Juun 4, 2025 – Ottawa, Ontario
Kanatami Inuit Makkuktut Katimajingit (Makkuktut Katimajingit) nirualauqtut Gwen Natsiqmik Iqalungmiutaq angajuqaaqtasaaq tamaani 2025-2027-mut tikilugu.
Kanatami Inuit Makkuktut Katimajingit kiggaqtuijiuvut makkuktunik Inungni nanituinnaq Kanatami. Angajuqaangat uqaqtigijauvaktuq makkuktut katimajinginni ammalu tamainni Kanatami, Nunarjuarmilu, ammalu katimajiunginnaqsutik Inuit Tapirit Kanatami katimajinginni, ammalu taikani Inuit Nunarjuarmi Katimajinginni Kanatamik. Angajuqaangattauq taimangat ilagijaunginnarivuq taikani Inuit-Kanataullu Gavamakkut Ilagilirninginnut Katimajiralaanut, tautarannaqtiuvakssutik.
Natsiq, ukiulik 21-nik maanaujuq pilirivuq ilissaijiunirmik ilinniaraanigutiksaminik Nunavut Ukiuqtaqtuup Silattuqsarvingani Iqalungni, taikanilu pilirilaurilluni ilinniaqtinginnut katimajini angajuqaarijaulluni. Natsiq iqanaijaqataqsimangmijuq isumalirinirmut aaniaqtulirijiuniq, ikajuqtiuqattaqsimalunilu qanuinginnirmut ilagijauvangniq Inungnut makkuktuni Kanatalimaami.
“Upigussutsiaqtunga, quviagilariksugu sivulliqtiujunnarniq taakunani katimajinginni,” uqaqaujuq Natsiq. “Iqanaijattiarniaqtunga aksuruutigilugu kiggaqtuijiunirani nipiqatillugit makuktuqutivut, pivalliatitinirmullu tukiliuqtunik ilautittivangnmiq, ammalu ikajurniq assijjivalianirmut makuktuqutitinut turaangajunik piuniqsaujunaqtunik.”
Sitamaulauqtut niruagaksaulauqtut angajuqaaqsanganut Makuktut Katimajinginni, taanalu Natisiq: Trevor Wright, Davina McLeod ammali Nia Morris. Makkuktut Katimajingit qujalijumajut niruagaksauqataulauqtunik ilaulaurninginni ammalu sivuliqtiuninginnut.
Makkut Katimajingit qujalijumangmijut angajuqaarijaulauqtumik Susie-Ann Kadlukmik piliriinalaurninganut pijunautinginni, ammalu qanuiqunangitsugit Inuit makkuktut.
Makkuktut Katimajinginni angajuqaaq piliriqatiqatsiarniaqtuq Kanatami Inuit Makkuktut Katimajinginnik tikkuaqtausimajunik niruarunautilingnkik katimijingit ukunangat kiggaqtuillutik, Inuvialuit Aviktuqsimaningani Kuapurissakkut, Kitikmeot Inuit Katujjiqatigiingit, Kivallirmi Inuit Katujjiqatigiingit, Qikiqtani Inuit Katujjiqatigiingit, Qarjuit Makkut Katimajinginnik, ammalu Nunatsiavut Gavamakkunginnik.
Tusagaksaliriit Apiqutiqarutik:
media@itk.ca