May 15, 2025 – Atuvaa, Ontario
Inuit Tapiriit Kanatami katimajingit tunngasuktittilauqtut nutaanik Kanatamut Ministait katimajitaasaanginnik, Atuvaami katimaninginni May 14-mi ammalu piniarniqaqsutik piliriqatiqarumanirmik katujjiqatigiiglutik Kanataup kiggaqtuijinginnik ujjiqtutsiarumanirmut kajusijunarningit taikkua Inuit-Gavamatuqakkut Pinasuaqatigiinirmut Katimajiralaani sivulliujjaujumajunik pijjutiqaqtunik.
Katimajiit uqausiqalaurmijut isumaaluutigijanginnik ajurutauvaktunik niruarnirmut Inuit Nunaginni nirualauqtillugi tamaani April 28-mi Kanataup gavamaksanganik. Tilisilauqtut ITK-kuni piliriqatigiilutik Kanatami Niruaqtulirijikkunik ujjiqtutsiarlutik kinakkutuinnait nanituinnaq Inuit Nunanginni ilaujunnariaqarninginni sivuniksami niruarnaujumaarmijuni.
Katimajiit angirutiqalauqtut nutaanik aktuqtausimanininginni tukisiniarutiqalaurniq iglulirinirmut turaangatitauvaktunik. Unikkaalianginni qaujisaqtaulauqtut aktuqtausimaningit Inuit Nunangit nalunaiqtauqullugit naukkut kiinaujaksaniktausimangiluaqattarninginnik.
Angirutiqalaurivut qanuilingaviuqujauninginnik nalunaiqtausimaliqtuni Inuit nunaqaqtutuqauninginni, uluriarnarniqariaqannginniq ammalu sapunniaqtaujunnariaqarninginnik sivulliutitaulutik, akitturiaqtauqullugit pitaqarialiit Inuit Nunaginni pijjutaulutik, tammakua Inuit Nunangit ilagijaulirlutik Kanatamut, sapunniaqtausimajunnarniarmata aviktuqsimaninginni taikuuna Inuit-Gavamatuqakkut Pinasuaqatigiinirmut Katimajiralaangigut.
Ammalu angirutiqalauqtut kiinaujanik 10 milijanik aittuusiaqtaarijauniaqtunik nutaanut pigialisaarutiksanut Inuit Qaujisarnirmut Piliriviksanganut, tammakua kiinaujait tunijauvallialutik tallimanik arraagukkut ingminik Inuit isumaliuqtiuvangniarmata qaujisaqtaujuksanik ammalu ajurunniirutiksanginnik qaujisaqtiuqattarunarninginni.