ᓂᕈᐊᒐᒃᓴᖖᒍᖅᑎᑦᓯᕙᓪᓕᐊᓂᕐᒥ ᐱᓕᕆᐊᖃᖅᐸᓪᓕᐊᓂᖅ ᐃᓄᐃᑦ ᑕᐱᕇᑦ ᑲᓇᑕᒥ ᐊᖏᔪᖅᑳᒥᒃ ᓂᕈᐊᖅᖠᓂᕐᒥ ᐃᓱᓕᓯᒪᓕᖅᑎᑕᐅᓚᐅᕐᐳᖅ ᐱᖓᑦᓯᕐᒥ, ᐅᒡᒍᑎ 18, 2021, 5-ᒧᐊᖅᑎᓪᓗᒍ ᐅᓐᓄᒃᓴᒃᑯᑦ. ᐊᑕᐅᓯᖅ ᓂᕈᐊᒐᒃᓴᖖᒍᖅᓯᒪᔪᖅ ᐱᔭᕇᖅᓯᓯᒪᓚᐅᕐᒪᑦ ᓂᕈᐊᒐᒃᓴᖖᒍᖅᑎᑕᐅᓂᕐᒧᑦ ᐃᓕᑕᕆᔭᐅᔾᔪᑎᑖᕐᓂᕐᒥ ᐱᓕᕆᓂᐅᓯᒪᔭᕆᐊᖃᖅᑐᓂᒃ.
ᒪᓕᒐᑎᒍᑦ ᐊᒻᒪᓗ ᒪᓕᒡᓗᒋᑦ ᐅᖃᖅᑕᐅᓯᒪᓂᖏᑦ ᐊᕕᒃᑐᖅᓯᒪᓂᖏᑦ 4-ᒥ ᐃᓄᐃᑦ ᑕᐱᕇᑦ ᑲᓇᑕᒥ (ITK) ᓂᕈᐊᖅᖠᓂᓕᕆᓂᕐᒥ ᐱᓇᓱᐊᕈᓯᐅᕙᒋᐊᓖᑦ ᐊᑐᓕᖅᑎᑕᐅᓯᒪᓕᓚᐅᖅᑐᑦ ᐃᓄᐃᑦ ᑕᐱᕇᒃᑯᑦ ᑲᓇᑕᒥ ᑲᑎᒪᔨᖏᓐᓂᑦ ᐅᒃᑐᐱᕆ 29, 2020-ᒥ, ᑖᓐᓇ ᓂᕈᐊᒐᒃᓴᖖᒍᖅᓯᒪᔪᖅ ᓂᕈᐊᖅᑕᐅᓯᒪᓂᖓ ᓇᓗᓇᐃᖅᑕᐅᓯᒪᓕᓚᐅᕐᒪᑦ ᐃᓕᔭᐅᓯᒪᓕᕐᓂᕐᒥᒍᑦ:
ᓇᐃᑖᓐ ᐆᐱᑦ
ᒪᓕᒡᓗᒋᑦ ᐃᓄᐃᑦ ᑕᐱᕇᑦ ᑲᓇᑕᒥ (ITK) ᒪᓕᒐᕋᓛᖁᑎᖏᓂ ᓈᓴᐅᑎᖓ 2-ᒥ ᐅᖃᖅᑕᐅᓯᒪᓂᖏᑦ, ᐊᑐᓕᖅᑎᑕᐅᓯᒪᓕᓚᐅᖅᑐᑦ ᐅᒃᑐᐱᕆ 29, 2020-ᒥ, ᐊᖏᔪᖅᑳᖅ ᐃᓂᖃᖅᑎᑕᐅᓯᒪᕙᓐᓂᐊᕐᒪᑦ ᐅᑭᐅᓄᑦ ᓯᑕᒪᓄᑦ (4).
ᐃᓄᐃᑦ ᑕᐱᕇᑦ ᑲᓇᑕᒥ (ITK) ᐅᑭᐅᑕᒫᑦ ᑲᑎᒪᕕᒡᔪᐊᕐᓂᖃᕐᓂᐊᖅᑐᑦ ᓯᑦᑎᐱᕆ 29-ᒥᑦ 30-ᒧᑦ, 2021-ᒥ, ᐊᖅᓴᕐᓃᑦ ᓯᓂᒃᑕᕐᕕᖓᓂ ᐊᒻᒪᓗ ᑲᑎᒪᕕᒡᔪᐊᕐᕕᒻᒥ ᐃᖃᓗᐃᑦ, ᓄᓇᕗᒻᒥ, ᒪᓕᒃᑎᑕᐅᓯᒪᓗᑎᒃ ᑭᒃᑯᑐᐃᓐᓇᐃᑦ ᐋᓐᓂᐊᖃᕐᓇᖖᒋᑦᑐᓕᕆᔨᒃᑯᑦ ᒪᓕᒃᑕᐅᒋᐊᓕᖁᑎᖏᓂᒃ.
ᐃᓄᐃᑦ ᑕᐱᕇᑦ ᑲᓇᑕᒥ ᑐᓴᒐᒃᓴᓕᕆᓂᖏᑦ
613-292-4482; media@itk.ca