ᓴᐅᒥᐊᓂᒃ ᑕᓕᖅᐱᐊᓄᑦ: ᑐᐊᕇᓐ ᐃᕝᔭᕈᑕᐃᓚᖅ, ᑯᐃᓐᑎᓐ ᓄᐊᕘᒡ (ᑐᓄᐊᓃᑦᑐᖅ), ᒥᓕ ᖁᓕᒃᑖᓇ, ᒫᒡᒍᕋᑦ ᑐᕕᐅᓪ, ᐊᒻᒪᓗ ᔫᐋᓐ ᑕᑉᑑᓇ.
ᖁᕐᓗᖅᑑᕐᒥ ᑐᒃᑐᕙᑦ ᐱᓐᓇᕆᔭᐅᓕᕐᓂᖏᑦ
ᐱᕈᐊᕕᓃᑦ, ᐃᑦᑕᕐᓂᓴᑦ ᐊᒻᒪᓗ ᕿᒪᒃᑲᑯᕕᓃᑦ ᐅᖅᓱᐊᓗᖃᐅᑎᑐᖃᑦ ᒪᕐᖏᑐᕐᓂᐅᓪᓗᑎᑦ ᑕᑯᔭᐅᔪᓐᓇᖅᑐᑦ ᕿᑭᖅᑕᓅᖅᑎᓪᓗᑎᑦ ᐊᒻᒪᓗ ᐃᓪᓚᐅᓕᑦᑑᑉ ᓯᔾᔭᖓᓂᒃ ᓄᓇᕗᑉ ᐱᖓᓐᓇᖓᓂ. ᖁᕐᓗᖅᑐᕐᒥᐅᑦ ᐃᓄᐃᑦ ᐊᖑᓇᓱᒃᑎᖏᑦ ᐊᒻᒪᓗ ᓄᐊᑦᑎᔨᖏᑦ ᓄᓇᒦᙶᖅᑐᓂᒃ ᑕᒪᐅᓈᖃᑦᑕᕐᓂᑯᑐᖃᐅᖕᒪᑕ ᓯᔾᔭᖏᑎᒍᑦ ᑕᐃᒪᙵᓕᒫᖅ, ᐊᕐᕌᒍ ᐊᓂᒍᖅᐸᓪᓕᐊᑎᓪᓗᒍ ᐊᓯᔾᔨᕋᐃᒻᒪᑦ ᓯᓚ ᐊᐅᓪᓚᖅᖢᑎᑦ, ᒪᓕᖦᖢᑎᑦ ᑎᖕᒥᐊᑦ ᐊᖅᑯᑎᖏᖕᓂᒃ, ᐊᒻᒪᓗ ᓇᓗᓇᐃᒃᑯᓯᖅᓱᐃᓪᓗᑎᑦ ᓄᓇᒥ ᑰᓐᓂᓗ ᓂᕿᒃᓴᖅᓯᐅᖅᖢᑎᑦ ᐊᒻᒪᓗ ᐊᒥᕐᓂᓗ ᓄᐊᑦᑎᓪᓗᑎᑦ.
