© Siku Rojas
ᓇᑦᑎᖅHᐃᐅᖅHᐅᑎᒃ ᕼᐅᓪᓕ ᐊᑦᓯᒻ ᖁᖕᒋᐊᒋᑦ
ᐅᖃᐅᕼᐄᑦ ᑎᑎᕋᖅᑕᐅᕼᐃᒪᔪᑦ ᐊᒻᒪ ᑐᕼᐊᒪᕝᓗᒋᑦ ᐃᓕᕼᐊᖅᑕᑦ
ᐃᑦᖃᐅᒪᔭᕋ ᓄᓇᒥ ᐊᐃᒪᕕᑉᑎᖕᓂ ᒥᕼᐃᖕᓇᖅᑐᖅ ᐃᓄᕼᐋᒍᕝᓗᖕᒐ ᕼᐅᓇᓂᒃ ᕼᐊᓇᒍᑕᐃᑦᑐᖕᒐ ᖃᓄᖅ ᐱᔾᔪᑎᕼᐊᒥᒃ ᒥᕼᐃᖕᓇᖅᑐᒥᒃ. ᐊᓪᓚᒥᓐᓗᓂᓐ “ᐅᖃᐅᕼᐃᒃ” ᖁᕕᐊᓇᖅᑐᖅ ᐃᕼᐅᒪᕆᕝᓗᒍ. ᐃᓕᕼᐃᒪᔭᕋ ᓂᕈᒥᒃᑐᑦ ᕼᐅᖕᒐᔭᖅᑐᓐᓂ ᐃᕐᕕᖕᓂ ᐃᒡᓕᖕᓇᖅᑐᑦ ᑐᖕᒍᔪᖅᑐᑦ ᐊᑦᕆᐅᒻ ᕼᐃᖁᐊᓐᓂ ᐊᑖᓂ ᐊᖁᖕᒐᓐᓂ ᖁᓪᓕᕇᓐᓂ ᐃᕐᓕᑦᑐᕆᑦᓇᖅᑐᑦ ᐱᓐᓂᒃᑐᑦ ᑕᑯᔪᒥᓇᖅᑐᑦ. ᑕᐃᒪᐃᑐᒥᒃ ᐱᒃᐸᕆᕝᓗᒋᑦ ᖃᓄᖅ ᑐᕼᐊᔪᔭᓇᖅᑐᑦ ᐃᓕᑐᕆᕝᓗᒋᑦ ᑕᐃᒪᑐᓐ ᐃᓕᑦᑐᕆᔭᑦ, ᖁᕕᐊᓇᖅᑐᑦ ᐊᕐᓕᒃᓇᖅᑐᑦ ᑕᐃᒪᐃᑐᒥᒃ ᐃᓕᑦᐸᓕᐊᔪᒪᔭᕋ ᖃᕝᓗᓇᑐᓐ ᑎᕐᑎᕋᖅᕼᐃᒪᔪᑦ ᕼᐃᓚᑦᑐᕼᐊᕐᕕᒡᔪᐊᓂ. ᖁᕕᐊᕆᔭᕋ ᖃᓄᖅ ᐱᑦᔪᕼᐄᑦ ᐅᖃᐅᕼᐄᑦ ᐃᓄᒃᑐᓐᓗᓂᓐ, ᖃᕝᓗᓇᑐᓐᓗᓂᓐ, ᐊᓪᓚᑮᑦᓗᓂᓐ, ᐃᓕᑦᑐᕆᔭᐅᓂᐊᒪᑕ ᖃᕆᑕᒻᒥ ᐃᕼᐅᒪᕆᔩᑦ ᐃᕼᐅᒪᕆᔭᐃᓐᓂ ᐃᓕᑐᕆᓗᒍ ᖃᓄᖅ ᐱᖕᒪᖕᒐ ᓂᐊᖁᖅᒥ, ᑕᓪᕙᓐᓂ ᐃᕼᒪᕆᔭᑦ ᕼᐊᖅᑕᐅᒪᑕ. ᐅᕙᖕᒐ ᐊᑎᕌ ᑲᐃᕋᓐ ᐊᓕᑲᒥᒃ. 21-ᓂᒃ ᐅᑭᐅᓂᒃᑐᖕᒐ ᕼᐅᓪᓕᑦᑕᐅᖅ ᐃᓄᕕᐊᖅᑐᖕᒐ ᐃᓄᕼᐃᒻᓂ ᐅᓗᕼᐊᒃᑐᒥ, ᐃᓄᕕᐊᓗᐃᑦ ᓄᓇᓇᖅᑕᕐᕕᐊᓐᓂ ᓄᓇᑦᑎᐊᒻᒥ.
