ᕼᐅᒪᓐ ᐅᓇᓗ ᑭᐊᕈᓪ ᐅᔭᒐᒃ ᒪᙵᖅᕼᐅᑎᒃ ᐅᕙᓂ ᑭᕝᒋᖅ; ᐅᓇ ᐃᓄᐱᐊᑦ ᕿᓚᐅᔾᔭᖅᑐᓂᑦ ᖁᕕᐊᕼᐆᑕᐅᔪᑦ ᖁᕕᐊᕼᐆᑎᒋᔮᑦ ᐅᑦᕿᐊᒡᕕᒃ ᐅᕙᓂ ᐊᓚᔅᑲᐅᑉ ᑐᓄᙵᓂ ᒪᔪᖅᑲᑉ.
ᖃᖕᒐᕌᓗᖕᒥ, ᖁᕕᐊᕼᐆᑎᒋᔭᐅᔪᖅ ᑕᐃᔭᐅᕝᓗᓂ “ᑭᕝᒐᖅᑐᖅᑐᖅ ᓂᕆᑉᑲᐃᓂᖅ” ᓄᓇᓖᑦ ᑐᕌᖅᕼᐄᕝᓗᑎᒃ ᐊᖅᐸᒃᑐᖅᑐᑦ ᐃᓚᐅᔪᒪᔭᐅᔪᑦ ᓄᓇᒥᐅᖃᑎᒌᑦ ᓄᓇᓖᑦ ᐃᓚᐅᖁᐃᔭᖕᒋᑦ, ᑐᕼᐊᒐᒃᕼᐊᕐᓂᑦ ᐅᖃᐅᑎᒋᕝᓗᒋᑦ, ᐊᖕᒍᓂᐊᖅᕼᐅᑎᒃ ᐊᐃᑦᑐᖅᑕᐅᕙᒃᕼᐅᑎᒡᓗ. ᐅᕝᓗᒥ, ᖁᕕᐊᕼᐆᑎᓂᖅ ᕼᐅᓕ ᑭᕝᒐᐅᑎᓕᖅᐸᒑᑦ ᐃᓄᐱᐊᑦ ᐅᓇᓗ ᐃᓄᕕᐊᓗᐃᑦ ᐊᐃᑉᐹᒍᙳᕌᖕᒐᑦ ᖁᕕᐊᕼᐆᑎᒋᕝᓗᒋᑦ ᑲᑎᒪᕝᓗᑎᒃ.
ᕼᐅᒪᓐ, ᐅᑦᕿᐊᒡᕕᖕᒥᐅᑕᖅ, ᐊᓚᔅᑲ, ᐅᓇᓗ ᑭᐊᕈᓪ, ᐊᒃᓚᕕᒃ, ᓄᓇᑦᓯᐊᕐᒥᐅᑕᖅ, ᐃᓕᕼᐃᒪᕝᓗᑎᒃ ᖃᖕᒐᕌᓗᒃ ᐅᑭᐅᖕᓂᑦ, ᖁᕕᐊᕼᐆᑎᕝᓗᑎᒃ ᑲᑎᓪᕕᐅᖃᑦᑕᖅᕼᐅᑎᒃ, ᑕᓪᕙᙵᑦ ᐃᒃᐱᒋᓕᖅᕼᐅᑎᒃ. ᑲᑐᕼᐃᖅᕼᐅᑎᒃ 2017-ᒥ.
ᑭᐊᕈᓪ ᐊᒻᒪᓗ ᕼᐅᒪᓐ ᒧᒥᖅᑑᒃ ᓂᕆᓂᕐᒥᒃ ᐊᒃᓚᕕᖕᒥ ᐊᐃᐸᔭᓕ 2024-ᒥ. © Ben Mitsuk
ᕼᐊᒻᓇ ᐱᖅᐸᒍᕼᐅᖕᓂᑦ ᐅᓂᑉᑳᖕᒋᑦ ᐃᓕᑦᑐᕐᓇᖅᑐᖅ ᐃᓚᒋᔭᐅᔪᖅ ᐃᓄᐃᑦ ᓄᓈᓂᑦ, ᑕᐃᒫ ᐃᓄᐃᑦ ᕼᐊᓂᕌᓂᑦ ᐊᒥᐊᓕᑲ-ᑲᓇᑕᒥᓗ ᑭᒡᓕᒍᑖᑦ ᐊᖕᒋᒡᓕᒃᑎᖅᕼᐅᑎᒃ ᒧᓇᕆᑦᑎᐊᖅᕼᐅᒋᑦ ᓄᓇ ᐊᑕᐅᕼᐃᐅᑎᒍᑦ. ᑭᕼᐃᒥ ᐅᓇ ᕼᐅᒪᓐ ᓄᓇᕿᓕᖅᕼᐅᓂ ᑲᓇᑕᒧᑦ 2018-ᒥ, ᓯᑮᑑᖅᕼᐅᓂ ᑕᖕᒫᖅᕼᐅᓂ ᒪᓪᕈᐃᖅᑕᖅᕼᐅᓂ ᐅᕙᙵᑦ ᑲᒃᑐᕕᒥᖕᒥᑦ ᐊᒃᓚᕕᖕᒧᑦ, ᒪᓕᒐᐅᑎᑎᒍᑦ ᐊᔪᕐᓇᖅᕼᐃᕙᒃᕼᐅᓂ ᐅᕙᙵ ᑭᒡᓕᒍᑖᓄᑦ ᑲᑎᒪᓂᖅ ᐊᐃᑉᐸᕇᒃ, ᑕᔾᔭ ᐅᑭᐅᖃᓕᖅᕼᐅᑎᒃ 50 ᒥᖄᒃ, ᕼᐅᓕ ᐊᔪᖅᕼᐊᐅᑎᒋᕝᓗᒋᑦ ᐅᕝᓗᒥᒧᑦ
“ᐅᕙᒻᓂᑦ, ᑲᓇᑕᒥᐅᑕᐅᙱᑦᑐᑎᑦ ᐊᒥᐊᓕᑲᒥᐅᑕᐅᙱᑦᑐᑎᓪᓘᓃᑦ, ᐃᓄᐱᐊᖕᒍᔪᑎᑦ,” ᐅᖃᖅᕼᐅᓂ ᕼᐅᒪᓐ, 53. “ᐊᖕᒋᒃᓕᒃᑎᖅᕼᐃᒪᔪᖅ, ᐃᓕᕼᐃᒪᙱᑕᕋ ᕼᐊᒻᓇ ᑭᒡᓕᒍᑖᑦ ᑕᐃᒫᕌᓗᒃ ᑕᒪᒻᓄᒃ ᐅᑎᖃᑦᑕᖅᐸᒃᑐᒍᑦ. ᐃᓚᖃᖅᕼᐅᑕ ᑕᐃᑲᓂ ᐃᓚᖃᖅᕼᐅᑕ ᕼᐊᒪᓂᓗ.”