ᐅᐊᑦᑎᐊᕈ, ᖁᕐᓗᖅᑐᕐᒥᐅᑦ ᐃᓄᖏᑦ ᑕᑎᖃᖅᐸᓚᐅᖅᓯᒪᔪᑦ ᓇᑦᓯᕐᒥᒃ ᐅᑭᐅᒃᑯᑦ ᐅᖅᑰᔾᔪᑎᒋᓂᐊᕋᒥᒋᑦ, ᖃᐅᒪᖃᕐᕕᒋᓗᒋᑦ, ᐊᒻᒪᓗ ᐆᖅᑰᔾᔪᑎᒋᓗᓂᒋᑦ. ᐊᕐᕌᒍᑕᒫᑦ ᓱᖏᐅᑎᔭᕆᐊᖃᖅᐸᓚᐅᖅᐳᑦ ᕿᑭᖅᑕᒥᐅᑕᐅᓪᓗᑎᑦ ᐅᑭᐅᒃᑯᑦ, ᐊᒻᒪᓗ ᓄᓇᖅᐸᓯᒻᒧᑦ ᓅᑦᑐᑎᑦ ᐅᐱᕐᖔᒃᑯᑦ ᐱᓱᒃᑏᑦ ᐊᖑᔭᐅᖔᓕᖅᖢᑎᑦ ᓇᑦᑎᖅᓯᐅᕈᓐᓃᑲᐃᓐᓇᖅᖢᑎᑦ ᐃᖃᓗᒐᓱᐊᙱᑲᐃᓐᓇᖅᖢᑎᓪᓗ. ᓄᓇᖅᐸᓯᖓ ᐊᒥᓱᓂᒃ ᑐᒃᑐᒍᓐᓇᕐᕕᐅᕙᓚᐅᖅᐳᖅ, ᐅᑲᓖᓪᓗ ᖁᕐᓗᖅᑑᑉ ᖃᓂᒋᔭᖓᓅᖅᖢᑎᑦ. ᐅᒥᖕᒪᑦ ᓂᕿᑦᑎᐊᕙᖃᕐᕕᐅᕙᓚᐅᖅᐳᑦ ᐃᓚᒌᓄᑦ, ᐊᖑᓇᓱᑦᑕᐅᙱᓂᖅᓴᐅᓪᓗᑎᑦ ᑭᓯᐊᓂ ᑐᒃᑐᖃᙱᓗᐊᕋᐃᖕᒪᑦ.
ᖁᕐᓗᖅᑐᕐᒥᐅᑦ ᐃᓄᐃᑦ ᐊᖑᓇᓱᓗᐊᖅᐸᓚᐅᙱᑦᑐᑦ ᑐᒃᑐᕙᓂᑦ ᐊᓐᓄᕌᓕᐅᕈᑎᒋᔭᕆᐊᒃᓴᖅ ᓈᒻᒪᙱᓐᓂᖏᖕᓄᑦ. ᑭᓯᐊᓂᓕ, ᐊᓯᔾᔨᕐᒪᑦ ᐊᒻᒪᓗ ᓱᖏᐅᑎᔭᕆᐊᖃᓕᕋᒥᒃ, ᐊᒥᓱᑦ ᐃᓄᐃᑦ ᑐᒃᑐᕙᓂᑦ ᐱᒻᒪᕆᐅᑎᑦᑎᓕᕐᓂᑯᑦ ᐊᑑᑕᐅᖃᑦᑕᓕᖅᖢᑎᑦ. ᐅᓪᓗᒥᐅᓕᖅᑐᖅ, ᐊᒥᓲᖕᒪᑕ ᐊᒻᒪᓗ ᐊᖑᔭᐅᕙᖦᖢᑎᑦ ᓂᕿᖏᑦ ᓂᕿᒋᔭᐅᓂᐊᕋᒥᒃ ᐊᒻᒪᓗ ᐱᐅᔪᒻᒪᕆᑯᓘᓪᓗᓂ ᐊᒥᖓ ᕿᑐᒻᒪᓴᖅᑕᐅᓲᑦ ᐃᑲᖅᑎᒐᔭᐅᔭᓕᐊᕆᔭᐅᓪᓗᓂ.
ᓄᓇᓕᐅᔪᑦ ᐊᒥᓱᕈᖅᐸᓪᓕᐊᓕᕋᒥᒃ ᓄᓇᕗᑉ ᐱᖓᓐᓇᖓᓂᒃ, ᐃᓕᖅᑯᓯᖏᑦ ᐊᓯᔾᔨᑐᒻᒪᕆᐅᓚᐅᖅᓯᒪᕗᑦ ᐊᒥᓱᓄᑦ ᐃᓚᒌᓄᑦ. ᒪᒃᑯᓐᓂᖅᓴᐅᔪᑦ ᓄᓇᓕᒻᒥ ᕿᑐᕐᖓᒥᓂᒃ
ᐱᕈᖅᓴᐅᖃᑦᑕᓕᖅᖢᑎᑦ, ᐃᓕᖅᑯᓯᖏᓪᓗ ᑭᓯᐊᓂ ᐊᓯᐅᓚᐅᖅᓯᒪᙱᖦᖢᑎᑦ. ᒫᓐᓇᓕ, ᐱᕙᓪᓕᐊᓂᖃᓕᖅᑐᑦ ᐃᓕᓐᓂᐊᒃᑲᓐᓂᓕᖅᖢᑎᑦ ᐱᖅᑯᓯᑐᖃᒃᑯᑦ ᖃᓄᐃᓕᐅᓲᖑᓂᖏᖕᓂᒃ ᐊᔪᙱᓐᓂᕆᔭᐅᔪᓂᒃ.