ᐊᑖᑕᒐ ᕼᐊᕙᖅᐸᒃᑐᖅ ᐃᖃᓗᕼᐃᐅᖅᑎᕐᓂ (DFO-ᑯᑦ) ᐃᕐᓂᖕᒥ ᐊᑕᐅᕼᐃᕐᒥᒃ, ᓂᕐᑎᓂᒃ ᕼᐊᕚᖃᕼᐅᔨᒃ, ᕼᐅᓐᓇᓂᑭᖅᕼᐃᕆᐅᖅᑕHᐊᐃᓂᒃ ᕼᐊᕙᖅᕼᐅᑎᒃ ᓇᑦᑎᐊᓂᓐ ᓇᑦᑎᕐᓂᓐᓗ ᕼᐅᓪᓕ ᐊᐅᓚᖅᑎᑕᕼᐅᕆᑦ. ᐊᐅᔭᖅᑕᒪᓐ, ᐊᐅᓛᖅᑐᕕᒃ ᐅᖕᒐᕼᐃᒃᑎᓚᖕᒐ 10 ᑭᓚᒦᑕ ᐅᓗᕼᐊᒃᑐᒥᓐ ᐊᑖᑕᒐ ᒪᓱᔭᒥ ᓇᔪᖅᐸᕋᕗᑦ ᐃᒡᓗᖅᐸᓄᐊᑦ. ᑕᐃᒫ ᖁᕕᐊᓇᖅᐱᐊᖅᑐᖅ ᐃᓅᕼᐃᒻᓂ ᐊᖕᒋᓂᕼᐊᒥᒃ ᐱᔪᒪᔭᕋ: ᐃᒡᓗᒥᓐ ᐃᒪᖅᒧᓐ, ᐊᕼᐄᓐ
ᐃᒪᖅᒥᓐ ᐃᒡᓗᒧᓐ. ᐃᑲᔪᖅᐸᒃᑕᕋ ᐊᑖᑕᒐ ᓇᑦᑎᖅᕼᐃᐅᕌᖕᒐᓐ, ᑕᓪᕙᖕᒐ ᐃᓕᑦᑎᑦᐸᒃᑐᖕᒐ ᐊᖕᒋᔪᒥᒃ ᐃᓕᕼᐃᒪᔪᒋᓂᒃ ᐊᖕᒍᓂᐊᓂᖁᓐ ᖃᔭᒃᑯᓐ. ᖁᖕᒋᐊᕼᐅᒍ ᕼᐅᓕᔪᑕ ᖁᖕᒋᐊᕼᐅ ᒍ ᐃᓕᑦᑐᕆᓕᒪᐃᓇᒻᒪ. ᕼᐅᒥᓐ ᑕᕆᐅᖅ ᐃᕼᐊᕈᑎᔪᖅ ᕼᐅᒧᓐ ᑭᕐᓕᒡᓕᑦᐸ ᕼᐅᒥᓐᓗ ᖃᕐᓚᖅᖤᕈᑎᕚ. ᑕᕼᐊᑉᕼᐅᒧᖕᒐ ᑕᑯᔪᒪᔭᒻᓄᓐ ᑕᑯᔭᕼᐊᒧᓐ ᓇᐅᓇᐃᐸᖅᑐᖅ ᑕᐃᒫ ᓇᑦᑎᐅ ᓂᐊᖁᐃᑦ ᓄᐃᕙᖅᑐᑦ. ᑕᕼᐊᑉᑯᐊ ᐃᒡᓕᖕᓇᖅᑐᑦ ᐃᕼᐅᒪᓕᐅᖅᑎᐸᒃᑖᖕᒐ ᑕᐃᒫ ᓂᐅᕆᐅᓇᐃᑐᑦ ᓂᕆᐅᖕᒋᓇᖅᐸᖅᑖᖕᒐ ᐃᕼᐅᒪᒥᓂᓇᖅᑐᖅ ᖁᕕᐊᓇᕼᐅᓂᓗ ᑐᑦᖁᒪᔪᑐᓐ ᐃᑦᑐᖅ ᐅᑦᑕᕿᓕᒪᐃᕼᐅᖕᒐᓗ ᐱᔪᒥᓇᕼᐅᒋᑦᓗ ᓇᐅᔭᑦ.
