ᑲᓇᑕᒥ ᐃᓱᒪᑕᒻᒪᕆᒃ ᕉᔅᐋᓐ ᐋᕐᓯᐹᓪᑦ ᐃᖅᑭᓖᑦ ᑲᑐᔾᔨᖃᑎᒌᖏᓐᓂᑦ, ᐊᖏᔪᖅᑳᕆᔭᐅᔪᖅ ᓇᐃᑖᓐ ᐆᐱᑦ ᐃᓄᐃᑦ ᑕᐱᕇᑦ ᑲᓇᑕᒥ ᐊᒻᒪᓗ ᐊᖏᔪᖅᑳᕆᔭᔪᖅ ᑳᓯᑎ ᑭᐊᕋᓐ ᐊᓪᓚᖓᔪᑦ ᑲᓇᑕᒥ ᑲᑎᒪᔨᖏᓐᓄᑦ, ᐃᓚᒋᓪᓗᒍ ᓂᖅᑐᕐᓇᕐᑐᖅ ᒥᐊᕆ ᓴᐃᒪᓐ, ᑭᖕ ᑭᒡᒐᖅᑐᖅᑎᖓ ᑲᓇᑕᒥ, ᑲᑎᖖᒐᖃᑎᖃᕈᓐᓇᓚᐅᕐᒪᔾᔪᒃ ᐊᖓᔪᖅᑳᕐᔪᐊᖅ ᑭᖕ ᓵᕈᓪᔅ III ᑭᖕ ᐊᖏᕐᕋᖓᓂ ᐸᑭᖕᕼᐊᒻ ᐸᐃᓚᔅᒥ ᐅᓪᓛᖅ.
ᐃᓄᐃᑦ ᑕᐱᕇᑦ ᑲᓇᑕᒥ ᑎᒥᖁᑎᒋᔭᖓᓂ, ᑲᔪᓯᑎᑦᑎᓯᒪᕗᒍᑦ ᐃᑲᔪᖅᑐᐃᓯᒪᓂᑦᑎᓐᓂᒃ ᑭᒡᓕᓯᓂᐊᖅᑎᒃᑯᑦ ᑎᓕᐅᕆᔾᔪᑎᒋᓯᒪᔭᖏᓐᓂᒃ ᐱᓕᕆᐊᖑᓕᖁᓪᓗᒋᑦ, ᐱᓗᐊᖅᑐᒥᒃ ᑕᐃᒃᑯᓇᖖᒐᑦ ᐅᒃᐱᕐᓂᓕᕆᓂᕐᒥ ᐱᓕᕆᐊᖃᖃᑎᒌᒃᑎᐅᔪᑦ ᑎᓕᐅᕆᔾᔪᑎᒋᓯᒪᔭᖏᓐᓂᒃ ᐱᓕᕆᐊᖑᓯᒪᓕᖁᓪᓗᒋᑦ.
2023-ᒥ ᒐᕙᒪᑐᖃᒃᑯᑦ ᑮᓇᐅᔭᑦ ᐊᑐᖅᑕᐅᓂᒃᓴᖏᓐᓄᑦ ᓴᖅᑭᑎᓯᒪᔭᖏᑦ ᒫᔾᔨ 28-ᒥ ᐱᑕᖃᖅᑎᑦᑎᓯᒪᕗᑦ ᐃᓚᖓᓂᒃ ᑮᓇᐅᔭᖁᑎᒃᓴᕆᔭᐅᔭᕆᐊᖃᕐᓂᐊᖅᑐᓂᑦ ᓄᖑᑎᑕᐅᓯᒪᓕᖁᓪᓗᒍ ᐳᕙᒡᓗᖕᓂᕐᒥᒃ ᐋᓐᓂᐊᖃᓕᖅᐸᖕᓂᓕᕆᓂᕐᒧᑦ ᐃᓄᐃᑦ ᓄᓇᖓᓐᓂ.