ᑐᐊᕇᓐ ᐃᕝᔭᕈᑕᐃᓚᖅ ᑕᑯᑎᑦᑎᕗᖅ ᑐᒃᑐᕙᑉ ᐊᒥᖓᓂᒃ, ᑲᒪᒋᔭᐅᓯᒪᔪᖅ ᖁᕐᓗᖅᑑᕐᒥ.
ᓱᖏᐅᑎᔪᒻᒪᕆᐅᓕᓚᐅᖅᓯᒪᔪᑦ ᓄᑖᑦ ᖃᕋᓴᐅᔭᕈᓘᔭᕐᓅᖓᔪᑦ ᓴᖅᑭᕋᒥᒃ, ᓂᖅᑎᐅᕐᓗᓂ
ᐊᔾᔨᒋᒍᓐᓃᖅᖢᓂᒋᑦ, ᐊᒻᒪᓗ ᐱᕙᓪᓕᐊᔪᓕᕆᓂᖓ. ᑐᒃᑐᐃᓪᓗ ᐅᐊᑦᑎᔭᐅᖃᑦᑕᓕᖅᖢᑎᑦ ᐊᒻᒪᓗ ᐊᐅᓚᑕᐅᖃᑦᑕᓕᖅᖢᑎᑦ, ᐅᒥᖕᒪᑦ ᐊᒻᒪᓗ ᑐᒃᑐᕙᑦ ᐱᒻᒪᕆᐅᖃᓯᐅᑎᓕᓚᐅᖅᐳᑦ.
ᓯᓚᐅᑉ ᐊᓯᔾᔨᕐᓂᖓᓗ ᐱᕈᖅᑎᑦᑎᓂᖅᓴᐅᓯᒪᓕᖅᖢᓂ ᐱᕈᖅᑐᓂᒃ ᓄᓇᒥ, ᐊᒻᒪᓗ ᒫᓐᓇ ᑐᒃᑐᕙᑦ ᐊᒥᓲᓂᖅᓴᐅᓕᖅᑐᑦ ᑕᐃᔅᓱᒪᓂᐅᕙᔪᒻᒪᓂᒃ ᐊᕐᕌᒍ ᐊᓂᒍᖅᐸᓪᓕᐊᑎᓪᓗᒍ ᓯᓚᐅᑉ ᐊᓯᔾᔨᖃᑦᑕᖅᖢᓂ. ᓄᓇᓕᖕᒥᐅᑕᐅᔪᓄᑦ ᐱᔪᒪᔭᐅᑦᑎᐊᕕᐅᑎᑦᑐᖅ ᐊᑐᕋᒃᓴᐅᓂᖏᖕᓄᑦ. ᑐᒃᑐᕙᑦ ᐊᒥᖏᑦ ᐱᒻᒪᕆᒋᔭᒻᒪᕆᐊᓗᐃᑦ ᒥᖅᓱᖅᑎᓄᑎᑦ ᐅᖁᒪᐃᓐᓂᖅᓴᐅᒐᒥᒃ ᐃᔾᔪᓂᖅᓴᐅᓪᓗᑎᓪᓗ ᑐᒃᑐᑉ ᐊᒥᖏᑕ ᓴᓂᐊᓂᒃ, ᐊᒻᒪᓗ ᑕᓯᑎᕋᒃᓴᐅᑦᑎᐊᕕᐅᑎᖦᖢᑎᑦ. ᐱᓗᐊᖅᑐᒥᒃ, ᑐᒃᑐᕙᑦ ᐊᒥᖏᑦ ᐊᑐᖓᒃᓴᕆᔭᐅᖔᕈᒪᓕᖅᐳᑦ ᑲᒥᖕᓄᑦ, ᐅᒡᔪᒐᔭᐅᙱᖔᖅᑐᓂᒃ ᐊᑐᕈᒪᒍᓐᓃᖅᖢᑎᑦ.
