Mai 27, 2026 – Ottawa, Ontario
Katimajingit katimalauqtut Mai 26-ngutilugu Ottawa-mi niruarutaulauqtuni sanirvaijumaniq $27 milijanik atuqtuksanik talimanik 5 aggiqtunik arraagunut turaangajunik puvagluliriikutiksanut kiinaujaqaqtitsijumaniq, maliglugit Canataup gavamangata arraaguup pigialisarvingani tusagaksaliarijaulauqtut. Kiinaujaksait tunijauniaqtut Inuvialuit Nunatarvingata Timiqutinganut, taikkunungallu Nunavut Tunngavikkut Timiqutinganut, Nunatsiavullu Gavamakunginnut ammalu Nunaviup Aviktuqsimangata Katimajinginnut Aaniaqtulirijinginnut, Inulirijinginullu pilirivinganut, ammalu ITKkunnut, maliktaullutik kiinaujaqtaaqtitsivanirmut aaqiumajauningit, tamainnik ilitarijaujunaqulugit inuqutingit atuni ammalu puvaglulirutaujunnarningit, taikkualu aituiviussimatigivangningit maliktaullutik atuni aviktuqsimaninginni, Canatamilu tukiliuqtausimajariaqarningit isumagillugit.
Tammaani 2018-mi, Inuit, Canataullu gavamakungit katujjiqatigiiglutik pilirijumaniq nungutirinasugumaniq puvaglulirnaqtumik Inuit Nunanginni tikilugu arraagumut 2030-mut pitaqaruniiqtitsijumaniq, avvaluangannik pitaqarunniqtitsimallutik tamaani arraagungani 2025-mi. Tamatumani kingullirmi arraagumi taijaujumi, tikitauluqtuq arraguujuq pissimangissutik suli kiinaujaksanik aturiaqalauqtanginnik.ITKkut pinassuinalauqtut $131 milijanik ammalu katujjiqatigigumalutik Inungnik Canataullu gavamanginnik qanuiliurutauqulugit Inuuqatigiiktuni aktuqtaujunarninginni aaniaqtulirinikkut nanituinnaq tamainni aviktuqsimaninginni pitaqarunniiqtitsigiarnirmut puvalungnarnirmik. Tusagaksaliarijaulauqtut kiinaujaksait upirngaakkut unikaaqtauninginni kiinaujalirinirmik nalunaijainiq gavamakkut angumalaunngimata pijariaqaqtanginnik piliriarijumajanginnut kissiani aksuluuniit kajusijunarnialingmingmata ikajuutiksangit puvaglulirunarniq inuqutinginnik atuni aviktuqsimaninginni pitaqarunniqtitsinasugunarnirnginnik.
Katimajiittauq parnautiksamanik uqausiqalaurmijut marruungni ulluungnik, tamakkuningalu Inungnik-sivulliqarlutik aulatijiujunnarniq sapuniaqtiksalirinirmiglu katimarjuarutaujarialingnik Inungnik sivuliqtigijaujuni, aaqiumavagiiriaqarnirmut saqititsivaliaqullugit tapiriiglutik Canatalimaami qanuilingajumaniarmangaata pijjutiqarlutik tamaani Ukiuqtaqtuqpassiuningani ulurianarviujuqariaqanginnirmik, sukkalumik assijjiqpallialiqtilugu Canataup iniqarvinga nunaaluani. ITKkut katimatitsiniaqtuq Ottawa-mi Juni-mi, atausirmik ullumik uqausiqarumallutik Inuit timiqutinginnik amallu tuglirmi katimaqatigilugit Canataup kiggaqtuijingit ilagivaktangit, qaujimajitarijauvaktullu ammalu kinakutuinait nunaliit Inuqutingit ilaulutik.
Katimajiit tusaqtitaulaurmijut iqqainajaarijaujunik pigiaqtitsivalialirniq akuniuniaqtumut-turaangajunik aaqiumajuksanik, Inungnut-aulatauniaqtunik inangiijjutiksanik taikkuninga Inuit Qitunganginnik Sivulliujjinirmik Ikaajutiksauvaktunik. Ajurnarninginnut maligarijauliqtut ammalu qautamaaq kamagijaujunarninginni aksururnarningit pijjutaungmata pimmariujunik Canatamik kiinauksait angijukkallamariit Inuit Qitunganginnut ikajuutiksait atuqtaujunnailissimangmata.