ᐸᕗᕐᓕ ᓕᐊᓂ, ᓇᓂᓚᕗᑦ ᐱᓕᕆᐊᖅ ᐊᐅᓚᑦᑎᔨᖓ ᐃᓄᕕᐊᓗᐃᑦ ᐊᕕᑦᑐᖅᓯᒪᔪᓂ ᑯᐊᐳᕇᓴᙵ, ᐅᖃᓪᓚᑦᑎᓪᓗᒍ ᓇᓂᓚᕗᑦ ᐱᓪᓗᒍ ᐃᓄᓕᒫᖅᑎᑎᓪᓗᑎᑦ ᒫᑦᓯ 9−ᖑᑎᓪᓗᒍ ᐊᒃᖤᕕᒻᒥ. © Elizabeth Kolb
ᐊᕐᕌᒍᓕᒫᖅ ᕿᓂᖅᑐᖅ
ᓇᓂᓚᕗᑦ ᐱᓕᕆᐊᖓ ᐊᑐᖅᑕᐅᓂᖅᓴᐅᑐᐃᓐᓇᖅᐳᖅ ᓱᓕ... ᐊᒻᒪᓗ ᓇᓂᓯᔪᖃᐃᓐᓇᓂᖅᓴᐅᓕᖅᖢᓂ
ᔩ ᓂ ᐋᕆᐊᖅ – ᖁᓪᓗᐊᓕᒃ ᖃᐅᔨᒪᕗᖅ ᐋᓐᓂᕐᓇᕐᓂᖓᓂᒃ ᖃᐅᔨᒪᙱᓪᓗᓂ. ᐊᓈᓇᑦᓯᐊᖓ ᐊᒻᒪᓗ ᐊᑖᑕᑦᓯᐊᖓ ᓰ .ᑎ. ᕼᐊᐅ ᒪᑦᑖᕕᒻᒧᑦ ᐅᒥᐊᕐᔪᐊᕐᒨᓚᐅᖅᓯᒪᔫᒃ ᐋᓐᓂᐊᕕ ᓕᐊᕆᐊᖅᑐᖅᖢᑎᒃ 1950 −ᐅᑎᓪᓗᒍ ᒥᑦᑎᑕᒪᓕᖕᒥ, ᐊᒻᒪᓗ ᑲᓇᑕᐅᑉ ᓂᒋᐊᓅᖅᖢᑎᒃ ᐳᕙᓪᓗᒋᐊᖅᑐᖅᖢᑎᒃ. ᐅᑎᓚᐅᖅᓯᒪᙱᑦᑑᒃ “ᐱᕈᓚᐅᖅᓯᒪᒐᒪ ᐊᓈᓇᒐ ᕿᓃᓐᓇᐸᓗᑦᑎᐊᖅᑎᓪᓗᒍ ᐊᓈᓇᒥᓂᒃ.” ᐅᖃᖅᖢᓂ ᐋᕆᐊᖅ−ᖁᓪᓗᐊᓕᒃ.
ᐋᕆᐊᖅ−ᖁᓪᓗᐊᓕᒃ ᐊᓈᓇᖓ ᑯᓄ ᔫᓇᐃᓯ ᐋᕆᐊᖅ 1980-ᐅᑎᓪᓗᒍ ᐃᓚᐅᖃ – ᑕᐅᓕᓚᐅᖅᓯᒪᕗᖅ ᐃᓄᐃᑦ ᓂᕈᐊᖅᑕᐅᓯᒪᔪᓂᒃ ᓄᓇᑦᓯᐊᕐᒥ ᐊᔭᐅᕆᔭᐅᓕᖅᑐᑎᑦ ᑐᑭᓯᒋᐊᖅᑎᑕᐅᓂᐊᕋᒥᒃ ᓇᒡᓕᒋᔭᐅᔪᑦ ᐊᓯᐅᔪᕕᓃᑦ ᒥᒃᓵᓄᑦ ᐳᕙᓪᓗᖕᓈᓘᑎᓪᓗᒍ 1940-ᖏᖕᓂ ᐊᒻᒪᓗ 1960−ᖏᖕᓂ.
