January 19, 2026—Ottawa
Inuit Nunangat, Ukiuqtaqtumit Inuit angirratuqanga Kanatami, sunalimaalitsiavaaluk, imatsiaq ilagitsugu. Arraagugasajjuakut avanngaaluk ajjiliurtaunikuusimajunik atuqsutik, Tapiriikkut qaujisimavut Inuit Nunangat qaanganiittumik imatsiataqarmat 32%-kut Kanataup imatsialimaanganik – anginiqsamik qaalimaangit Tasirjuangujuit (Great Lakes) Kanatami katiqsugit.
Tapiriikkut saqqititsivut ullumi unikaaliamik atilimmik Inuit Nunangat Qaanganiittumik Imattiavaq Nilaillu takutitsijumik Inuit Nunangata imatsianganik naniinninginnilu arraagugasakkut.
Sila asijjipalliatuinnatillugu, silarjuaq inugiarpalliatillugu ammalu imatsiaqanngiluarniq pivalliatillugu, pimmariuvuq sapujjigiartitsiniq imatsiaqarnirijavut sivuniksatinnut.
Kanataup angininga taimaippuq Inuit Nunangannut – pitalik 40 pusantikut Kanataup nunangani ammalu 70 pusatikut sijjangani. Ilagiarlugu imatsiaqarnirijanga, nalunanngituq Inuit angirratuqangat tunisimmarimmat Kanataup pitaqarninganut nunamiittunik ammalu Kanataup kinaunirarninganut.
“Inuit Nunangat pimmariuvuq naukkulimaaq, pitalimmariutsunik atuutiqagunnasiaqtunit Inungata qaujimajamitigut nunamiittutigullu,” uqaqtuq ITK Angajuqqaaq Natan Obed. “Kanata kiinaujaqaqtitsinikkut pivaalligiartitsilunikisianiuvuq nunalittinik Inuqutittalu qanuittailimaninginnit attanaqtumiittailiqullugu nangminiqsurunnasiaqullugulu Inuit Nunangat arraagugasauniaqtunut.”
Qaujigiakkannirumaguvit: