July 30, 2025, Ottawa, Ontario
Inuit Tapiriit Kanatami (Tapiriikkut) Angajuqqaamut niruaqsiniqarniaqtut September 18, 2025, Tapiriikkut Katimavigjuarnirilaaqtaminik Iqaluttuutiarmik, Nunavut.
Tapiriikkut Angajuqqaanga niruaqtausimavaktuq isumaqsurunnautimitigut aulatsiniujunut aaqqiksuangusimajutigut pijjutiqaqtiullutik Inulimaanut. Niruaqsivakput Ilagijaujut tikkuaqtausimajut Katujjiqatigiingujunut Inuvialuit Aviktuqsimaningani Corporation, Nunavut Tunngavikkut Timiqutinga, Makivvik, ammalu Nunatsiavut Gavamanga, ilaqaqtillugit marruunnik katimavigjuariaqataujunit atuni aviktuqsimaniujunit, ammalu Tapiriikkunnut Angajuqqaap Tungalinganut.
Inuit ukiuliit 18-nik ungataanullu niruagaksannguqtitaujunnaqput tilijausimallutik Ilagijauqataujumut nautuinnanganut Inuit Katujjiqatigiinganut uvvaluunniit tunisisimalutik Niruagaksannguqtitsinirmut Tatatirialiqutinik.
Niruagaksauliqsimagumajut tunisisimajut Niruagaksannguqtitsinirmut Tatatirialiqutinik pitaqaqtitsisimajariaqaqtitauvut titiqqanik nalunaijaisimajunik piliriniqaqsimanirminnut sivuliqtiullutik, qaujimanirminnut pivalliajuliriniujunut pimmariutitaullutik Inunnut ammalu nalunaijaisimalutik sunanik piliriaqalirumaniarnirminnut Tapiriikkunnut Angajuqqaangulirutik, ammalu pisimammilutit 20-nit atiliuqsimajunik Inunnit ukiulinnik 18-nik ungataanulluunniit ikajuqtuiniqaqtunik niruagaksannguqsimanirminut.
Niruagaksannguqsimajut piviksaqaqtitaulaaqtut 10 minitsimik uqallagunnarnirmut Ilagijaujunut ammalu Katimavigjuariaqsimajunut Tapiriikkut Katimavigjuarniqaqtillugit September 18.
Niruagaksannguqtitsiniq isulititausimaniaqtuq Sitammirmi, August 28, 2025, 5-muaqpat unnuksakkut. Niruagaksannguqtitsinirmut Tatatirialiqutiit ammalu asingit titiraqsimajuqutiit atuinnautitauvut ataani.
Niruagaksannguqtitsijjutinik Saqqititsiniq
Ilagijaujumut Niruagaksanngutitsinirmut Tatatigialiqutik
Niruagaksannguqtitsinirmut Tatatirialiqutiit
Inuit Kanatami Niruarnirmut Pilirijjusiit
Qaniujaaqpaitituuqtut (Inuulingajut) tutsiraqtaurunnaqtut.
Qaujigiakkannirumaguvit:
Apiqutaugajuktut
2025 ITKkut Angajuqaaksanganut niruarumaarniq − matuiqtauninga niruagaksaliuriunarniq.
- Kinakkulli ITKkut Angajuqaaksanganut niruagaksauqataujunnaqpat?
Kinatuinnaq Inuk ukiulik 18 nik ungataanilunniit, atiliuqtausimaguni Nunataarutimini Katujjiqatiginginni (Inuvialuit Aviktuqsimaningani Kuapuriisakkut, Nunavut Tunngavikkut, Makivvikut uvvalunniit Nunatsiavut Gavamakkungit ilagijaujut) niruagaksanguqttitaujunnaqput
- Qanuq niruagaksaliarijaujunnaqpat kinakkutuinnait?
Marruungnik aturunnaqput ajjigiingituungnik:
- Nunataarvigijassinnut katimajinginni angajuqaap niruagaksaliurunnaqtuq – katimajiuqataujumut naliangnituinnaq nunataarviusimajut timiqutigijaujuni atausirmik 1 Inungmik niruagaksaliurunnaqput titiqatigut.
- Kinatuinnaq Inuk ingminik niruagaksauliurunnaqtuq – uuktuqataujunnaqtut Inuit tunisilutik niruagaksaunirminut titirarviksanik tatatiqsijunik atiliuqtausimalutik 20 nut Inungnut ikajuqsuijunut ilaliutiusimajunik nunataarutinginnik, ukiuqarlutik 18−nik ungataanilunnit.
- Titiqaqutiminik tunisijariaqapat niruagaksauninginnut?
Tamainnik niruagaksaliarijausimajulimaat (marrungnik aturunnaqtanginnik nallianginituinnaq aturlutik):
- Titiraqsimajunik qanganiinniaqtunik titiqaqutinginnut unikkaaqtunik ajunginninginnik/qanurlu iqanaijaqataqsimaninganik titiraqsimalutik tuniniaqtanginnik
- Maannaujuq puqtunilingmi 1 mi pirajasimanirmut qaujisaqtausimanirminik Kanataup atuni aviktuqsimaninginni/Ukiuqtaqtuupluniit aviktuqsimaningani anigusaaqsimajuni tallimanik 5 arraagunik unikaalianik tunisiluni
- Kanataup silataanut aullaarunautingata taimaatchianaq takuksauttiaqtigijumik ajjiqutimik tunisijariaqaqpuq
- Akiliilunilu $500 nik (qaritaujakkut tujuqtaujumik akiliutikkut, kiinaujaksamik/sikkimik, uvvaluuniit akiliksanigunnautimigut akiliiluni)
- Namut tujuqtaujariaqpat tatatiqsimajangit titirarviksait ammalu assingit ilangit titiqait tunijarialiit?