ᑕᐃᒃᑯᑎᒎᓇ, ᐋᕆᐊᖅ ᓇᓂᑦᑕᓯᓐᓇᓕᓚᐅᖅᓯᒪᔭᖓ ᐊᓈᓇᖓᑕ ᐃᓗᕕᖓ ᓯᓚᑖᓂ ᕕᓂᐱᒡ, ᒫᓂᑑᕙ ᐃᓗᓕᕕᖓᓂ.
ᐋᕆᐊᒃ−ᖁᓪᓗᐊᓕᒃ, ᐅᓪᓗᒥᐅᔪᖅ ᓄᓇᕗᑦ ᑐᙵᕕᒃ ᑎᒥᖓᓄᑦ ᐃᖅᑲᓇᐃᔭᖅᑎᓕᖅᑐᖅ, ᐊᓈᓇᖓᑕ ᐱᓕᕆᐊᕆᓚᐅᖅᓯᒪᔭᖓᓂᒃ ᓱᓕ ᑲᒪᕗᖅ. ᓇᓂᓚᕗᑦ ᐱᓇᓱᐊᒐᖓᓂᒃ ᐱᒋᐊᖅᑎᑦᑎᖃᑕᐅᓚᐅᖅᓯᒪᔪᖅ — ᐱᓕᕆᐊᖅ ᐃᑲᔪᓲᖅ ᓇᓂᓯᓪᓗᑎᑦ ᑐᑭᓯᒋᐊᕈᑎᓂᑦ, ᐃᓚᒌᑦ ᖃᐅᔨᑎᑕᐅᓪᓗᑎᑦ ᖃᓄᐃᑦᑐᕕᓂᐅᓂᖏᖕᓂᒃ ᓇᒡᓕᒋᔭᓂ ᓇᓃᒻᒪᖔᕐᒥᒃ, ᐊᒻᒪᓗ ᓇᓂᔭᐅᓗᑎᑦ ᐃᓗᕕᖏᑦ ᐃᓄᐃᑦ ᑲᓇᑕᑉ ᓂᒋᐊᓄᑦ ᐊᐅᓪᓚᖅᑎᑕᐅᓚᐅᖅᓯᒪᔪᕕᓃᑦ ᐳᕙᓪᓗᒋᐊᖅᑐᖅᖢᑎᑦ ᐳᕙᓪᓗᖕᓈᓘᑎᓪᓗᒍ. ᓇᓂᓚᕗᑦ ᑐᑭᖃᕐᒪᑦ “ᓇᓂᓚᕗᑦ” ᐃᓄᒃᑎᑐᑦ. ᐊᒥᓱᑦ ᐃᓄᐃᑦ ᐊᐅᓪᓚᓚᐅᖅᓯᒪᔪᕕᓃᑦ ᐃᓅᓕᓴᖅᑕᐅᒋᐊᖅᑐᖅᖢᑎᑦ ᐅᑎᓚᐅᖅᓯᒪᙱᒻᒪᑕ ᐊᖏᕐᕋᒥᓄᑦ, ᐊᒻᒪᓗ ᐊᒥᓱᑦ ᐃᓚᖏᑦ, ᐅᓪᓗᒥᐅᔪᖅ ᓱᓕ, ᕿᓂᖅᑐᑦ ᖃᓄᐃᑦᑐᕕᓂᐅ – ᓂᖏᖕᓂᒃ ᐃᓚᖏᑦᑕ.
“ᐱᓕᕆᐊᕆᔪᒪᒻᒪᕆᓚᐅᖅᑕᕋ ᓇᓂᓚᕗᑦ ᐱᓕᕆᐊᖅ ᐊᑐᖅᓯᒪᓪᓗᒍ ᐃᓅᓯᓐᓂ,” ᐅᖃᖅᖢᓂ ᐋᕆᐊᖅ−ᖁᓪᓗᐊᓕᒃ. ᓇᓂᓚᕗᑦ ᐱᒋᐊᖅᑎᑕᐅᓚᐅᖅᓯᒪᕗᖅ ᒫᑦᓯ 2019-ᖑᑎᓪᓗᒍ ᑭᖑᓂᐊᒍᑦ ᑲᓇᑕᐅᑉ ᓯᕗᓕᖅᑎᕐᔪᐊᖓ ᔭᔅᑎᓐ ᑐᕉᑐ ᒪᒥᐊᓚᐅᖅᑎᓪᓗᒍ ᑲᒪᒋᔭᐅᑲᒻᒪᑦᑐᕕᓂᐅᓂᖏᖕᓂᒃ ᐃᓄᐃᑦ ᐳᕙᓪᓗᖕᓈᓘᑎᓪᓗᒍ.
