Amissugasauliqtuni araaguuliqtuni, tautugaqarialilaurmata pigialauqtunik Inuit nunalinginnik – pitaqaqujiniq Inuit Nunangat University-mik, pimmariujumik pivalliajjutaunajaqtunik Kanatalimaami Qanuiliurutauvalianirmut Inungnut Iliiniaqtulirinirmik 2011-ngulauqtumik. Tammana tautugarijauniq, tunngaviqaqpuq atuliqtitittivaliaqujiniq uqaussinginnikInuktut ammalu Inuit piussirijanginnik qaujimanirmik, turaagaliarijaulutik iliniarnikkut ammalu qaujisarviuqattaqttutigut piviksaqarniarmata Inuit makkuktut, assingillu nunarjuarmiu nanituinnaq. Kajusigiarajarutta sivummut 2017-mut, pimmarialungnik ITK-kut Katimajingit kajusitittilauqput piqujivungaarummik saqqititivalianirmut university-mik, nalunaikkutallarutauliqtummik sivummuakpallianirmut ingminik-isumaliurijiujunanirmik qutingniqsaniq iliniaqtulirinirmik.
Ikajuqsuqtaullutik Mastercard Foundation-kut Tunngavinganut, ITK-kut, saqitittivalialilauqput Inuit Nunangat University-lirjinirmik Pilirijiit Tilijausimaningit tukissinattialauqtut: Ilautittiningit nunalingni qanuilinganiarninganut university maliglutik pijariaqarninginnik. Nalunaikkutaqaqsutik Sivummutkunnut qanuiliurutiksanut parnautinginnik, Tilijausimajut Inuit Nunangat University-lirinirmik pilirijingi pilirililauqtut ujjiqtuttiarnirmik qanuilingajunnarningata aaqiumajunnarninganik ammalu kajusititauttiarunarninganik makuni pijjutiqaqtunik suurlu aulaatijiuniaqtunik, pilianguvangniaqtunik ikajuutiksanik, sanasimattiariaqarninganik, maligalirinirmik, ammalu kiinaujalirnirmik.
Taikkua Inuit Nunangat University-nguqtittinirmut Pijunautiit pijjutiqaqput university-iup tunngaviksanginnik Inuit ingminik-aulattijiujunarninginnik, kajussiinnarunarninginnik ammalu ataninginnik nunatuqarminut. Inuit Nunangat University turaangangmat makuninga satuivallianiq, piuniqsauliqtittiniq ammalu atuliqtittivalianiq Inuit ilianiarussinginnik, uqaussinginnik, iliqusituqanginiglu, aturuniiqtitaulutik Inuit aktuqtausimaninit qaluunaatut piusqaqujauninginnik ammalu aulatauqataqsimaninginnik assiminut. Tunngaviqaqsutik Inuit qaujimajatuqanginnik, nalunaikkutaqaqsutik Inuit maliganginnik, taakkua iqanaivinga pinassugutiqaqput piijaijumaniq Inuit assiminut aullatauqattaqsimaninginnik, tikiutijunnaqullugit aaqqiiqatigunarnirmut saimanirmullu ammal ikpigijautsiarninginnik Inuit qaujamininginnik tunngaviqarniq.
Sivulliuluninginnut Ukiuqtaqturmiutanut-tunngavikqarniq, anginilingmik ammisugassangnik ajjigiingittuutiujunik Kanataup aviktuqsimaninginnik gavamaqarviujuni, Inuit Nunangat University turaangavuq pijunarniqaqtititniq ilinniaqtiit iliniarunarninginnik piusitirijaminik tunngaviqaqtunik, atuqujinirmullu aviktuqsimaninginnik ammalu nunarjjuarmi piliqatiqarunarninginnik, pissimainarlutik isuminik aturunarnirminik isumaqsurunarnirninginnik maligaqtigut. Piniarniqaqput Inungnik sivuliqtiruqpalliajunarninginnik, iliniarunaqtunik tigumiarlutik kajussitsivalualutik Inungnut anirnaqtuutigijaujunik pimmariuniqaqtunik ammalu iliqusituqanginnik.