ᑭᐊᕈᓪ, ᐃᓅᕼᐃᒪᔪᖅ ᑲᓇᑕᒥ ᓇᐅᖃᖅᕼᐅᑎᓂᓗ ᐃᓄᐱᐊᑦ ᓇᐅᕕᖕᒋᑦ, ᐊᔪᖅᑕᐅᑎᖃᙱᑦᑐᓂᓗ ᐊᐅᓪᓛᕌᖕᒐᑦ ᐊᕙᑖᓄᑦ ᐊᒥᐊᓕᑲ ᑭᒡᓕᒍᑖᑦ ᐊᓚᔅᑲ ᐃᓗᐊᓄᑦ, ᐊᐅᓪᓛᖃᑦᑕᖅᕼᐅᑎᒃ ᐊᒥᕼᐅᐃᖅᑕᖅᕼᐅᑎᒃ ᓯᑮᑑᒃᑯᑦ. ᐱᓇᕼᐅᐊᔪᒃᑐᖅ ᕼᐅᓕᓗᑳᕐᓂᕐᓄᑦ ᕿᖃᐃᓪᕈᖅ ᐅᕘᓇ ᑕᑦᑎᐊᕐᓇᖅᑐᖅ ᐅᑭᐅᖕᒐᓂ ᓄᓇᒥ, “ᒪᓕᒃᕼᐅᒋᑦ ᓂᕿᑦ,” ᐅᖃᖅᕼᐅᓂ, ᐅᑮᖃᑦᑕᖅᕼᐅᓂ ᑲᒃᑐᕕᖕᒥ, ᐅᕙᓂ ᐸᐅᑐ ᕿᑭᖅᑕᖅ. “ᐊᔪᖅᕼᐊᐅᑎᖃᙱᑦᑐᒍᑦ; ᑐᙵᓇᖅᐱᐊᖅᕼᐅᓂ”, ᑭᐊᕈᓪ ᑕᐃᒫ ᐅᖃᖅᑐᖅ ᐊᐅᓪᓛᕌᖕᒐᑦ.
ᕼᐅᓕ, ᑕᐃᒫ ᐊᒃᓚᕕᒃ ᐊᐃᒪᕕᒋᓕᖅᕼᐅᓂᐅᒃ, ᕼᐅᒪᓐ ᕼᐊᕚᖃᙱᑦᑐᓂ ᓄᓇᒥᐅᖃᑎᒌᖕᓂᕐᒥᒃ ᐊᑐᐊᒐᖃᕆᐊᓕᒃ ᐅᕙᙵᑦ ᑲᕙᒪᕐᔪᐊᓂᑦ, ᑭᕼᐃᒥ ᑐᒃᕼᐃᐅᑎᒋᕝᓗᓂᒃ ᓄᓇᒥᐅᓂᕐᓄᑦ. ᐅᑭᐅᖕᒐᓂᑦ ᒪᓕᒃᕼᐅᒋᑦ, ᕼᐅᒪᓐ ᐃᓚᐃᓐᓇᖅᕼᐅᒍ ᕼᐊᒻᓇ ᐃᓄᕕᐊᓗᐃᑦ ᓄᓇᓕᖕᒥᐅᑦ 700 ᐃᓅᔪᑦ, ᐃᓚᓐᓇᖃᓕᖅᕼᐅᑎᒃ ᐃᑲᔪᖅᕼᐃᒪᐃᓐᓇᖅᕼᐅᓂ ᐊᑭᓕᖅᕼᐃᒪᐃᑦᑐᒥᒃ ᓄᓇᒥᐅᓂᑦ ᓄᓇᒥᑦ ᕿᓂᖅᕼᐃᐊᔪᑦ. ᐅᕙᓂ ᕿᖃᐃᓪᕈᖅ 24, 2020-ᒥ, ᐊᐃᑉᐸᕇᒃ ᓇᓪᓕᐅᑎᓄᑦ ᖁᕕᐊᕼᐆᑕᐅᕕᖕᓄᑦ ᑭᕼᐃᒥ ᐱᓖᕼᐃᒪᑦ ᐃᑎᖅᕼᐅᑎᒃ. ᐱᓖᕼᐃᒪᑦ ᑎᒍᕝᓗᓂᐅᒃ ᕼᐅᒪᓐ ᐊᓚᔅᑲᒧᑦ ᐅᑎᖅᑎᑕᐅᕝᓗᓂ.
“ᒪᒥᐊᕼᐅᐃᖅᕼᐅᑎᒃ; ᐅᖃᖅᕼᐅᑎᒃ ᖃᓄᕆᓕᐅᖅᑕᒃᕼᐊᐅᙱᓐᓇᒥᒃ, ᑕᐃᒫ ᒪᓕᒐᐅᑖᓂᑦ ᒪᓕᒃᕼᐅᑎᒃ ᐅᕙᙵᑦ CBSA,” ᑭᐊᕈᓪ ᐅᖃᖅᕼᐅᓂ, ᑐᕌᕐᕕᒋᕝᓗᓂᐅᒃ ᕼᐊᒻᓇ ᑲᓇᑕᒥᐅᓄᑦ ᑭᒡᓕᒍᑖᑦ ᐃᑲᔫᑎᑦ. ᕼᐅᒪᓐ ᐱᓂᕐᓗᒃᑎᑕᐅᕝᓗᓂ ᒪᓕᒐᐅᑖᓂᑦ ᑲᓇᑕᐅᑉ ᓄᓇᖅᑎᖅᕼᐃᒪᔪᑦ ᐅᕝᕙᓗ ᓄᓇᖃᖅᑳᖅᑐᑦ ᓄᓇᖃᖅᑳᕐᓂᒃᑯᑦ ᒧᓇᕆᔾᔪᑎᒃᑯᑦ ᒪᓕᒐᖅ ᐃᓐᒥᒃᑯᑦ ᕼᐊᑦᕿᖅᕼᐃᒪᐃᑦᑐᖅ ᑎᑭᓐᓇᒥ ᓄᓇᕐᔪᐊᓄᑦ. ᑭᖕᒍᐊᓂ ᐱᓂᕐᓗᒃᑎᕼᐃᒪᔪᖅ ᐃᕼᐅᐃᑦᑐᒥᒃ ᐃᕼᐅᐃᓈᕐᓂᒍᑦ ᖃᖕᒐᕌᓗᖕᒥ ᑕᓪᕙᙵᑦ ᐃᖕᒋᓪᕋᔭᒃᕼᐊᐅᙱᑦᑐᖅ, ᑕᓪᕙᙵᑦ ᐅᑎᖅᑎᑕᐅᕼᐃᒪᔪᖅ.