ᐃᒃᓯᕙᓚᐅᖅᓯᒪᕗᖓ ᑕᐃᑲᓂ, ᕿᐊᓪᓗᖓ,” ᐅᖃᖅᖢᓂ ᕗᐊᑦ. “ᑖᒃᑯᐊ ᐃᓄᐃᑦ ᖃᐅᔨᒪᓚᐅᙱᑦᑕᕋᓗᐊᒃᑲ, ᑭᓯᐊᓂᓕ ᐃᓄᖁᑎᒋᓚᐅᕋᒃᑭᑦ.”
ᓴᖅᑭᖅᑎᑕᐅᓚᐅᖅᓯᒪᖕᒪᓂᑦ, ᐊᒃᓱᕈᕐᓇᖃᑦᑕᖅᓯᒪᕗᖅ ᕿᓂᖅᖢᓂ ᐊᓯᐅᓯᒪᔪᓂᒃ. ᐃᓛᓐᓂᑯᓪᓗ, ᐋᕆᐊᖅ−ᖁᓪᓗᐊᓕᒃ ᐅᖃᖅᑐᖅ ᐃᓚᒌᑦ ᑐᑭᓯᒋᐊᖅᑎᑎᒃᑲᓐᓂᕈᓐᓇᖅᐸ – ᙱᑦᑐᑦ ᑭᓯᐊᓂ ᓇᒡᓕᒋᔭᖏᑕ ᐊᑎᖓᑐᐊᖅ, ᐅᕝᕙᓘᓐᓃᑦ ᐅᒥᐊᕐᔪᐊᒃᑯᑦ ᐊᐅᓪᓚᖅ – ᑎᑕᐅᓚᐅᖅᓯᒪᒻᒪᖔᕐᒥᒃ ᖃᖓᑕᓲᒃᑯᓘᓐᓃᑦ. ᐃᓚᒌᓪᓗ ᖃᐅᔨᒪᔪᑦ ᓇᑭᑦ ᓇᒡᓕᒋᔭᖏᑦ ᐱᔭᐅᓐᓂᕐᒪᖔᕐᒥᒃ, ᕿᓂᕋᓱᐊᖅᖢᓂ ᐱᔭᕆᐊᑭᙱᑦᑐᐊᓘᕙᑦᑐᖅ. ᐊᑎᖏᑦ ᑎᑎᕋᖅᑕᐅᑲᒻ – ᒪᖃᑦᑕᕐᓂᑰᕗᑦ, ᐊᒻᒪᓗ ᐱᒡᒐᓇᖅᑐᐊᓘᕗᖅ ᑎᑎᖅᑲᑦ ᓇᓂᓇᓱᐊᕐᓗᒋᑦ ᐅᖃᖅᖢᓂ ᐸᕗᓕᕐ ᓕᐊᓂ, ᓇᓂᓚᕗᑦ ᐱᓕᕆᐊᕐᒥᒃ ᐊᐅᓚᑦᑎᔨ ᐃᓄᕕᐊᓗᐃᑦ ᐊᕕᑦᑐᖅᓯᒪᔪᑦ ᑯᐊᐳᕇᓴᙵᓂᒃ. ᑕᖅᑭᒐᓵᓗᖕᓂᒃ ᐅᑕᖅᑭᒋᐊᖃᕐᓇᖅᑐᖅ ᓇᓗᓇᐃᖅᑕᐅᓇᓱᐊᕐᓗᑎᑦ ᑐᑭᓯᒋᐊᕈᑎᕈᓘᔭᑯ – ᓗᖏᑦ ᐃᓄᒃ ᓱᑯᑦᑎᐊᓂ ᐃᓗᕕᖅᑕᐅᓂᕐᒪᖔᕐᒥᒃ ᖃᐅᔨᓇᓱᐊᕐᓗᒋᑦ.
