September 18, 2025—Iqaluktuuttiaq, Nunavut
Natan Obed niruaqtaukkannilauqtuq Angajuqqaangunirmut Inuit Tapiriit Kanatami ITK Arraagutamaaqsiutimik Katimatillugit Iqaluktuuttiaq, Nunavummi
ITK Angajuqqaangat niruaqtauvakpuq isumaqsurnikkut aulattinikkut kiggaqtuillutik Inulimaanik Kanatami. Niruaqtut Angajuqqaamut Niruarnautillugu tikkuaqtausimajunut ilagijaujunut kiggaqtuijinut Inuvialuit Aviktuqsimajut Kuapuriisakkunnut, Nunavut Tunngaavik Timingat, Makivvik ammalu Nunatsiavut Gavamanga, qaakkanniagut marruuk katimajaqtuqatausimajuuk tikkuaqtausimajuuk atuni Inuit Angiqatigiigutinginnut Katujjiqatigiinut, ammalu ITK Angajuqqaap Tungilingat.
Natan Obed Nain, Nunatsiavummiingaaqsimajuq. Obed sivulliqpaami niruaqtaulauqsimajuq ITK Angajuqqaangunirmut 2015-ngutillugu; taanna tisamaginialiqtanga ITK Angajuqqaangulluni.
ITK Maligaralaangit maliktugit, Angajuqqaarijausuuq arraagunut tisamanut.
Obed angiqtitaulauqtuq Angajuqqaangunirmut ammalu matusilluni Arraagutamaaqsiutimut Katimaniujumik, katimaniulauqtuq September 18-ngutillugu Kitikmeot Inuit Katujjiqatigiit Katimavvingani Iqaluktuuttiami.