ᖃᑦᓯᑦ ᐅᕝᓗᖕᒐᓂᑦ, ᕼᐅᒪᓐ ᐃᑎᖅᑕᐅᕼᐃᒪᒐᓗᐊᖅᑐᖅ ᐊᒡᔭᖅᑕᐅᕼᐃᒪᕝᓗᓂ ᐃᓄᕕᖕᒧᑦ ᔨᐊᓗᓇᐃᕝᒧᙵᖅᑎᑕᐅᕝᓗᓂ. ᑕᓪᕙᙵᑦ ᐅᑎᖅᑎᑕᐅᕼᐃᒪᕝᓗᓂ ᓄᑦᖃᖅᑎᑕᐅᕝᓗᓂ ᓄᑦᖃᖅᑕᐅᕝᓗᓂ. ᑖᒻᓇ ᓅᑎᕐᓂᖅ ᐃᕼᐅᒪᒋᔭᐅᕝᓗᓂ ᐆᒃᑐᑲᑕᒃᕼᐅᓂ, ᑐᑭᕼᐃᒪᔮ ᓗᐃᔮᓂᑦ, ᓂᒃ ᓴᐅᓱᓐ, ᐅᖃᖅᕼᐅᓂᐅᒃ ᐅᓇ CBSA ᐃᖕᒋᓪᕋᓛᖅᕼᐅᓂᐅᒃ ᐅᑎᖅᑎᑦᑎᓛᖅᕼᐅᓂᐅᒃ ᕼᐅᒪᓐ ᑕᐃᒫᓕ.
ᐅᑭᐅᖕᓂᑦ ᑎᒍᔭᐅᕼᐃᒪᕝᓗᓂ, ᑭᐊᕈᓪ ᐅᓇᓗ ᕼᐅᒪᓐ ᑕᐃᒪᐃᓕᐅᖅᐸᒃᕼᐃᒪᔪᑦ ᕼᐊᕙᐃᓂᕐᒥ, ᐅᓇᓗ ᑕᔾᔭ ᑕᑦᕿᖅᕼᐃᐅᑦ ᑕᒫᑦ ᐃᕼᐃᕝᕆᐅᖅᑕᐅᕙᒃᕼᐃᒪᔪᑦ ᖃᑯᖕᒍᕋᐃᒃᐸᓐ ᐅᑯᓇᓂ CBSA ᕼᐃᕙᔭᐅᑎᒃᑯᑦ ᐃᓕᑦᑐᖅHᐊᐃᕝᓗᓂᐅᒃ ᕼᐅᒪᓇᐅᑉ ᕼᐅᒦᙶᕌᖕᒐᑦ, ᐱᑦᑕᐃᓕᓇᕼᐅᐊᖅᕼᐅᓂᐅᒃ ᕼᐃᕕᑐᔪᒥᒃ ᒪᓂᖅᑲᒦᒃᕼᐋᕐᓂᒍᑦ, ᕼᐃᕙᔭᐅᑎᓐᓄᐊᒃᑰᕐᓇᐃᑦᑐᒥᒡᓗ.
“ᐅᓇ CBSA ᕼᐊᕙᒃᑎ ᒧᓇᕆᓪᕗᓂᐅᒃ ᕼᐅᒪᓐ ᐃᓕᑦᑐᖅᕼᐃᒪᙱᑦᑐᓂ ᕼᐅᒪᓐ ᐃᓅᕼᐃᐊᓂᑦ ᐊᒃᓚᕕᖕᒥ ᐅᓇᓗᓃᑦ ᐱᑦᖁᕼᐃᐅᑎᒍᑦ ᒪᓕᒐᐅᑖᓂᑦ,” ᓴᐅᓱᓐ ᐅᖃᖅᕼᐅᓂ. “ᐃᓕᕼᐃᒪᙱᑦᐱᐊᖅᕼᐅᑎᒃ ᐱᑦᖁᕼᐃᖕᒋᑦ ᐃᓕᑦᖁᕼᐃᖕᒋᓪᓗ — ᐄᖅᕼᐃᒪᓇᕼᐅᒋᔭᐅᔪᖅ.”
“ᕼᐃᕕᑐᔪᒥᒃ ᐱᑦᖁᕼᐃᑐᖃᖕᒋᑦ ᑎᑎᖅᑲᖕᒋᑦ ᐃᓄᐱᐊᑦ ᐊᐅᓪᓛᖅᑐᓄᑦ ᐃᓄᕕᐊᓗᐃᑦ ᓄᓇᖕᒐᓂᑦ ᐅᓇᓗ ᑲᑐᕼᐃᖅᕼᐅᑎᒃ, ᐃᓚᓕᐅᕋᕼᐅᐊᖅᕼᐅᑎᒃ, ᐊᐅᓪᓛᖅᕼᐅᑎᒃ ᐅᑎᖃᑦᑕᖅᕼᐅᑎᒃ ᐊᖕᒍᓇᕼᐅᐊᖅᕼᐅᑎᒃ,” ᐃᓚᒋᔮᑦ. “ᑐᙵᕕᒋᔭᐅᔪᖅ ᐱᑦᖁᕼᐃᑐᖃᒃᑯᑦ ᑎᑎᖅᑲᖕᒋᑦ, ᐅᓇᓗ ᐃᕼᐅᒪᒋᔭᕋ ᕼᐊᑯᒋᒃᑐᒥᒃ ᖃᓂᖁᑕᐃᑦ ᐱᔪᓐᓇᐅᑎᒃᑰᖅᕼᐅᑎᒃ ᐃᓕᑦᑐᖅᕼᐃᒪᔭᐅᔪᖅ ᑕᔾᔭ.”