© Melo Sammurtok-Lavallee
“ᕿᓂᕆᐊᖃᓲᖑᔪᒍᑦ ᐊᑐᓂ ᐃᓄᐃᑦ ᐸᐃᑉᐹᒃᑯᕕᖓᓂᒃ ᕿᒥᕐᕈᓗᒋᑦ ᐊᒻᒪᓗ ᐊᕐᕌᒍᖓ ᖃᖓ ᐃᓅᒍᓐᓃᕐᓂᕐᒪᖔᖅ,” ᓕᐊᓂ ᐅᖃᖅᖢᓂ. “ᐱᔭᕆᐊᑐᔪᒻᒪᕆᐅᕗᖅ, ᑭᓯᐊᓂᓕ ᑲᒪᒋᑦᑎᐊᖁᓪᓗᒍ, ᐃᓛᒃᑰᖓᔪᑦ ᐸᐃᑉᐹᑦ ᐅᖃᓕᒫᕆᐊᖃᓲᕆᔭᕗᑦ.”
ᕿᓂᖅᖢᓂ ᐊᒃᓱᕈᕐᓇᕋᓗᐊᖅᑎᓪᓗᒍ, ᓂᕆᐅᒋᔭᕗᖅ ᕿᓂᒃᑲᓐᓂᖅᑎᓪᓗᒋᑦ ᐊᓯᖏᖕᓂᒃ ᑐᑭᓯᒋᐊᖅᑎᑦᑎᖁᒥᓇᖅᐳᖅ ᐊᓯᖏᖕᓄᑦ ᐃᓚᒌᓄᓪᓗ. ᓇᓂᓚᕗᑦ ᐱᓕᕆᐊᖓ ᐱᖃᓯᐅᔾ – ᔨᓯᒪᕗᖅ ᓯᕗᕚᕆᔭᐅᔪᑦ ᑭᖑᕚᕆᔭᐅᔪᓪᓗ ᑐᖅᑯᐃᕕᖓ ᓄᑖᕈᕆᐊᖅᑕᐅᖏᓐᓇᐅᔭᖅᖢᓂ ᖃᐅᔨᓴᖅᑏᑦ ᓇᓂᓯᓂᖅᑕᒫᑦ ᑎᑎᖅᑲᓂᒃ. ᓇᓂᓚᕗᑦ 30,000−ᓂᒃ ᑭᒡᓕᓯᓂᐊᖅᓯᒪ – ᔪᖁᑎᖃᐅᓕᖅᑐᖅ ᑐᖅᑯᐃᕕᒻᒥ, ᐅᖓᑖᓃᑦᑐᑎᑦ 4,500 ᐊᑏᑦ ᐊᒻᒪᓗ ᑐᑭᓯᒋᐊᕈᑏᑦ ᑎᑎᖅᑕᐅᓯᒪᓕᖅᖢᑎᑦ.
ᐃᓄᒃ ᐃᓚᒌᓪᓘᓐᓃᑦ ᑐᓂᓯᔪᒪᓐᓂᕈᓂ ᖃᐅᔨᓴᖅᑕᐅᖁᔨᔾᔪᑎᒥᒃ ᓇᓂᓚᕗᒃᑯᓐᓄᑦ, ᓯᕗᓪᓕᖅᐹᒥᒃ ᖃᐅᔨᒃᑲᐃᔭᕆᐊᓖᑦ ᐊᕕᑦᑐᖅᓯᒪᔪᓂᒃ ᐃᓄᐃᑦ ᑲᑐᔾᔨᖃᑎᒌᖏᑕ ᓇᓂᓚᕗᑦ ᐱᓕᕆᐊᕐᒥᒃ ᐊᐅᓚᑦᑎᔨᒥᒃ. ᐱᓕᕆᐊᕐᒥᒃ ᐊᐅᓚᑦᑎᔨᐅᔪᖅ ᕿᓂᓲᖅ ᐊᓯᐅᓯᒪᔪᑉ ᐃᓚᖓᑕ ᐊᑎᖓᓂᒃ ᑐᖅᑯᐃᕕᒻᒥ. ᓴᖅᑭᖅᑐᖃᙱᒃᑯᓂ ᑐᑭᓯᒋᐊᕈᑎᓂᑦ, ᐱᓕᕆᐊᕐᒥᒃ ᐊᐅᓚᑦᑎᔨᐅᔪᖅ ᕿᓂᕋᔭᖅᑐᖅ ᐊᓯᖏᖕᓂᒃ ᑐᖅᑯᖅᑕᐅᓯᒪᔪᓂᒃ, ᓲᕐᓗᒃ ᑲᓇᑕᑉ ᐅᑭᐅᖅᑕᖅᑐᖓᓂ ᐊᕕᑦᑐᖅᓯᒪᔪᓂ ᐊᒻᒪᓗ ᑲᓇᑕᒥ ᐊᕕᑦᑐᖅᓯᒪᔪᓂ ᐅᕝᕙᓘᓐᓂᑦ ᑐᒃᓯᐊᕐᕕᑉ ᐊᒻᒪᓗ ᐃᓗᕕᖅ – ᑕᐅᕝᕕᑉ ᑎᑎᖅᑲᖁᑎᖏᖕᓂ. ᓇᓂᓯᑲᓪᓚᓐᓂᕈᑎᑦ, ᓇᓂᓯᒐᔭᖅᑐᑦ ᐸᐃᑉᐹᒥᒃ ᑐᑭᓯᒋᐊᕈᑎᓖᑦ ᐊᓯᐊᓄᑦ ᕿᓂᕆᐊᖃᓕᖅᑎᑦᑎᔪᒥᒃ, ᐊᒻᒪᓗ ᑭᖑᓪᓕᖅᐹᒥ, ᓱᑯᑦᑎᐊᓃᒻᒪᖔᕐᒥᒃ ᐃᓗᕕᖏᑦ ᖃᐅᔨᔭᐅᓕᕐᒥᓗᑎᑦ.
ᐱᓕᕆᐊᕐᒥᒃ ᐊᐅᓚᑦᑎᔨᐅᔪᖅ ᓇᓂᓯᒍᓂ ᓱᑯᑦᑎᐊᓃᒻᒪᖔᖅ ᐃᓅᑉ ᐃᓗᕕᖅᑕᐅᕝᕕᒋ – ᓯᒪᔭᖓ, ᐊᒻᒪᓗ ᓈᒻᒪᒃᓴᕈᑎᑦ ᑕᐃᔅᓱᒥᖓᓪᓚᑦᑖᖅ ᓇᓂᓯᒐᒥᒃ, ᐋᖅᑮᓲᑦ ᑲᑎᒪᖃᑎᖃᕐ – ᓂᐊᕐᓗᑎᑦ ᐃᓚᒌᑦᑐᓂᑦ. ᔪᐊᓇᓯ ᐊᑯᒪᓕᒃ, ᐱᓕᕆᐊᕐᒥᒃ ᐊᐅᓚᑦᑎᔨᐅᕗᖅ ᓄᓇᕗᑦ ᑐᙵᕕᒃ ᑎᒥᖓᓂᒃ, ᐊᒻᒪᓗ ᐅᖃᖅᖢᓂ ᐳᐃᒍᓚᐅᖅᓯᒪᔾᔮᙱᒻᒪᒍᒎᖅ ᐅᖃᐅᔾᔨᒐᒥ ᐃᓚᒌᑦᑐᓂᒃ ᓇᒡᓕᒋᔭᓂ ᓇᓂᔭᐅᓐᓂᕐᒪᑦ ᐃᓗᕕᖓ.
“ᓴᔪᒻᒪᕆᔪᕗᖓ ᑐᑭᓯᒋᐊᖅᑎᑦᑎᔪᒪᔪᒐᒪ ᐊᒻᒪᓗ ᑖᒃᑯᐊ ᐃᓄᐃᑦ ᖃᐅᔨᓗᑎᑦ ᐊᓂᒎᑎᖃᑦᑎᐊᓂᖅᓴᐅᓕᕈᓐᓇᕋᔭᕐᒪᑕ,” ᐅᖃᖅᖢᓂ ᐊᑯᒪᓕᒃ.
