Nanituinaq Inuit Canadami ilagijauvut tapirijaunirminut Inuuqatiminut Kalaaliit Nunaani uqaqatainarninginni asiqangitunik Ingminik kajusititijiuniurminik sivuniksaminik ulurianaqsaarviugaluarutik Amialikamiunut niuvirumaniraijunik, tigusijunarniraijunigluuniit nunanganik.
Inuit atausiugamik aviktuqsimatitaulutik tikiajuvinirnut kigliliurviusimaninginnut nunanginni. Nunaqaqtugut Canadami, Kalaaliit Nunaani, Amialikamiuni ammalu Rassiamiuni. Najurattigut nunait tamaani taijaujuni Inuit Nunangani, taimanngalimaaq Inuqariarviugialauqsumajunik. Ajjigiikassaktunik iliquqisiqaratta, uqausiqatigiikssutalu, qaujimaniqpaangullutalu issumaalutauvaktunik nunattinni, aviktuqsimanittinni ammalu inuuqatagiiktuni.
Naliatuinait nunait taakua aqsaaqtaunasukkutik aulatijiujunarninginni, uvattinni tamainnik pigiaqattaussimagivut. Aaqiumanirijavut Inuulluta nunarjuarijattini saqititausimangmata nangminiq uvagut tukiliuqtiujunarnarittinni ammalu aulattijiunittinik atuqsuta.
Tamainnik nunarjuarijanginnik nanituinaq ajuinarviqaqpugut, taikuningalu NATO-kut tapirririjuarijanginnik sangujaangitumik ikajuqsuiqullugit Inungnik Kalaaliit Nunaanik ingminik nunaminik aulatijiurjariaqarninginnik sivuniksaminnut.