Nuvipiri 27, 2024 taikani 100 Wellington, Ottawa-mi
Uqaqtingat: ITK-kut Angajuqaanngat Natan Obed
An Inungnut-aulataujunik, nunarjjuarmilu piuniqpaanguqataujumik university-mik ikajurniqarniaqtumik qanuingittiaqtunik, sangijumik ammalu ajungittiaqtunik Inuuqatigiiktunik.
Pitaqaqujiniq university-mik tunngaviqallaringniaqtumik uvagut Inuit nunatuqanginni atulirutauniaqtunik Inuktut ammalu Inuit iliqusinginnik ammalu pimmariutitanginnik makununga turaangajunik:
Inuit inuusiqainnaqput aulataugatik assiminut ingminik ajunnginirmigut uvagut Inuit nunatuqanginni taimannganialuk. Nangminiq uvattinik-aullatijiuvugut ammalu uvattinik-kajussiinarunnaqsimagata sivunituqammarianik taimangat qallunaat tikilaunginninginni ullumiuliqtut nunagijauliqtumi Kanatami. Inuussittinni piussituqarijavut pijunnautaussimajavut inuunginarniq Ukiuqtaqtumi pijjutaunirmut sangijumaringmik atanittinnut, tunngaviqarnittinullu sivulivinatta nunatuqanginni. Aksururnaqtukkuunginaraluaqsutta Kanatami qallunaatut aulataunittinik, iliqusituqavut, uqausivullu kajussiinaqsimajut, tammakualuk piruqsiarijaukkanirialiqtut, maliktaulutik maligatuqarijavut, piusituqaqpullu, ilianniarusituqavullu. Inuit Nunangat University (INU) piniarniqaqput satuivallianiq, atuliqtittikanirniq, sanginiqtaaqtitiniq, kajusititauvalliatittiniq ammalu aturuminaqtuutittiniq Inuit ilinniarussituqanginnik, uqausituqanginnik ammalu illiqusituqanginnik. Gavamauvalauqtut qanuiliuqpalaurningit atuagaliarisimajangillu qallunaani aulitijiqarninginik Inungnik sulli ulurianarniqaqput uvagut illinniarussinginnut, uqausituqattinnut ammalu piusituqattinut. Qutingniqsani illiniakkannirviit pimmariujumik atuutiqarmata iliniarunnarnirmut, ikajuqsuinirmut ammaly aturuniiqtitivalianirmut assitinnut qalunaanat aulatauvangnittini, piruqsainirmullu aaqqiiqatigiingaarunarnirmut ammalu ikpijauttiarunarninginnut upigijaulutik Inuit qaujimaninginnik. Inuit Nunangat University (INU) tunngaviqarmat Inuit nunatjuarmik issumaqarninginnik, upigijauninginni, ikpigijauttiarninginnilu qaujimajitarivut papattijivut, Innatuqait, Inuktut uqaqiit ammaly ilisaijiit kajussititiinarnikuit, atuliqulujullu Inuit qaujimajatuqanginnik. Taamakkua tagga tunngavigijaujut sannigijumik kajussiinarunnarniq ammalu ajjiungitunnik ajunginiinginnut piviksaqaqtitilutiki ilianniakkanirutiksanik maliktunik Inuit piusituqanginnik, uqausinginnik ammalu iliqusituqarmigut pimmariutitauvattunik ikpigusuqattarniq. and traditional values.