ᑭᖕᒍᒧᓐ ᐃᑦᖃᕋᖕᒐᑉᑭᑦ ᖃᑉᕼᐃᕌᓗᖕᓂ ᐃᑳᓂᖕᓂ ᖃᔭᒃᒥ, ᐊᕼᐆᓐ ᐃᓕᕼᐃᒪᔭᐃᑦ ᖁᕕᐊᕆᕙᖅᑕᑦᑲ ᐊᕼᐄᓐ ᐅᕙᒻᓄᓐ ᑐᓂᕝᓗᒋᑦ. ᑕᐃᒪ ᐃᖅᑲᕆᔪᒥᓇᕆᑦᑲ ᐃᖅᑲᕆᔭᐃᑦ ᐱᑦᖁᕼᐄᑦ ᐃᓕᕼᐊᐅᔪᑎᑦ ᖃᕝᓗᓈᑦ ᐃᓕᕼᐊᐅᔪᑏᑦ ᐊᖕᒋᑦᑭᔭᐅᔪᖅ. ᐃᓕᕼᐊᖅᑕᑦᑲ ᒪᓱᔭᒥ ᐃᒪᖅᓗ ᐊᓪᓚᖕᒐᕝᓗᓂ ᒥᖅᕼᐃᓇᕼᐅᓐᓂᓗ. ᑕᒪᐃᖕᓂᒃ ᐃᓕᕼᐊᖅᑐᕼᐊᐅᕙᖅᑐᖕᒐ ᐅᕝᓗᒥ ᑕᐃᒪᑐᓐ ᐃᓄᔪᑎᕼᐊᒻᓂᒃ ᐃᓄᓂᐊᕈᑎᕼᐊᒻᓄᓐ ᐅᕝᓗᒥ.
© Siku Rojas
ᐅᓂᑉᑲᖅᑎᕈᓐ ᐱᑦᖁᕼᐃᒃ ᕼᐅᓪᓕ ᐊᒥᕋᐃᑦᑐᓂᒃ ᖃᐅᔨᒪᔭᐃᑦ ᐃᕼᐅᒪᕆᕝᓗᒍ ᐃᕼᐅᒪᑐᓂᒃ ᐅᓂᑉᑲᑦ ᕼᐊᑉᑯᐊ Beowulf, Plato-ᓗᓂᓐ Republic.