ᐳᕙᒡᓗᓕᖃᑦᑕᕐᓂᕐᒥᒃ ᐋᓐᓂᐊᖃᓕᖅᐸᒃᑐᑦ ᑲᔪᓰᓐᓇᖅᓯᒪᓂᖓᑦ ᐅᒡᒍᐊᕐᓇᕋᓗᐊᕐᐳᖅ ᐊᒻᒪᓗ ᑕᐃᒪᐃᑦᓴᕆᐊᖃᖖᒋᒃᑲᓗᐊᖅᓱᓂ ᓱᓕ ᑕᐃᒪᓐᓇᐃᓐᓂᖓᑕ ᐃᓄᐃᑦ ᓄᓇᖓᓐᓂ
ᐅᓂᒃᑳᓕᐊᖑᓯᒪᔪᑦ ᐋᖅᑭᒃᓱᐃᖃᑎᒌᒃᖢᑎᒃ ᐃᓄᐃᑦ ᑕᐱᕇᑦ ᑲᓇᑕᒥ, ᐃᓄᐃᑦ ᐱᓕᕆᐊᖃᖃᑎᒌᑦ ᐊᒻᒪᓗ ᒐᕙᒪᑐᖃᒃᑯᑦ ᖃᐅᔨᔭᐅᓯᒪᓕᓚᐅᕐᒪᑕ ᖃᓄᐃᖖᒋᑦᓯᐊᖅᑎᑕᐅᓂᐊᕈᑎᒃ ᐃᓕᓐᓂᐊᖅᑐᐃᑦ ᐃᓄᐃᑦ ᓄᓇᖓᓐᓂᕐᒥᐅᑦ ᐃᑲᔪᖅᑕᐅᓯᒪᓕᕈᓐᓇᕐᓂᖏᑕ ᐃᓕᓴᕖᑦ ᓂᕆᑎᑦᑎᖃᑦᑕᕐᓂᖏᓂᑦ ᐱᓕᕆᐊᒃᑯᑦ.ᒥᒃᓯᖃᑦᓯᐊᖅᑐᑎᒍᑦ ᐃᑲᔪᖅᑎᒌᒃᖢᑎᒃ ᐱᓕᕆᓂᖃᕐᓂᐅᔪᑎᒍᑦ.
ᑲᓇᑕᒥ ᒪᓕᒐᓕᐅᕐᕕᒡᔪᐊᖓᑦ ᑲᔪᓯᑎᑦᑎᓚᐅᖅᓯᒪᒻᒪᑕ ᔫᓇᐃᑎᑦ ᓃᓴᒃᑯᑦ ᓇᓗᓇᐃᖅᓯᔾᔪᑎᖏᓂᒃ ᐱᔪᓐᓇᐅᑎᖃᕐᓂᖏᑕ ᓄᓇᖃᖅᑳᖅᓯᒪᔪᐃᑦ ᒪᓕᒐᖁᑎᖓᓐᓂᒃ 2021-ᒥ. ᐃᓗᐃᒃᑲᐅᑎᓪᓗᒋᑦ ᐊᒻᒪᓗ ᐊᑐᕐᓂᖃᖅᑐᑎᒍᑦ ᐊᑐᓕᖅᑎᑕᐅᓯᒪᓂᖏᑕ ᐱᔪᓐᓇᐅᑎᖃᕐᓂᖏᓐᓄᑦ ᓇᓗᓇᐃᖅᑕᐅᓯᒪᓕᓚᐅᖅᑐᑦ ᔫᓇᐃᑎᑦ ᓃᓴᒃᑯᑦ ᓇᓗᓇᐃᖅᓯᔾᔪᑎᖏᓐᓂ ᓱᓕ ᐃᖏᕐᕋᓕᖅᑎᑦᑎᔾᔪᑎᐅᔭᕆᐊᖃᖅᐳᑦ ᐃᓱᓕᑎᑦᑎᓯᒪᓕᕐᓂᐊᕐᓂᕐᒥ ᐊᒻᒪᓗ ᑭᒃᑯᑐᐃᓐᓇᐃᑦ ᐱᔪᓐᓇᐅᑎᖃᕐᓂᖏᓂᒃ ᓯᖁᒥᑦᑎᓯᒪᓕᖃᑦᑕᖁᔨᖖᒋᓐᓂᕐᓂ ᐃᓄᖕᓄᑦ ᐊᑐᖅᑕᐅᓯᒪᓕᖅᐸᒃᑐᓂᑦ.
ᐃᓄᐃᑦ ᑕᐱᕇᑦ ᑲᓇᑕᒥ (ITK) ᖁᕕᐊᓱᒃᑐᑦ ᒪᓕᒐᓕᐅᕐᕕᕐᔪᐊᖅ ᖄᖏᖅᑎᑦᑎᓯᒪᓕᕐᒪᑦ ᓯᓚᕐᔪᐊᕐᒥᐅᓕᒫᓄᑦ ᓱᓕᓂᕋᕈᑦ ᐱᔪᓐᓇᐅᑎᖏᓐᓄᑦ ᓄᓇᖃᖅᑳᖅᓯᒪᔪᑦ ᐃᓄᐃᑦ ᒪᓕᒐᖓ 2021−ᒥ (UNDRIP) ᐊᒻᒪᓗ ᕿᒥᕐᕈᐃᓐᓇᖅᖢᑎᒃ ᐊᑕᖐᔪᒥᒃ ᐊᑑᑎᖃᑦᑎᐊᖅᑐᒥᒡᓗ ᐊᑐᓕᖅᑎᑕᐅᓂᖏᑦ ᐱᔪᓐᓇᐅᑏᑦ ᓇᓗᓇᐃᖅᑕᐅᓯᒪᓪᓗᑎᒡᓗ ᓯᓚᕐᔪᐊᕐᒥᐅᓕᒫᓄᑦ ᓱᓕᕆᕋᕈᑎᖓ ᐱᕕᔾᔪᐊᖑᓂᖓ ᐃᓱᓕᑦᑎᑦᑎᓂᕐᒧᑦ ᐊᒻᒪᓗ ᓄᖅᑲᖅᑎᑦᑎᓂᖅ ᐃᓄᐃᑦ ᐱᔪᓐᓇᐅᑎᖏᓐᓂᒃ ᓯᖁᒥᑦᑎᓂᐅᔪᓂᒃ ᐊᑐᖅᑕᐅᓯᒪᔪᓂᒃ ᐃᓄᖁᑎᑦᑎᓐᓄᑦ.
ᐃᓄᐃᑦ ᓇᓗᓇᐃᔭᐃᓯᒪᕗᑦ ᐃᒪᕕᖕᒥ ᒪᓕᒐᖁᑎᓂᒃ ᓯᕗᓪᓕᐅᑎᔭᐅᖁᔭᐅᔪᓂᒃ ᐃᓄᐃᑦ ᓄᓇᖓᓐᓂ
ᐃᓗᓕᖃᖅᑐᖅ ᐊᖅᑯᑕᐅᔪᒃᓴᕐᒥᑦ ᑎᑭᐅᑎᒍᓐᓇᖁᓪᓗᑕ ᐱᐅᓂᖅᓴᓄᑦ, ᐊᑐᖅᑕᐅᓕᒪᙱᓂᖅᓴᓄᑦ, ᐊᖕᒪᓗ ᓇᒻᒥᓂᖅᓱᕈᒪᓂᕐᒧᓪᓗ ᓴᖅᑭᖅᑎᑕᐅᒍᒪᔪᓂᑦ ᐊᑕᖏᓕᒫᕐᓗᒍ ᐃᒡᓗᕐᔪᐊᓕᕆᓂᕐᒥ