ᐱᑦᖁᕼᐃᑐᖃᑦ ᐱᓛᕈᑎᑦ ᕼᐊᓂᕌᓂᑦ, ᓴᐅᓱᓐ ᑎᒃᑯᐊᖅᕼᐄᔪᖅ ᐅᓇ ᔭᐃ ᓄᓇᖃᖅᑳᖅᕼᐃᒪᓂᖅ ᐃᓕᑦᑐᖅᕼᐄᕝᓗᓂ ᐃᓕᑦᖁᕼᐄᑕ ᑲᓇᑕ ᐊᑐᓛᖅᕼᐅᓂ ᐱᑦᖁᐃᕝᓗᓂᓗ ᐃᑲᔫᑕᐅᓐᓇᖅᑐᖅ ᐃᓄᐃᑦ ᐊᕼᐃᓄᑦ ᖃᐃᕼᐃᒪᔪᑦ. ᐅᓇ ᓄᓇᖃᖅᑳᕐᓂᖅ ᕼᐊᕝᕗᒪᓂ ᐱᖁᑕᐅᓪᓗᐊᕆᔭᐅᒃᕼᐋᖅᑐᖅ ᕼᐊᒻᓇ ᐊᖕᒋᕈᑎᒃ ᐱᖃᑎᒌᑦᓯᐊᓂᕐᒧᑦ, ᑮᓇᐅᔭᓕᕆᓂᕐᒧᑦ ᐊᒻᒪᓗ ᓇᐅᒃᑰᒍᓐᓇᓂᕐᒧᑦ, ᐃᓕᑦᑐᖅᑕᐅᕼᐃᒪᔪᖅ ᔭᐃ ᓄᓇᖃᖅᑳᕐᓂᖅ, ᐊᑎᓕᐅᖅᕼᐃᒪᔪᖅ ᐅᑯᓇᙵᑦ ᐊᒥᐊᓕᑲ ᐅᓇᓗ ᑭᖕ ᓄᓇᖕᒐᑦ ᐅᕙᓂ 1794.
ᐅᓇ ᓄᓇᖃᖅᑳᕐᓂᖅ ᐃᓕᑦᑐᖅᕼᐃᒪᔭᐅᔪᖅ ᐱᔪᓐᓇᐅᑎᖕᒋᑦ ᕼᐊᕝᕗᒪᓂ “ᐃᓄᐃᑦ ᐋᓪᓚᑦ” ᐃᓅᕼᐃᒪᔪᑦ ᕼᐊᓂᕌᓂᑦ ᑭᒡᓕᒍᑖᓂᑦ ᐊᔪᕐᓇᐃᑦᑐᒥᒃ ᐃᑳᓛᖅᕼᐅᑎᒃ; ᐅᓇ ᑐᑭᖃᖅᕼᐅᓂ ᐃᓄᒃ ᐊᕝᕙᐅᑎᖃᕐᓂᕈᒥᒃ 50 ᐳᓵᓐᑎᒍᑦ ᐊᐅᖕᒐᑦᕿᔭᖃᖅᑐᑦ ᐃᑎᓛᖅᕼᐅᑎᒃ ᐊᒥᐊᓕᑲ ᕼᐃᕗᓂᒋᕝᓗᓂᐅᒃ ᕼᐊᕝᕗᒪᓂ ᕼᐅᓕᔾᔪᑎᒃᕼᐊᑦ ᐊᕼᐃᓂᑦ, ᕼᐊᕚᒃᕼᐊᓄᑦ, ᓇᐅᓇᐃᔭᐅᑎᑦ, ᕼᐊᕙᒍᖕᓇᐃᖅᑐᑦ ᐅᕝᕙᓘᓃᓐ ᒪᓂᓕᖅᑐᐃᓂᕐᒧᑦ ᐅᕝᕙᓗ ᐱᔭᐅᓕᒪᐃᑦᑐᑦ ᖁᔭᒋᓐᓇᖅ ᖃᓄᕆᓃᑎᒍᑦ.
ᑲᕙᒪᑦᑯᑦ ᑲᓇᑕᒥ ᒪᓕᒐᖃᙱᑦᑐᑦ ᒪᓕᒐᓂᒃ ᐱᔭᒃᕼᐊᑦ ᕼᐊᕝᕗᒧᖕᒐ ᔭᐃ ᐊᖕᒋᕈᑎᒃ ᐊᒃᕼᐆᖅᕼᐃᒪᓗᒍ ᒪᓕᒐᖅ ᑲᓇᑕᒥ, ᐅᕝᕙᓗ, ᒪᒥᑦᑎᕐᓂᖅ ᕼᐅᓚᖁᑎᙱᑦᑐᖅ ᐃᕼᐅᐊᕐᓃᓄᑦ ᐊᒥᐊᓕᑲᒥ-ᐃᓄᕼᐃᒪᔪᑦ ᓄᓇᖃᖅᑳᖅᑐᑦ ᐃᓄᐃᑦ ᑲᓇᑕᒥ.
ᐊᐅᔭᒥ 2024-ᒥ, ᕼᒥᒪᓐ ᐱᕙᒃᕼᐃᒪᔪᖅ ᑐᕼᐋᔾᔪᑎᒃᕼᐊᕐᓂᒃ ᑕᐃᒫ ᐱᒋᐊᖃᖅᕼᐃᒪᔪᖅ ᕼᐃᕗᓪᓕᐅᔪᒥᒃ ᕼᐊᕙᒃᑕᐅᔪᒃᕼᐊᕐᓂᒃ ᕼᐊᓇᕿᔾᔪᑎᒃᕼᐊᕐᓂᒃ ᐆᒃᑑᑎᒃᕼᐊᕐᓂᒃ ᑕᓪᕘᓇ ᐊᐅᓚᕼᐃᒫᖅᑐᖅ ᓄᓇᖃᖅᕼᐃᒫᖅᑐᖅ, ᑎᑎᕋᖅᑕᐅᕼᐃᒪᔪᑦ 2021-ᒥ ᐃᓄᖕᓄᑦ ᓇᒡᓕᒍᕼᐅᖕᓂᒃᑯᓪᓗ ᓇᔪᒐᐃᓂᑦ. ᑕᔾᔭ ᐅᑕᖅᑭᔪᖅ ᑭᖕᒍᓪᓕᖅᐹᒥᒃ ᐊᖕᒋᕈᑎᒥᒃ.
