖅᑕᐅᓂᖓᒍᑦ ᓴᓇᙳᐊᖅᑏᑦ ᓇᐅᑐᐃᓐᓇᐅᒐᓗᐊᕈᑎᑦ ᐱᔪᓐᓇᐅᑎᖃᕐᓗᑎᑦ ᑲᓇᑕᒥ, ᐊᑦᑐᐃᓂᖃᕈᓐᓇᕐᓂᖓ ᓄᓇᖃᖅ-ᑳᖅᓯᒪᔪᓂᒃ ᐱᓗᐊᖅᑐᒥᓪᓗ ᐃᓄᓐᓂᒃ ᑭᖑᕚᖏᓐᓂᓪᓗ ᐊᑦᑐᐃᓂᖃᓪᓚᕆᒍᓐᓇᖅᑐᖅ ᐊᖏᔪᒻᒪᕆᒻᒥᒃ, ᓴᓇᙳᐊᖅᑕᐅᓯᒪᔪᑦ ᓂᐅᕕᐊᖑᓐᓂᑐᐊᕈᑎᑦ $35ᓄᑦ ᐊᑖᓂᓪᓗᓐᓃᑦ 1960ᖏᓐᓂ ᓴᓇᙳᐊᖅᑕᐅᓯᒪᔪᑦ ᓂᐅᕕᐊᖑᒃᑲᓐᓂᖃᖅᑕᖅᓯᒪᓕᖅᑐᑦ ᐊᑭᑐᓂᖅᓴᒻᒪᕆᐅ-ᓕᖅᑎᓪᓗᒋᑦ. ᐃᓱᒪᒋᓗᒍ ᖃᓄᑎᒋ ᐃᓄᐃᑦ ᓴᓇᙳᐊᖅᑏᑦ ᐃᑲᔪᕐᓂᕆᕙᑦᑕᖓ ᑲᓇᑕᐅᑉ ᑮᓇᐅᔭᓕᐅᕐᓂᕆᕙᑦᑕᖓᓄᑦ ᐊᕐᕌᒍᑕᒫᑦ ᓴᖅᑭᔮᖅᑎᑦᓯᖃᑦᑕᖅᓯᒪᓪᓗᓂᓪᓗ ᑲᓇᑕᒥ ᓴᓇᙳ-ᐊᖅᑎᓂᒃ ᐊᕐᕌᒍᕋᓴᕐᓂᒃ, ᒫᓐᓇᓕ ᓈᒻᒪᓕᖅᑯᖅ ᓴᓇᙳᐊᖅᑏᑦ ᓈᒻᒪᑦᓯᐊᖅᑐᒥᒃ ᐊᑭᓕᖅᑕᐅᖃᑦᑕᕐᓗᑎᑦ ᐊᖏᓪᓕᕙᓪᓕᐊᔪᓪᓚᐅᑎᓪᓗᒍ, ᑮᓇᐅᔭᕋᓴᒻᒪᕆᓐᓂᒃ ᓂᐅᕐᕈᑎᐅ-ᖃᑦᑕᑎᓪᓗᒋᑦ ᓈᒻᒪᑦᓯᐊᖁᓪᓗᒍ ᐃᒻᒥᒃᑰᖓᓕᕐᓗᓂᓪᓗ ᐃᓄᐃᑦ ᓴᓇᙳᐊᖅᑏᑦ ᐱᐅᓯᕆᕙᑦᑕᖓ.