ᐃᓚᖏᑦ ᖁᕐᓗᖅᑐᕐᒥᐅᑦ ᐃᓕᓐᓂᐊᖅᑎᑕᐅᒍᒪᓯᒪᔪᑦ ᖃᓄᖅ ᐱᐅᓛᒃᑯᑦ ᐸᐸᑦᑎᒍᓐᓇᕐᒪᖔᕐᒥᒃ ᕿᑐᒻᒪᒃᓴᐃᓗᑎᓪᓗ ᑐᒃᑐᕙᑉ ᐊᒥᖏᖕᓂᒃ. ᕿᑐᒻᒪᒃᓴᐃᓪᓗᓂ ᑐᒃᑐᕙᑉ ᐊᒥᖏᖕᓂᒃ ᐃᓄᖕᓄᑦ ᐊᑐᖅᑕᐅᖃᑦᑕᕐᓂᑰᕗᖅ. ᖁᔭᓐᓇᒦᕈᒪᕙᒃᑲ ᐃᓐᓇᑐᖃᕆᓚᐅᖅᓯᒪᔭᕗᑦ ᓖᓇ ᑭᐊᓕᓐᑲᓐᕘᒡ, ᓇᐃᔫᒥ ᓂᑉᑕᓈᑦᑎᐊᖅ, ᐋᓚᓯ ᑭᓇᕕᐊᖅ, ᐊᒻᒪᓗ ᐃᐅᓪᕙ ᕕᓂᒃ ᕿᒪᐃᕕᒋᓯᒪᖕᒪᑎᒍᑦ ᖃᐅᔨᒪᓂᕐᒥᓂᒃ ᕿᑐᒻᒪᒃᓴᐃᓂᕐᒥᒃ, ᐊᒻᒪᓗ ᐃᓕᓐᓂᐊᒃᑲᓐᓂᕈᒪᓂᕐᒥᒃ.
ᕕᐊᓯ ᐊᓪᒋᐊᒃ (ᐸᓂᒋᔭᐅᓚᐅᖅᓯᒪᔪᖅ ᖃᐅᔨᒪᔭᐅᑦᑎᐊᖅᑐᒧᑦ ᒥᖅᓱᒃᑲᒻᒪᕆᐊᓗᖕᒧᑦ
ᑭᓇᕕᐊᒃ), ᓯᕗᒃᑲᑕᖅᑎᐅᓚᐅᖅᑐᖅ ᓇᓂᓯᓇᓱᖦᖢᓂ ᐃᓕᓐᓂᐊᖅᑎᒥᒃ ᐃᓕᓐᓂᐊᖅᑎᑦᑎᔪᖃᕐᓂᐊᕐᒪᑦᐊᒥᓕᕆᓂᕐᒥᒃ ᐸᐸᑕᐅᑦᑎᐊᕐᓗᓂ, ᕿᑐᒻᒪᓴᖅᑕᐅᓗᓂ ᐊᒻᒪᓗ ᑲᒪᒋᔭᐅᓗᑎᓪᓗ ᑐᒃᑐᕙᑦ ᐊᒥᖏᑦ. 2018-ᖑᑎᓪᓗᒍ, ᒫᒡᒍᕋᑦ ᑐᕕᐅᓪ, ᕿᑐᒻᒪᒃᓴᐃᓂᕐᒧᑦ ᐊᒻᒪᓗ ᐃᓕᖅᑯᓯᓕᕆᓂᕐᒧᑦ ᐃᓕᓴᐃᔨ ᑦᖠᖏᑦ ᐊᓪᓚᐃᑦ ᓄᓇᖃᖅᑳᖅᓯᒪᔪᓂᒃ, ᑎᐊᔅᓕᓐ, ᔫᑳᓐᒥ, ᐃᓚᐅᕕᒋᓚᐅᕌᑎᒍᑦ ᒪᕐᕉᖕᓄᒃ ᐱᓇᓱᐊᕈᓰᓐᓄᒃ ᖁᕐᓗᖅᑑᕐᒥ ᐃᓕᓐᓂᐊᖅᑎᑎᓪᓗᓂ ᑕᒪᐃᓐᓂᓕᒫᑦᑎᐊᖅ ᕿᑐᒻᒪᒃᓴᐃᓂᕐᒥᒃ ᑐᒃᑐᕙᐃᑦ ᐊᒥᖏᖕᓂᒃ.