“ᐊᑦᑐᖅᑕᐅᓇᕐᔪᐊᖅᑐᖅ. ᐅᖄᓚᕕᒋᓲᕗᑦ ᐃᓚᒌᑦᑐᑦ ᐊᓪᓚᕕᑦᑎᓐᓅᖁᓪᓗᒋᑦ ᑲᑎᒪᖃ – ᑎᒋᓪᓗᒋᓪᓗ ᐊᓯᑦᑎᓐᓄᑦ ᑐᓵᔭᐅᙱᓪᓗᑕ. ᑎᑎᖅᑲᓕᐅᖅᓯᒪᓲᖑᕗᒍᑦ ᖃᓪᓗᓇᐅᔭᖅ – ᓯᒪᓪᓗᑎᑦ ᐃᓄᒃᑎᑐᓪᓗ ᐊᒻᒪᓗ ᑐᑭᓯᒋᐊᕈᑎᓂᑦ ᑎᑎᖅᑲᓂᒃ ᑐᐃᓐᓇᐅᒪᑎᑦᑎᓲᖑᕗᒍᑦ ᓇᓗᓇᐃᖅᑕᐅᓂᐊᕐᒪᑦ ᖃᐅᔨᒪᑦᑎᐊᕐᓗᑕ ᑕᐃᓐᓇᑦᑎᐊᖅ ᐃᓄᒃ ᓇᓂᓯᒪᒐᑦᑎᒍᑦ.”
ᓴᙱᔪᒻᒪᕆᐅᕗᖅ ᐊᑐᖅᖢᒍ ᐃᓚᒌᑦᑐᑦ ᓇᓂᓯᔭᕌᖓᒥᒃ ᓇᒡᓕᒋᔭᒥᓂᒃ. ᑭᓯᐊᓂᓕ ᐃᑉᐱᓐᓂᐊᓇᖅᑐᒃᑯᑦ ᖃᓄᐃᓕᐅᓲᑦ ᐱᓕᕆᐊᕐᒥᒃ ᐊᐅᓚᑦᑎᔩᑦ ᓇᓂᓯᓚᐅᖅᑳᖅᑎᓐᓇᒋᑦ. ᓈᓚᖦᖢᓂ ᐅᓂᒃᑳᖏᖕᓂᒃ ᐃᓚᒌᑦᑐᑦ, ᐋᓐᓂᓇᖅᑐᒻᒪᕆᐅᓪᓗᓂᓗ, ᐊᒻᒪᓗ ᑲᑎᑦᑐᒋᑦ ᐃᓅᒍᓐᓃᖅᑐᕕᓃᑦ ᑎᑎᖅᑲᖏᑦ ᓴᙱᔪᒃᑯᑦ ᐃᑉᐱᓐᓂᐊᓇᖅᑐᒃᑯᑦ ᐱᓕᕆᐊᖃᐃᓐᓇᕐᓗᓂ ᑭᓯᐊᓂᐅᖕᒪᑦ.
ᑳᑎ ᕗᐊᑦ, ᓇᓂᓚᕗᑦ ᐱᓕᕆᐊᕐᒥᒃ ᐊᐅᓚᑦᑎᔨᐅᔪᖅ ᓄᓇᑦᓯᐊᕗᑦ ᒐᕙᒪᖓᓐᓄᑦ, ᐃᖅᑲᐅᒪᕗᖅ ᓯᕗᓪᓕᖅᐹᕐᒥᒃ ᕿᓂᕋᒥ ᑐᖅᑯᖅᑕᐅᓯᒪᔪᕕᓂᕐᓂᒃ ᑎᑎᖅᑲᓂᒃ ᒥᒧᐊᕆᔪᓪ ᓯᓚᑦᑐᓴᕐᕕᕐᔪᐊᖓᓂ ᓴᐃᓐᑦ ᔮᓐᔅ, ᓂᐅᕙᐅᓐᓛᓐᒥ. ᐅᐃᔾᔭᓪᓚᑦᑎᖃᑦᑕᓕᕋᒥᒋᑦ ᑐᖅᑯᖅᑕᐅᓯᒪᔪᑦᐊᔾᔨᙳᐊᕐᒦᑦᑐᑦ ᑎᑎᖅᑲᖁᑎᖏᑦ ᒧᕋᐃᕕᐊᓐ ᑐᒃᓯᐊᕐᕕᖕᒥ ᑎᑎᖅᑲᖏᑦ ᑖᒃᑯᐊ ᐊᔾᔨᓕᐅᖅᑕᕕᓃᑦ ᑎᑎᖅᑲᑦ ᐊᔾᔨᙳᐊᓪᓗ ᑐᖅᑯᖅᑕᐅᓯᒪᔪᑦ, ᖁᕝᕕᐅᓕᓚᐅᖅᓯᒪᕗᖅ ᐃᖅᓴᖏᖕᓄᑦ.