ᐊᐅᔭᖅ ᓄᖕᒍᔪᖅ ᐅᕝᓗᐊᓄᓐ ᐃᓕᕼᐊᕕᐅᒻ, ᐃᓕᕼᐊᕕᖕᒧᓐᓗ ᐃᓪᓕᑦᑐᒪᔭᕋ ᖃᕝᓗᓇᑐᓐ, ᐅᖃᐅᕼᐄᑦᓗ ᑎᑎᕋᐅᔭᓂᕐᒧᓐᓗ ᑕᐃᒫ ᓇᐅᓇᐃᒃᐸᓕᐊᔪᑦ. ᑕᐃᒪᐃᑐᒥᒃ ᐳᕿᒃᑐᖕᒐ ᖃᕝᓗᓇᑐᓐ ᕼᐅᓪᓕ ᑕᐃᕈᐊᕈᑎᕼᐊᑦ ᑕᐃᕈᐊᓂᕐᒧᓐ ᐃᓕᕼᐃᒪᔪᐊᕈᑎᑎᕈᓐ, ᕼᐅᓪᓕ ᐊᕼᐆᓐ ᑕᐃᕈᐊᑦ Archie Comics. ᑕᐃᕈᐊᖅᐸᖅᑕᑦᑲ ᖃᑉᕼᐃᒃᑐᐊᕼᐅᒋᑦ ᐃᓕᑦᐸᓕᐊᔪᑎᒻᓄᓐ ᖃᕝᓗᓈᑐᓐ. ᕼᐃᕐᕗᓕᕐᒥᒃ ᐱᔪᒪᓕᒃᐸᓕᐊᔭᕋ ᐳᖅᑐᓂᓕᒃ 10-ᒧᓐ
ᐱᓕᕋᒪ ᐃᓕᕼᐊᐅᔨᑉᑕ ᐃᓚᖕᒐᑦ ᐱᑉᖃᓕᕐᒪᑎᕈᑦ ᖃᑉᕼᐃᑦ ᐃᓕᕼᐊᖅᑐᑦ ᑕᐃᕈᐊᓂᖅᑯᓐ, ᐅᕙᖕᒐᓗ ᐃᓚᐅᕝᓗᖕᒐ. ᑕᐃᔪᐊᕼᐅᑕ ᐃᓕᑦᑐᕆᔭᒋᕼᐊᕼᐅᒋᑦᓗ ᐃᕼᐅᒪᑐᔪᑦ ᕼᐊᕙᖕᒋᑦ Ender’s Game, Orson Scott Card-ᒥᓐ. ᕼᐅᓪᓕ ᑕᐃᕈᐊᕚᒥᔪᕈᑦ ᑎᑎᕋᖅᑕ
ᑲᓇᑕᒥ ᓴᓇᑐ ᕉᒥᔫ ᑕᓕᐊ ᐱᑦᔪᕼᐄᑦ ᐊᖕᒍᔭᖅᑎᑦ. ᑕᓪᕗᓐᓇ ᑕᐃᕈᐊᓂᖁᓐ, ᐊᔪᓇᕼᐃᑎᕙᖅᑐᑦ ᑕᐃᕈᐊᖅᑕᕼᐊᑦ ᐊᕼᐅᕌᓗᒃ ᐱᔪᑎᕼᐊᖃᑐᑦ ᐃᓕᕼᐊᐅᔾᑎᕼᐊᓄᓐ ᕼᐅᓇᓄᓐᓗ ᑐᕼᐊᔭᔮᓄᓐ, ᑕᓪᕙ ᑕᐃᒪᐃᑐᓐ ᑐᓐᓂᖕᒍᓇᐃᑦᖁᑕᐅᔪᑦ ᐊᕝᕙᔪᖅᑎᕈᑎᕼᐊᒧᓐ.
ᓇᐅᓇᐃᕈᑕᐅᓂᐊᖅᑐᑦ ᕼᐃᕗᓂᑉᑎᖕᓂ ᖃᓄᖅ ᐱᔪᑎᕼᐊᓄᓐ ᑕᑯᒪᕝᓗᒍ ᕼᐅᓇᒧᓐ ᕼᐊᕙᕈᒪᓕᕈᒪ ᖃᕝᓗᓇᑐᓐ, ᑕᒪᑦᑭᐅᒪᔪᒥᒃ ᐱᕝᓗᒍ ᑕᒪᓐ. ᑕᒻᓇ ᐱᔪᕼᐊᐅᖕᒪᓐ ᐱᔭᕼᐊᒻᓄᓐ.
ᑕᕼᐊᒻᓇ ᑕᐃᒪᑐᓐ ᐱᕝᓗᒍ ᕼᐃᕗᓂᕆᕝᓗᒍ ᕼᐃᓚᑦᑐᕼᐊᖅᕕᒡᔪᐊᖅ ᐳᕆᑎᔅ ᑲᓚᒻᐱᔭᒧᓐ ᐃᓕᕼᐊᕆᐊᖅᑐᖅᑐᖕᒐ ᐃᓕᕼᐊᕈᒪᕝᓗᒍ ᐃᑦᑐᕼᐃᐊᕈᓐ ᑕᔾᔭ. ᐱᖕᒐᔪᐊᓐᓂ ᐅᑭᐅᑦ ᐃᕐᓂᒃᓂᐊᕈᑕᓄᓐ ᐅᑭᐅᑦ, ᑕᐃᒪ ᓇᐅᑎᐅᖅᐸᖅᑐᖕᒐ ᖃᓄᖅ ᐃᓐᓂᐊᒪᒐᓐ ᐊᕼᐆᓐ ᐱᔭᕼᐊᐅᒪᓐ ᐃᓕᕼᐊᓂᒃ ᐃᓕᕼᐊᓂᕐᒧᓐ. ᑕᐃᒪ ᑐᓂᒃᑐᕼᐃᔪᖕᒐ ᐊᕼᐅᕈᑕᐅᔪᑦ ᐃᕐᓕᕝᓗᒋᑦ ᑕᓪᕗᖕᒐ ᕼᐊᕚᖕᒋᑦ Shakespeare, ᐱᑦᔪᑎᕆᕝᓗᒍ ᖃᕝᓗᓇᑦ ᑭᕐᕙᑖᓐᓂ
ᕼᐊᕚᖕᒋᑦ Bhagavad Gita. ᐃᓚᖕᒋᑦ ᕼᐊᓇᐅᔮᑦ ᑕᐃᒪᑐᓐ ᐃᕼᐅᒪᑑᑎᕆᔭᕌ ᐊᕼᐄᓐ ᐊᓪᓚᖕᒍᕼᐅᒋᑦ ᓄᓇᔪᐊᒧᓐ. ᕼᐅᓪᓕ ᐊᐅᓚᕌᒪ ᐃᓕᕼᐊᖅᕕᖕᒻᒥ ᕼᐃᓚᑦᑐᕼᐊᖅᕕᒡᔪᐊᖅᒥᓗ, ᑭᕼᐃᕐᒥ ᖃᓄᖅ ᐱᕆᓗᒍ ᐱᖕᒋᑐᖕᒐ ᕼᐅᓇ ᐱᖕᒋᒫᕋᑉᑯ. ᑕᓪᕙ ᓇᐅᓇᐃᑐᖅ ᐃᓚᖕᒐ ᐃᓕᕼᐊᖕᒋᓇᑉᑯ ᖃᖕᒋᒃᑕᒻᓂ ᖃᕝᓗᓇᑉᑎᕈᓐ ᐱᖕᒋᓐᓇᑉᑯ ᐃᓕᕼᐊᓂᒃ, ᐃᓅᑎᒪᓪᓗ ᐱᑦᖁᕼᐃᑎᕈᓐ, ᐃᓄᕕᐊᓗᐃᑦ ᐱᑦᖁᕼᐃᐊᑎᕈᓐ. ᖃᖕᒋᒃᑕᑉᑎᖕᓂ ᐃᓄᕼᐃᕐᒥ, ᐃᓕᕼᐊᖅᑕᕆᔭᕼᐊᕋᓗᐊᕆᒐᑉᑯ ᐱᑦᖁᕼᐃᒃᐳᑦ ᐃᓕᕼᐊᕕᕼᐊᖃᓗᐊᖕᒋᒪᓐ ᐃᓕᕼᐊᕌᓗᐊᒐᒪ ᐊᑖᑕᑦᑎᐊᒻᓂᓐ. ᑕᐃᒪ ᓇᐅᓇᐃᕈᑕᐅᔪᖅ ᓄᑕᕋᐅᓂᒻᓂᓐ.