ᐊᕐᕌᒍᒐᓴᓐᓂᒃ ᐊᑯᓂᐅᑎᒋᔪᖅ ᐱᑦᑎᐊᕐᓗᓂ ᑲᒪᓇᓱᐊᕆᐊᓕᒃ ᕿᑐᒻᒪᒃᓴᐃᓗᓂᓗ ᑐᒃᑐᕙᑦ ᐊᒥᖏᖕᓂᒃ. ᐃᓕᓐᓂᐊᖅᑎᑦᑎᑎᓪᓗᒍ, 12-ᖑᔪᒍᑦ ᐃᓕᓐᓂᐊᓚᐅᖅᐳᒍᑦ ᒥᖅᑯᐃᖅᑕᐅᓪᓗᓂ, ᖃᑖᑦᑎᕆᓗᓂ, ᑕᓯᓴᖅᑕᐅᓪᓗᓂ, ᐊᒻᒪᓗ ᐳᔪᖅᑎᓪᓗᒋᑦ ᑐᒃᑐᕙᑦ ᐊᒥᖏᑦ ᐊᕐᕌᒎᓗᐊᖅᑐᖅ ᐊᑯᓂᐅᑎᒋᔪᖅ. ᐊᑐᓂ ᑲᒪᒋᓇᓱᐊᖅᖢᒋᑦ ᐊᔾᔨᐅᙱᑦᑐᒥᒃ ᖃᐅᔨᒪᓂᖃᕆᐊᖃᖅᐸᓚᐅᖅᐳᒍᑦ ᐊᒻᒪᓗ ᐊᐅᓚᔪᓐᓇᑦᑎᐊᕐᓗᑕ. ᐱᖃᓯᐅᔾᔨᓚᐅᕐᒥᔪᖅ ᐊᒦᑦ ᓯᓚᒦᑎᓪᓗᒋᑦ ᐅᑭᐅᒃᑯᑦ, ᑖᒃᑯᐊ ᓯᓚᑎᖓᓃᑦᑐᑦ ᐃᔭᕈᕙᐅᔭᖏᑦ ᓱᕋᐃᔭᕐᓂᐊᕐᒪᑕ.
