Aagasi 29, 2025—Ottawa, ON
Inuit Tapiriit Kanatami (ITK−kut) nalunaijaivut ukuninga ilitarijausimajunik 2025-ᒥ ITK−kut Angajuqaaksanganut Niruagaksaujunik:
- Kevin Kablutsiak
- Natan Obed
Niruarniarmata taikani ITK-kut Arraagutamaaq Katimarjuarninginni Iqaluktuutsiarmi, Nunavut, tamaani Sitammirmi, Sitipiri 18, 2025-mi. Atunik ilitarijausimajuuk niruagaksauqataujuuk uqalagviksaqaqtitauniaqpuuk niruaqtiginiaqtaminut, niruarialaunginni suli.
Kinnakut niruarunarmangaatta
Maliktaulutik ITK-kut maligaralaangit, ITK−kunnut katimajiujut sitamanik ajjigiingittutinik Inuit Nunataarvigisimajanginni Timiqutigijaujunik kiggaqtuijiuvut. Taimaininganut, tainna Angajuqaaksaq niruaqtauvakpuq ITK−kut Arragutamaaq Katimarjuarninginni. Taimaak aaqiumallutik saqiumatittivakput isumaqsurnirmigut niruarunarniq maliktunik Inuqutingatta angajuqaanguqujanganganik, aqutiqarlutik aviktuqsimaninginnik katujjiqatigiinik.
Niruaqtauvviup Ullunga
ITK-kut Angajuqaanganik Niruarviksaq aaqiumajauvuq tamaani Sitammirmi, Sitipiri 18, 2025-mi, Iqaluktuutsiarmi, Nunavut. Maligiagaqput ITK-kut Niruaqtulirinirmut Aqiumajanginnik Aturialingnik, niruarniaqssutik taikani kingullirmi ullungani Arragumaaq Katimarjuarvingmini katimaninginni. Atuni ilitarijausimajuuk niruagaksaak uqalagviksaqaqtitauniaqpuuk niruagaksaunirminik, kinguniagullu apiqsuqtaujunnaqsutik, kiujauniaqtunik, akuniuluajjaangitumik, tamanallu pijariiqpat, niruaniaqsutik ammalu ilitarijaujumik niruarutingit naasaqtauniaqsutik.
Tusagaksalirijiit ammalu Inulimaanik Qaujimatisiniq
Ilitarijauningit niruaqtaujumik saqititauniaqput ITK-kut Qaritaujakkut takuniaqtauvvingagut ammalu tusagaksaliurvinginnik Qaritaujakkut, kinguniagut tusagaksaliarijaulaurlutik Angajuqaanganut Niruaqtulirijini.
Uqarviksait:
Tusagaksalirijingit ITK−kunni Qaritaujakkut titiqaqtaarvingat: media@itk.ca