ᑭᐊᕈᓪ ᑲᖕᒋᖅᕼᐃᕼᐃᒪᔪᖅ ᐊᕝᕙᐅᑖᓂᑦ ᕼᐊᕝᕗᒪᓂ ᑕᔾᔭ ᐊᑐᖅᑐᒥᒃ ᐃᓄᕕᐊᓗᐃᑦ ᐊᒥᕼᐆᓂᖕᒋᑦ ᑎᑭᕼᐃᒪᔪᑦ ᐃᓚᒌᒃᑐᓄᑦ ᐊᐅᓪᓛᖅᕼᐃᒪᔪᑦ ᐅᕙᙵᑦ ᐊᓚᔅᑲᒥᑦ ᑕᔾᔭᑦ ᐊᑎᖃᓕᖅᕼᐅᓂ ᑲᓇᑕ ᖃᓂᒃᑯᑦ ᑭᖕᒍᖕᒐᔪᑦ. ᖃᖕᒐᕌᓗᖕᒥᑦ, ᐃᓄᕕᐊᓗᐃᑦ ᐊᕕᒃᑐᖅ ᕼᐃᒪᔪᓂ ᑲᑐᔾᔨᖃᑎᒌᖕᒋᑦ ᑎᒃᑯᐊᖅᕼᐃᒪᔮᑦ ᕼᐊᒻᓇ ᐃᑳᕐᓂᒍᑦ-ᑭᒡᓕᒍᑖ ᐃᖕᒍᑖᕐᓂᖅ ᐃᓄᐃᓐᓇᐃᓄᑦ ᓄᓇᖃᖅᑐᑦ ᐊᐅᓪᓛᖅᑐᓄᑦ ᐊᕕᒃᑐᖅᕼᐃᒪᔪᒥ ᐅᓇᓗ ᐊᓚᔅᑲ
ᑭᐊᕈᓪ ᐊᒻᒪᓗ ᕼᐅᒪᓐ ᒧᒥᖅᑑᒃ ᓂᕆᓂᕐᒥᒃ ᐊᒃᓚᕕᖕᒥ ᐊᐃᐸᔭᓕ 2024-ᒥ. © Ben Mitsuk
ᖃᓂᓪᕈᒃᑯᑦ ᐅᑭᐅᖕᒐᓂᑦ, ᐃᓄᐃᑦ ᑕᐱᕇᑦ ᑲᓇᑕᒥ ᑐᒃᕼᐃᐅᑎᒋᔮᑦ ᕼᐊᒻᓇ ᒪᓕᒐᓕᐅᕐᓂᒍᑦ ᒪᓕᒃᑕᒃᕼᐊᖕᒋᑦ ᐅᕗᖕᒐ ᐊᕼᐃᓂᑦ ᓄᓇᑎᖅᕼᐃᒪᔪᑦ, ᓄᓇᑖᖅᕼᐃᒪᔪᑦ ᐃᒫᓗ ᓄᓇᒥᐅᑕᐅᔾᔪᑖ ᑲᓇᑕᒥ ᐃᓕᑦᑐᖅHᐊᐃᓇᕼᐅᐊᖅᕼᐅᒋᑦ ᐅᓇ ᓇᑲᑕᖅ 36 ᕼᐊᕝᕗᒪᓂ ᔫᓇᐃᑎᑦ ᓇᐃᓴᓐᑯᑦ ᐅᖃᕇᔭᐅᑖ ᐱᓛᕈᑕᐃᓄᑦ ᓄᓇᖃᖅᑳᖅᕼᐃᒪᔪᑦ ᐃᓄᐃᑦ. ᓇᑲᑕᖅ 36 ᐃᓕᑦᑐᖅᕼᐃᒪᔪᑦ ᐱᔪᓐᓇᐅᑎᖕᒋᑦ ᕼᐊᕝᕗᒪᓂ ᓄᓇᖃᖅᑳᖅᕼᐃᒪᔪᓄᑦ ᐃᓄᐃᑦ ᐃᖕᒋᓪᕋᓛᖅᑐᑦ ᐊᔪᕐᓇᐃᑦᑐᒥᒃ ᓄᓇᓪᓛᒥᖕᓄᑦ. ᑲᓇᑕᒻ ᔫᓇᐃᑎᑦ ᓇᐃᓴᓐᑯᑦ ᐅᖃᕇᔭᐅᑖᑦ ᕼᐊᕝᕗᒪᓂ ᐱᔪᓐᓇᐅᑎᖕᒋᑦ ᓄᓇᖃᖅᑳᖅᕼᐃᒪᔪᓄᑦ ᒪᓕᒐᖅ ᑭᐅᑦᕿᔮᖕᒋᑦ ᑲᕙᒪᕐᔪᐊᖕᒋᑦ ᖃᓕᕇᖅᕼᐃᒪᓗᒋᑦ ᒪᓕᒐᐅᑦ ᐅᑯᓇᙵᑦ ᐱᔪᓐᓇᐅᑎᖕᒋᑦ ᕼᐊᕝᕗᒪᓂ ᔫᓇᐃᑎᑦ ᓇᐃᓴᓐᑯᑦ ᐅᖃᕇᔭᐅᑖᓂᑦ.
