Ottawa, ON – Vivvuari 28, 2025
Inuit Tapiriit Kanatami tunngasuttittijut Piliriaqarumanirmik Qaujitittinirmik ukunanngat nunalinni tamaani Inuit Nunangat ikajuiniaqtumik inigigajaqtangata ilinniarvijjuammariup Inuit Nunangat University.
ITK−kut piliriaqarmata aaqqisuqtauvallianinganut sivullipaattiaq Inunnut−namminirijaq ammalu aulautaujuq silattuqsarvijjuaq Kanataup Ukiuqtaqtungani. Una silattuqsarvijjuaq pijiqtirarniaqtuq Inunnut tamaani Inuit Nunangat ammalu ungataanugiaq, sivumuaqtittiluni Inuit qaujimajanginni, uqausingani, ammalu ilinniatittinirmik saqqijaaqtittisinnaa iliqqusirmik upigusunnirmik ammalu namminiq−pijunnarnimik.
Silattuqsarvijjuaq ilinniarvijjuammaringa tuttarvigijauniaqtuq, Qaujimajarnut Upaqattarvingit ungavariaqtittiniaqtuq ilinnianirmut pivissaujunnaqtuni tamaani Inuit Nunangat.
Inuit Nunangat hammalait, katujjiqatigiit ammalu Inuit maanna tunngasuttitauvut nalunaijaitittinirmik pijjutaujunik ikajurniqarajaqtunik nunaliit kajusitittigunnattiarninganut unuversitiup ilinniarvijjuammaringani, piqasiutilugit makimajjutaujariiqtut ammalu nunalinni pijiqtiraviujut, ammaluttauq angirraqaqtittigunnatuinnariaqarlutit nalauttaaqtausimajumik 100−paluit ilinniaqtiit ammalu 80 iqqanaijaqtiit.
Silattuqsarvijjuaq ilinniarvijjuammaringa pimmariuluni inigijaugajaqtuq piliriarijanginnut, saqqijaaqtittiluni nunaqatigiittiarnirmik ammalu piliriqatigiinnirmik tamaani Inuit Nunangat,” uqaqtuq ITK angijuqqaanga Natan Obed.
“Una piliriangujuq nalunaiqsinirmik tuttarviup inissangani aaqqittausimajuq ilaliujjisimattiarnirmik ammalu niruaqtaugajarmat akaulaamik kajusitittijjutissaq.”
Piliriarijaujuq ikajuqtuiniaqtuq ITK−kunni, piliriqatiqaqtillugi silataaniinngaaqtumi qaujikkaijimik, nalunaijainirmik nunalinni ilautitauqujaujunik tunisiniarlutit nalunaijaqsimattiaqtumik tuksirautimik nunagijaujunnatuinnariaqarninganut Ilinniarvimmarialuup. Nunaliit niruaqtaungittut tuttarvigijaugajaqtumut piviqaqtitauniarmijut piliriqataulutit pimmarialuujumut silattuqsarvijjuaq sivuniksanganut.
Inuit Nunangat University−nga nunarjualimaami ilinniarvittiavammariuniaqtuq atuinnaqarluni quttiniqsanik ilinniarutissanik ammalu nuuttaqtunillu pijariirusinik, sivummuaqtittivalliasinnaa Inuit uqausinginnik ammalu qaujimaninginni. Silattuqsarvijjuaq turaagaqaqtuq sivulliqpaanginnit pigiaqtittijumallutit arraagu 2030-mi.