Download a copy of Issue 130 here.
Inuktitut Uqalimaagaliangusimajut taakkua 130-nik itijumik atuqtausimajuvinirnik iqqaumajjutiqaqput kisianilu sivunittinnut turaangatittisimagillutik, Inuit sanaugalirininginnut, piusituqanginnut ammalu tusaumaqattautilirijjutinginnut sivuniksarijaujunut. Uqalimaagait qaangani, ammalu turaangajjutiullutik takuksautitaujut iluani, takuksautittisimavut ilitarijaujjutinik saalaksautitaarutigilauqtanganut ulluminitarnik ajjiliuqsimajanganik Ottawa-miutaulluni Katherine Takpannie-up. Uqalimaaganut ilisisimammijugut apiqsurnirilauqtattinnik Lucy Tulugarjukmik, aulatsinirmi isumatarijaujumik Canadami sivulliqpaallariulluni siqinngujaq kaivitsugu talavisatigut takuksautittivannirmik Inuktut ammalu qaujigiarniujunut pivalliajuliriniujunut niuvrutiqakkannirunnariamik pijunnautigijaujunik ammalu kiinaujjaksavviutuinnarialingnik – niuvrutiukkannirajaqpata Inungnit sanaugaliangusimajuviniit.
Kisianiluttauq kingummut takugiarniqarmijugut, taima Nunatsiavut ukiungit 1980-it atuqtillugit qaritaujatiguuqpalaunngitilluta suli, ammalu pinirluaqiniulauqsimajuvinirmik ukiut 120 naasimaliqtunit taima Inuit angiqsimatinnagit qimaijariaqaqtitaulauqsimaningita quviagijaullariktuulluni, taimannganituqammarik sivuliviningita angunasuarvigiqattaqsimajangannik Kuuvik Bay, Nunavikmi. Isumagijaqalauqsimanngilasili qanuq sivullirmik pigiaqtitaulauqsimannirmangaata unikkaarijaujunnaqsutik Pauktuutit Arnait Inuit Canadami timiqutingannit? Utiriaqsimajjutiniaqtatsi pigiarutiulauqsimajunut timingatta, 1975-ngutillugu-United Nation-kut Silarjualimaami Arnait Ukiurilauqsimajangannut.
Taakkuatuangunngimmijut. nanisiniaqpusi unikkaaqtausimajunik ammalu ajjiliuqtausimajunik Umiujaq, Nunavikmi, tarrijagaksaliangusimajunik qimirrunirnut, ammalu uqausiksanginik Inuit Tapiriit Kanatami Angijuqqaangata Natan Obed saqqilauqtanginik Iksirarjuaraaluk Francis-mut April 2022-mi takujaqtuiqatausimagami Iksirarjuaraaluup nunarjuanganik. Atii ingillusi uqalimaattiarniaqpusi tusarniqtunik aujautillugu.
Aaqqiksuijiit: Tom Macleod ammalu Lisa Gregoire
Tunisisimajut: Michelle van Beusekom, Lucy Tulugarjuk, Damon Klengenberg, Carol Kunnuk, Mark Jr. Mallik, Lisa Koperqualuk, Yvan Pouliot, Emily Laurent Henderson, Christine Nochasak, Jessica Winters, Cathy Ford, Peter Wall, Anita Kora, Tiffany Larter, Annie Rita Tookalook, ammalu Natan Obed.