ᐃᓄᐃᑦ ᑕᐱᕇᒃᑯᑦ ᐊᑐᓕᕈᒪᔭᐃᓂᒃ ᒪᓕᒐᐅᔪᓂᒃ ᓄᑖᙳᖅᑎᕐᓂᖕᒋᓂᒃ ᐱᕼᐃᒪᓂᐊᖃᐃᑦ ᐃᕼᐅᒪᖅᕼᐆᑕᐃᑦ ᐃᓚᐅᓛᖅᑐᑦ, ᑲᕙᒪᑐᖃᓂᒃ ᐃᓕᑕᖅᕼᐃᔪᑦ ᐊᒥᐊᓕᑲᒥ ᐱᖕᒐᕼᐅᑦ ᐃᓚᐅᔪᑦ ᐃᓄᐱᐊᑐᑦ, ᐅᑯᐊᓗ ᑲᓛᓪᓖᑦ ᐃᓄᐃᑦ, ᐃᑎᕆᐊᖕᒐᓂ ᑲᓇᑕᒥ. ᐱᓕᐅᕐᓂᐊᖅᑖᓗ ᑭᑐᓂᒃ ᐅᑯᓄᖕᒐ ᐃᓄᐃᑦ ᑎᒍᒻᒥᔾᔪᑎᔪᑦ ᑎᒥᖁᑎᒋᔭᖕᒋᑦ ᐃᓚᐅᔪᑦ ᐃᑎᕆᐊᒥ ᑲᓇᑕᒥ ᑐᙵᕕᖕᒐᓄᑦ ᐃᓄᐃᑦ ᒪᒥHᐊᐃᓂᕐᒧᑦ ᑎᒥᖁᑎᒋᔭᖕᒋᑦ ᐃᓚᐅᓂᖕᒐ, ᐅᓇᓪᓗᐊᙱᑦᑐᖅ ᑐᙵᕕᖕᒐᓄᑦ ᓄᓇᒥᐅᑕᐅᓂᖕᒐᓂᒃ
ᓄᖕᒍᓕᖅᑎᓪᓗᒍ 2023, ᑲᓇᑕᐅᑉ ᓄᓇᑎᕐᓂᒃᑯᑦ ᒥᓂᔅᑕᖕᒍᓚᐅᖅᑐᖅ ᒫᒃ ᒥᓗ ᐅᖃᖅᑐᖅ ᑲᓇᑕᒥ ᑲᕙᒪᑦᑯᑦ ᐅᐸᓗᖓᐃᔭᐅᑕᐃᑦ ᐊᔪᖕᓇᐃᑦᕿᔭᐅᔮᖕᒐᓂ ᓄᓇᖃᖅᑳᖅᑐᑦ ᐃᓄᐃᑦ ᓅᑎᕆᐊᖕᒐᓂ ᑕᒪᐃᓐᓂᑦ ᓄᓇᕐᔪᐊᒥ ᑭᒡᓕᖕᒐᓂᑦ. ᑕᓪᕙᙶᓂᑦ, ᑕᑦᑎᐊᕐᓇᖅᕼᐃᓕᕐᕕᐊ 2024-ᒥ, ᑲᕙᒪᑦ ᑐᕼᐊᖅᑎᑦᑎᔪᑦ ᑕᔾᔭ ᐱᑦᖁᕼᐃᕐᒥᒃ ᐱᒋᐊᕈᑎᓂᒃ ᐱᔾᔪᑕᐅᔪᓂᒃ ᐱᑉᑲᕆᐊᖕᒐᓂ ᐃᓚᐅᔪᑦ ᐊᒥᐊᓕᑲᒥ ᑲᕙᒪᑐᖃᓂ ᐃᓕᑕᕆᔭᐅᕼᐃᒪᔪᓂᒃ ᐱᖕᒐᕼᐅᓂᒃ ᖃᓂᓐᓄᐊᒃᕼᐊᒥᒃ ᐃᓚᒋᔮᓂᒃ ᑲᓇᑕᒥ ᐆᒃᑐᕆᐊᖕᒐᓂ ᒪᓂᓕᕿᓂᒃᑯᑦ ᐊᑭᑦᑐᕐᓂᖕᒋᓂᒃ ᐊᖕᒪᐃᔮᖕᒐᓂ ᕼᐊᕚᒥᒃ ᐱᔪᓐᓇᐅᑎᓂᒃ, ᐃᓕᑦᑐᖅᕼᐊᐅᑎᓂᒃ ᐱᔪᓐᓇᐅᑎᓂᒃ, ᕼᐃᕕᑐᕆᐊᖕᒐᓂᓘᓃᑦ ᑕᓪᕙᓂ ᑲᓇᑕᒥ ᐳᓛᖅᑐᓂᒃ — ᕼᐅᓕᔪᑦ ᐃᑲᔪᓛᖅᑐᑦ ᐊᕼᐄᓂᑦ ᐃᓄᐱᐊᒥᒃ ᐃᓛ ᐅᔭᒐᒃ
ᑖᒻᓇ ᐅᔭᒐᒃᑯᑦ ᐅᓂᑉᑳᖕᒐ ᐋᓪᓚᐃᑦᑐᖅ ᐃᓄᕕᐊᓗᐃᑦ ᓄᓇᑖᕈᑎᖕᒐᓄᑦ. ᐃᖃᓗᖕᓂ, ᓄᓇᕗᑦ, ᐊᐃᑉᐹᓄᑦ ᓄᖕᒍᐊᓂ ᐃᓄᐃᑦ ᓄᓇᖕᒐᑦ, ᓇᕙᕋᓇ ᐱᐊᕗᕆᔅ ᐅᒃᐱᕈᕼᐅᒃᑐᑦ ᐃᓄᐃᑦ ᐊᖕᒪᖅᐹᓪᓕᖅᕼᐃᒪᔪᑦ ᐊᒥᒐᐃᑦᕿᔭᓂᒃ ᑭᒡᓕᖃᖅᑐᒥᒃ.
ᐱᐊᕗᕆᔅ ᐊᖕᒋᒡᓕᕼᐃᒪᔪᖅ ᖃᖁᖅᑐᕐᒥ ᓅᒃᒥᓗ, ᑲᓪᓛᓪᓖᑦ, ᓅᑎᖅᑎᓇᑎᒃ ᓄᓇᕗᓐᒧᑦ. ᑎᒃᑯᐊᖅᑕᐅᕼᐃᒪᔪᖅ ᐃᓚᐅᕝᓗᓂ ᐃᓄᐃᑦ ᐃᓄᓪᒐᒥᕐᓂᒃ ᕼᐃᒪᐅᕼᐃᖅᕼᐅᒍ ᐱᓇᕼᐅᐊᕈᑦ ᐅᕙᓂ 1994-ᒥ, ᕼᐅᒥ ᑲᑎᒪᖃᑎᒋᔮ ᑕᔾᔭ ᐊᐃᑉᐸᓂ ᐅᐃᓕᐊᒻ ᐱᐊᕗᕆᔅ, ᑭᑐ ᓇᐅᔮᓐᒥᑦ, ᓄᓇᕗᑦ.