ᐃᓕᕼᐊᖅᑎᓪᓗᖕᒐ ᖃᕝᓗᓈᑦ ᑭᕙᓕᓐᓂ ᑕᐃᒫ ᐅᕝᓛᒻᒥ ᕼᐃᓚᑦᑐᕼᐊᖅᕕᒡᔪᐊᒥ, ᑳᐱᑐᕌᕼᐅᖕᒐ ᐃᕐᒡᓕᖕᓇᖅᑐᓂᒃ ᐃᕼᐅᒪᓕᐅᕼᐅᖕᒐ. ᐃᓕᕼᐊᕕᒃ ᐅᖃᕆᔮᑦ ᐃᖕᒋᓪᕋᒋᑕᑦ Vedas, ᑎᑎᕋᖅᕼᐃᕐᒪᔪᖅ 3,000 ᖃᖕᒋᒃᑐᑦ. ᐳᐃᒍᔪᐃᑕᕋᒐ ᐅᑦᑭᒃᖁᑎᕆᕝᓗᒍ ᐃᓄᐃᑦ ᐱᑦᖁᕼᐃᐊᑦ Vedas ᐅᓂᑉᑲᓐᓂ, ᐊᒃᕼᐅᕌᓗᒃ ᐃᓕᕼᐃᒪᔪᑎᖃᖅᑐᖅ ᐱᑦᖁᕼᐃᓐᓂᒃ ᐃᖕᒋᓪᕋᓐ ᐃᓄᓂᐊᕈᓐᒥ. ᖁᓐᒧᓐ ᑕᑯᕼᐊᖅᑐᖕᒐ ᐃᒡᓘᒻ ᖁᓚᖕᒐᓄᓐ ᐊᓄᕼᐋᖅᑐᓐᓄᐊᖅ ᕼᐅᕝᓗᕈᑦ, ᐃᕼᐅᒪᕆᔭᕋ ᖃᓄᓕᑭᐊᖅ ᐱᒃᐸᕆᓂᐊᕌᓗᐊᑭᕈ ᐃᓄᐃᑦ ᐱᑦᖁᕼᐃᐊᑦ ᓇᐅᓇᐃᕈᑉᑯ ᑕᐃᒪᑐᓐ. ᐃᓕᑐᕆᔪᖕᒐ ᐱᑦᓕᒪᐃᑐᓇᕼᐃᔪᖕᒐ ᑕᐃᒪᑐᓐ.
© Siku Rojas
ᐊᑖᑕᖕᒪ ᐃᓕᖕᒋᑖ ᕼᐃᓛᒻ ᖃᓄᖅ ᐃᑦᔪᕼᐃᕼᐋ, ᐅᓂᑉᑲᖕᒋᑦ ᓇᐅᓕᕋᓂᕐᒥᒃ, ᐊᓕᐊᓇᖅᑐᑦ ᑭᕐᓚᓗᖃᓂᒃ, ᐊᓕᐊᓇᖅᑐᑦ ᐅᓂᑉᖄᑦ ᒪᖅᐱᕌᑦ ᑕᐃᕈᐊᕼᐅᒋᑦ ᐊᑎᐊ “ᖃᖕᒍᑦ ᑎᑭᑦᔪᑕᐃᑦ” ᖃᓄᖅᓗᓂᓐ ᐅᓂᑉᑲᕝᓗᒋᑦ “ᐃᓄᐃᑦ ᐅᓂᑉᑲᑎᕈᓐ ᐃᓕᑦᑐᕆᑉᖁᕝᓗᒋᑦ.” ᕼᐃᐊᖅᐸᓕᐊᕝᓗᒍ ᐃᓕᕼᐃᒪᔮᑦ, ᐅᓂᑉᑳᑦ, ᐃᓕᑦᖁᕼᐄᑦ, ᐱᑦᖁᕼᐄᑦ, ᖃᓄᖅ ᐃᓕᐅᕈᕼᐄᑦᓗ ᐅᓂᑉᑲᑎᕈᓐ. ᖃᑉᕼᐃᓐᓂ ᐅᑭᐅᓐᓂ ᐃᓄᐃᑦ ᐅᖃᐅᕼᐃᒥᕈᓐ ᒪᖅᐱᕐᓂ ᐅᖃᐅᕼᐃᓇᖁᓐ. ᐊᒥᕼᐅᔪᑦ ᐱᑦᖁᕼᐄᑦ ᐊᖕᒋᔪᒥᒃ ᖃᐅᔨᒪᔭᐃᑦᓗ ᐊᒥᕋᐃᑐᑦ ᐃᕼᐅᒪᑐᔪᑦᓗ ᐊᓕᐊᓇᖅᑐᑦ ᕼᐊᑉᑯᐊ Beowulf Platoᓗᓐᓂᓐ Republic; ᐱᔪᒥᓇᖅᑐᑦ ᐊᓪᓚᑦᑭᒃᓗᒋᑦ. ᐱᑦᔪᕼᐃᐊ ᐅᓂᑉᑲᑎᕈᓐ ᑕᐃᒫ ᐃᓕᕼᐊᐅᔪᑕᐃᑦᓗ ᖃᖕᒐᕌᓗᖅ -ᑕᑦᔭ- ᑐᕼᐊᔪᖕᓇᐃᒃᑕᑉᑎᖕᓂ ᐱᓪᓗᐊᕈᖕᓇᐃᒃᑐᕈᑦ ᐃᖕᒋᓪᕋᓂᑕᓂᒃ ᐃᓕᕼᐊᖅᑕᕼᐊᓂᒃ ᑕᐃᒪᖕᒐᓂᓐ.