INU-ssaq sivulliuniaqtuq university-iulunii pinguqtitauniaqtuq Ukiuqtaqtuuniup aviktuqsimaningani, ammissunik Kanataup qallunaani aviktuqsimaninginniq ammalu ukiuqtaqtuqpassingmiut aviktuqsimaningani ajjigiingitunik gavamaqarviujunik pijittirainiaqtuq Kanatami. Tunngaviqaqsutik ukpirijauninganik Inuit tapiriingnininginnik, uvagutytauq piniarniqaqpugut atuinaruiniq qutingniqsanik iliniarviksanik ammalu qaujisarviksanik ikajuutauniaqtunik ajuqsaruniirutaujunarnirmut avikuqsimaninginni ammalu naniininginni Kanatami, nunarjuarmilu qaujivaaliruntaunikkut ikajurniqarniaqtunni.
Ajjingimmariktuniktau iniksaqaqtugut inilangainiaqtunik piliratigiigunarninginni Inuit ammalu assinginiitut Ukiuqtaqtuqpassingmiutaujut nunarjjuarmi, katujjiqatigiigunarniarmata Ukiuqtumi gavamagijaujunik ammalu ilisarvigjuaqtaqtunik. Maliglutik Inuit maliganginnik, taikuningalu taugaijkaujattinnik ammalu tilijausimanittinik, INU-kut sivilliginiaqtut sanginiqtaarunautinginnik, uluriarnarnirmiitailimaninginnik, timuukullu, isumakkulu, illumigullu ukpirijamigut qanuittailimajariaqarningit iliniaqatauvangniaqtut. Taimaliurunaqtugut atuinautitinirmut ajjiqangitunik iliarviujunnaqtunik, sangijuniglu ikajuutiksaqarniq iliniarutinik ammaly piujiqarlutik tunngaviqattiaqtuni, isumaqsaqsiurutausimatiaqtunik, ikajuutaujunik ammalu atuliqtitivaliajumajunik Inuit inusiqarussinginnik. Saqititauluni INU-ngat ikajuqsuiniaqtut isummiqsautaujunaqtunik ammalu iliniarutaukkanirunaqtuni aturunarnirmik isumaqsuutaujunarninginnik, ajjigiittutiujunut inuuqataungmijunut, nalliqagijaujuniglu piviksaqaqtitaujuinnalutik tamarmik. Piniarniqaqtugut kajussivaliattiarunarninginnik sivuniksami sivuliqtiksait, iliniaqsimarjjuarunaqtut, assijiiqataujunnaqtulli tigumiarlutik uvagut tammata isumagivaktattinik, pimariuniqaqtuniglu uvattinut.
INU-kut tuttarvilluatauningat tujurmivilik ilissarvingat iniqarajaqtuq iliniarvillariunirmut tikitarviuvaktuq iliniariaqtunut nakituinaq Inuit Nunanganik, tungasuktitauvaglu tikippaliajut ilagijaujutitut nunalingnut ammaly katujjiqatigiigunarninginnut Inungni nakingaaqsimajuni ajjigiingituutiujuni. Taikani tunganaqtumiiniaqtut avatiminik ikpigussuttiaqtunik kativiujumi nunalituqarnut ilinniarussinginnik atuqpaktunik, tukisiumaqatautijunarnirmik piusiqatittijunik ammalu qaujimanik ilittiviuqaturunarmijunik. Ilinniariaqtunut tujurmivinginni ikajuqtauvangniaqtut pijittirautinginnut, ammalu iliniarniaqtanginnik unikaarviuqatarlutik, isumalirinirmullu ikjuutiksaqaqtitaulutik, ujjiqtuttiaqtunik ilaujunarninginnik ammalul nalunajaiviutiaqattarninginni tamainnik iliniariaqsimajut.