ᑭᐊᕈᓪ ᐊᒻᒪᓗ ᕼᐅᒪᓐ ᑲᑎᑎᑕᐅᓚᐅᖅᑐᑦ 2017-ᒥ.
ᐊᐃᑉᐸᕇᒃ ᕼᐃᕗᓪᓕᕐᒥᒃ ᐃᓅᔪᖅ ᑲᓛᓪᓖᑦ ᓄᓈᓐᓂ, ᑭᕼᐃᐊᓂ ᐅᐃᓕᐊᒻ ᐊᖕᒋᙱᑦᑐᖅ ᐊᒃᕼᐆᖅᑐᕐᓗ ᐊᖕᒋᙱᑖᕌᓂ ᐃᑭᑦᑐᓂ ᑕᑦᕿᖅᕼᐃᐅᑎᓂ. ᐊᐃᑉᐸᕇᒃ ᓅᕼᐃᒪᔪᑦ ᓄᓇᕗᓐᒧᑦ ᑲᑐᕼᐃᖅᕼᐃᒪᔪᕐᓗ 1997-ᒥ ᐅᖃᖅᑎᐅᔮᖕᒐᓂ ᓄᓇᖃᖕᒋᓇᕆᐊᖕᒐᓂ ᖃᓄᕆᓐᓂᖕᒐᓂᒃ. ᑖᒻᓇ ᑎᑎᖅᑭᕿᓂᕐᒧᑦ ᕼᐊᕚᖕᒐ “ᐱᑉᑲᐃᔪᖅ,” ᐱᐊᕗᕆᔅ ᐅᖃᖅᑐᖅ, ᐃᓚᓕᐅᑎᕼᐃᒪᔪᕐᓗ ᐃᕼᐅᐊᖕᒋᑦᑐᒥᒃ ᒧᓇᖅᕼᐃᓕᕿᓂᕐᒧᑦ ᐆᒃᑑᑎᑦ. ᑕᓪᕙᙵᐃᓐᓇᖅ 2014-ᒥ ᑖᒻᓇ ᑎᐊᓐᒫᒃ ᐱᑉᑲᖅᑎᑕᐃᑦ ᒪᓪᕈᖕᓂᒃ ᐃᓄᖕᓂᒃ, ᓇᐅᓇᐃᔭᐅᑖ ᐱᐊᕗᕆᔅᒥᒃ ᓂᕈᐊᓕᒪᐃᑦᑐᖅ ᐅᕝᕙᓘᓃᑦ ᑭᕝᒐᖅᑐᖅᑕᐅᓕᒪᐃᑦᑐᖅ ᐃᓄᖕᓄᑦ ᕼᐊᕙᒡᕕᐊᓄᑦ ᓄᓇᕗᓐᒥ ᐊᒥᒐᐃᑦᑐᓂ ᐅᑭᐅᓂ.
“ᑕᓪᕘᓇ ᐅᓇ ᕼᐊᕙᐅᕼᐃᖅ, ᑲᖕᒋᖅᕼᐃᒪᐃᓐᓇᖅᑐᒍᑦ ᑖᑉᑯᐊ [ᐊᐃᑉᐸᖕᒐ ᐅᕝᕙᓗ] ᒪᓪᕈᕐᓂᑦ ᐋᓪᓚᑦᖀᓂᑦ ᓄᓇᕐᔪᐊᓂᑦ. ᑕᐃᒫ ᐋᔾᔨᑮᒃᑐᒥᒃ ᐃᓄᖕᓂᒃ ᐊᖕᒋᔪᓂᒃ ᓄᓇᒥ, ᐱᖃᖅᑐᓐ ᒪᓪᕈᖕᓂᒃ ᓄᓇᒋᔭᐃᓂᒃ ᑲᕙᒪᓕᕿᔾᔪᑎᒃᕼᐊᕐᓂᒃ ᑕᑉᑯᓂᙵ, ᒪᓕᒃᕼᐊᐅᑎᒃᕼᐊᖃᖅᑐᓐ ᓄᓇᓕᔮᖕᒐᑦ ᑖᑉᑯᓂᙵ ᓄᓇᒥ,” ᐅᖃᓪᓚᒃᑐᖅ ᐱᐊᕗᕆᔅ, ᕼᐊᕙᒃᕼᐃᒫᖕᒋᓇᖅᑐᓐ ᐊᖕᒐᔪᒃᕼᐃᐅᔪᖅ ᐊᐅᓚᑉᑲᐃᔨᐅᕝᓗᓂ ᕼᐊᓇᕿᔾᔪᑎᒃᕼᐊᕐᓂᒃ ᐅᐸᓗᖓᐃᕈᑎᒃᕼᐊᕐᓂᒃ ᑕᓪᕙᓂ ᕿᑭᖅᑕᓂ ᐃᓄᐃᑦ ᑲᑎᔾᔪᑎᖃᑎᒌᖕᒋᑦ, ᑖᒻᓇ ᐃᓄᐃᑦ ᓄᓇᖃᖅᑳᕐᓂᖕᒋᑦ ᑎᒥᖕᒐᓂᑦ ᑕᓪᕙᓂ ᕿᑭᖅᑖᓗᒃ ᐊᕕᒃᑐᕐᕕᐊᖕᒐᓂ ᓄᓇᕗᓐᒥ.