ᐃᒃᓯᕙᓚᐅᖅᓯᒪᕗᖓ ᑕᐃᑲᓂ, ᕿᐊᓪᓗᖓ,” ᐅᖃᖅᖢᓂ ᕗᐊᑦ. “ᑖᒃᑯᐊ ᐃᓄᐃᑦ ᖃᐅᔨᒪᓚᐅᙱᑦᑕᕋᓗᐊᒃᑲ, ᑭᓯᐊᓂᓕ ᐃᓄᖁᑎᒋᓚᐅᕋᒃᑭᑦ.”
ᑕᐅᑐᖦᖢᓂ ᐃᓗᕕᖏᖕᓂᒃ ᐃᓄᐃᑦ ᐃᓗᕕᖅᑕᕕᓂᐅᔪᑦ, ᑭᓯᐊᓂᓕ ᓇᓗᓇᐃᒃᑯᑕᖃᙱᑦ – ᑎᐊᖅᖢᑎᑦ ᐃᓗᕕᖏᖕᓂᒃ ᑭᒃᑰᒻᒪᖔᕐᒥᒃ, ᐊᒃᓱᕈᕐᓇᓛᖑᕗᖅ ᐃᖅᑲᓇᐃᔮᖓᓂᒃ ᐸᕗᓕ ᓕᐊᓂᑉ.
ᐃᓗᕕᒨᕋᐃᒐᕕᑦ, ᓂᕆᐅᓲᖑᒐᓗᐊᖅᐳᑎᑦ ᑕᑯᓪᓗᑎᑦ ᓇᓂ ᐃᓄᒃ ᐃᓗᕕᖅᑕᕕ – ᓂᐅᒻᒪᖔᖅ ᓇᓗᓇᐃᒃᑯᑕᖃᕐᓗᓂ,” ᐅᖃᖅᖢᓂ. “ᐊᒻᒪᓗ ᐃᓗᕕᕐᓄᐊᖅᖢᓂ ᓇᓗᓇᐃᒃ – ᑯᑕᖃᐅᙱᑦᑐᒡᒍᑕᐅᑦᑎᐊᖅᑎᓪᓗᒋᑦ, ᐃᑉᐱᓐᓂᐊᓂᒃᑯᑦ ᐊᑦᑐᖅᑕᐅᑲᒻᒪᑦᑐᖅ ᐃᓄᖕᒧᑦ.”
ᐃᖅᑲᓇᐃᔮᕆᓪᓗᒍ ᑕᖃᓇᖅᑐᐊᓘᒐᓗᐊᖅᖢᓂ, ᔪᐊᓇᓯ ᐊᑯᒪᓕᒃ ᐅᖃᖅᑐᖅ ᓄᓕᐊᖓᒎᖅ ᓴᙱᓂᖃᖅᑎᓲᕆᖕᒪᒍ ᑲᔪᓯᓗᓂ ᐱᓕᕆᐊᕐᒥᓂᒃ.
“ᐃᓱᒪᖁᔨᓯᒪᖕᒪᖓ ᓇᓂᓯᒍᒪᒎᖅ ᐃᓗᕕᕐᒥᒃ ᐃᓅᑉ ᑕᕐᓂᖓ ᓴᒃᑯᑕᐅᓂᐊᖅᑐᖅ ᓄᓇᒥ,” ᔪᐊᓇᓯ ᐅᖃᖅᖢᓂ. “ᑕᐃᒪᐃᒻᒪᑦ ᐅᓪᓗᒥᒧᑦ ᐱᓕᕇᓐᓇᕈᑎᒋᓯᒪᕙᕋ ᐅᖃᐅᓯᖓ. ᑲᔪᓯᓯᒪᔾᔪᑎᒋᓯᒪᕙᕋ.”
ᑐᑭᓯᒋᐊᒃᑲᓐᓂᖁᓪᓗᑎᑦ ᓇᓂᓚᕗᑦ ᒥᒃᓵᓄᑦ, ᖃᐅᔨᒃᑲᕐᓗᒍ ᐊᕕᑦᑐᖅᓯᒪᔪᓂ ᐃᓄᐃᑦ ᑲᑐᔾᔨᖃᑎᒌᒋᔭᐃᑦ.