Qaujimajukkuvingit upaktarviit INU-ngani ilisarviqarniarmijut assinginni sitamani aviktuqsimaninginni Inuit Nunaganni, pitaqarlutik nunalingni ilinniarviit ikpigussutiaqtut atuni nunaliit iliqusituqarijanginnik. Tammakkua upaktarviit qutinniqsanik-illiniakkanirutiliit qaniniqsanik Inuit angirrarijanginnut, tautugaqarniqsaujunik iliqusituqanginnik ikajuutiksanik ammalu uqausituqanginnik tusaanginarunarlutik ilinniarunnarninginnik. Katujjiqatigiillutittauq Inungnut-aulataujunik timiqutigijaujunik ammalu pijariuqsatitaularillutik iliniaqtitaujunaqtuq suurlu tammakuninga tariup imanganik iliarutiqarniq ammalu irnisuksiijunnarnirmik, tammakua iliniarvingit piruqsiiviujunarput tamainnik nunalingni ilaliutijunarmik ammalu nirutuniqsanik ilinniarutaujunarnarninginnik qaujiqatarunarninginnik.
Ajjigiingittuutiujunik Ilinniarutiksaqaqtittiniq illiniarvigasangni qaujimaliqpaalirutaujunaqput iliniaqataujunut ajjigiingitunikt ilissaqtaujunaqtunik, suurlu avatilirinirmik qaujisarnirmik, sanaugalirinirmik, aanniaqangittulirinirmik, illiniaqtulirinirmik, uqausilirinirmik ammalu aulatauvangninginnik nunaliit pijjutiqaqtunik. Tamakkiriaqtunik aaqiumaningit piviksauvut iliniaqtunut tukissiumalirunarniq pijariatujunnarninginnik aksuruutauvaktut inungnut saangajauvaktut, pijuumissautauningilu katujjiqatigiigunarniq ammalu atuqtaugajuinniqsaniq qanuqtuurutaujunaqtunik akaungiliurutaujunut angijumik pimmariuniqarunnaqtunik nunalingmiunut ammalu ungataanut.
Turaangulluturningit avatimik sapunniarnirmik ammalu Kiinaujaliurunarnirmik ingminik makitajurnarnirmik, taakkua aviktuqsimaningit atuliqtitauniaqtut Inungnut-aulataujunik qaujisaqtaujunaqtunik atuqtauqatainnarunnaqtunik piusiqarlutik. Pimmariuniqsait ammalu pimmariunginniqsait iliniarutiit makuninga ilaqaqput: Kiinaujaliurviujunarnirmik, Angunasungnirmik, Piqutinik Sanajauniaqtunik QanuilinganinginikTitiraujaqtiurnirmik, Silaup Assijjiqpallianinganik ammalu Avatilirnirimik Nautiqtuivangniq.
Taakkua aviktuqsimaningani pijuumisaiviujut iliniaqtunik ingminiq sanaugaliurunarninginnik uukturarunarniq, satuivalliajunnarnirmut Inuunirminik ajjigiingitunik sanaugaliurlutik, iliqusituqarminik ammalu tukiliurutaujunaqtunik nipiqarviulirunaqtunik.
Pimmariuniqsait ammalu pimmariunginniqsait iliniarutiit makuninga ilaqaqput: Takujaksanik sanaugaliurunatniq, Inuit Sanauganginnik Unikkaaliurutiit, Nijjausijarnirmik, Tauturannaagaksanik Inungnik Pinguaqtunik, Titirarunarniq, Sananguagaliurniq, Titiqatuqanik Papattaussimajunik Kamajiuniq ammalu Tarriujautiksaliriniq/Tussautiliriniq/Qaritaujakkullu Kiujjutiksaniktausimavaktut.
Pijjutiqaluaqtut aaniaqangittulirinirmik qanuinginirmiglu, taakua aviktuqsimaningani iliniaqtut pijjunaqsiniaqtut aaniaqangitulirinirmik iqanajaaqtaarunarniq, tunngaviqaqtunik piussituqarijaujunik. Pimmariuniqsait ammalu pimmariunginniqsait iliniarutiit makuninga ilaqaqput: Irnisuksiinirmik, Isuaqsaijiunirmik, Isuaqsautilirnirmik, Uumajunik Aaniasiuqtiuniq, Nirijaksalirinirmik/Niqittiavalirnirmik, Niqiliuttiarunarnirmik, Qanuinginirmik ammalu Pinguaqtulirinirmik Ilinniarutinik.