ᐊᓕᑲᒥᒃ ᐊᑖᑕᐃᒃ ᐃᒡᓘᒃᐸᖕᒥᒃ ᕼᐃᓚᑖᓂ ᒪᓱᔭᒃᒥ ᐅᖕᒐᕼᐃᒃᑎᓚᖕᒐ 10 ᑭᓚᒦᑕ ᐅᓗᒃᕼᐊᒃᑐᒃᒥᓐ.
ᑕᐃᒪᑐᓐ ᐅᖕᒐᕼᐃᒃᑐᑐᓐ ᐃᑦᑐᖅ ᓄᑖᓐᓂ ᐃᓕᕼᐊᐅᔪᑎᑎᕈᓐ ᐃᓕᕼᐊᓗᐊᕈᑎᑎᕈᓐ ᐱᑦᖁᕼᐄᓂ ᐅᕝᓗᒥ ᐃᓄᒃᑐᓐ ᐊᓪᓚᑐᓐ ᑕᐃᒪᓗᓂᓐ ᐃᓕᑐᕆᓂᐊᕌᑦ, ᕼᐃᕗᓂᖃᑐᖅ ᐸᕿᑎᓇᕼᐅᐊᒡᓗᑕ ᐊᓪᓚᓂᒃ ᐱᑦᔪᑎᕼᐊᓂᒃ ᐱᔭHᐊᐃᑎᕈᓐ ᐃᕼᐃᕙᖃᑎᕆᓗᒋᑦ ᐊᖕᒋᔪᓂᒃ ᐃᓕᕼᐃᒪᔭᐃᑎᕈᓐ ᐱᑦᖁᕼᐃᑉᑎᖕᓂᒃ ᑕᐃᒪᖕᒐᓂᓐ ᐃᓄᕼᐃᖁᓐ. ᑕᐃᒪᐃᑦᑐᒥᒃ ᐊᑖᑕᕗᑦ ᐊᐱᕼᐅᓛᓗᒋᑦ ᐊᓪᓚᑦᓗ ᐃᓐᓇᕼᐊᖕᒍᑎᕗᑦ ᐃᓂᑉᑎᖕᓂ, ᐊᕼᐆᓐ ᖁᕕᐊᓇᖅᑐᑦ ᐅᓂᑉᑲᑕᖃᐃᑦ. ᐅᓂᑉᑲᖃᖅᑐᑦ ᐊᓕᐊᓇᖅᑐᓂᒃ. ᑕᐃᒪᐃᑐᒥᒃ ᑐᕼᐊᑉᑲᐃᔪᕈᑦ ᐱᓪᓚᕼᐃᑉᖃᖁᕝᓗᑕ ᐱᑦᖁᕼᐃᕗᑦ ᑐᕼᐊᓇᕼᐃᑦᖁᕝᓗᒋᑦ ᑭᑐᓐᓄᓐᓕᖃ ᐱᓪᓚᕼᐃᓗᒋᑦ ᕼᐃᕗᓂᑉᑎᖕᓂ ᐃᓄᕼᐋᓄᓐ, ᑕᐃᒪ ᐃᕼᐅᒪᔪᖕᒐ ᖁᕕᐊᓇᖅᑐᖅ.