ᓂᐊᖁᐃᑦᑐᑦ ᐃᓚᐅᕙᒃᑐᓪᓗ ᑎᐊᓐᒫᒃᑯ ᓇᓐᖓᕆᔭᐅᓂᒃᑯᑦ ᖃᐅᔨᕼᐊᕐᕕᒃᕼᐊᒥᒃ ᓄᓇᕗᓐᒥ. ᐊᑐᕐᓂᒃᑯᑦ, ᐃᓕᑕᒥᓂᒃ ᐃᓚᓂ ᐃᓚᐅᖃᑎᒌᖕᓂᖅ ᕿᑦᖃᓂ ᐊᒥᒐᐃᑦᑐᑦ ᐳᖅᑐᕼᐃᔪᖅ ᐅᑭᐅᖅᑕᖅᑐᒥ ᓄᓇᓪᓛᑦ ᐃᒫᑐᓐ ᒥᑦᑎᒪᑕᓕᖕᒥ ᐊᐅᓱᐃᑦᑐᕐᒥᓘᓃᑦ, ᐅᕝᕙᓗ ᖄᓈᖅ ᑲᓪᓛᓪᓖᑦ. ᑭᒡᓕᖃᖅᑐᑦ ᐱᑦᑕᐃᓕᔾᔪᑎᑦ ᐅᕝᕙᓗ ᑎᖕᒥᓂᒃᑯᑦ ᑎᖕᒥᔾᔪᑎᑦ ᐊᔪᖕᓇᖅᕼᐃᕙᒃᑐᑦ ᑕᔾᔭ ᑕᕼᐊᑉᑯᓄᖕᒐ ᐃᓚᒌᖕᓄᓐ ᑎᖕᒥᔮᒥᖕᓂ ᐅᕝᕙᓗ ᕼᐃᕗᒧᑦ. ᐊᕼᐃᓂᑦ ᐅᖕᒐᕼᐃᒃᑐᒥᑦ ᖃᐃᕼᐃᒪᔪᑦ ᒪᓕᒐᑦ ᓇᐅᓇᐃᖅᑎᑦᑎᔪᑦ ᐱᐊᕗᕆᓴᐅᑉ ᐊᖕᒋᔪᖅ, ᓯᑰᖅᑎᑦᑏ ᑲᓪᓛᓪᓕᓱᑦ ᐅᖃᖅᑐᖅ, ᐃᓄᐃᑦ ᐅᖃᐅᕼᐃᖕᒐ ᑲᓪᓛᓖᑦ, ᐆᒃᑐᖅᕼᐅᓂ ᕼᐊᕙᒋᐊᒥ ᓄᓇᕗᓐᒥ
“ᐃᑲᔫᑕᐅᖕᒋᑦᑐᖅ ᐃᓄᐃᓐᓇᐃᓐᓄᑦ,” ᐱᐊᕗᕆᔅ ᐅᖃᖅᑐᖅ. “ᐊᒥᒐᐃᑦᕿᔭᑦ ᐃᓄᐃᑦ ᑕᑯᓛᖅᑐᑦ ᕼᐅᓇᓂᒃᓕᖄ ᐊᔪᕐᓇᐃᑦᐸᑦ, ᐊᖕᒪᐅᒪᐃᓐᓇᕐᓂᖕᒐᓂᒃ ᐊᑐᓛᖅᑐᓂᒃ ᐅᖃᐅᕼᐃᕐᒥ ᕼᐃᕗᒧᑦ ᐊᑐᖅᐹᓪᓕᕆᐊᒐᓂᓗ, ᐊᕼᐄᓗ ᕼᐅᓕᔾᔪᑎᑦ. ᐊᑐᖅᕼᐅᒋᑦ ᐊᑕᐅᑦᑎᑦ ᓄᓇᑦ ᕼᐊᑯᒋᖕᓂᖕᒋᑦ ᕼᐊᑯᒋᒃᕼᐃᔫᒥᕈᑎᒋᓂᐊᖅᑖᑦ ᐃᓄᐃᑦ ᓄᑖᒧᑦ ᐊᒃᑎᓛᖕᒋᓄᑦ, ᓇᐅᓇᐃᔭᕐᓂᐊᖅᑯᒍᑦ ᖃᓄᖅ ᕼᐊᕙᒋᐊᑉᑎᖕᓂ ᓇᑰᑦᕿᔭᒥᒃ ᐊᑕᐅᑦᑎᒧᑦ.”
ᑕᔾᔭ, ᕼᐅᒪᓐ ᐅᔭᒐᒃ ᐅᑕᖅᑭᕼᐃᒻᒫᖅᐸᒃᑐᖅ ᓄᓇᖃᖅᕼᐃᒻᒫᖅᕼᐅᓂ, ᑕᐃᒫ ᓄᑦᖃᖅᑎᑦᑖᖅᑖ ᓄᑦᖃᖅᑎᓐᓂᖕᒐ ᓄᑦᖃᖅᑎᓐᓂᐊᖅᕼᐃᒪᓂᒃᑯᑦ. ᑕᔾᔭ, ᓄᕼᐅᒃᕼᐃᒪᔪᖅ ᐋᓐᓂᐊᕈᑎᒥᒃ ᑭᒍᑎᒋᒃᕼᐊᐅᓐᒥᒃ ᑕᐃᒫᓕ ᐱᓕᒪᐃᕋᒥ ᑲᓇᑕᒥ ᐋᓐᓂᐊᖅᑕᐃᓕᓂᕐᒧᑦ ᒧᓇᕆᔾᔪᑎᓄᑦ.
“ᐃᕼᐊᕆᐊᕼᐅᒃᑐᒍᑦ ᐊᐃᑉᐸᕋ,” ᐅᖃᖅᑐᖅ ᑭᐊᕈᓪ. “ᐅᕙᒻᓄᑦ ᐃᓐᒥᒃᑯᑦ ᓇᖕᒋᕐᓂᖅ ᑖᒻᓇ ᐃᓄᒡᓗᒍᕼᐅᖕᓂᖅ ᐅᕝᕙᓗ ᐃᑎᕐᓄᖕᒐᖅᑎᑕᐅᕝᕚᖅᕼᐅᓂ.”
ᕼᐅᒪᓐ ᐊᒻᒪ ᑭᐊᕈᓪ ᐅᔭᒐᒃ ᒧᒥᖅᑑᒃ ᖁᕕᐊᓲᑎᖃᖅᑎᓪᓗᒋᑦ ᐃᓄᕕᐊᓗᐃᑦ ᓄᓇᖕᒐᓂᒃ. © Courtesy of OKT LLP