ᐅᑭᐅᖅᑕᒫᑦ, ᐃᓚᒋᔭᐅᖃᑕᐅᔪᑦ ᐅᑭᐅᖅᑕᖅᑐᒥᒃ ᑐᑭᓯᓂᐊᖃᑎᒌᒃᑯᑦ ᐃᓄᐃᑦ ᖃᐅᔨᓴᐃᓂᕐᒥ ᐊᐅᓚᑦᓯᔨᐅᔪᑦ ᑲᑎᒪᔨᕋᓛᖏᑦ ᐃᓕᑕᖅᓯᓯᒪᕙᒻᒪᑕ ᐃᓅᓪᓗᓂ ᓂᕈᐊᒐᒃᓴᖖᒍᖅᑎᑕᐅᓯᒪᔪᓂᑦ ᒥᒃᓯᖃᑦᑎᐊᖅᑐᑎᒍᑦ ᐃᓄᖕᓂᒃ ᐃᓚᐅᖃᑕᐅᑎᑦᑎᓯᒪᓂᖓᓄᑦ ᐅᑭᐅᖅᑕᖅᑐᒥ ᖃᐅᔨᓴᐃᓂᐅᔪᓄᑦ. ᑕᕝᕙᓂ ᐅᑭᐅᒥ ᐃᓕᑕᕆᔭᐅᔾᔪᑎᑦ ᑐᓂᔭᐅᓚᐅᖅᐳᑦ ᔩᓐ ᐋᓚᓐᒧᑦ ᐃᖃᓗᖕᓂᕐᒥᐅᑕᒧᑦ.
ᐃᓚᒋᔭᐅᖃᑕᐅᔪᐃᑦ ᐃᓄᐃᑦ-ᑲᓇᑕᒥ ᒐᕙᒪᒃᑯᓪᓗ ᐱᓕᕆᖃᑎᒌᖕᓂᖏᓐᓄᑦ ᑲᑎᒪᔨᕋᓛᖏᑦ (ICPC) ᑲᑎᒪᖃᑎᒌᓚᐅᖅᐳᑦ ᐋᑐᕙᒥ ᐃᒃᐸᒃᓴᖅ ᐱᓕᕆᐊᕆᔭᑎᒃ ᓯᕗᒻᒧᒋᐊᖅᑎᑕᐅᓯᒪᓕᖁᓪᓗᒋᑦ ᓴᐃᒻᒪᖃᑎᒌᖕᓂᓕᕆᓂᕐᒧᑦ ᐊᒻᒪᓗ ᐱᑕᖃᓕᖅᑎᑦᑎᓯᒪᓇᔭᕐᓂᕐᒧᑦ ᐊᒃᖢᐃᓐᓂᖅᓴᐅᓕᕈᑎᒃᓴᖏᑕ ᐃᓄᐃᑦ ᓄᓇᖓᓂᕐᒥᐅᑦ ᒥᒃᓯᖃᑦᓯᐊᖅᑐᑎᒍᑦ ᐃᑲᔪᖅᑎᒌᒃᖢᑎᒃ ᐱᓕᕆᓂᖃᕐᓂᐅᔪᑎᒍᑦ.
ᐃᓄᐃᑦ ᑕᐱᕇᑦ ᑲᓇᑕᒥ ᑲᑎᒪᔨᖏᑦ ᑲᑎᒪᓂᖃᖅᓱᑎᒃ, ᐅᖃᓪᓚᐅᓯᖃᓚᐅᕐᑐᑦ ᖃᓄᖅ ᒐᕙᒪᑐᖃᒃᑯᑦ ᐊᔾᔨᒌᖖᒋᑦᑑᓂᐅᔪᓄᑦ ᑐᖖᒐᕝᕕᖃᖅᖢᑎᒃ ᓄᓇᖃᖅᑳᖅᓯᒪᔪᑦ ᐋᓐᓂᐊᖅᓯᐊᖅᑎᓕᕆᓂᕐᒧᑦ ᒪᓕᒐᖁᑎᖏᑦ ᓯᕗᒻᒧᒋᐊᖅᑎᑕᐅᔪᓐᓇᕐᒪᖔᑕ