Qaritaujakkut titiqaqtaarvikkut tamarmik tujuqtaujarialiit uvunga Niruaqtulirijiup Turaarutinganut qaritaujakkut: CRO.ITK2025@gmail.com
Titiqarniarvikkuuqtunik aturiaqarutik sukkajukkuurialingnillunnit, uqarviuniaqpuq niruaqtulirijiujuq tukisigiarviuttiarluni qanuiliuriaqarniarmangaat.
- 20 nik atiliuqsimajunik pisimajariaqaqpungaa niruagaksanguqtitauguma nunataaruttitta timiqutinganik katimaji angajuqaanganut?
Aakka
20 nut atiliuqtausimajarialiit taikkua kissiani ingminik niruagaksaliuqsimajut. Nnunataarvigijassinni katimajiit angajuqanganut niruagaksaliarijaujut atiliuqtausimajariaqarajangittunut 20 nut.
- Qanuiliusuunguvalli kinguniagut tunijaulauqsutik niruagaksaliarijausimajunik titiqaqutinginnik?
Tainna Niruaqtulirijingat imailiuqpangniaqtuq:
- Qaujititauluni pisimajaulirninginnik titiqaqutingit, tamaani iluani 24 ikarrait pijaulaurninginnik.
- Nalunaiqtauttiarlutik ilaujunnarningit, titiqaqutingillu, ammalu (pijariaqarutik) atuni 20 nut atiliuqtausimaningit naamangmangaata.
- Saqititaulutik nalunaiqtausimattiaqtut niruagaksauqataujut (tamainnullunniit ikajuqsuqtauninganik qaujikkautinginnik) tusaqtitaulutik pinasuarusingata iluani matujaulaurninginnik maliglutik.
- Kinakkut niruasuungungmata niruarnauliqtillugu?
Maligaralaangit ITKkut tikkuaqsisimavut sitamanik ajjigiingittunik Inuit nunataarutinut timiqutigijauninginnik niruarutaujunnarniq Angajuqarijauvaktuq niruaqtauvanningani. Tikkuaqtausimajut katimajingit taimaak takuksauttiaqtumik kiggaqtuijitaarunaqullugit aulattijiksanganik saqiumatititulutik qanuiliusuunguninginnik aturlutik piusirijaujunik tagvuunga.
Niruasuungujut imaak:
- Sitamani Inuit Nunangani Nunataarutinginni Timiqutigijaujunik kiggatuijinginnik:
- Ammalu marruuk tikkuattausimavaktuuk katimajinik atuni aviktuqsimaninginni (tikkuaqtausimajunik nunataarutinginnik Inuit Nunangani); ammalu
- Angajurmu tuglirijaujuq ITKkunnut (Inigijaujuq Angajuqaanganut Inuit Nunarjuarmi Katimajinginnik − Kanatamik
- Niruagaksauqataujut uqarunnaqtitauvaat niruagaksaunirminik?
Ii.
Atuni tamainnik ilitarijausimajut niruagaksaunirminut piviksaqaqtitausuut 10 minitsinik katimajinut katimajaqtuqsimajunullu ITKkut arraagutamaaq katimarjuarninginni iqaluktuutsiarminniaqtunik Sitipiri 18, 2025 mi.
- Qanurli atausiinnauguni niruagaksaujuq ilitarijausimajuq?
Taimali, ilitarijaulaurlutik, atausinnaunniruni amiakkutuluuni, tainna niruaqtulirijingat maligarnik malilluni nalunaijainiaqpuq tamainnut angirutauninganik tamatuma niruarnaup ullungani niruarutinik aturiaqarajangittut.
- Qanuq uqausikkut titiraqsimajariaqappa titiqaqutikka tuninialirukkit?
Titiqaqutitit titiraqsimajut asingillu pitaqaqujaujut qallunatituungajunaqtut, Inuktitulunniit. Niruagaksauqataujut unikkaarunnaqtut arragutamaaq katimarjuarninginni aturlutik uqausirminik aturumajaminik: tusaajiqarniarmata.
- Qanuq titiqait uvannik pijjutiqaqtut qaujimajjutiksai tunijakka atuqtuaniaqpat?
Tamarmik ilissinnik nangminiq pijjutiqaqtut titiqait qaitaujut atuqtauniaqtut tamakkunungainnaq niruaqtulirinirmut turaangajunut aulattinirmut, tuquqtausimattiarniarmata niruaqtulirijimut, ammalu atuqtaujunnailititaulutik/tuquqtauttiarlutiglunniit maliglutik ITKkut atuaganginnik, kiuniarivuq niruaqtulirijngat tunisilaurluni kingullirmik unikkaaliaminik.
- Kinamulli uqarunnaqpunga apiqutiksaqaruma?
Angajuqaarmut Niruaqtulirijinut
Qaritaujakkut titiqaqtaarvinganut turaarutinganut uvunga: CRO.ITK2025@gmail.com