ᐃᓚᖏᑦ ᓇᐹᖅᑐᒦᙶᖅᑐᑦ ᓴᐅᓂᖏᑦ ᐊᒻᒪᓗ ᕿᔪᑐᖃᒥᓂᖅ — ᐊᑐᖅᑕᐅᓲᑦ ᐳᔪᖅᑎᖅ – ᑕᐅᑎᓪᓗᒍ ᐊᒥᖅ — ᐃᓕᓐᓂᐊᕐᕕᒻᒨᕈᔾᔭᐅᓚᐅᖅᑐᑦ ᓄᓇᕗᑦ ᓯᓚᑖᓃᙶᖅᑐᑎᑦ. ᐃᓕᓐᓂ – ᐊᖅᑐᓪᓗ ᓂᐅᕕᓚᐅᕐᒥᔪᑦ ᐊᑐᕐᓂᐊᖅᑕᒥᓂᒃ ᐊᔾᔨᐅᙱᑦᑐᓂᒃ ᐊᖏᕐᕋᒥ ᓴᓇᔭᐅᓯᒪᔪᑦ ᐅᐊᓴᐅᑎᓂᑦ ᐊᑐᖅᑕᐅᓲᑦ ᑭᓂᑎᖅᑕᐅᓪᓗᑎᑦ ᒥᖅᑯᐃᖅᑕᐅᓯᒪᔪᑦ ᐊᒦᑦ. ᐱᖅᑯᓯᑐᖃᖅᑎᒍᑦ ᐊᑐᖃᑦᑕᖅᑐᕕᓂᐅᒐᓗᐊᑦ ᑐᒃᑐᕙᑉ ᖃᕆᓴᖓᓂᒃ. ᖃᐅᔨᒪᔭᐅᙱᑦᑐᖅ ᐊᓯᖏᖕᓄᑦ ᐃᓄᖕᓄᑦ ᓴᓇᔭᐅᓯᒪᓂᖓ ᐅᐊᓴᐅᑎ ᐱᓐᓇᕆᔭᐅᓛᖑᓕᖅᓯᒪᔪᖅ ᐊᑐᖅᑕᐅᕙᖦᖢᓂ!
ᐊᓂᒍᖅᐸᓪᓕᐊᑎᓪᓗᒍ, ᐃᓚᒌᑦᑐᑦ ᓱᖏᐅᑎᓯᒪᔭᕆᐊᖃᕆᕗᑦ ᐊᒻᒪᓗ ᐃᓕᓐᓂᐊᖅᓯᒪᓪᓗᑎᑦ ᖃᓄᖅ ᑐᒃᑐᕙᑉ ᓂᕿᖓᓂᒃ ᓂᕿᑦᑎᐊᕙᕆᔭᐅᓂᐊᕐᓗᓂ ᑲᒪᒋᔭᐅᔪᓐᓇᕐᒪᖔᕐᒥᒃ.
ᐊᒃᓱᕈᖅᖢᑎᑦ ᐱᓕᕆᐊᖃᓲᑦ ᐊᒥᓱᓂᑦ ᐃᑲᕐᕋᓂᒃ ᐊᑯᓂᐅᑎᒋᔪᕐᓗ ᓯᖁᓪᓗᕐᓗᒍ, ᐊᒡᒍᑐᕐᓗᒍ, ᓂᒃᑯᓕᐊᕆᓪᓗᒍ, ᐊᒻᒪᓗ ᓂᒃᑯᒃᓴᓕᐊᕆᔭᐅᓪᓗᑎᑦ ᐊᔾᔨᒌᙱᑦᑐᓄᑦ ᐴᖅᑲᖅᑕᐅᓪᓗᑎᑦ ᒪᒪᖅᑐᓂᒃ ᓂᕿᒃᓴᓕᐅᕐᓂᐊᕋᒥᒃ, ᐊᑐᖃᑦᑕᓕᖅᖢᑎᑦ ᐃᓚᔭᐅᕙᑦᑐᑦ ᒪᒪᕈᑎᖏᑦ ᐊᑐᖅᑕᐅᖃᑦᑕᖅᑐᑐᖃᑦ ᑐᒃᑐᑉ ᓂᕿᖓᓄᑦ, ᐅᒥᖕᒪᑉ ᐊᒻᒪᓗ ᐃᒻᒧᒃᓯᐅᒐᑉ ᓂᕿᖓ.ᑲᑐᔾᔨᓲᖑᒋᕗᑦ ᓂᕿᒥᒃ ᓄᓇᓕᖕᒥᐅᑕᓄᑦ, ᐊᒻᒪᓗ ᑕᐃᒪᐃᖏᓐᓇᖅᐳᑦ. ᐅᖃᓲᖑᒐᑦᑕᐃᓛᒃ, “ᑲᑐᔾᔨᔭᕌᖓᕕᑦ, w ᐅᑎᕐᕕᐅᒃᑲᓐᓂᓛᕐᒥᔪᑎᑦ ᐊᒥᓲᓂᖅᓴᓂᑦ.”