Turaangajut piruqsainirmik silatunirmik ajurunniirunarniq, taakua aviktuqsimaningani ilinniaqtut ikajuqtauniaqtut iqanaijaaqtaarunnaqsiniq iliniaqtulirinirmik, inulirijiunirmik ammalu nunalingni pijittiraijiujunarniq, tagvuunalu ingminik qaujimaniqsaulirunarniq iqanaijarunarnirlu ikajuqtiniurmik.
Pimmariuniqsait ammalu pimmariunginniqsait iliniarutiit makuninga ilaqaqput: Iliniaqtulirinirmik, Inulirijiuniq, Qautamaaqsiutinik Aullatinik Pilirijiuniq, Ilagiingnik/Qatangutimik/Innuguiniq, Qanuinginnirmik ammalu Nunalingni aaniaqangituliriniq.
Pijjutiqaluaqtut Inuit ingminik-isumaliuqtiuvanninginnik, taakua aviktuqsimaningani sanginiqtaaqpalianiaqtut iliniaqtut ilaujunarnirminik gavamagijaujuni aulattijiuqataujunarniq ammalu tapirijauqattarunarniq inungnut nunalingmini.
Pimmariuniqsait ammalu pimmariunginniqsait iliniarutiit makuninga ilaqaqput: Gavamalirinirmik Aullatijigijaujunigluunnii, Sivuliqtigijaunik, Nunataarutinik, Kiinauliriniq, Maligaliriniq, Taissumanituqaq Pivalianivinginnik, Ataugaliurunarnirmik, Aulattijiunirmiq Tukisiumajunarniq, Inuit Ingminik-Aulattijiuninginnik, ammalu Assinginnut Qallunaanut Aulataulirnikuuninginnik.
Pijjutiqaluaqtut atuliqtittivalianiq Inuktut uqausirmik, taakua aviktuqsimaninganik ajurunniiqsainiaqtut iliniaqtunik uqausilirinirmik tukisiumajunarniq, tusaajiujunnarniq ammalu inuktuuliqtuijunarniq, ikajuqataulutik uqausituqait atuqtaunginnarninginnik, atuutiqarninginnillu.
Pimmariuniqsait ammalu pimmariunginniqsait iliniarutiit makuninga ilaqaqput: Uqausiit Titirausinginnik, Inulirinirmik Qanulinganingillu Uqausituqangit, Uqausiqatigiingininigit, Inuktut Uqausikkut Aullatinniq, Uqausinginni Ataqatigiininginnut Tukiliurutingit ammalu Tusaajiuniq, Inuktuuliqtuijiuniq.
Tamaani 2022-mi, ITK-kut saqitittilauqtut taikkuninga Inuit Nunaganni University-lirinirmik Tilijausimajut Pilijrijingit (University-lirinirmik Tilijaussimajut). Unikaaliuqattarialiit Kanatalimaami Inuit Katimajiralaanginnut Illiniaqtulirinirmut ammalu ITK-kut Katimajinginut, taikualu University-lirinirmik Tilijaussimajut sivullirmi uqaujjigiaqtiuvut ikajuqsuijiullutiglu taikkununga tautugarijauninginnik Inuit Nunangat University-mi. Kamajiuvut tilijausmajut pilirijingit pijjutilingnik Inungnut qanuiliuqtauvangninginnik ammalu issumagijanginnik nipiqarutaunirmut aturniaqtunik sivuniksamik pivialianinginnik Inuit Nunangat University.
ITK President Natan Obed and Mastercard Foundation President and CEO Reeta Roy meet in ITK’s offices in 2022
Sivullinik ilinniarutiksaulaaqtunit isumaliuliqtugut ilinnilu tusaqviqarumatsuta ilinniaqtaulaaqtut turaangalaarmata Inuit pimmariutijanginnik, qaujimajanginnik, ilinniarusinginnilu.
